][ رآبطة عـشـآق الـريدز ~ 2011-2012~ YNWA ][ هــنــــا فــــخـــــر إنــجـــلـــتـــرا ][ - نادي الهلال السعودي - شبكة الزعيم

DЯJ · #11 14/09/2011, 07:03 AM

إقتباس

الرسالة الأصلية كتبت بواسطة King Kenny ™


	البطوله هذي مرررره بدون الليفر كان مهجــد ام اندية اسبانيا على اوروبا اجمــع لكن بتابع فقــط 3 مباريات في البطوله الجوله 1 ( بروسيا دورتموند vs ارسنال ) ( برشلونه vs ميلان ) الجوله 2 ( مانشستر سيتي vs البايرن ) الذهاب والاياب ابي اشوف هياط السيتي بــس كل امنياتي بتوفيق للـبايرن في البطوله عشان ريبري و روبــن ننتظر عودة الريدز لها بفارغ الصبـــر يا عيال وش فيك نايمين

قسم بالله يابو حميد اليوم وانا طالع من المقهى بعد مباراة البرشا والميلان
اقول لـ ولد خالي ياخي متى يجي الموسم الجاي ، يقولي ليه !! قلت مشتاق لليفر بالابطال وماحبيت الليفر الا من الابطال

افضل بطوله عندي بلا منازع لكن تكون محايد فيها ماتسوى

إقتباس


	ياخوي مافيه نار بدون دخان المصدر انا اقلك ضعيف ( لكن المصدر هذا من كثر المصادر الي قربت لنا داونينج وادم ) وبعدين ماهو لازم الاعب يكمل معانا سنــه عشان ينتقل يمكن لو جاه عرض قوي في الصيف يروح ( الله لايقولها ) هي اشاعه قويه ومعروف ان الريال يبي نيمار وهذا كله كلآلآلآم صحـف

صحيح مافي مصدر ضعيف ولا شي والخبر انا متأكد انه صحيح
الريال يبون نيمار وسانتوس معرط فيه

قبل كم يوم قريت خبر انهم يقولون اذا يبونه بالشتاء يدفعون 50 مليون
وامس كنت بقول ان الخبر غير صحيح عشان الريال يبون نيمار
لكن لو حصل لهم سواريز راح ينسون ام نيمار ويسحبون عليه

نيمار الا الان ماثبت انه لاعب سوبر لاعب مزاجي ومستواه متذبذب ولا يستاهل كل هالتضخيم
لكن سواريز لاعب سوبر بشهادة الكل ومستواه في السنتين اللي راحت يثبت انه لاعب نجم
اتمنى من كل خراطيش قلبي انهم ياخذون نيمار ويفكونا من شرهم ويخلون ارنوبي لنا

وانا اتوقع لو جاء عرض يستاهل وقوي بيروح سواريز بدون تردد والفريق بيبيعه
نفس سالفة توريس كنا نقول لاراح توريس وش بنسوي بدونه ويوم راح وجانا سواريز قلنا ليته راح من زمان

ولو راح سواريز الجماهير بتغضب على الاداره ويضغطون عليهم يجيبون لاعب افضل منه
والمهاجمين المميزين كثير وممكن يغطون جزء من مكانة سواريز لكن ماعتقد بيجينا افضل منه

^
ترى كل الخرابيش مقهور من الخبر لا اكثر ولا اقل

ابو دالغليش يالله حيه منور ولاتطول الغيبات

كتمه كتم في هـ التصريح

عوض ماقريت تصريح الكلب البرتغالي الاخير !!
يقول انا ماكنت بطلع وهم قالوا بنبيعك !! خخخخخخخ
لكن كومولي سدد له وكتم نفسه بالتصريح وبين للجماهير انه لاعب ماله خاتمه

عاشق الميلان ( علمنا وش اسمك

) : صدقني مكان ميراليس اساسي والملك صرح انه ينتظره يتعافى
لاعب مميز ولا يستحق يجلس بالدكه وافضل من هندرسون حالياً اللي مستواه مش ولا بد
لكن هندرسون توه صغير وبيثبت انه يستاهل هالمبلغ بالايام الجايه

-

ابو حميد ادري انك طفشت لحالك ههههههه لكن ترى كلنا متابعين للرابطه
لكن تونا ماستقرينا ودوامات .. انا عن نفسي بالرياض حالياً وبرجع الجمعه للحفر ان شاء الله
وعلى ماضبط جدولي ان شاء الله برجع مثل اول
وان شاء الله من مباراة توتنهام

لكن محسن وينه له وحشه

الا شباب شرايكم نوحد صورة الليدر بمناسبة عودته بالسلامه وان شاء الله العوده احمد < اللي يبيها بصفحه 22 مدري 33