¤¤ ][.. رابطـة عـٌشاق الإنتـر 2011-2012 ..][.. Campioni D'Mondo ..][ - صفحة رقم 274 - نادي الهلال السعودي - شبكة الزعيم

MrMlok · #1 15/09/2011, 01:30 PM

الله ياخذك من مدرب جعل دربك مثل درب المصري

قسم بالله شوي وا اصيح

من اول ما شجعت الانتر ما عمر صار للانتر مثل كذا غير العام وكل سنة من اسوا الى اسوا

وش الوضع رجعو مورينهو - مانشيني

الله ياخذك من مدرب خليتني اكره الانتر وانا ما ودي اكره الانتر يا سباك

Lover Inter 9 · #2 15/09/2011, 01:47 PM

ياعيال السباك

تراه بينتيز احسن منه على الاقل كنا نفوز ..

الحين طرابزون يفوز علينا

بالتوفيق

((king.hz )) · #3 15/09/2011, 02:08 PM

وأخيييييييييييييراً فتح الموقع

بدايةً هاردلك الخساره المره الغير متوقعة والغريبة وطبيعي أي خسارة تلقى لها اسباب. ما بيخسر فريق كذا بصراااااحه انا اشوووفكم طابين عالمدرب وانا معكم بعد

بس انا اشووف انه مو لوحده يتحمل الخساره الااعبين بعد يتحملون الخساره يعني بصراحه مافي حماس ولا شي وهذا اتوقع انه بسبب مباراة باليرمو اللي كان سببها المدرب لكن في مباراة امس كانت التشكيلة حلوه غير ان اوبي خربها وغلط المدرب باشراك اوبي من بداية المباراه والغلط الاكبر تطليعه لزاراتي

يعني ما ادري وش العقلية اللي يفكر فيها يطلع مهاجم ويدخل وسط وفريقه مهزووووم صراحه من بعد التغيير أيقنت انه من جد سباك

وماافي راسه تدريب بصراحه انا اشوف ان افضل لابين بالمباراه زاراتي وشنايدر وبينهم تفاهم كبير وخااصه زاراتي ادى مباراه حلوه وكان. يتحرك ويسحب وكلششش بس صراحه المدرب ذا مدري وش يبي لكن انا اقول للي يقولون اقيلوه وكذا لاتتحمسون

تونا في البداية والمشوار طويل والمدرب توه ما ينحكم عليه من مباراتين .. وبالتوفيق للانتر بمباراة روما وانا اتوقع مباراة روما بتكون حاسمه لانه لو يفوز الانتر بترجع للاعبين روحهم وبيتحمسون وبيرجعون بقوه لانهم فازو على نادي عظيم ..

شاكر لكم

Özil 10 · #4 15/09/2011, 02:49 PM

صور بدون حقوق وعالية الجودة

J o S e · #5 15/09/2011, 02:28 PM

السـلام عليكـم

اولاً هاردلك الخسارة الرابعة على ما أعتقد بالمباريات الرسمية مع جاسبريني والفوز بوحدة !
وثانيا اعتذر لغيابي الثلاث أيام الماضية لأسباب خاصة, كان ودي اكتب عن مباراة طرابزون
وكان ببالي حكي كثير عن الخطة وشوية ارقام عن جاسب, لكن الظروف ما سمحت

حكيكم كفى ووفى , كالعادة

ايش اللي؟

انا بحكي عن هالمباراة بس, الخطأ على جاسبريني بتنظيم الدفاع هو المصيبة امس ويكفي هدفهم
اما عن المهاجمين بصراحة الفريق ضيع فرص واهداف محققة وحتى مع سوء المستوى كان
ممكن نقدر نطلع بفوز لان ايش طربزون مدري طارزان ؟ ولا شي قدام الإنتـر ! ولا شيء !!
بس انه يلقطون ثلاث نقاط ومن المياتزا بتساهل من الاعبين وغباء تكتيكي من مدرب عيب

اما سيزار انا ما ادري ايش قصته منجد ! طول المباراة ما جته الا كم هجمة حتى ما نسميها هجمة
ومن اول فرصة حقيقة هدف , انا ما اقوله صدها او شي لكن سيزار الأول كان على الاقل ممكن
يعلي الكورة التسديدة الاولى ! يحاول يوصل للتسديدة الثانية على الاقل , ما اقول الا مستوى
غريب من الاعبين والمدرب, ودفاعنا اللي بالابطال مع مورينهو كان يٌحكى عنه كـ مثال
الحين من اسوء الدفاعات بـ أوروبا للأسف ..

بصراحة الواحد ما يعرف ايش يقول بالضبط لكن جاسبريني لو خسر ضد روما بتكون المصيبة الكبرى
هو عنده شي بس مو قادر يوصله صح للاعبين, والاعبين يضيعون فرص ومو قادرين يغطون اخطاء
المدرب, المقصود الفريق وضعه سيء من جميع النواحي ننتظر الحل من الادارة وإعادة تأهيل وشحن
نفسية الاعبين والجرينتا اللي بدأت تختفي من الفريق

هاردلك ,

Prince Hearts · #6 15/09/2011, 02:41 PM

رابطة جميلة ورائعة ومتميزة ، بالتوفيق للأنتر وللاعضاء بالتغطية

الكاسر ياسـر · #7 15/09/2011, 03:17 PM

منذ عام 2000 الانتر لم يخسر أول 3 مباريات في الموسم !!

intermilan.ae - الانتر يمر بمرحلة حرجة. فبعد الخسارة من طرابزون سبور الانتر يفتتح موسمه الكروي بـ ثلاث خسائر متتالية. حيث كانت أولى الخسائر أمام الميلان في كأس السوبر. السؤال المطروح منذ كم عام لم يبدأ الانتر بهذه البداية السيئة جداً!

بالعودة 90 عاماً الى الوراء وتحديدا في الموسم 1921/1922 كانت أسوء بداية للانتر في الموسم عندما خسر الانتر أول خمس مباريات. ليس ذلك فقط فالمرة السابقة التي خسر الانتر فيها أول 3 مباريات في الموسم كان في عام 2000 عندما خسر الانتر أمام اودينيزي, لاتسيو و يوفنتوس.

هل يتجاوز الانتر مسلسل الخسائر أمام روما أم أن لـ جاسبريني و اللاعبين رأي آخر؟

آآآآآآآهـ منكم بسس .. شوهتو تاريخ الانتر

,,

للآمــآآنـــه منقول من منتديات الانتر

DhAari · #8 15/09/2011, 03:42 PM

جــآكم الفرج ي عيــآل اخـر مبــآرآة لـه مبـآرآة رومـآ

أبونادين · #9 15/09/2011, 05:04 PM

^^^^^^^^^^^^^^^^^^^^^^^^^^^^^^^
نقول إن شاء الله بس اتوقع بيسوي شيء السباك في مباراة روما

Lover Sami · #10 15/09/2011, 05:21 PM

السلام عليكم

خسرة مخجلة بسبب خطأ فريق و حارس ! المدرب عنده اخطائه لكن تستمر نفس
الملاحظات اللي بالمباراة السابقة هفوات فردية + تضييع فرص من المهاجمين !

عموماً هي بدايات فقط .. و القادم اتمنى ان يكون إنتراوياً جميلاً

أبونادين · #11 15/09/2011, 05:10 PM

خبر

فنخال حر وإنتر يفكر في جلبة
المصدر

أبونادين · #12 15/09/2011, 05:25 PM

^^^^^^^^^^^^^^^
نقول إن شاء الله

الكاسر ياسـر · #13 15/09/2011, 05:43 PM

:: لــويـــس فــآن غـــآل ::

صدقوني هوآ الوحيــد الي يستطيع ان ينشط الانتر ,,

حــمــآآســي وهــجــومــي ومنظبط دفـــآآعـــي ,,

افضل من جاسبريني و ديليو روسي كذلك ,,

فهوآ خبرهـ محليه واوروبــيــاً .. مدرب ناضج

فان غال افضل المتاحين حاليــاً ,,

S c e r i f f o _ I t a l i a · #14 15/09/2011, 05:54 PM

الفريق بدون روح وتكتيك ضعيف نوعا ما

بس يا عيال ماله داعي الاسماء ذي .... السباك ومدري وشو

هذي حيلة العاجز .. ما اذكر احد يسمي هالاسماء الا النصراويين .. كل ما يجيهم مدرب ويفشل سموه السباكـ

كبروا عقولكم شوي ..

ولو اني زعل عل الجمهور .. والله ضاق صدري يوم شفت الملعب شبه فاضي .. عذرت اللاعبين بشكل بسيييط ..

اذا انت فريق جماهيري ومتعود تلعب قدام اقل شيء بالمباراة 30 الف .. اقل شيء ,, وفجأه تدخل المباراة والملعب شبه فاضي

بإفتتاحية الابطال .. تبرر الارتخاء والبرود اللي باللاعبين ..

لكن

تكتيك جاسبريني ولو انه ضعيف شوي بس الرجل ما قصر وبيتطور بإذن الله

والله واضح انه متحمس ..

الصدق قمة الفشل اذا تقيله من الجوله الثالثه .. وش خليت للفرق الصغيره ..

اما بخصوص بينيز فلا تعليق .. ما قلت لكم انكم نفس النصراويين ..

كان عندهم مدرب اسمه داسلفا ويسبونه ليل نهار ويسمونه السباكـ ويوم راح وجاء زنقا صار السباك زنقا والداهيه داسلفا ويوم راح

زنقا صار داهيه وعل هالحال .. ما يدرون ان البلا بهم ..

شكرا ..

muttahm · #15 15/09/2011, 06:59 PM

^^^^^^^^^^^^^^^^^^^^^

صحيح كلامك 100%

موراتي هو الملام والمسؤول الاول

جاسبيريني رغم انه ما يعرف يطبق 5-3-2 بالشكل الصحيح

الا انه متوهق بلاعبين منتهين ومستهلكين وعواجيز مثل ميليتو ولوسيو وصامويل وكامبياسو وستانكوفيتش ,
ولاعبين مطرودين من انديتهم مثل فوورلان وزاراتي ( لو فيه خير ما عافه الطير) ,
ولاعبين جيدين لكن مستواهم ما يأهلهم يلعبون في الانتر مثل جوناثان وناجاتومو والفاريز واوبي

اللي قاعد يصير للانتر حاليا شئ طبيعي جدااااااا نظرا للاعبين والاسماء الموجوده

يعني بالعربي لو تغير مدربين وادارات راح يظل الوضع نفسه