أتمنى التثبيت للفـائده يامشرفين ..

يعطيكم العافيه على المرور

مشكلني حبك يانواف .. شكراً على مرورك ، ومثل ماقلت الأمير عبدالرحمن بن مساعد خلوق ويتحمل الجماهير كثير .. وعشان كذا أنا أقول ( اذا صار صاحبك عسل لاتلحسه كله ) يعني كل شيء نتدخل فيه مايصلح !! .. يعني تخيل معاي لدرجة ان بعض الأعضاء يقول أطلع من التويتر .. واكثر من مره شفت عضو يقول هالكلام ، وذا الي خلاني أكتب الموضوع .

:
هدي اعصابك شوي
صفحة الامير في تويتر ليست شأنا خاصا به اذا بدأ يتحدث فيها عن الزعيم . الذي هو ملك لجماهيره ..
فعندما نجده في صفحته بتويتر يقول للجمهور ( ماذا تريدون الموسم القادم .. ووش راح تسوون لو انكم رئيس للهلال ) ومن هالاسئله التي لا تسمن ولا تغني من جوع .. ويترك المفاوضات والتعاقدات هذا اسمه ( تصرف غير حكيم )
فبدون أسئله ولا تويتر جماهير الهلال طلباتها واضحه والهلال احتياجاته واضحه . وكان الاولى والاجدر به ان يوفر هذه الطلبات .. ويترك ( طق الحنك بتويتر ) . مثل ما تفعله الانديه الاخرى

اما انك تقول بأن هذه صفحه شخصيه ما للجماهير علاقه بها .. فأوافقك الرأي ان كان يتحدث في هذه الصفحه عن حياته الشخصيه وشعره فقط . ولا يتكلم عن تعاقدات الهلال

شكرا

إقتباس الرسالة الأصلية كتبت بواسطة وجهات وأبعاد : هدي اعصابك شوي صفحة الامير في تويتر ليست شأنا خاصا به اذا بدأ يتحدث فيها عن الزعيم . الذي هو ملك لجماهيره .. فعندما نجده في صفحته بتويتر يقول للجمهور ( ماذا تريدون الموسم القادم .. ووش راح تسوون لو انكم رئيس للهلال ) ومن هالاسئله التي لا تسمن ولا تغني من جوع .. ويترك المفاوضات والتعاقدات هذا اسمه ( تصرف غير حكيم ) فبدون أسئله ولا تويتر جماهير الهلال طلباتها واضحه والهلال احتياجاته واضحه . وكان الاولى والاجدر به ان يوفر هذه الطلبات .. ويترك ( طق الحنك بتويتر ) . مثل ما تفعله الانديه الاخرى اما انك تقول بأن هذه صفحه شخصيه ما للجماهير علاقه بها .. فأوافقك الرأي ان كان يتحدث في هذه الصفحه عن حياته الشخصيه وشعره فقط . ولا يتكلم عن تعاقدات الهلال شكرا

بالله هذا اسلوب تتكلم فيه عن شخص بقامة الأمير عبدالرحمن بن مساعد طق حنك وكلام فاضي ! !

وبعدين كيف جماهير الهلال طلباتها واضحه والله كل ما دخلت المنتدى القى الجمهور منقسم في كل شي

تعاقد اللاعبين الأجانب والمدربين والمحليين

مع احترامي لك ادارة يتواجد فيها عبدالرحمن بن مساعد ونواف بن سعد وسامي الجابر وفيصل ابو اثنين

تصفها بالغير الحكيمه حشفا وسوء كيل

صدق الأمير عبدالله بن مساعد يوم قال فيه وجه قبيح لجمهور الهلال

شرايك نترك نشجيع الزعيم بعد .. ونريحك مننا ..؟
...

ياخي لازم نعرف اخبار الزعيم من الرئيس
..
ولازم نتابع اخبار الرئيس بعد
رئيس نادينا .. وشاعرنا الاول بعد
....
عموماً الف شكر لك
ارق تحياتي

الله يكون بعون الامير على الجماهير الطاغيه سواء الرياضيه او الشعريه
واي شخص بهالمكاه راح يقابل كل النفسيات والشخصيات


عواااااافي

كل الشكر لك .. وواصل تميزك . ي بطل,,, ومن جد اتركوه مشغول بنفسه ..

الحين اي شخص يدخل الموضوع .. ويشوف الردود يعرف ليه انا نزلت الموضـوع وفيه نوع من الجفاف ..

مثلاً رد الاخ ( وجهات وأبعاد ) .. واضح أنه ماقرى موضوعي كامل !!

بخصوص الصفحه الامير فتحها في البدايه كـ واجهه شعريه له ، بعيد عن الرياضه ولكن الجماهير هي تسئله عن الرياضه والنادي والتعاقدات .. وهذا شيء طبيعي لـ اي شخص مسؤول .. لكن ( توصل المواصيل أنهم يطالبون أنه يسكر صفحته ) ذا أنتهاك لخصوصية الأمير .. وأي شخص غير الأمير .

وطبعاً قلتها بنفسك يا وجهات وأبعاد ! ( طق الحنك بالتويتر ) !! يعني بالله عليك وش دخلك فيه يطق حنك ولالا .. تبي تمسك لسانه مثلاً !! هـو حر بتصرفاته .

وبالنسبه للأخ ( آهـ يالأزرق ) .. ماقلت أتـرك التشجيع !! ولا قلت لاتطالع أخبار الأمير وأخبار النادي !! لكن ( لاتقول سكر صفحتك بتويتر ياعبدالرحمن بن مساعد ) كأنه واحد من عيالك !!

في النهاية أشكر كل من رد وشارك بوجهة نظره .. وطبعاً الردود والموضوع ذا يدور فيه نقاش وتناقض ساخن بعيد عن( الهواش )

والله صدقت اخوي بكل كلمة قلتها يعطيك العافيه

فعلا الله يعين الامير على بثارة بعض الجماهير وكلامها الغبي اللي تكتبه بصفحة الامير

نبي هذا ومانبي هذا نبي شعار الفريق لونه كذا ونبي الطقم الفلاني بل وصلت الكلاحه في بعضهم الى طلب الشرهات والفلوس وتكفى ياطويل العمر لا ويحطون ارقام جوالاتهم بعد !

بعض الجماهير للأسف ماتنعطى وجه

بغض النظر عن الموضوع ..,
اتمنى لا تجمع الثرى مع الثريا في توقيعك..

فلا مقارنة بـ القائد العربي المسلم " الملك فيصل " مع الشيوعي النازي " هتلر "