02/03/2012, 08:01 PM
|
 | مانشستراوي مخضرم | | تاريخ التسجيل: 19/06/2002 المكان: ادور على حظي
مشاركات: 3,348
| |
مباراتنا بعد بكرا مع توتنهام هي المفصلية لنا بالموسم .. والمباراة الاخيرة الصعبة قبل مباراة الشيتي ..
فوزنا فيها يعني بنسبة كبيرة مانشستر بطل الدوري .. تعادلنا فيها ننتظر الشيتي يتعثر مرة على الاقل والثانية لازم نهزمه بنفسنا وعلى ملعبه اللي فايز في كل مبارياته فيه  ..
ما راح تجينا فرصة نهزم توتنهام احسن من هالفرصة .. توه مهزوم خمسة من عدوه الوحيد في العالم  .. وكان متقدم فيها باثنين .. واصابة فان در فارت وبايل ووالكر وطرد باركر ..
لكن كل هذا لايعني ان فيه واحد جاهز اسمه لينون وكالعادة لو لعب بيمرمط ايفرا .. وجود لينون يعني فيه اكثر من كورة عرضية بتنلعب .. وبوجود اديبايور وساها الوضع بيصير صعب جدا على دفاعنا .. وخصوصا دي خيا ..
بالسنوات الاخيرة ناني وروني يحبونهم كثير .. من ينسى هدف ناني الخرافي في بداية موسم 2007-2008 .. دائما وضعنا معهم في الاولد ترافورد ما يكون صعب .. لكن على الوايت هارت لاين تعادلنا فيه كثير .. صحيح ما انهزمنا فيه من 2001 لكن في مثل هالمرحلة خسارة نقطتين زي خسارة ثلاث نقاط .. تعادلت معناها 4 نقاط فرق بينك وبين الشيتي معناها لازم تنتظر تشيلسي والارسنال يعطلونه ..
والجيد في الموضوع ان تشيلسي فاز في اكبر نتيجة له من بدا 2012 المباراة الماضية بـ 3-0 .. والارسنال فاز على توتنهام 5-2 .. رجعتهم لمستوياتهم من صالحنا بما اننا خلصنا منهم من بدري ..
تخلص توتنهام يبقالك 7 مباريات في شهرين سهلة وكلهم من البوتوم 10 ..
اتمنى اشوف رافاييل وكاريك وجونز في المحور .. صحيح اتمنى سكولز .. لكن في ضل وجود لوكا اتوقع لازم واحد زي جونز يفكنا منه لابارك الله فيه .. ناني ويونق وفي الهجوم روني اذا كان جاهز وويلباك ..
يصير عندك في الدكة سكولز بربا تشتشاريتو بارك .. تشكيلة اساسية كاملة ودكة قوية وتضيف لك التغيير في التكتيك اذا احتجت ..
كل التوفيق لمانشستر وبولتون ..
|
19Likes
.. 
الوضع العادي
