|
السلام عليكم ,, وش هاللي صاير الظاهر ان وجهه شؤم هذا جياكريني اجل اول ماصار للنادي طارت صفحات الرابطه :d الله يستر من اللي جاي اجل :to: اجل مضيع فرصه والباب فاضي .. على فكره ماتلاحظون شغله !! اي لاعب يلعب قدام اليوفي ويبدع في مباراه اليوفي يجيبونه على طول ولكم اقرب مثال اماوري ,, على فكره ترى آخر صفحه كان رقمها 91 يعني علينا العوض ومنا العوض ,, باقي 5 ايام على السوق نشوف وش بيسوي حويلان !! :rose: |
السلام عليكم ورحمة الله وبركاته حسافة الرد الللي كتبته ومنيت عليكم فيه :( وحظيظ رد علي ولا قدرت اعقب عليه علشان القمه حجرا :d |
يعطيكم العآفيـه يآ شـبآب صـراحه حسسيت آني قوووي :d آخـر رد توقف عنده الحـذف كآن ردي ترى آنا موقفهم ولا ما توقفون الا على الصفحه الآولى :d آتمنى آن الدوري ما ينلعب الآسبوع القآدم لآني متخوف من آودنيزي آشـد الخـوف :d خلـونا نبديهـآ من بآرمـآ وعلى ملعبنا الجديد آنا متفآئل هآلموسم آنه رآح يكون آفضل موسم من بعد 2006 وآخـيرآ رآح نرجع ونلعب على آرض الديلي آلبي هذآ الشي لحـآله رآح يعطي اللآعبيين دفعه معنويه كبيـره بآلتوفيق لليوفي |
والله قهر اللي سويناهـ يرووح كذا بلوشي على العموم شكل المنتدى مثل اليوفي أنواع الاضرابات عليهم أنا معك أخوي سنايدي باللي تقووله الملعب الجديد بيكون داعم قووي للبيانكونيري وخصوصا جماهير اليوفي المتعصبه وبيكون لها اثر وخاصه ان مدرجات الملعب قريبه ولا فيه مضمار وبإذن الله بيكون موسم مختلف لنا أنا شفت لي احصائيه مدري منين تقول اليوفي الموسم قبل الماضي حقق كاس تيم ولعب الدوري وحقق السابع والموسم اللي راح حقق كاس برلسكوني وحقق السابع هالموسم مَ حقق شي أن شالله تكون فأل خير لنا لي عودة بكم تصميم إن شالله تعجبكم |
إقتباس:
عندي ردي وردك :razz: كنت فاتح الرابطة الظهر وشفت ردك وجيت برد عليك بس قلت اخليها بالليل :razz: وش قال حظيظ بالله ؟ مالحقت على رده و ترى ثلاث ارباع كلامي ذاك عشانه :d هذي ردودنا ---- ( الشباب اللي ينتقدون 4-2-4 و يصفونها بالخطة الاثريه ومتشائمين من كونتي و خبرته ) ترى الرجال عنده افكار وجاي يشتغل ولا ألف هالخطة بين يوم وليله وقرر يطبقها يوم جا اليوفي , كان يطبقها مع سيينا وضابطينها لاعبينه وصعد بهم برقم ممتاز اقوى خط هجوم وثاني اكثر فوز واقل خسارة و اقوى خط دفاع , حتى لو كان الكارير حقه مرتين سيريا بي , المباريات هناك اكثر والتنافس موجود لأن اللاعبين متقاربين كمستويات ولا توجد تلك الضغوطات اعلامياً فتلقى اللاعب دائما يعطي افضل ما عنده . اذا هالتكتيك نجح مع فريق كـ سيينا بعناصر اقل بكثير من عناصر اليوفي فنياً فبالمنطق لو قدروا لاعبينا يتشربون هالتكتيك ونفذوا كل طلبات كونتي بنشوف هوايل !! صحيح كونتي كمدرب يعتبر مغمور لكن واضح انه يمتلك اساسيات المدرب الناجح , شخصيته قويه ويهتم بالجانب العاطفي او الغرينتا وقرايته للمباريات جيدة جداً ويتدخل اذا حس فيه شي غلط , اول ما بدا يتكلم عن تكتيكه بالاعلام اول ما مسك الفريق رسمي جاب تكتيك برشلونه افضل فريق بالعالم حالياً كمثال وجلس يشرحه ويحلله دفاعيا وهجوميا بطريقه واحد فاهم ماهو مثل غوار اللي مقطوع سره بالـ 4-4-2 ومستحيل يغيرها فايز ولا خسران . له كلمه على الادارة ماهو طوفه هبيطه , في ظهوره الاعلامي وتصاريحه يعتبر افضل مدرب مسك الفريق بعد الصعود , مدرب شاب بعقليه شابه لا يرضيه مستوى فريقه الآن كعاشق ومحب قبل ان يكون مدرب !! للتذكير ليبي - المدرب الاسطوري لليوفي بعد تراباتوني - بدى مغمور في السيريا سي وصعد باتلانتا للسيريا بي ومسك نابولي موسم واحد بس في السيريا اي قبل لا يجي اليوفي بالـ 95 . وكذلك مين قوارديولا قبل لا يمسك برشلونه ؟ كان مدرب برشلونه الرديف واحتفظ بأحلامه ودفتر تكتيكاته الى ان تحقق حلمه ووصل لقيادة فريقه كمدرب بعد ان كان قائده كلاعب . اول ما مسك الفريق كرش نص النجوم ذاك الوقت وانهبلوا الناس , و خسر اول مباراة دوري في ملعبه من فريق توه صاعد الدرجة الثانية ومسكوا روسهم من الخوف !! وشوفوا الآن كيف برشلونه مهيمن على اوروبا كلها . لذلك نظام التشاؤم من الحين , وشفتوا تراي معلمكم انه ماينفع بآخر الموسم = فيه الكثير من القسوة على كونتي و اليوفي في ظل كل هالمعطيات . قليلا من التفاؤل يالربع , كل ما يطلبه كونتي في أي مؤتمر صحفي او مقابله الصبر صبرنا سنين عجاف من بعد الصعود ما نقدر نصبر زود سنتين بسكواد ومدرب ثابتين ؟ للتذكير والتهوين : اليوفي الآن ماهو في أسوء احواله تاريخياً , سبق و مر بمرحلة اشنع لمدة 15 سنة جافه لم يحقق بها الاسكوديتو ولا مره , لم يحقق من البطولات سوى بطولتين كأس إيطاليا - ذات النفس القصير - وبين الوحدة والثانية 5 سنوات , وللتذكير بعد كانت هالمرحلة الصعبة سبب في تسمية فريقنا بالسيدة العجوز من قبل الصحافة والمنافسين ( معنى يوفنتوس أصلاً الشباب فيقالك انهم يذبون ) بس رجع فريقنا اقوى , وصارت هالعيارة لقب للفريق بعد ما جلدتهم هالسيدة العجوز جلد . http://static.fanpage.it/calciofanpa...us-300x225.jpg المهمة صعبة و المسؤولية كبيرة و الأمل بك كبير ولاهيب خربانه اكثر من كذا :yes: --- رد ناصر عوافي يا فيصل على كلامك الرائع خلاص اليوفي مل من اشباه المدربين رانييري - روكي - مكيفات الزامل - دريد لحام كلهم سباكين الفريق من 2006 الى الان وهو يتخبط بسبب الهبوط وبسبب خطة الملعب الان الفريق توازن ماليا بعد الملعب فالمرحلة الجاية لابد فيها من الاستقرار كونتي زي ما تقول 24 ساعه يطالب بالصبر وهذا هو المطلوب حتى لو البداية كانت متعثرة وش نفعتنا فيه بداية فيرارا 4 انتصارات متتالية لين صرت اقول هاتو البرشا :d نسيت يا فيصل السير فرجسون اللي مسك مانشستر وصبرو عليه 4 سنين عجاف وبعدها انفتحت لهم مغارة علي بابا اذا الفريق بيبدل كل سنة مدرب و10 لاعبين ماراح يسوي شي ابد وبيظل في نفس الدوامة لكن الان لابد من الاستقرار على الجهاز الفني والاداري والفريق الان تقريبا كون قاعدة ممتازة للخانات الاساسية يعني ينقص كل سنة اضافة سوبرستار واحد للفريق وبتشوفون اليوفي بعد 5 سنين ان شاء الله شكرا لكم واسفين على الاطالة الله يعافيك يا فيصل خليتني اكتب رد طويل ومن زمان عن هالشيء :smilie47::smilie47: --- ويعافيك لا فض فوك يا ناصر 3> |
http://www.almlf.com/get-8-2011-almlf_com_w587i3qw.jpg المحلل جيانلوكا دي مارزيو : فرضيه استقدام اليكس و مالودا من تشيلسي وارده جدا المصدر |
والله لو يجي مالودا ابتاكد ان ماروتا احول بصر و احول بصيره بعد , يعني لاعب عمره فوق الثلاثين , و المركز اللي يلعب فيه يبيله لاعب نشيييط و لياقته فل , تجيب هاللاعب اللي طول عمره مستواه عااادي و اقل من عادي بعد , من بدايه الميركاتو , انت و انيللي تقولون ان فيه لاعب سوووبر بيجي , و الى الان ما شفنا شي , اغلب الاسماء اللي جابها ماروتا , انديتهم ما تبيهم , يعني لو ما قدر يجيبهم ما بيقدر يجيب اي لاعب ثاني , لكن عندي بصيييص امل ان ماروتا و انيللي من بدايه الميركاتو قاعدين يحضرون مفاجاه للجناح الايسر , اتوقع قاريث بيل |
بعض الاخبار ليتشي مهتم بـ باسكواتو واللاعب يرد : لا اعرف عن اهتمامهم سكاي : ستكون هناك ضربه ثالثة بعد استيغرابيا وجياكيريني ! وش سالفته استيغرابيا الحين فجأه ظهر إسمه !! وشهو من لحية هل بيقدر يمسك الجناح الأيسر باقتدار ؟ اتوقع لو صدقت الاخبار بقدوم استغرابيا + جياكريني , بيتحول باسكواتو للهجوم مع فوزي وماتري والدل لأن كواليا شكله ماهو رفيقنا الاول :( يا خوفي بس ماروتا يجدعه على ليتشي اعارة , ما استبعد هالحضرمي يسويها لأن تفكيره يستفيد $$ بأي طريقة و كذلك عشان ياخذ اللاعب فرصة باللعب ويثبت نفسه للموسم الجاي كمهاجم , لأن الدل هذا موسمه الأخير زي ما الجميع عارف المؤسف فعلاً ان اخبار المدافعين اختفت ( لوغانو - اليكس ) :( يالله كلها 6 أيام ويقفل الميركاتو ونقدر وقتها نقيم صح بالتوفيق |
انا ما قلت لكم ان هالاحول يخرط علينا... سلام عليكم .. و صبحكم الله بالخير... وش استغرابيا وش جاكريني ذا الاحول ودي افقع جبهته بغرشة كوكا كود يفتح .. يا مودماني شف لنا مدافع يا حول ..قاعد يحوم ويدور له اسبوعين واخر شي جاكريني و استغرابيا .. ياعالم الحول ذا من وين يفهم ماني داري اللي يشوف الاحول ذا يقول وش ذا الداهية اللي يفاوض ميسي انا قايل لكم بيجيب لاعب اخر خمس دقايق من المريكاتو .. تذكروا كلامي الحول ذا بيجيب فينا الغايبة واذكركم.. |
إقتباس:
|
|
MHM :: صور زيـارة العـمدة الى استاد اليوفينتوس :: ياللللله حيه , عين لحاف وعين فراش :d لو يبي يحط الكرفته ورا ميخالف هذا اللي ضبطنا بالموافقة على الملعب http://vb.alhilal.com/images/smilies/razz.gif فتى الكنيسة أشوفه خيار جيد لدكه و في كم مبارة قدم مستوى جيد والله عن نفسي ما اواطنه و الحمدلله طلعت اخبار اليوم انه راح لكتانيا المحلل جيانلوكا دي مارزيو : فرضيه استقدام اليكس و مالودا من تشيلسي وارده جدا اي والله صدقت يا محسن بيثبت انه احول حتى بتفكيره , لاعب مستهللللللك ويعك ونفسه خايسه ولا عنده شخصية باختصار ما يناسب مشروع فريقنا ابد , نعطي بزرانا الفرصة ولا يجينا على الجناح من ناحية لاعبين السوبر انا مانسيت تصريح اينيللي وغثيتكم فيه من كثر ما عدته لكم هنا , يوم جاب طاري برشلونه وقال سنرقص معا في اغسطس ولا شفنا شي !! يوم طلعت اخبار ماسكيرانو وافيلاي قلت بس هذي مساهمة البرزدنتي هالموسم بس الظاهر انها صارت حتسي صحافة الغريب ان أعلى صفقة بتاريخ اليوفي نيدفيد كانت بعام 2001 يعني قبل 11 سنة وبقيمة 40 مليون يورو والفريق كان في عزه مدري ليه مستكثرين يرخون اليورو الحين والفريق طايح خصوصا اننا نتكلم عن اغنى عائلة في ايطاليا ويمكن اوروبا اللي مالكه النادي والمشكلة ان نظام بلاتر المالي راح يبدى قريب يعني المفروض لو كان فيه هدايا او مساهمات تجي من الحين !! عموما يمكن لو حقق الفريق مركز مؤهل للابطال الموسم الجاي نشوف ميركاتو فخم ويرفع الراس , بتصير عندنا عوائد الملعب + مكافأة التأهل + زيادة جاذبية الفريق اثناء المفاوضات + آخر فرصة لأنيللي يتصدق على الفريق بلاعب سوبر على طاري نيدفيد وين الرجال مختفي ماعاد ينشاف ؟ 3> |
سكاي : ستكون هناك ضربه ثالثة بعد استيغرابيا وجياكيريني ! بعد قدوم الأثنين الي فوق اتوقع خروج بيبي قريب الروس طالبين فيه 10 مليون لو يصرفه و يجيب بهذا المبلغ لوغانو و أليكس المحلل جيانلوكا دي مارزيو : فرضيه استقدام اليكس و مالودا من تشيلسي وارده جدا أعتقد قدوم مالودا مجرد إشاعه بعد ما جاهم ماتا و في الطريق مودريتش فقلت فرصه تواجد مالودا قالوا الصحافه الزقوه في اليوفي مو أحسن من غيره :D إقتباس:
فيصل زي ما قلت الولد بصراحة عمل شغل جبار في كوبا أمريكا سريع و مهاري و فوق كذا قيمته قليله و عمره صغير أتمنى يكون من نصيبنا و أسمه تحس أنك بمسلسل مكسيكي خخخخ // http://tmw-storage.tccstatic.com/sto...307102286.jpeg ماروتا يقول لا تخافون عين هنا و عين هناك خخخ |
نيدفيد موجود :d :smilie47: نيدفيد مع الريشه البيضاء مدرب شباب اليوفي الجديد .. http://img105.herosh.com/2011/08/23/583466439.jpg // \\ // http://www.elpais.com/recorte/201107...ra_penalti.jpg Marcelo Estigarribia زي ما قال اخوي محمد لاعب البارغواي راح ينتقل لليوفي .. واللاعب خلاص شبه رسمي انه مع اليوفي بـ500 الف اعاره مع احقيه الشراء بـ5 مليون ..!! لانه مصرح يقول انه فيه نادي ايطالي منعوني من ذكر اسمهم راح انتقل له اعاره مع احقيه الشراء ,, وهالحركه مايحب يسويها الا الاعور .. اتوقع صفقه حلوه بخصوص عمره 24 ولاعب مهاري ,, // \\ // اكويلاني ينتقل الى ميلان بـ6 مليون يورو ..!! ليه كذا يا ماروتا ..؟؟ http://www.voxpopuliromani.it/wp-con...E-MAROTTA.jpeg قصه اكويلاني كان يبغى لها حنكه وصبر من ماروتا .. ماروتا كان يصرح ويتكلم في كل مكان عن اكويلاني يعني دمه حار ماعنده صبر يا نشتري بالمبلغ اللي نبيه او خلوه لكم وهذا الفعل تسبب برده الفعل في رجوع اكويلاني لليفربول وبالأصل الليفر مايبيه ليش..!! لانه عندهم لوكاس وجيرارد وآدم وميرليس وعاهتنا بولسن بعد .. يعني بالعقل والمنطق ماله مكان .. ماروتا رجع لاكويلاني بعد ما انتدب بيرلو وفيدال وباتزينزا ..!! لكن رجعته لاكويلاني كانت متأخره .. المحنك جالياني عرف كيف يأكل الكتف انتظر الى نهاية السوق وعرف كيف يخطف اكويلاني من اليوفي ..! درس مجاني من جالياني الى ماروتا .. ماروتا ليتك تشبهه بالحنكه مو بس في الصلع ..!! http://www.ilsussidiario.net/img/ANS...5_01GIU_10.JPG والحصيل جماهير اليوفي تقول وبصوت واحد مع اكويلاني .. لــيــه يا ماروتا ..؟ http://u.goal.com/111600/111684hp2.jpg آسف على الاطاله يا شباب وهذا تعويض عن الصفحات اللي راحت ..!! :rose: |
http://www.almlf.com/get-8-2011-almlf_com_0nht8u8v.jpg المدير الرياضي لنادي ليتشي : نعم نحن مهتمون بباسكواتو . المصدر |
| الوقت المعتمد في المنتدى بتوقيت جرينتش +3.
الوقت الان » 07:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd