|
خلاص إنتهى الميركاتو لا وجود لمدافع http://net-storage.tccstatic.com/sto...de5aef863.jpeg Marotta: "Il nostro mercato è chiuso" - Tutto Juve |
Juventus, per la difesa spunta il nome di Andreolli - Juventus / Serie A / Calcio - Tuttosport http://wac.4ebf.edgecastcdn.net/804E..._ts673_400.jpg بخصوص الدفاع هذا كان آخر خبر مبادلة مدافع كيفو بسورنسن بعدها أعلن ماروتا أنه قفل السوق و الله أعلم.. فيه أخبار أن ياكونتا طلبه فريق بوردو الفرنسي ... 17.30 - BORDEAUX, SI ALLONTANA IAQUINTA شكله خلاص الوضع شبه إنتهى باقي ساعة على النهاية.... |
إقتباس:
دام ما فيه معطيات قدامي توحي بموسم مبشر كيف تبيني اتفائل قالوا لنا نجوم وجودة ومدري وشو واخرتها شوفت عينك وعلى فكرة لو لا قدر الله ما فلحنا هالموسم بيتكرر نفس السيناريو بيشترون 11 لاعب اخرين وبيصير نص سكان تورينو لاعبين يوفنتوس دام فيه هالخكارية في الدفاع انا ما تفائلت ابد :rose: |
السلام عليكم كل عام وانتم بخير وتقبل الله صيامكم وقيامكم إقتباس:
الفريق العام كان يسجل اهداف لكن المشكلة انه يستقبل زي السلام عليكم وتذكرون كيف كان بوفون يطنقر كل فترة وهالشيء من عقب اقالة رانييري بالذات وتوقعنا ان الادارة تحط الاولوية لقلب دفاع متمكن وكلنا تاملنا بلوقانو لكن الادارة سحبت عليه علشان راتبه ؟ ياخي 4 مليون سنويا تستاهل انك تحطها بمدافع خبرة وعارف الذهب ويعرف يضبط دفاعك بدل هالمطافيق اللي ورا وهاردلكم مقدما |
واخيرن انتهى الميركاتو لكن للاسف بدون قلب دفاع ... ما اقول الا الله يعينا على هفوات كليني و بونوتشي الموسم الجاي بما ان الميركاتو خلص يالله كل واحد يعطينا التشكيلة الافضل للفريق فالموسم الجاي : انا ببدا بسم الله .. التشكيلة الاولى .. 4-3-3 الحارس : يوفون الدفاع : زيغلير --- كليني --- بونوتشي --- ليختيشتانير الوسط : ايليا --- بيرلو --- فيدال الهجوم : فوزينيتش --- ماتري --- كرازيتش التشكيلة الثانية .. 4-2-4 الحارس : بوفون الدفاع : زيغلر --- كليني --- بونوتشي --- ليختشتانير الوسط : بيرلو --- فيدال الهجوم : ايليا --- اليكس --- فوزينتش --- كرازيتش اتمنى تعطوني رايكم |
ما فيه حل الا المستثمر الاجنبي يا ناصر نحن في زمن الجنون بكرة القدم الفكر الي ماشي فيه ماروتا هو الي كان ماشي به السلف الايطالي السابق من الاداريين هالفكر معد يوكل عيش نحن في زمن المال حتى الاندية الصغيرة اصبحت تجلب لاعبين كبار باموالهم واخر مثال باريس سانجرمان اليوفي موب اقل من الاندية الي تعتمد على المستثمر الاجنبي بل يوفنتوس مطمع كبير لمثل هؤلاء لو ماردوخ الي ماسكنا الحين كان حسم لك اي صفقة تحلم بها ليش ما نحلم بلاعبين كبار ليش ليش ما كنا نفاوض فابريقاس بدال فيدال ليش ما كنا نفاوض ريبري بدال ايليا ليش ما كنا نفاوض بال بدال زيقلر ببساطة نحن لا نملك المال مهما حاولنا ما رح نجلب النجوم بميزانيتنا الحالية والتي توازي ميزانية احد الاندية القطرية |
إقتباس:
شف مانشستر سيتي وكيف فريقهم, 3 سنوات بس وصنعو فريق جبار وكله بسبب الـ$$$$ اخويانا اغنى عائلة في اوربا يكفيهم فيراري ومازراتي وفيات ................. الخ وبالاخير يستكثرون على الفريق كم قرش لا وازيدك من الشعر بيت , جون الكان معطي ماروتا 70 مليون وسلف بعد طبعا هالشيء كله وراثة من جدهم انيللي اللي ما عمره دفع يورو للنادي الا بصفقة الثلاثي بونبارتي وتشارلز وسيفوري والا مغير موزي فلوسه بمخباته شف الاندية الثانية كيف تجيب صفقة تشعلل الاعلام كله للاسف اليوفي كان واقف على موجي اللي قدر يلقط زيدان ومن بعده وهو مغرق النادي بسبب هالصفقة يشتري ويبيع بسبب صفقة زيدان راح موجي وتدهور الفريق الان لغة كرة القدم تغيرت, شغل الخنبقة ما ينفع ارسنال انرقع 8 لان مدربه وادارته مسوين حلوين وعلى بالهم استثمار يخوي اعمل استثمار لكن لاتهمل الجانب الفني اللي هو اهم شي وانت مقيم فيه شف مدريد ومانشستر كيف عمالقة رغم الديون ليه اخويانا ما ياخذون قروض بنت كلب ويجيبون لعيبة ملاعين والدين بدل هالخنبقة موتا وبيبي واماوري الخ حسبي الله ونعم الوكيل بس شكلي ابكمل عادتي في الموسمين اللي راحو واتجاهل مباريات اليوفي بس خل الموسم يبدأ ونعرف وش هالفريق من لحية رغم ان مواريه نادي سوح من بعد ارتباط الفريق بروسي واقويرو وريبري ولوقانو شوفو اللي جو مكانهم الله يرحم مزنة |
لاتعليق ياشباب..وربي داج هالماروتا هو ولاعبينه يعني اماوري جالس على قلوبنا؟؟؟؟؟ نووو كومنت...مافي اظهره ولا دفاع نفس مشكلة العام الماضي..شرا اجنحه وغير المحاور هذا الجديد فقط سوق فاشل من اوله فاشل ..كلنا قلنا ننتظر لين النهاية ..وهذي النهاية..تعيسه للغايه.. لحد يجي يقولي اليوفي بسوي وبسوي..غصب عنه يسوي..فريق مطالب بالدوري على اقل تقدير.. مافي نادي ايطالي صرف هالمبالغ على لاعبين...لو اعطي المبالغ لتشيزينا الزلابه راح للرابع الموسم الجاي باسكواتو البطل اعاروه الزلب...وربي زلب.. وخلو عندنا ازلب مهاجم بالارض اماروي.. لاعب تجيه كرة ارضية يسلتمها بالصدر..لابوه لابو من علمه الكوره.. لا ومصدق نفسه يتغلى على المنتخب البرازيلي.حدك المنتخب السعودي شباب..الله يعينا..بنشجع فريق متهالك ..مهاجمين معاقين واجنحه تجارب..محاور مره مصاب ومره كرت..ومدافعين كل اسبوع عندهم عيد الفطر السعيد..وكل عام وانتم بخير |
سلامن عليكم كيف حال الشباب خلاص قفل السوق رسميا :d تعدينا السابعة بتوقيت ايطاليا صراحة مدري وش اقول بس يبدو اني الوحيد المتفائل فيكم صحيح انه شي يقهر فريقك يرتبط باسماء كبيره جداً وعامله فارق بانديتها وبالاخير نصفى على لاعبين عاديين وجزء كبير منهم مجانا ( بيرلو - زيغلر - باتزينزا ) كلهم مجانيين ماكان عليك تدفع الا رواتبهم يعني ما يبي لها ذهانه و حنكه ( جياكيريني - ستيغ ) باسعار رخيصة واحتياطيين ( مايعتبرون لعيبه تنتظر الميركاتو عشانهم !! ) ونسبة نجاحهم ماهي مضمونة ( ليكشتاينر - ايليا - فيدال - فوزي ) هم في نظري صفقات اليوفي الحقيقية نظراً لأن ماروتا دفع فيهم صح تقريبا اربعتهم بـ 45 ميلون يورو وكذلك استكمال شراء بطاقات ( كواليا - بيبي - ماتري - موتا ) و و المحافظة على ستوراري الميركاتو من ناحية الشراء / حاجة الفريق اقيمه 6 من 10 والسبب تكديس الاجنحة وتجاهل خانة قلب الدفاع بطريقة مستفزه لتوفر خيارات ممتازه وقتها الميركاتو من ناحية البيع بشكل عام اقيمه 3 من 10 والسبب بقاء ياكونتا و اماوري اصحاب الرواتب العالية خصوصا الاخير اللي يملك اكثر من عرض !! وكذلك عدم الاستفادة المادية من عمليات البيع الاخرى اللي صارت الميركاتو من ناحية الاعارات بشكل عام اقيمه 8 من 10 وانا مع اعارة البسكوته بسبب تكدس الاجنحة بالفريق وكذلك اعداده للموسم الجاي بشكل اقوى بعد اعتزال الدل خصوصا ان مركزه الاصلي 9.5 مو جناح , وضد اعارة جياندوناتو لقلة المحاور الدفاعية بالفريق النتيجة النهائية بالنسبة لي 5.5 من 10 للميركاتو ككل مع ان موجي مدح ميركاتو اليوفي و قال ان هالميركاتو افضل ميركاتو بعد الهبوط , المميز واللي يعطي الأمل ان اللاعبين اغلبهم من اختيار كونتي ومو مفروضين عليه مثل من سبقه من المدربين بعد 4 شهور فترة التسجيل الثانية يمكن نشوف فيها مدافع يستاهل لو كان فريقنا حايقها بالدوري مع انه برأيي ان بونوتشي و كيلليني ممتازين كأسماء ولكن ينقصهم محور دفاعي فكاك يخفف عليهم الضغط وكذلك بعض التنظيم بينهم تذكرون يا شباب يوم ندز الموسم الماضي ونمسك الوصافة ؟ كان فريقنا كسكواد ومدرب اقل من الحين لكن اللي فارق معنا كان البطل كواليا السكواد الموجود الحين في نظري اكثر من رائع مقارنة بالمواسم الماضية , ممكن نشوف اكثر من كواليا يشيل الفريق هجوميا ويعطي حلول وابتكار ( فوزي - ايليا - كواليا - بيرلو ) غير موهبة ماتري بالفينيش داخل الـ 18 و حماس الدل هالموسم عموما زي ما قلت انا متفائل و خلاص ما بقى شي ان غداً لناظره قريب كلنا بنشوف الفريق عن قرب ونقدر نحكم عليه بعد مرور كم جوله يعطيكم العافية جميعاً على هالنشاط وموعودين بكالتشيو حريقه هالموسم :d:smilie47: |
الحراس بوفون - ستوراري الظهير الأيمن ليكشتاينر - موتا - سورنسن الظهير الأيسر دي تشيلي - زيغلر - كيلليني قلوب الدفاع كيلليني - بونوتشي - بارزالي - سورنسن المحاور بيرلو - ماركيزيو - فيدال - باتزينزا - ماروني الجناح الأيمن كرازيتش - بيبي - ايليا - جياكيريني الجناح الأيسر ايليا - جياكيريني - ستيغ - فوزي - بيبي الهجوم الدل - كواليا - ماتري - فوزي - توني - ياكونتا وفره هجومية و شح دفاعي = 100% متماشيه مع تخطيط كونتي |
شي يقهر مايختلف اثنين ان الفريق محتاج لاعب مدافع دولي اشوف ادارة ماورتا للميركاتو سيئه لان عارف علة الفريق الاساسيه وحلها بشكل جزئي مره جاب باكات وخلى النص فاضي ومن اول الميركاتو يطامر ورى المدافعين وبالاخير ماجاء احد كان عندي امل كنت العب على نفسي اقول هالحول بيسوي زي غالياني العام الماضي ابرا+روبينيو في اخر يوم للميركاتو فريقنا الموسم الماضي داخل في مرماهم 47 هدف شي كارثي واضح بصمة المدرب على ميركاتو الفريق بس يا انه عنده تكتيك ولاراح يلعب مدافع او انه امتداد للمدربين باخر موسمين الاخوان المتشائمين(بقيادة مبارك والنصري) انتم اغلبكم لحق على اليوفي بعزمستواه انا ماعرفت اليوفي اللى والامور مدحدره ومع هاذا:smilie47: بس ضموني معكم متشائم هالموسم تحياتي للجميع |
السلام عليكم ليه الشباب على الH ???!! الي يشوفكم يقول الفريق ايام مودجي كل سنة لاعبين سوبر مودجي كان يجمع من فرنسا و السيريا بي ويحطهم للفريق وبعدين لعلمك الي تسبون ماروتا الي ما جاب اقويرو و روسي الي مبالغهم تطق ال30 وال 40 مليون .. اغلى صفقة لمودجي 1_ بوفون = 20 الى 25 مليون 2_ نيدفيد الي ب 20 مليون لا وما جابهم الا بعد ما باع زيدان ب 54 مليون ولعلمكم روما على ايام مودجي عرض دي روسي و اكويلاني ولاعب ثاني ما اذكر اسمه و 10 مليون علشان يجيبون دافيز من اليوفي ومودجي رفض وطلب 15 مليون مع ال3 لاعبين ورفض روما وسكرو الصفقه و ثاني شي ما عمر اليوفي جاب لاعب مغموور كان اليوفي يلقط لاعبين على 5 الى 10 مليون وبعد سنتين او ثلاث يبيعهم بضعف اسعارهم .. 1- فييرا افضل محور بالعالم جابه بارخص الاثمان 2- تريزيجيه افضل هداف بتاريخ اليوفي من وين من موناكو 3- ابراهيموفيتش من اياكس الهولندي وكان لاعب مغمور وقتها 4-موتا الروماني اعتقد صفقة مجانيه لن تشلسي كان يبي يفتك منه ومن شره لنه كان حق مخدرات على ما اعتقد وجابه مودجي وبرز مع اليوفي ... والله اسماء كثيييييييييييره ما كانت معروفه جابها مودجي وبرزت مع اليوفي ... وانا الحين اتوقع اللاعبين الي جابهم ماروتا راح ينفجروووون باليوفي وتذكرو كلامي وابرزهم جياكريني و ابو اسم طويل متفائل بالاثنين واسف على الاطالة واتمنى انكم ما تزعلون من كلامي |
.. انتهى الميركاتو والمركز الأهم والمعروف انه اضعف الخطوط ماتم تدعيمه الأحول كنت انتظر منه سنتر فقط وأتفائل بالفريق الموسم الجديد بس ع المدافعين الموجودين الله يعين أتوقع اكبر عدد لاعبين في فريقنا مدري وين بيودونهم فالاخير مالنا إلا اننا نرضى بالأمر الواقع واقول ماقاله الشاعر العربي ( مالك إلا الصبر ويش وداك له :smilie47: ) " |
.. بما أن الميركاتو انتهى وبتقل الأخبار بشكل كبير حبيت اطرح نقاش بسيط لنعرف أرآآكم نـــــــقـــــــاش http://www12.0zz0.com/2011/08/31/20/872358917.png 1- أفضل ثلآآث صفقآت بالترتيب ؟ 2- تقييمك لميركاتو الشرآء ../10 ؟ 3- التشكيلة الأنسب ع خطة كونتي 4-2-4 ؟ http://www12.0zz0.com/2011/08/31/20/872358917.png " |
.. هذأ رأيي وأتمنى المشاركة من الكل إقتباس:
إقتباس:
إقتباس:
بوفون زيغلر - كيليني - بارزالي - ليشنشتاينر فيدال - بيرلو إليا - كوالياريلا - فوزينيتش - كراسيتش :mad: وماأتمنى هالخطة بس شكله مو مغيرها " |
| الوقت المعتمد في المنتدى بتوقيت جرينتش +3.
الوقت الان » 01:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd