في مؤتمر صحفي قال ماسيميليانو اليغري: "بواتينج مصاب من اصابة سابقة له ، ولا اعرف ما اذا كنا نستطيع ان نجعله متاح لمباراة الغد ونفس المشكلة لماكسي لوبيز مصاب في الساق.
كونتي معتمد في المبارتين اللي لعبها ضدنا هي إنه يحط اكثر من مدافع على ابرا وتشوف اول مايستلم ابرا الكورة الضغط عليه يكون من لاعب واثنين وممكن اكثر ونشوف ابرا يحاول يعتمد على مهارته الفردية لكن ماينجح ويرجع اغلب الكور لورى لكن لما يغيب ابرا معناها لو باتو مثلاً راح يكون الضغط عليه من قبل لاعب واحد فقط وباتو يقدر يتجاوزه بالمهارات الفردية ولو يحط لاعبين باتو اذا كان في يومه يقدر يصنع الفارق بمهارته والاهم بسرعته هجومنا يوم السبت بيمتاز بالسرعة في المقام الاول روبينهو الشعراوي آو روبينهو وباتو كلهم السرعة احد ميزاتهم لذلك حسابات كونتي راح تتلخبط اذا كان بيلعب بنفس نهج المبارتين مايضمن هل بيقدر يجاري سرعة هجومنا آم لا واذا غير المنهجية قدامنا ممكن يفشل .. ننتظر المباراة والله يكتب الفوز لنا
من الموقع الرسمي :
قرار محكمة العدل الفيديرالية ظالم , لأنه هدف لتطبيق عقوبات العنف الرياضي في عمل لم يكن عنفا رياضياً إنه خطئاً كبير .
بغض النظر عن امنية غياب ابرا او لا لكن السؤال اللي يطرح نفسه وش الفرق بين الصورتين ؟!!
ابرا في الموسم الماضي قدام باري طرد بسبب تدخله على المدافع بدون كورة وتم إيقافه لثلاث مباريات وكانت المباريات [ باليرمو - انتر - فيورنتينا ] وتم تقديم إستئناف وتم قبوله وغاب زلاتان قدام باليرمو وانتر وحظر قدام فيورنتينا .. طبعاً الكل عارف وش صار قدام فيورنتينا
ابرا في الموسم الحالي قدام نابولي تدخل على ارونيكا بدون كورة وطرد وتم إيقافه ثلاث مباريات والمباريات هي [ اودنيزي - تشيزينا - يوفينتوس ] وتم تقديم إستئناف وتم رفضه لان تدخل ابرا هذه المرة يصنف من العنف الرياضي والموسم الماضي ماكان يصنف من العنف الرياضي !!
الجواب هو احد من اثنين , إماُ ان المحكمة الرياضية لازم تشوف المباراة الثالثة وتصدر قرارها بغض النظر عن القوانين اللي لازم تمشي عليها الموسم الماضي كانت قدام فيورنتينا والموسم هذا قدام اليوفي وإماُ إن المحكمة تبي تبعد عن الشوشرة وترفض الاستئناف عشان مايزيد صياح اليوفاوية هناك ويقولون إنهٌ الاتحاد الميلاني .. القانون هو القانون ويطبق في كل الحالات لكن لاتدور قوانين في إيطاليا وضد اليوفي بالتحديد لان القوانين تتغير لما يتعلق الامر بنادي اسمه يوفينتوس .
بالتوفيق للميلان لهزيمة كونتي ورفاقه ومن معه من خارج المستطيل الاخضر > مايقصد احد
السلام عليكم ورحمة الله وبركاته
كيف حالكم شباب الميلان ؟ المعذرة على الانبراشة لكن فيه حقيقة بسيطة اود ايضاحها لكم , لأن البعض يشوف
ان اليوفي له يد خفية في الاتحاد الايطالي وهالكلام غير صحيح جملة وتفصيل
الموسم الماضي , ابرا هاجم مدافع باري واخذ البطاقة الحمراء المباشرة اللي مفروض تبعده بشكل تلقائي
عن المباراة القادمة , صدرت عقوبة ايقافة 3 مباريات خففت الى مباراتين , يعني صبه احقنه كأنهم ما عاقبوه
يعني التخفيف ذاك الوقت كان ظالم للفيولا ولكن ماحد دقق لأنه فيورنتينا , هالموسم صعب يتكرر موقف " الدلال "
اللي حصل الموسم الماضي لسببين :
1 - تكرار ابرا لمخالفة الضرب بدون كرة وحضور الكرت الاحمر المباشر ( ما يشجع من يتعاطف معه ويخفف له )
2 - المباراة الثالثة امام المنافس الأول للميلان هذا الموسم وليس احد اندية اسفل الترتيب عشان يمر التخفيف مرور الكرام
أخوي صالح وأي ميلاني يتهم الاتحاد الايطالي بمحاباة اليوفي , للتذكير فقط في موسم 2004/2005 الموسم
اللي عوقب فيه اليوفنتوس بالتلاعب واستغلال النفوذ بهتاناً وظلماً وسحب منه لقب ذلك العام , حصلت هذه القصة
قبل نهاية الدوري بـ 7 جولات كان اليوفي اولاً بـ 70 نقطة وبعده الميلان بـ 67 نقطة , لعب اليوفي مع الانتر وهُزم
1-0 , ابرا تخاشن مع ميهالوفيتش خلال المباراة بدون كرة كما في المقطع , لم ينتبه لها الحكم ولم يعطي القرار
بالبطاقة الحمراء المباشرة , اوقفه الاتحاد الايطالي بعد المباراة لـ 3 مباريات في الوقت اللي ميلان فاز بمباراته
وأصبح متعادلاً مع اليوفي بـ 70 نقطة في الصدارة , كانت مباراة اليوفي وميلان هي المباراة الثالثة في
إيقاف إبرا ووصلها الفريقان وهم متعادلين بالنقاط 76 نقطة ( لاحظ شدة وحدة المنافسة لم يتبقى سوى 3 جولات
على نهاية الدوري !! ) و لكن لم تخفف عقوبة ابرا ذلك الوقت مع انه لم يأخذ كرت أحمر مباشر كما حصل مرتين مع الميلان
عموما انا اشوف ميلان صعب اكثر بدون ابرا , مع ان ابرا لوحده سجل اكثر من ( ماتري + الملك + فوزي + كواليا )
تصويت مبـآرآة الغد على صفحة حسين على الفيس بوك .. قـآئم الآن
* إزعـآج الهدوء : الفقره اللي مو عـآجبتك .. هذه متعودين عليهـآ قبل تعرف الرآبطه ! .. وجزآه الله خير أبو وتين على كل ماقدمه * بسول : صحيح من طول الغيبـآت جـآب الغنـآيم
الحين الاخ ذا مدري وش اسمه كابيتانو بيخرجنا عن مواضيع رابطة الميلان
وبتفتح صفحات جديده بعيده عن مضمون الرابطة لو على كذا اتمنى من الاخ المحترم تغيير اسم الرابطة
و ما زال يقول انتم ضدي و انتم ما تحبوني .... الخ
يا اخي العزيز من رابطة الميلان للعام الماضي ، طرح أبو وتين فكره أن كل جمعه تكون هناك فقره دينيه
و حظي هذا الرأي بالتأييد من الجميع و ما زالت الفقره مستمره لهذا العام و سـ تستمر .
و لو كانت الفقره خارجه عن موضوع الرابطه كما تزعم ، فعندك الرسائل الخاصه .
صراحه طفح الكيل !
استمر ابو وتين جعل الله ما تقوم به في موازين حسناتك
أشوفكم تردون على إزعاج الهدوء وتدافعون عن فكرة أبو وتين وأبو وتين .. ونسيتوا تطبقون الفكرة ..
أنا ماني مع إزعاج الهدوء ولاني ضده ولا أي أحد .. بس طبقوا فكرة أبو وتين .. وصدقوني تطبيق فكرته وإنه يجيه الأجر من تطبيقكم للفكرة .. أفضل عنده من إنكم تدافعون عنه ..
أتمنى تتقبلون وجهة نظري المتواضعة .. ولكي لأ أنسى :
عن عائشة رضي الله عنها :
( أنّ النّبيّ صلّى اللّه عليه وسلّم كان إذا أوى إلى فراشه كلّ ليلة : جمع كفّيه ثمّ نفث فيهما فقرأ فيهما : قل هو اللّه أحد و قل أعوذ بربّ الفلق و قل أعوذ بربّ النّاس ثمّ يمسح بهما ما استطاع من جسده يبدأ بهما على رأسه ووجهه وما أقبل من جسده يفعل ذلك ثلاث مرّات) النفث : نفخ لطيف بلا ريق . رواه البخاري (5017) .
عن أبي هريرة ، عن رسول الله - صلى الله عليه وسلم - قال : " ليأتين على الناس زمان لا يبقى أحد إلا أكل الربا فإن لم يأكله أصابه من بخاره ويروى من غباره . رواه أحمد وأبو داود والنسائي وابن ماجه .
أبو وتين الله يجزاك عنّا خير ..
★ وش ذا اللوك الجديد يا الخايس .. ؟ نبي مع ذا اللوك لعب مثل الأوادم ترى حتى أنتلوخي صار يلعب صح ..
★ يا غايب .. وجود الفانتا مع الفريق حتى في التدريبات بيعطي دفعة معنوية قوية جدا ..
★ غياب ابرا أكيد مؤثر واللي يقول غير هالكلام مكابر , بس بنفس الوقت غيابه ما يعني الهزيمة و الخذلان من قبل تبدأ المباراة .. !! ميزة الميلان هذا الموسم أنه يقدر يلعب بنفس تكتيكه وطريقته ولا يتأثر بأي غياب ولنا في غياب كاسانو اكبر مثال .. صحيح المستوى ما يكون بنفس الرتم لكن يقدر يخلص على المباراة بالأسماء المتاحة وهذي الميزة اللي تحسب للماكس اليجري .. مباراة أودنيزي الكارثية لعبنا بتشكيلة تلفيق ومع كذا قدرنا نفوز في الوقت المناسب ..
★ أنتونيني مطلب وبقوة فهو أفضل من مصباح خصوصا من الناحية الدفاعية , ومع المستويات المجنونة اللي يقدمها مؤخرا أعتقد أنه يضمن من الآن المركز الأساسي ..
★ وصول مونتاري كان في وقت ممتاز لأن كان حل جيد جدا للمدرب في وقت كان أغلب لاعبي الوسط في العيادة .. في مباراة تشيزينا قدم مباراة كبيرة وإن شاء الله يكمل على نفس المستوى قدام اليوفي ..
★ مباراة بكره لا يمكن بأي حال من الأحوال مقارنتها بمباراة الذهاب لأن أحوال الفريقين تغيّرت كثير على كل المستويات , الميركاتو والاصابات والايقافات وتطور بعض اللاعبين وحتى فهم المدربين لنجومهم معطيات تؤكد أن مباراة بكره بتكون شيء ثاني وغير عن مباراة الذهاب ..
★ الفوز أو الخسارة ما تعني خسارة اللقب , اليوفي فاز في الذهاب وقبل ينتهي الدور الأول تصدر الميلان ..
★ أتوقع الفوز بكره للميلان فكل الظروف اللي أشوفها قدامي تعطيني هذا الانطباع ..
![۩ رآبطة عشآق الميلان .. النادي الاكثر تتويجاً بالعالم ][ 2011 - 2012 ][ fossa dei leoni ۩ ](iconimages/t1032345_rtl.gif)
16Likes
.. القانون هو القانون ويطبق في كل الحالات لكن لاتدور قوانين في إيطاليا وضد
الوضع العادي
