إقتباس مآرآسشي

هذا اللي آقوله انا واضح ان مدرب الانتر غبي وعجبه ان لاعبيه يهدرون لياقتهم بالشوط الاول بسيطرة سلبية

ولا تكلم , عكس اليغري اللي واضح انه قرأ المباراة جيداً , وبقولكم من الحين الانتر راح يغير المدرب بمنتصف الموسم , يعني ياليغري استعد لهزيمة رابع مدرب للانتر

إقتباس غآليآني : " إبرآهيموفيتش أفضل مهآجم في العآلم "

كلام صحيح ياابو غلن مافيه مهاجم في العالم حالياً مثل ابرا يخلص على طول , لبى خشمه

إقتباس " لوكآكو لـ تشيلسي بـ 18 مليون "

آعتقد انه مهاجم والا ! مااتوقع اننا نحتاج راس حربة , نبغى لاعب وسط يعوض مكان بيرلو ومالها غير فابريجاس

إقتباس علق غآليآني : " لقد رأيتم الفريق في بكين ، ولآ أعتقد أننآ نحتآج لـ فآبريغآس "

ياليل ؛ هذا اللي يبيني افجر فيه يكفي مماطلة يا غالياني نبغى مستر X بآسرع وقت

والا ماعجبك جاتوزو .. وبعدين انت وعدتنا بمستر X من بداية الميركاتو والا سحبت كلامك .. !

إقتباس صرح : " من يريد فآبريغآس عليه أن يدفع ، ولم يصلنآ العرض المنآسب حتى الآن "

بكل تآكيد ماوصلكم عرض الميلان ,, لانه راح يكون مناسب اتوقع اذا جاء

فابريجاس راح يجي بمبلغ وقدره + لاعب من الميلان واشوف انه فلاميني

عوافي وليد على المجهود واصل

مساء الخير عليكم جميعاً،
وإن شاء الله تكونون بخير وبأتم صحه وعآفيه يآرب
،

كويس فيه كلام يتطرق بخصوص فابري
اللي بقوله اللحين هاللاعب ماراح يغادر القنزر الا بالمبلغ العالي اللي طلبته إدارة الآرسنال المقدر بـ45 مليون.
واللاعب رغبته الكل خابر وداري إنه يبي البرشا، يعني مصيره شبه محسوم اما بقاءه مع المدفعجيه او رحيله لبرشلونه.
،
السؤال الآن/ دام ان مصيره محسوم في بقاءه للآرسنال او انتقاله لبرشلونه
ممكن نعرف ليش رئيسنا يفآوضه ويفكر فيه ؟؟!
انا بقولكم الشي اللي اتوقعه من إدارتنا،
انا اللي اشوفه من هالمفاوضات الهامشيه
انه نوع من التخدير والخدعه لنا وإمتصاص حماسنا في مطالبتنا بلاعب كبير يعوض المايسترو بيرلو
عشان يفتكون من دفع مبلغ كبير، وآخر شي تطلع ادارتنا بعذر "ان اللاعب قدمنا له المبلغ وسوينا اللي علينا بس هو اللي مايبينا".
وبعد كذا نقزر الموسم باللي عندنا.
،
لو صحيح ان مفاوضاتنا جاده ونبي لاعب سوبر ستار على غرار فآبريقاس
كان فكرنا في بديل له من اول مادرينا عن رغبة اللاعب اللي تتمثل في ذهابه للبرشا.
على سبيل مثال: نصري، مودريتش، ديفيد سيلفا، باستوري.
،
لكن وش نقول مع ذا الإداره العايبه، يجيبون لاعب شارين نصف بطاقته ولاعب منتقل انتقال حر مافيه غيرنا يبيه، وعلى هالحال.
،
قال ايش قال: "اللي بعد اللي شفتوه في بكين دليل على اننا لانحتاج لفآبريقاس".
هالكلام يآ بوهباش تقوله لاصار سقف طموحنا وامنياتنا محدوده ومحصوره في المنافسه على لقب الأسكوديتو.
اما على صعيد دوري الأبطال بذا اللعيبه فريقنا مايوكل عيش ولا يهش ولا ينش
ولارآح نسوي شي وبنقعد نصارع عشان نتأهل لدور 16 بشق الأنفس.
ولأننا ننتمي كلنا لهذا الكيان العظيم الكروي (آي سي ميلآن) بمجده وعراقته وكبرياءه
نريد نحافظ على سمعتنا وشعبيتنا ومجدنا، بفعل الأسباب من جلب لعيبه على طراز عالي نعتمد عليهم اقل شي لأربع سنوات قادمه، يكونون كفو لحمل شعار هذا النادي العظيم.
زبدة الكلام/ اللي قاعده تسوي ادارتنا هو استخفاف واستغفال لعقولنا، بذا اللف والدوران والدنفسه.
،
واتمنى مغالطة كلامي وتكذيبي من قبل رئيسنا وادرتنا في جلب لاعب عليه الكلام
ولو اني اشوف الفريق محتاج لأكثر من لاعب.
/
آسف على الإطاله والقرقه الواجده بس من حر مافيني على فريقنا.