27/02/2012, 05:47 PM
|
 | زعيــم متواصــل | | تاريخ التسجيل: 26/02/2008
مشاركات: 149
| |
فيديو بعد المباراة في غرفة الملابس , اغير متواجد . وبعض التقارير تؤكد اصابته بـ كسر في الضلع !! مكسور ضلعه وجالس يحتفل ويشرب عصير تفاح !  اهم شي في الفيديو لوكاس كاشخ معهم  ايوه نرجع للمباراة  اول شي انا قبل المباراة وانا خايف , وكنت اقول الحسم بيد كاوت وبيلامي لو يدخلون في اول المباراة .. غير كذا فريق كارديف ( المعلومه لـ غير المتابعين للتشامبينزشيب ) فريق بثررر جدا , وشفناه كيف استقعد لنا , انتوتي جيرارد , ( بناخي ولدنا ) في هالموسم كل المباريات اللي يلعبها مايخسر فيها كارديف ابد , ياتعادل , يافوز . ولو نرجع للتاريخ , نشوف ليفر ماقد فاز الا 9 مرات على كارديف , وكارديف هزم الليفر 18 مره , طبعا بعد فوز امس صار عدد فوزنا 10 .. البطوله عاديه جدا , يكفيكم ان جائزة البطل 100 الف باوند ! لكن لما تلعب ضد : ليكستر برايتون ستوك تشلسي مان سيتي وكلها برا ارضك وتفوز فيها كلها بصعوبه , اعتقد انك لازم تكافئ جمهورك بها حتى لو كانت عاديه .. يكفينا نقول ان لوكاس اصيب في هالبطوله ( قلب مشقوق ) يعني ابسط شي ممكن نسويه اننا نهدي البطوله له جيرارد _ سواريز _ كارول .. مباراة للنسيان , اسوء مستوياتهم كانت امس , بالنسبه لكارول انا اشوف الوضع طبيعي جدا انه سيئ , وجيرارد ماقدر كيني يبدله لانه يبيه ينفذ ركلة جزاء , وانا مااشوف ان جيرارد اخفق , اشوف ان حارسهم اللي ابدع , يعني التنفيذ بالنسبه لجيرارد كان كويس , على فكره حارسهم العام الماضي كان مع مانشستر ( غرين فيس ) .. هندرسون امس اسوء اسوء اسوء اللاعبين حتى شفت تقييم السكاي اظن , معطينه 4.5 , حرام واحد مثل هندرسون اساسي على حساب الغولدن ديرك نجومية المباراة بالنسبه لي , سكيرتل وكاوت مناصفه , بعدهم اغير و داونينق ورينا اللي مااختبر كثير بس يكفي انه يوجه , ويصرخ على اللاعبين اذا غلطوا .. انريكي بدرجة اقل , امس واضح انه مو في الفورمه ومرتبك , وشفنا اكثر من مره الكوره يحضن عليها وتنقطع بسهوله , جونسون , يكفي الثقه اللي فيه , ولو انه يتقدم كثير وينسى انه مدافع , الا ان ثقته في تسديد ركلة الجزاء تنسينا اغلاطه البسيطه .. ادم بالنسبه لي مااعتقد اني شفت منه شي يستاهل التقييم للامانه , يكفي رعونته في تسديد ركلة الجزاء اللي حتى اقل واحد خبره مايسويها ! كاراجير , اعجبتني اللقطه اللي تحول فيها لـ لاعب ركبي يحاول يمسك كوره عشان الفاول مايكون ارتداده سريع على المرمى , بعدي والله يازهايمر بيلامي امس كأنه مغصوب يلعب , اهم شي لقطته يوم يمسك لاعب الخصم يبي يطق , العرق دساس يامفلح .. غولدن ديرك , قاعد يلمح لـ كيني ان مكانه مب في الدكه , حرام لاعب مثل ديرك يكون احتياطي , اخترت الصوره هذي لان فيها الاصلع والديرك , يستاهلون .. مدري وش وضع النظاره سكيرتل العام الماضي لعب الدوري كامل بدون مايغيب ولا مباراة , هالموسم بإذن الله بيكمل على هالمستوى , طبعا هو انطرد ضد توتنهام وغاب كذا مباراة , يعني ماتحسب له مباريات متواصله .. الكلام مبكر عن افضل لاعب في الموسم , لكن اذا الجمهور منصف , اعتقد مافيه غيره يستاهلها الحي يحييك ياشين البزران اذا اهلهم حطوا اقلام عندهم وهم صغار قسم بالله اشوف التاتو حق اغير , واحسب انه جد لابس سلسله ههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههه
قسسسسم بالله الصوره فيها كمييييية ضحك غير طبيعيه هههههههههههههههههههههههه انا كنت اقول لو قدّر الله ووصلت لركلات الجزاء ماعندنا الا آدم وجيرارد هم المتخصصين , لكن بعد ماضيعوا قسم بالله جاني شعور انه خلاص قفل التلفزيون وروح نام احسن لك , انسى تفرح بالبطوله , لكن قلت انا اثق بالبيبي رينا وهو بإذن الله اللي بيوصلنا للكاس , الحمد لله مااحتجنا له  | إقتباس |  | | |  |
الرسالة الأصلية كتبت بواسطة حفيدة الأنفيلد |  | | | | | | | | |
وقفَة : عوض مُحرر اخبار رابطتنا الغاليَة تلقًئ ء هزِيمَة قاسِيَة من حفيدة الأنفيلد " روان " بــ فيفا 2012 ! ، و كانت النًتِيجَة ( 8 - 3 ) ، و كان مجمُووع مُبارياتهُم ( 3 ) مُبَاريات ، اثنتين انتهت بفوز حفيدة الأنفيلد ، بينما واحدة تعادلُوا بها ( 2 - 2 ) ، و طبعاً نتيجة الفوز الثًانِي لحفيدة الأنفيلد ( 2 - 0 ) مع ضياع الفُرَص كالعَادَة منٍي .
| |  | |  | | عوووووووووض !! الله يهديك فشلتنا -_-" روان احمدي ربك اني ماالعب فيفا والا كان أخذت بثأر ريسنا عوض > يهايط من بعيد شيلفي بعد مباراة امس بيروح اعاره الى نهاية الموسم , |
![][ رآبطة عـشـآق الـريدز ~ 2011-2012~ YNWA ][ هــنــــا فــــخـــــر إنــجـــلـــتـــرا ][](iconimages/t1032278_rtl.gif)
2Likes
+ المَزِيد .
.
الوضع العادي
