الانتر شكله رجع الى انتر ماقبل 2005 انتر سئ للغايه لاعيبه عاهات ستانكوفتش ناغتومو تشيفو كمابيسو لوسيو ..! فوق هذا كله كبار في السن الانتر اذا ارد العوده يجب جلب اقل شي خمس الى سته لاعيبه الموسم القادم والاستغناء عن العاهات الموجوده في الفريق الحين..! اما في انتقالات الشتاء استحاله يجيب موراتي لاعب عليه القيمه..! الا اذا كان يبي يجيب لاعب مثل حسين خرجه وناغتومو..! لاتتعبو انفسكم للامانه الفريق رايح فيها ان حققنا المركز الرابع او الخامس انجاز كبير.
السلام عليكم ,
ابارك لليوفي ولناصر وسميي فيصل والباقين
هاردلك تعودنا عليها ,
لاجديد في الانتر يذكر ,
تصميم خرافي ما احد انتبه له ,
مورينهو ,
وين الفريق الي كان يفوز بنتائج نفوز على البرشا رايح جاي ,
يارب ينعاد الزمان واشوفك ,
ماعندي كلام اقوله ,
الا ,
اشكروهم ,
قدموا مستوى ممتاز ,
رانييري قهرني يوم يطلع زاراتي في بدايه الشوط الثاني ودخل كاستينوس الي ماسبب ولا خطوره ,
يارب نتدارك ,
كان همي في المباراه هو تدارك الاخطاء لكنها تزود ! ,
يعطيكم العافيه ,
و كما كنـّـا متوقعين ,,,} إنتصر الفريق " الشاب المستجد المتصدر القوي " و خسر الفريق " العجوز و المتهالك و الضعيف "
. .
مشجعي الإنتر ,,,} تابعوا اللقاء بـ عاطفه و توقعوا أن فريقهم سـ يعود من جديد و سـ يهزم المتصدر و من ثم يبدأ في العودهـ للصدارهـ و و و و إلى آخر الاحلام الورديه . غير مشجعي الإنتر ,,,} خصوصاً ممن يتابعون الدوري الأيطالي , تابعوا المباراة وهم يعرفون أن الفرق شاسع بين الفريقين و الأفضلية " حالياً " حتميه لـ اليوفي بدون أدنى شك .
. .
دائماً ,, الشخص المتابع المحايد قريب من التوقع الصحيح لـ معرفته بـ مستوى أي فريق , لـ أنه يفكر بـ عقله والعاطفه لاتتدخل في آرائه و تحليلاته و نحن كـ مُحبيّ الإنتر لازلنا نعتقد أن فريقنا سـ ينافس على الدوري و سـ نتأهل لـ مراحل مُتقدمه في دوري الأبطال و سـ نحصد العديد من البطولات مع أننا نعلم أن الفريق لا يملك نصف أدوات النجاح و مع ذلك عاطفتنا جعلتنا نتأمّل و نتأمّل و نتأمّل و نتأمّل إلى أن تألّمنا من الواقع الحقيقي لـ فريقنا
. .
تحليل بسييييط جداً لـ مباراة البارحه :
الحراسة ,,,} كاستيلازي ما قصّر ولا أحمّله ما حدّث لـ أننا شاهدنا ما فعله قلبيّ الدفاع من كوارث كرويه جعلت الوصول لـ المرمى سهل جداً وكثر الدقّ يفكّ أبو اللحام .
الدفاع ,,,} رباعيّ الدفاع بـ إستثناء مايكون مفهّههين , قسم بـ الله كـ أنهم أوّول مرّهـ يلعبون كرة قدم , و في أحد اللقطات أصبح خط الدفاع وكـ أنه مؤشر أسهم !! مايكوووووون ,, لبـّـا راسه و ناقاتومو ما راح أعلّق عليه , لـ أن حرام يكون هـ اللاعب ظهير أساسي لـ فريق يطمح أن يكون بطل كل البطولات . بديت أشك إن ( تشيفو و لوسيو ) قادوا الفريق لـ الحصول على الخماسيّه !! لا تغطيه ولا إنضباط دفاعي و لا تركيز وفوق على ذلك ينسون مراكزهم !!!
و اكبر دليل ,, الهدف الاول !! مفروض اللي يخلص العرضيه تشيفو و يكون لوسيو مغطي المهاجم لكن ,, لا تشيفو خلّص الكورهـ ولا لوسيو غطّا المهاجم و جا القول !!
المحاور ,,,} الهدف الثاني لـ اليوفي يتحمّله المحور , اجل ماركيزيو يستلم الكورهـ و يمرر ون تو و يسدد ولا حوله أحد !! و كامبياسو ما ينلام ,, يغطي الجهه اليسرى اللي متواجد فيها " أوبي " كـ شكل و إلا يكون أمام المدافعين ..!؟
شوفوا أوبي !! وش يسوّوي ؟ مفروض يكون ضاغط على اللاعب اللي عليه دائرهـ و يكون كامبياسو في مكانه الصحيح " مكان ماركيزيو " لكن كلمة ( مفروض ) معاد تفييييد
شنايدر ,,,} ما أدري متى راح يخلّي حركاته الطفوليه ؟ مع إني أحسّ إنه متنرفز من وضع الفريق أكثر من التحكيم , ولا ألومه وقتها يمشي فـ النص لا أحد حوله يلعب معه باصات قصيرهـ او ون تو !! وكل ما مرر لـ أحد إستلمها ثم تنقطع و تقفل معه ,, وبعدها يبدأ يستنزل
الهجووم ,,,} باتزيني و زاراتي والله ما قصّروا باتزيني يلعب بحاله في الهجووم و كلاها ملح يوم طلع زاراتي ودخل كاستيناقوس اللي قام يخبز و يبرس
المدرب و التغييرات ,,,} الفاريز >>> شنايدر المفروض إن الفاريز يدخل بديل لـ ناقوتو , لـ أنك لازم تهاجم وتشرك أكثر من صانع لعب أو تدخل بداله مهاجم ثاني و جعل ألفاريز صانع لعب وحيييد يعتبر تدمير له و الفاريز في طريقه إلى الدمار الشامل , والله ما ينلام لو يخطي ألحين توّوهـ جاي من إصابة ولا تعوّود على أجواء ايطاليا وتقوم تلعّبه في مباراة مثل هذي و الفريق مهزوم و فـ الاخير ,, تطالبه إنه يسوّوي !! ( شي غيييير منطقي )
كاستيناقوس >>> زاراتي الكلام اللي قلته عن الفاريز ينطبق على كاستيناقوس ,, ما عطاهـ المدرب فرصه أبد ,, و يوم جت قمممة أيطاليا و الفريق مهزوز تلعّبه والله إني رحمت اللاعب يوم طاح أكثر من مرررهـ أصلاً إخراج زاراتي خطأ , لأنه لاعب متحرك و مسبب قلق و سريع و مهاري و داخل جو المباريات و يعرف يتعامل مع هالمباريات
ستانكوفتش >>> اوبي حسن أخو حسين ,, ذا داج في مركزهـ و ذا ما سوّا شي , وقام يبربس في الوسط والمفروض دخول ميليتو , لأنك مهزوم ولازم تهاجم و تسجل , والهزيمه وحدهـ سواءاً كانت بـ هدف أو بـ هدفين ,, لكن رانييري يحب يحافظ على الخسارهـ
رانييري ,,,} كبير في السن و درررب سنوات طويله ولا يعرف يتعامل أمام الفرق الصغيرهـ و لا الكبيرهـ !! تكفوون أقنعوني كيف يسمى مدرب ؟
. .
الكلام طوييييييل واللي في الخاطر واجد لكن سامحوني ع الإطاله و الخثرقه وأدري إني ثقلت عليكم و يمكن نصّكم ما يقرا كلامي , لكن شي فـ الخاطر وقلته .
مباراة ما شفت الا آخر عشر دقايق منها ورجعت شفت الاعادة اليوم يعني ما ادري الواحد ايش يقول
فريقنا قدم مستوى جيد بصراحة لكن كان ناقصه تسجيل بالمقابل بسبب الغيابات الدفاعية ووجود حمار
بالظهير الايسر اسمه ناغاتومو اليوفي استغلوا هالفرصة وقدروا يسجلوا أهداف ويضيعوا أهداف !!
كاستيلازي أنقذنا من تاريخية وعدم احتساب الحكم ضربة الجزاء لليوفي أيضاً ساعدتنا وما قصرت هالظروف
لكن اللي يقهرك تشيفو وناغاتومو وضعف أوبي بالتغطية الدفاعية كلها بجهة وحدة وهي اليسار , يعني نقطة
ضعف كبيييرة موجود لكل خصم ممكن يقدر يستغلها بسهولة وهذا عائد للإصابات غير غباء رانييري الكبير !
بكل مباراة يسحب لك أفضل لاعبين كل مباراة بمعنى الكلمة التبديلات معروفة ! زاراتي شنايدر آوت ويدخل
مهاجم صريح مكان زاراتي والفاريز او محور مكان ويسلي, والتبديل الثالث يخليه لأي ظرف طارئ لكن أمس
ما صار ظروف طارئة وأبدع بإخراج أوبي وإدخال ستانكو ! دامك مطلع وسط يساعد الهجوم دخل مهاجم !!
طبعاً اللي يسبب الخسارة ببساطة عدة ظروف والإنتـر مو النادي الخارق اللي بيقدر يفوز رغم الظروف !!
1- أخطاء مدرب مكررة كل مباراة !
2- لاعبين نكبات وضعف الجهة اليسار !
3- الإصابات وقلة الحظ !
هاردلك والله يعوّض علينا, قلتها اذا ضاعت نقاط اتلانتا واليوفي مو متحمس للفوز بالدوري
بـع ـــــــد ان هـــدأت النفسية .. الانتر آلآن يبي قفزة من لآعيبة عالية .. مثل ما حصل بالانتقالات الصيفية 2009 .. جبنا 5 لآعبين سـوبـر من طلبات مورينهو ::
وحقننا انجاز عظيم .. حــآل آلآن يبيلها قفزة نوعية من الاعبين .. ع رانييري يطلب 5 لآعبين سوبر .. ومن رأأيي نجيب الـ 5 ســوبـر و الابرز هم :
بالدفاع :ارميرو او فاراغاس + كاهيل او مدافع اياكس
الوســط : كوتكشا + مونتليفيو
الهجوم : تيفيز
والفارق بيننا وبين المتصدر 11 نقطة . والله ماهي كثيرة .. ونابولي بالاسبوع الجاي بيأكلهم 3 وتصبح 9
![¤¤ ][.. رابطـة عـٌشاق الإنتـر 2011-2012 ..][.. Campioni D'Mondo ..][](iconimages/t1032576_rtl.gif)
114Likes
و موب مستغرب 
؟
الوضع العادي
