صدق والله مفروض يفكر فيها , وده 3 شهور لفريقه اياكس
يوم يجي ليفربول كان عليك عقوبه ايقاف اظن 7 مباريات , تاريخه اسود الضرس
إقتباس
الرسالة الأصلية كتبت بواسطة كينج كيني
يترردد في الصحافة الانجليزية ان ميزانيه ليفربول في يناير
إقتباس
الرسالة الأصلية كتبت بواسطة كينج كيني
لن تتعدى الـ 25 مليون باوند !!
ميزانيه كويسه اذا اخذنا بـ عين الاعتبار ان الفريق مايحتاج الا محور دفاعي ومهاجم بس تقريبا , اهم شي يطلع من اللاعبين البريطانيين , غالين ومستواهم خياس , يروح اسبانيا والا افريقيا ويلقط له كذا لاعب ويجي , واهم شي الميزانيه تصير في يد كومولي موب المدرب -_- ..
عن مباراة اليوم ماعندي شي اقوله غير الله يستر , اهم شي الشايب لايدخل بكارول اساسي , اساسا هو مستواه خايس , وشلون اذا صار ضد ناديه السابق واخاف يصير فيه صيحات استهجان
^
اكيد بينت بتوصيه من الشيخ داغليش
قايلك اول لو يخيرونه بين كافاني وبينت بياخذ بينت!
بالنسبه لـ اعاره سواريز بتضل العقوبه فيه راح ولا ماراح لكن في البريمر
يعني لو راح اعاره وخلصت اعاره بتضل عقوبته تنتظره
إقتباس
تدعي "دايلي ميرور" بأن الهيئة الرئاسية للاتحاد الانجليزي اغضبهم ردة فعل نادي ليفربول حول ايقاف سواريز لـ ثماني مباريات وقرروا زيادة العقوبة الى تسع مباريات في حال قرر ليفربول الاستائناف.
والله اتحاد اخر زمن
لعنبوكم الحين اللي يستئنف تزود عقوبته!
وين صارت هذي!
اول شئ الف شكر لك ياروان على التقديم < والفزعه اخت رجال
وبماان الجوال الاقتباس مايجي فيه راح اتكلم عن المباراه :
فريقنا ان شاء الله راح يكون في افضل ايامه وخاصة ان جيرارد
موجود بالفريق رغم غياب سواريز لكن الفريق ان شاء يبي يقدم
مستوئ واتمنئ انه مايخيب ظني اليوم فيه والملك هالاسبوعين
راح يكون في محك حقيقي يبي يقابل نيوكاسل ومن بعده المتصدر
مان سيتي خارج الانفيلد وكذلك عندنا مباراتي النصف نهائي
لبطولة الكارلنغ كاب مع المان سيتي بعد
لاننسئ ان فريقنا راح يلعب بدون هجووم طبعا الناقه مايعتبر
مهاجم قد ماهو نقص على الفريق وياليت نلعب بدونه ويكون
بيلامي وكاوت وماكسي من أول المباراه طبعا رأي خاص فيني
الفريق دفاعيا ماعليه خوف ان شاء الله سكيرتل الوحش بيكون مكلف
مع ديمبا با وان شاء يحد من خطورته واجير ان شاء الله يساعده بذلك
اخيرا توقعي للمباراه / ٢-١ لليفر بإذن الله وان شاء الليدر يسجل
امممم ! يمكن الملك يضع جيرارد مُحور دِفَاعي و هَالشًيئ ء رَاح يُمِيت هَجماتنا فِي حال كان تشارلي اّدم مُستواة بِالحَضِيض ! يَارِيت يلعب بــ جاي سبيرينغ بــ هَالمُباراة لأنٌوا مُو معقُوول تلعب من دُوون مُحور دِفَاعي صَرِيح ! ترا من غاب لكوسة مالعبنا مع اندِيَة قَوِيًة هجُومِياً كثِيير الًا يمكن فولهام بَس ! يعنِي لعبنا مع فولهام و كوينزر بارك رينجرز و استون فيلا و ويغان و بلاكبيرن ،، و ذُوولِي اندِيَة مُو قَوِيًة هجُومِياً و بالمُناسبة ،، قدًام استون فيلا غياب دارين بينت و اغبونلاهور بعَد ،، يعنِي مُباراة اليُوم لازم نلعب بمُحور دِفَاعي و يتفرغُوا جيرارد و تشارلي اّدم بتبادُل المراكز و بكِذَا راح نكُووون قُوًة ضَارِبَة دِفَاعياً و هجُومِياً بعَد إن شاءالله و بإذن الله . . / !
و اتوقًع انٌوو ضَغط لنا مع تسجيل غزارة من الأَهدَاف ،، و اتوقًع افضل جِهة راح تلعب اليوم الدٍفَاع و العُمق اكثَر بتواجد جيراردوا . . / !
والله ودنا نشارك ونتفاعل ومشكورين اللي سوو التقديم يعطيكم الف عافية بس الاختبارات وعمايلها ونبي نتفرغ شوي نشوف مباراة كاروول
كلام ع السريع مباراة اتوقع راح يظهر فيها مستوى الريدز الحقيقي مع عودة جيرارد القوية ووغضب الفريق على الاتحاد الانجليزي
رغم ان جيرارد لعب مباراة سوانسي اساسي من بداية المباراة وطلعنا متعادلين ف الانفليد وبمستوى مش ولا بد !!
جيرارد آذا لعب كمحور دفاعي اتوقع 80٪ من القوة الهجوميه لليفربول راح تتعطل اكبر خطآ راح يسويه الملك من وجهة نظري !
دخول بيلامي مهم ومهم ومهم جداً من بداية المباراة لتقوية الجانب الهجومي ويكون الاعتماد الكبير عليه ليحل بتحركاته واختراقاته بديلا لسواريز !
التشكيلة اللي اتمناها
رينا
انريكي ،، اغر ،، سكيرتل ،، غلين
سبيرنغ ،، تشارلي ،، جيرارد
بيلامي ،، كارول ،، داوني
اتوقع هي الانسب مع ثبات سبيرنغ في منطقة المحور ووضع تشارلي كلاعب دائره وامامهم الليدر
الملك امس قريت تصريح يقول انه مايبي يستعجل على عوده الليدر
يعني من المتوقع انه مايبدا اساسي لكن ان شاء الله يكون جاهز ويبدا اساسي
لكن المهم الملك يبدا بكاوت وبيلامي وماكسي وداونينغ لان كارول مايوكل عيش مع دفاعهم
بالنسبه للميزانيه 25 مليون اشوف انها ممتازه لكن اهم شي ننحش عن اللاعبين البريطانين لانهم غالين
لكن استثني منهم فليتشر حق الولفز مهاجم ممتاز ورخيص
وكاهيل طار علينا ببلاش وبيوقع لتشلسي ، استغربت عدم دخولنا بمفاوضات معه !!
ع العموم اتوقع اليوم مباراتنا تعادل اذا مو خساره
وسامحوني على القصور < داخل من جوال
بكل تأكيد أيقاف لويزيتو سيكون ضربة قاسية ، لكن مع ذلك خلال الفترة الماضية لم يكن ذلك اللاعب الحاسم الذي كان قبل 8 شهور ، و أجمل ما في الأمر عودة الليدر و تأكيد كيني أنه لا خطر عليه ، بخلاف المرة الماضية حيث صرح كيني قبل شهرين عندما عاد جيرارد أنه يجب عليه الحذر ، لكن هالمرة مختلفة و الليدر موجود و كيني ينفي أي مشكلة ، و أيضا عودة سبيرينج ربما ستجعل كيني يركن آدم على الدكة حتى يراجع حساباته .
هو فيه سيناريو غيره ، نهاجم و نضيع ، داونينج يشوت و تضرب بالعارض ، لكني متأكد أن البداية ستكون من كارول أو جيرارد ، ثم سيبدأ العرض ، الدفاع لا خوف عليه .
طبعا اول 15 دقيقة هجومية من الملك و أكيد راح يكون فيها هدف أن شاء الله ، بعدها سيهدأ اللعب و من كرة مباغتة يجي الثاني ، وثم يهدأ الوضع و أفضل شيء أن ينتهي الشوط بهذه النتيجة ، طبعا نتيجة 2-0 تكون صعبة غالبا على الفريق و أتوقع تسجيل نيوكاسل لهدف في الشوط الثاني لكن لا خوف فالدفاع قوي و الهجوم الأقوى و سيكون هناك هدف لنا بإذنه تعالى .
4-1 .
جيرارد و كارول و داونينج ، ديمبا با لهم .
روان : مجهوداتك جبارة و يعطيك ألف عافية .
توقع خاص : سنحتار لو فزنا بين الأفضلية بين كارول و جيرارد و داونينج و هندرسون .
كل ما ذكر أعلاه في حالة واحدة .
أن لا يقف الحظ ضدنا ، مابيه ياقف معنا بس لا يعاندنا .