|| رابطة عشاق فالنسيا ♥ الخفافيش ♥ 2011 / 2012 || - صفحة رقم 14 - نادي الهلال السعودي - شبكة الزعيم

PRINCE-VCF · #1 26/07/2011, 11:06 PM

^

^

هههههههاي كفو والله

ملقا يوحش هالسنه

ץάмύйτ έмέя · #2 27/07/2011, 12:19 AM

إقتباس

الرسالة الأصلية كتبت بواسطة PRINCE-VCF


	^ ^ هههههههاي كفو والله ملقا يوحش هالسنه

والله يوحـــش
كازورلا لوحـده مصيبه
الله يستر منهم
والاهم عندي ان ايسكو انتهى مستقبله

PRINCE-VCF · #3 27/07/2011, 02:33 AM

إقتباس

الرسالة الأصلية كتبت بواسطة هـ 9 ــلالـ 20 ــي


	والاهم عندي ان ايسكو انتهى مستقبله

قصدك عندنا هههههههههههه

بالنسبه لي مانيب شايف مباريات وديه االا روما

بس ماراح احكم على الفريق بشكل نهآئي

ابوعبدالله الغامدي · #4 26/07/2011, 11:54 PM

إقتباس


	فالنسياستا & هلالي

الحمدلله احنا بخير مادامكم بخير << شعنده

اللهم لك الحمد على كل شئ

والله انكم على البال والخاطر وباذن الله من اليوم معكم وخصوصا بالترجمة

صرنا نعرف نترجم خخخخ

ץάмύйτ έмέя · #5 27/07/2011, 12:39 AM

هـدف بابلــو

خراااااااااااااااااااااااااااااافي

PRINCE-VCF · #6 27/07/2011, 12:59 AM

^

^

انا مرآآهن على هالاعب وماقلت عطني الهدف عبث

ץάмύйτ έмέя · #7 27/07/2011, 02:44 AM

88

الي ييحكم على الفريق قبل مباراة اوساسونا غلطــان
الفريق انضاف له اكثر من عنصر في التشكيله الاساسيه ويحتاجون وقت عشان ينسجمون
وبعد فترة الاستعداد بدت والفريق لعب 3 مباريات وديه والى الان ننتظر تعاقدات جديده

اما ايسكـو قلتها من يوم ما انتقل بينتهي في ملقا
ببساطه لان النادي االغني ماهو محتاج لـ لاعب ورع عشان يثبت نفسه
بالذات ملقا الي يبغى يوصل لــ بسرعه
وبتشوفون الصيف الجاي كيف بينافسون الانديه الكبيره على الصفقات

VALENCIANISTA · #8 27/07/2011, 07:38 PM

إقتباس

الرسالة الأصلية كتبت بواسطة هـ 9 ــلالـ 20 ــي


	الوضع شكله ماهو مثل ماحنا متصورينه فيه كلام ان النادي مجبر على البيـع بسبب الديون بانكاخا له 240 مليون ويقولون هم يضغطون على الفريق الكلام كثر عن بيع ماتا وانا اهم شي عندي اذا النادي محتاج لا يروح الا بـ مبلغ فوق الــ 30 مليـون يورو

إقتباس

الرسالة الأصلية كتبت بواسطة هـ 9 ــلالـ 20 ــي


	النادي كان مخطط يبيع بانيغا لكن مع الاسف مستواه كان سيء في الكوبا وما جاه عروض والحيـن ماعندهم الا ماتا بالتاكيد الكل ماهو مع بيـع ماتا لكن انت مجبور تبيـع لو تجيب 20 لاعب من الفريق وتبيعهم ما بيوصلون لـ 30 مليون ماهو بكيف الاداره انت مديون بـ 255 مليون وغصبن عليك تدبر هـ المبلغ الكبير خـلال سنه والا كل سنه بتزيد 15 مليون وهذي بس لـ بانكاخا

أوكِ يا إبراهيم آمنّا بـ الله و قلنا النادي مديون بما يتجاوز 200 مليون يورو
طيّب ؟ ماتا لو ضرب سعره ما أعتقد أحد يبي يدفع لك أكثر من 30 مليون بس
طبعاً كلامي مهوب عن أحقيّة ماتا لأ ، كلامي عن من بـ يدفع لك أكثر من كذا
أبيك تقنعني بـ حاجتين بعدها فيه تفاهم ثاني ، و لا من ناحيتي مقتنع إن البيع
مهوب حل أبد لهـ المسلسل المفاجئ اللي طلع و عكّر علينا الموسم قبل يبدأ حتى
فيّا طلع بما يُقارب الـ42 مليون يورو إن ما خانتني الذاكره صح ؟ طيب كيف
تبيع ماتا بـ مبلغ أقل من كذا بـ 10 ملايين ! شف كيف الأرسنال قاعد يضغط
على برشلونه و يطالبه بـ مبلغ يتجاوز 40 مليون إسترليني تقريباً إن ما كنت
غلطان ! أقل شيء تطلب 31 مليون إسترليني = 35 مليون يورو تقريباً
تدري الأخبار اللي طلعت كم تقول الصفقه ممكن تتم عليه ؟ 15 مليون يورو
بس ! بالوتيلي على غبائه إنباع بـ 27 مليون يورو ! و هو مايستاهل ربعها
كيف ماتا ينتقل بـ نصف هـ المبلغ تقريباً ! أبيك تقنعني بس إن اللي يصير
صح ، و لورنتي مهوب غلطان ! أوكِ تهمّه مصلحة النادي و مهوب مسوي
شيء إلاّ مفكّر بـ مصلحة الفريق قبل كل شيء لكن مهوب بـ الطريقه هذي !
خلنا من مصلحة النادي و الكلام هذا ، الحين لو فرضنا جدلاً إنه إنباع خلاص
و لو قلنا بـ 30 مليون يورو ، ممكن تقول لي وش الفايده اللي بـ يجنيها
الفريق ؟ صففففففففففر مكعّب ! جزء كبير من المبلغ بـ يروح لـ البنك طبعاً
و الجزء المتبقي و ما أعتقد بـ يتجاوز 5 إلى 6 ملايين بـ يصير لـ النادي
و بهـ المبلغ بـ يجي بروليو و يحاول يتعاقد فيه مع لاعب ثاني يسد الخانه
طبعاً ما راح يكون أفضل من ماتا لـ أنه بـ بساطه ما فيه أفضل منه بـ مركزه
على الأقل حالياً ! غير كذا ، النادي بـ يسدد جزء من مبلغ القرض لـ البنك
و زي ما قلت لك ماراح يتجاوز 24 إلى 25 مليون يورو فققط ! وش اللي
تغيّر ؟ نزلت الديون إلى 200 ، و أتكلم هنا عن ديون البنك فقط أما الديون
المتبقيه ما راح أتكلم فيها ، أنا كلامي هنا عن المشكله مع البنك بس ، الموسم
الجاي لو تحب كوعك ما وصلت أرباحك إلى ما يُغطي قيمة القرض و بـ كذا برضو
أنت مضطر تبيع نجوم آخرين غير ماتا الموسم الجاي ! وش الفايده هنا علمني ؟
والله إنه أفضل لـ النادي إبقاء ماتا بـ أي طريقه و ما عندي مشكله كل سنه تزيد
الفوائد 15 مليون ، بدال بيعة ماتا اللي ما راح تغيّر شيء في المسأله مطلقاً !
بـ العكس أنت بعت ماتا و لا مابعته ، تبي تبيع الموسم الجاي إلاّ بـ مشيئة الله
الشيء الوحيد اللي ممكن يستفيد منه النادي و يساعده في مسألة القرض هي
تحقيقه لـ البطولات و هذا من ناحيتي أنا أشوفه أقرب لـ المستحيل بـ تواجد ماتا
فـ كيف مع خروجه من النادي و أنت بـ كذا أبعدت أفضل و أهم لاعب بـ الفريق
يا أخي الأرض أذكر قبل فتره جاي عرض بـ نحو 200 مليون أو يزيد شوي
و إذا غلطان صححولي ، يا أخي بيع الأرض حتى لو بـ 200 مليون و لو أقل
شوي بعد ، و عط البنك جزء كبير و ريّح راسك و ممكن خلال الموسم الجاي
لو تمّ البيع تقدر تسدد باقي المبلغ من المبالغ اللي تجيك سواءً من الإعلانات
أو من بيع قمصان النادي أو أي وسيله تسويقيه ثانيه ، و خلص ديونك بعدين
إرجع و إشتغل بـ الملعب الجديد ، أنا مدري ليه معلقين بناء الملعب الجديد بـ
بيع الأراضي بـ إنتهاء الملعب الجديد ! بيع اللي عندك و عط البنك و إرتاح
و لاحقيين على الملعب ، مهيب واقفه عليه و الله !

PRINCE-VCF · #9 27/07/2011, 03:48 AM

^

^

الي لاحظته بالهدف هو الزي ياهو فخم مافيه صور له ؟

ץάмύйτ έмέя · #10 27/07/2011, 04:00 AM

88

هو نفس الزي الي عرضته جوما

Colin Bell · #11 27/07/2011, 05:43 AM

بسم الله الرحمن الرحيم

هذا خاصية في متصفح قوقل كروم فقط تسوي نسخ للشاشة و تساعدك في رفع الصور على الانترنت مباشرة

و اظنها بتفيد اخواني محرري الروابط

الخاصية اسمها webpage screanshot
هذا موقعها

Webpage Screanshot

نحمل الخاصية من الموقع و بعدين بتطلع بالشاشة زي الصورة اللي تحت

نروح على الصفحة اللي نبغ ننسخ منها حزء او كامل الصفحة
بعدين
نضعط على السهم بتطلع الخيارات التالية
في الصورة ادناه

1- نسخ الجزء الظاهر من الموقع
2- نسخ الموقع بالكامل
3- التعديل على الموقع بإضافة كتابة او نسخ اراها غير مفيدة من وجهة تظري

اذا اختار الخيارين الاول و الثاني راح تطلع لنا الشاشة كذا

1- الالون
2- خط مستقيم
3- خط عادي
4- كتابة
5- مستطيل
6- دائرة
7- سهم
8- أداة القص ( اهم وحده فيهم )
9- التراجع عن اخر خطوة
10 - العودة الى اخر خطوة
11- حفظ الصورة
12- رفع الصورة على الانترنت
13 - طباعة الصورة

نختار اداة القص و نحدد على المكان اللي نبغاه

مثل كذا

بعدين نضغط على كلمة share ( رفع الصورة على الانترنت )

بعدين بيعطينا رابط على الصورة زي كذا نضغط عليه

بيفتح على الصورة نروح للصورة نضغط كلك يمين و نختار

نسخ رابط الصورة ( copy image url )

نروح لمربع الرد و نضغط على إضافة صورة

ننسخ الرابط هنا

الصورة بشكلها النهائي في الموقع

اتمنى ان الشرح كان وافي و اي استفسار لا يردكم الا الخاص

احب اشكر اخوي مبارك محرر رابطة الارسنال لانه دلني على هــ الاداة من دون ان يدري

تحياتي

الشرح إهداء خاص لــ سعد ( السيتي اوف مانشسيتر ) اللي طلبه مني

faisal... · #12 27/07/2011, 09:34 AM

إقتباس


	حلوووه اعجبتني كثر منها عشان اجي كل يوم

لا بجد اختفيتي مره من اول كنت القاك كل شوي منزله خبر ولا مشاركه واللحين زين لاتذكرتينا

.

إقتباس


	كازورلا انتقــل لــ ملقا

قايلك ملقا يخوف وانت تقول لايهمك اذكرك بيلعب بالابطال الموسم الجاي.

إقتباس


	هـدف بابلــو

هدف خرااااااااااااااااقي ليت يرجع هـ اللاعب.

.

ץάмύйτ έмέя · #13 27/07/2011, 01:40 PM

ثلاثة عروض لـ لاعبين في الدفاع
نيكو باريجا هو أفضل خيـــار ، ولكنه غير مناسب اقتصاديا

أوناي وكما ذكر في المقابلة التي نشرت يوم الاثنين بانه يضع الاهميه لـ التعاقد مع مدافع ، من الناحية المثاليه يجب ان ينتهي التوقيع في فترة قريبه ، مانـويل لورينتي رئيس النادي قدم بالفعل عرض رسمي لـ ثلاثة مدافعين ، لكنه الى الآن لم يتلق جـوابا بـــ "نعم" ، وبالتالي علينا الانتظار.

PRINCE-VCF · #14 27/07/2011, 09:30 PM

صرح بروليو بعد الهزيمه من رابييد فيينا

ان هناك عروض للاعب ماتا ولاكن ماتا سعيد هنا

لاكن يجب ان نكون مستعدين لاي ظرف لاكن آمل ان لا يذهب

وقال لقد تحدثت معه عندما كان بأجازته وأكد لي مجددآ انه

لا يريد الذهاب لاي نادٍ آخر وانا استطيع ضمان ذلك

وقعد يتكلم عن الصفقه القادمه وانها قريبه جدآ وسريه

Colin Bell · #15 27/07/2011, 01:51 PM

مروركم يشرفني

Webpage screanshot و محرري الروابط........