بسم الله الرحمن الرحيم ,
السلام عليكم ورحمة الله وبركآته ,
كل عآم وأنتم بـ خير , والله يتقبّل من الجميع صآلح الأعمآل ,
أخيراً تفرّغت لـ رفع الصور , وأبشرّكم رفعتهن صح .
67 صوره , يعني للرآيقين فقط , عندي صور أكثر , لكن أحسّ إنكم بـ تملّون ,
حآولت إختيآر الأفضل .

--

قبل المبآراة بـ 3 سآعات , نزلنآ للإستقبآل , وقلنآ له نبي نروح للملعب الحين ~> نظآم ملعب الملك فهد ,
قآل بدري ! تو النآس , حنّآ مآ نروح إلا قبل المبآراة بـ سآعه
وقآل بعدين هالفريق اللي تبي تروح له مآ يستآهل , قلت لا حدّك هنآ عآد إلا الإنتر , وجآ خويّه الثآني اللي بالإستقبآل " إنترآوي " وعزز لي , قآل لا يهمّك لا تسمع له , قلت كفو
وسآلته وش تشجّع يوم إنّك تقول عن الإنتر كذآ ؟
قآل أشجّع الأفضل , قلت له أجل إنترآوي
وضحكنآ ومشينآ , طلع الرجآل يشجّع الجآنب المُظلم من ميلآنو ~> القلب لـ ميلآنو موب للجآر
وأنآ تعهّدت إني أبصور كل شي إلا الكنآيس ومتجر النآدي الجآر ~> أخآف يزعلون علي جمهورهم , على عيني ورآسي يآ عيآل , لكن قدري إني أكره فريقكم ,



الزبدّه رحنآ للميترو , ومن محطتّنآ لـ المحطّه اللي عند الملعب ,
صحيح إنّه حصل تضييع شوي , لكن الإيطآليين فزعآت مآ قصروا ,
صح إن نفسيآتهم شينه , ومآ يبتسمون , لكنّهم فزعآت ,
وصلنآ على بركة الله لـ محطّه الميترو اللي عند الملعب ,
ورحنآ ندرعم مع الشعب , صح إنّهم قليلين اللي فيه , لكن نمشي مع اللي يمشون ,
وشفت مجموعه فرنسيين معهم أعلآم ليل , وسألتهم عن الملعب ومكآنه , قآلوا حنّآ زيكم مضيعين ,
وسألن السؤآل المُحرج , من تشجع ؟!
قلت والله يآ بعدي أنآ مشجّع لـ ليل ~> من خآف سلم ,
إستآنس الفرنسي , وقعد يتكلّم معي فرنسي , قلت مآ أفهم , منب فرنسي أنآ ,
وسأل بالإنجلش , ليش تجشّع ليل ؟
قلت والله هالسؤآل البآيخ بعد , حنّآ أبطآل الدوري ومعنّآ لاعبين كبآر مثل موسى سو وهآزارد وجو كول وتسأل ليش أشجع ليل ,
الولد إنبسط وإسفهل , وفرح أكثر يوم درى إنّي عربي وأشجعهم خخخخ .
المُهم , مشينآ للملعب , الجو خيآل والطريق حلو بعد ومسلي
بعض الصور بالطريق :















وهنّآ ألقيت أول نظره على الطبيعه للميآدزا





عآد عندهم أنوآع وأشكآل البوفيهآت , موب كروسآن وشآهي !

وهذي وحنّآ ننتظرهم يفتحون شبّآك التذآكر ,
عآد فيه سآلفه لازم أقوله , كنت وآقف أنتظر وأصوّر ,
وجآ إيطالي إنترآوي يسألني عن التذآكر , قلت مآ أدري , علمي علمك يالطيب ,
وبعدين فليتهآ سوآلف معاه , هو كبير ويشتغل بـ ألمآنيا , جآي بالسيارة لـ إيطآليا عشآن يحضر المتش , هو وخويّه ,
سألني من وين , قلت لو أقوله السعوديه يبي يخنبق ولا يدري وين هي ,
قلت من دبي , عآد تعرفون , ردّة فعله , بترول
قلت أفآ عليك ,
ويوم قلت له أهم سبب زيآرتي لـ إيطآليا حضور مبآراة الإنتر فرح وضحك
وتنآقشنآ عن وضع الإنتر ,
وقآل رآيه إنّ كبر سن الفريق هو سبب تدهور الفريق ,
وقآل مثل مآ نشجع الإنتر بالفوز لازم نسآنده ونآقف معه بالخسآره
سألني من هو نجمك , قلت مآ يحتآج , الكآبيتآنو و ويسلي
قآل أحس إن ويسلي هذآ آخر موسم مع الفريق ,
قلت الله لا يسمع منك ,
والرجل خدوم , يوم تفرقنآ وشريت التذآكر ورحت ,
جآ يدورني عشآن يسآعدني أفهم وين مكآني ,

--
طريقة التذآكر عندهم , لآزم جوآز السفر , عشآن كذآ يقدرون يمنعون المشجعين المشآغبين من الحضور .

--
صور خآرج الملعب :





وهذي صوره خآصّه لـ عيون أعضآء رآبطتنآ عشآق النجم نآجاتومو







هذي جريدة " مجآنيه " خآصة بالمبآراة , تتكلم عن وضع الفريقين والتشكيله وهلّم جرآ ,









وهذآ متجر رسمي دآخل الملعب للفريق .

وهذي الصور أول مآدخلت للمدرجآت :










وهذي موزعينهآ بـ كل الكرآسي ,













هذي بوفيهآت دآخل الملعب .





يآ لبّى جمهورنآ .





لآ أحد يفهم هاللآفته غلط , هذولآ جمآهير جآيين من مدينه نوفآرا .





عآد هذولآ ربعي , صآدفتهم بـ جنبي بالملعب , وفليتهآ سوآلف معهم ,
أول شي حسبتهم يآبانيين وجآيين عشآن السبيكه نآجاتومو , لكن طلع توقعي من جنبهآ
اللي يمين تآيوآني , واللي يسآر من هونج كونج
وجآيين سيآحه ولـ عيون الإنتر , يعني زي وضعي
خآصه اللي من هونج كونج , إنترآوي صميم , أمآ التآيوآني جآي تسليك مع خويه ,
ولا مآ يدري وين الله حآطّه

صور لـ نزول اللآعبين للتسخين :







زآراتي ,








و وقت التمرين مشغلّين ع الشآشه أهدآف الإنتر بـ دوري الأبطآل , نسخ قديمه
قلبّوا الموآجع ريكوبآ وفيرون والإمبرآطور , وفآندميده
والبرينشبي الحقيقي 2010 .



أمّآ الترآس الإنتر , خيآآآآل , تشجيع طوآل المبآراة ,
مسوين رعب للخصم , صوت وآحد إيينتر إيينتر

نزول اللآعبين , ولقطآت للشوط الأول :







هذي عشآن أثبت لكم إني مشجع لـ ليل , لقطّه لـ هآزارد



للكبآر فقط



إصآبه زآرتي بأول الشوط



جمهورنآ



حآولت ألقط الشآيب ,



عآد هذآ المشجع مهبوووول ,
يصآرخ بـ كل كوره , أعصآبه تتلف مع أي هجمه ضدنآ ,
ميليتو رفع ضغطه بالمبآراة ,
حتّى لو اللآعب سلّم الكوره صح , يبيه يسلّمه بـ طريقه أفضل
صرآخ طول المبآراة , كنتروووووول ميييلييتو !!
أكثر اللآعبين اللي رفعوا ضغطه , ستآنكو وميليتو ولوسيو
وإذآ جت الهجمه علينآ ينزّل رآسه ولا يقدر يشوف !
متأكد إن الضغط والسكر مصيره












هذآ الكورنر , وفرحه الهدف ,

--

هذآ الشوط الثآني , ويوم جآ كآستي عندنآ :



الهدف الثآني صورته فيديو من بدآيته , حدسي الكروي هو اللي خلآني أصوّر
هذي فرحة الجمهور :











هذآ الفآول اللي صدّه كآستي



الكآبيتآنو



مآ أمدآني أصورهآ إلا جآبوا هدف



هذي الصوره لي ولـ محبّين الخآل

آخر اللحظآت :











قضينآ

تجربة مميزه , إستمتعت بـ كل لحظة بالملعب ,
شكراً للجميع .
وأي إستفسآرات , أنآ حآضر .

..

السلام عليكم

لآهنت يا عبدالله عالتقرير و الصور و آهم شي انك تذكرتنا بصورة يوتو هههههههه

إقتباس ويآمل بالتواجد أمام كالياري يوم 19 نوفمبر ,

إن شاء الله يرجع لنا بأسرع وقت .. لآعب ننتظره معنا يقدم الإضافة ،
و كذلك عودة جوليوني مع ان لوكا موب مقصر ،

إقتباس دي بوير : كريستيان إيريكسن من الممكن أن يكون شنايدر جديد .

يقولون لآعب كويس و فيه اندية كثيرة ودها توقع معه و اقربها ميلان ،

لآهنتوا ياشباب ..