|
فهد العنزي الحقيقة الغير واضحة مساء الخير لجميع الهلاليينs13s اخواني هذا اول موضوع اكتبة في المنتدى ماحب اني اطول لكن حاب اوضح حقيقة واحدة امس شفنا مباراة منتخبنا مع الكويت وطبعا معظم تركيز جمهورنا على اللاعب فهد العنزي لاعب الكويت بحكم الاشاعات اللي اكدت انه بينتقل لنادينا والكل شاف مستوى اللاعب ياخوان ماحب اقولة اللاعب اقرب للعب الحواري منة للاحترافية يعني جنح وسحب وارفع وهذي كانت الطريقة موجودة ببدايات الثمانينات واشتر فيها نجمنا الكبير يوسف الثنيان وفهد الغشيان واخريين الكرة الان تغيرت جذريا واصبحت جماعية وسرعة اكثر من انها فردية ونتذكر كلنا لما جاء الداهية جريتس وارسلت لة اشرطة الفريق رفض بقاء التايب لانة يعطل الهجمة ويسبب مرتدات على الفريق نفس طريقة لعب فهد العنزي امس لو كان منتخبنا بيومة واستغل الكرات اللي من فهد العنزي كان سبب ازمة على فريقة انا بوجهة نظري اللاعب طريقة لعبة قديمة ولاتناسب الفريق واتمنى كل التوفيق لزعيمنا. |
يارجال ما فيه احد خلى برشلونه افضل فربق في العالم الا المهارات والجماعبه في نفي الوقت كل لعيبه برسلونه مهاريين ولو تلاحظ كل ماتصعب المبااه ع البرشا يجي ميسي ويحلها ياكل لو ثلاثه اربعه ويسجل |
ما ينفع للهلال برأيي المتواضع |
والله انه نفس لعب ويلهامسون واحسن منه اسرع وقوي التحامات مايخاف يكفي سرعته نحتاجها بمكان ويلي ونجيب مكان ويلي مهاجم ثاني ،، والله انه لعيب شف المنتخب الكويتي مافاز ولعب الا يوم طب ضيع دفاعاتنا حتى شهيل اللي افضل ظهير بالمملكه قلبه وخلاه يكسر والله انه مكسب لاي نادي يغربل الدفاع بسرعته ويربكهم ،، ان شاء الله اشوفه بشعار الزعيم |
كلامك على العين والراس ولكن جميع اللاعبين من الحواري |
بلعكس لاعب جيد وسريع ومهاري لوجاء للهلال يمكن يكون احسن من ويلي هذي وجه نظري اتمنى تتقبلوها |
مساء النور نتمنى لاعب افضل وان شاء الله الاعب الاسيوي يكون في طموحات الهلالين مشكور اخوي على الموضوع |
لاعب الحواري مرمط بدفاعنا ,, اللاعب صنع فرص خطيرة أرهق الدفاع وكاد أن يسجل ,, وبعدين هو من صنع الهدف بمهارة وبدون أنانية لكن للمرة المليون اللاعب يعتبر محلي ليش ما نجيبه إضافة للفريق |
صح كلآمك ان طريقة اللعب تغيرت في العالم لكن في السعوديه الى الأن ماتغيرت طريقة اللعب الى الأن يلعبون بنفس الطريقه والدليل الى الأن ولآفريق سعودي قدر ياخذ ابطال آسيا في 5او6 سنوات الأخيره لأن شرق اسيا تغيرت طريقة لعيهم وأصبح لعبهم مثل اللعب الأوربي واحنا باقيين على ايام زمان اذا تغيرت طريقة اللعب الحاليه بأمكاننا بأذن الله اننا ناخذ اسيا أما عن فهد العنزي أتوقع انه راح يفيدنا في المسابقات المحليه لكن في أسيا ماتوقع انه راح يسوي شي بالتوفيق للزعيم |
والله انا من وجهة نظري يجب التعاقد معه بأسرع وقت ممكن حرام عليكم الولد يلعب . ثانيا تقولون لعبه قديم يعني كرستيانو و ميسي لعبهم قديم شوفوهم احسن الاعبين بالعالم , يوم الامس الشوط الثاني كل هجمة تجي للكويت من فهد العنزي. صراحة اتمنى من ابوفيصل ان يجلبه للزعيم وشكرا. |
لاعب مميز .. شكرا لطرحك الغريب نوعاً ما .. |
|
اذا بيجي ويعتبر لاعب سعودي انا اتمنى يجي |
العنزي شارينه ويبي الهلال اتمنى جلبه كلاعب اسيوي وبيع عقد ويلي الخواف وجلب صانع لعب او مهاجم وترى الفقر يبي الاعب بس يبي يقلد الهلال في الصفقات |
مساء النور نتمنى لاعب افضل وان شاء الله الاعب الاسيوي يكون في طموحات الهلالين |
| الوقت المعتمد في المنتدى بتوقيت جرينتش +3.
الوقت الان » 06:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd