مساكم الله بالخير جميعاً، واعانكم ربي على صيآمكم ان شاء الله

فيه شي ابي اقوله عن وضع الفريق بخصوص المسابقات الرسميه القادمه،
اللي هو؟؟: ان الفريق في وضعه ابداً ماهو مطمئن في شراسة المنافسه على الـ3 بطولات المقبله واللي رآح نخوضها مآبين:
الكأس +
الأسكوديتو +
الشآمبينز.
لآيغركم فوزنا في
السوبر، ترى وضعنا متوفي وفي الحضيض لو بنبتل باللي عندنا من لعيبه وبنعتمد عليهم بالتحديد في (
دوري الأبطال).
لأنها بطولة شآقه ويبيلها ظهر قوي وجهد مضاعف ومسابقه مغآيره عن الدوري المحلي
لأن اللي فيها من دور مجموعات الى الأدوار المتقدمه، كلها انديه مستواها في العلالي.
مآنبي تأهلنا لدور الـ16 يكون بشق الأنفس، وبالولآده القيصريه وآخر حاجه نكتفي بدور الـ16 ونخرج منه بوجه مظلم وحزين مثل آخر نسختين.
الفريق في خط الوسط فيه لعيبه شاحبين، ومايقدرون يعطون الفريق وهو في حاجتهم اغلب فترات الموسم
مثل: قاتوزو +
سيدورف، هاللاعبين وخصوصاً
ابو حنآن ماعاد ينفعون إلا في مباريات ماتتجاوز اصابع اليدين الثنتين، واكل عليهم الدهر وشرب وغلب عليهم كبر السن
وصاروا متهالكين وحركتهم متوفيه داخل الملعب وبطيئه.
وحنا مقبلين على مواجهات وعقبات صعبه ومحتاجه لنفس طويل لكثرتها وعناصر شابه يتحلون بالنشآط والحركه.
،
يبيلنا على الأقل ثنين لعيبه شبآب فنانين نعتمد عليهم هجومياً ودفاعياً وبشكل اساسي.
واحد محور يساند
فان بوميل على سبيل مثال: لاعب
مانشستر المحور
اندرسون نشاط قوة بدنيه تدخلاته ع الكوره يمشط المستطيل الأخضر رآيح جآي.
والثاني يكون بجآنب
بوآتينغ في خط الوسط يمول ويوزع لـ
إبرا +
البطه.
ويكون بمثابة شبه تعويض للمآيسترو
بيرلو
، اللي متحسر على رحيله دام مافيه بديل كفو شريناه.
،
ولاحظوا إني تجآهلت
كاسانو، و
روبينهو، والسبب بكل بسآطه لأنهم موب في مستوى
الروسونيري.
ولا يستحقون يمثلون الفريق ولا منهم فآئده في المواعيد الكبرى، إستعراض + عدم واقعيه في إفادة المجموعه + إهدار فرص بالسآهل.
واللاعب عندما تشعره بالأمان في مركزه ويصبح مضمون ولا خوف عليه، ولا فيه منافس له ممكن يخطف منه مكانه إذا قصّر.
تلقاه غالباً يتمرد ويصيبه الفتور والبرود والتبلد ويصير مزاجي ويلعب على الكيف، وماعنده روح الإنتصار والتضحيه مثل غيره.
،
ما اقول الا الله يصبرنا ويزين الحآل، لاعب واحد مسترx ماشفناه للحين، فما بالنا عاد لو نطلب ثنين!

/
وشكراً وجهة نظر
