بسم الله الرحمن الرحيم

بداية احب اوضح نقطة علشان لااحد يجي ينبرش علي بكلام سامج .. انا احد الجماهير الهلالية المؤيدة لأي

ادارة هلالية موجودة بخيرها وبشرها وادافع عنها بكل مااملك ولا عندي استعداد اربط الهلال بإسم رئيس معين

او اداري معين او عضو شرف معين .. اللي يهمني بالاخير هو الهلال والهلال فقط ..

لكن هذا مايمنع اننا نتقد الادارة ونلدعها بالنقد لو عملت خطا واضح وفاضح مثل اللي جالسه تسويه بالفترة هذه

اتركوا موضوع اللاعبين الاجانب على جنب الحين وخلونا بالمدرب ..

هل يعقل ان نادي محترف كالهلال لم يتعاقد مع مدرب الى الان ؟؟؟؟

هل يعقل ان يلغى معسكر خارجي يكلف ماديا الكثير بسبب عدم التعاقد من المدرب ؟؟؟؟

يعني انا الحين ابي افهم شي واحد .. وش اللي كان مانع اادارة الهلال من انها تعيد تجربة جيرتس .؟؟؟

مااقصد اننا نجيب جيرتس مرة ثانية لالا .. لكن اقصد ان الادارة تتعاقد مع مدرب من نهاية الموسم الماضي ويجي مساعده ويشوف الفريق ويكتب تقريره للادارة ويحدد وجهة الفريق ويعمل مثل ماعمل ستامب مساعد جيرتس ذيك الفترة

هل الموضوع صعب لهالدرجة يعني ؟؟؟

اما انك تقرر مكان معسكر وتحدد اللاعبين اللي بيعسكرون وبعدين تلغيه بحجة عدم وجود مدرب !!!!

طيب اذا كان المدرب مهم لهالدرجة بالمعسكر ليش سويت كل هالاشياء بدون شور المدرب !!؟؟؟

وين مستشارين الريس الـ 6 ؟؟ معقولة محد نبهه لهالنقطة البدائية !!؟؟

الحقيقة وضع مخيف ولا اقدر اقول الا ان الفريق يعيش حالة فوضى ادارية والله يستر من نتايجها


نقطة اخيرة شاطحه مالها علاقة بالموضوع /

سمعنا ان حقوي راجع اذا فعلا صار هالكلام فهو عاااااااااااااار على جبين كل هلالي :sui:

انا صاحب الموضوع بالزعيم وبالهلال