|
سقا الله يا R A F A N E L L I ... سعود السمار و عبدالرحمن الحمدان و الرومي و عواد العنزي و صديق و عبدالعزيز الرزقان و سعيد العويران و فهد المهلل و فؤاد انور و سعود القنات الخ ...... ذكريات و لاعبين كبار ما زلت اتذكر كاس خادم الحرمين مزين اطرافه بصورة استاد الملك فهد من الخارج ، ما اجملها من ايام . مع اني هلالي بس الشباب كان فريق مناضل و مكافح و مصنع للمواهب الى الان ، بس اهم شي البلطان يركز في تعامله مع نجوم الفريق و يترك الملاسنات و راح يكون الفريق في احسن حال . البريمير ليق دوري منظم حتى ان الاتحاد الانجليزي مهتم بمسابقاته المحلية اكثر من المنتخب الانجليزي نفسه ، الاتحاد الايطالي بالعكس مهتم بالمنتخب اكثر من المسابقات المحلية . عشان كذا انا عندي الدوري الايطالي احلى لان اللاعبين سواءاً محليين او الاجانب هم اللي مخلين الدوري له جمالية و روعة بعيد عن الاتحاد الايطالي و ان الدور الاداري مقتصر في رؤساء النوادي فهذا مخلي في تنافسيه من طعم خاص ، الاتحاد الايطالي للاسف دوره هناتحت هؤلاء الرؤساء يتدخل و هو ضعيف ، يا انك تدخل و انت من موقع قوة ولا تتدخل بالاساس خلك منظم ومن بعيد التدخلات هذي من الاتحاد هي اللي افسدت الدوري. زي مثلاً عندك موضوع النجوم الثلاث على التي شيرت انت كاتحاد وش دخلك في تي شيرت النادي اترك هالمسالة للنادي ولا تدخل فيها و تخلي الفرق الثانية تسبب حزازية في الموضوع ثم تطلع انت يا الاتحاد الايطالي منحاز لفلان و علان . البريمر ليغ زي ما تقول الاتحاد الانجليزي منظم للبطولة من بعيد ما يدخل في سياسات الاندية او خططها ، تبون اعلام خذوا اعلام و انا راح اسويلك يا الاندية حملة اعلانية لا صارت ولا استوت ، تبون تسوون ملاعب سوو على كيفكم انا مالي دخل لكن بكرة لا تقول لي يا النادي انا عندي عجز مادي وعوضني او سلفني . و متابعتي للدوري الانجليزي في التسعينات كانت من خلال المان يونايتد مع (( شمايكل - هيوز - كونتونا - روي كين - ستراتشان - اروين - قيقز في بداياته ... الخ ، و ايضاً ليفربول مع (( ايان راش )) و كريستال بلاس مع (( ايارن رايت )) و انتقل لارسنال بعدين ، و توتنهام مع (( شرينقهام )) و (( جينولا )) و (( شيرر )) مع نيوكاسل الخ ..... اسماء كبيرة و جميلة لكن لو تلاحظ انها اسماء بريطانية (( انجلترا - اسكتلدا - ايرلندا - و يلز )) و بعض الاسماء الفرنسية اللي جت من الدوري الفرنسي كذلك بعض الالمان اللي ما تصنفهم بجانب ماثيوس و فولر و بريمه و كلينسمان اللي لعب في اواخر حياته مع توتنهام لكن ابداعاته كانت مع الانتر . الشاهد في الفوارق بين لاعبي البريمر ليق و الكالتشيو . الكالتشيو فيه لاعبين العالم الافضل على مر التاريخ فوق ذلك اللاعبين الايطاليين المحليين الرائعين ، من البرازيل من الارجنتين من الاروغواي من تشيلي من الدول اللاتينية ، وايضاً اللاعبين الاوروبيين افضلهم من المانيا و هولندا و فرنسا و باقي الدول الاوروبية و الافضل من افريقيا شي من الخيال . فهنا في الكالتشيو تبي المهارة تحصل تبي قوة تحصل تبي نجوم تحصل ، يعني تقول الطبقة المخملية في كرة القدم كانت في ايطاليا و لك انت تتخيل الشي هذا . البريمر ليغ لعب بس (( بدفاشة و خالية من المهارة )) مع احترامي الشديد شوت بووووز من بعيد اذا الحرس ممتاز زي شمايكل راح يصد الكورة اذا مو ممتاز في المرمى ، حتى يوم جا (( كونتنا )) هو الوحيد اللي كان يعمل حركة مهارة لحالة فردية مو مهارة مع مجموعة فردي هو الوحيد اللي كان مهاري و تعده شي كبير من الناحية عشان كذا صنع له اسم في الدوري الانجليزي و كان متفرد بهذي الصفة . و سبب ان الناس زي ما قلت تفضل البريمر ليغ لانه كان مشاهدته في متناول جميع المشاهدين في المملكة كان عبر القناة الثانية السعودية بعكس الدوري الايطالي اللي ما كان متناول في المشاهدة الا من بعد ما جت ((art)) قنوات صالح كامل ، انا من حظي كنت اقدر اتابع كلا الدوريين على البث الارضي . و سبب نزول مستوى الدوري الايطالي الان هو الخوف من المساءلات اللي تعرض لها مارادونا و الاندية بشكل عام و المشاكل الا اللاعبين ما زال ودهم يلعبون في الكالتشيو لكن الاتحاد الايطالي بتدخلاته المستمرة خرب الكالتشيو التاريخي . اعذرني اخوي R A F A N E L L I و الشباب الموجودين على الاطالة ..... و لكم تحياتي .....:rose::rose: |
إقتباس:
بصراحة الفريق الفرنسي يملك تشكيلة تستحق المتابعة :yes: و ما أقدر ألوم أي متابع جديد للكورة العالمية إن يبدأ في عشق هذا الفريق الطموح |
^^ ههههههههههههههههههههههههه اوكاشا هههههههههه إقتباس:
الرزقان ابو الحطات انتهي بدري ، هو والغشيان اللي احس انهم قصروا بحق موهبتهم ..! |
السلام عليكم ورحمة الله وبركاته الناس تاخذ اجازة وتفضى للانترنت وانا اخذت اجازة وتورطت حتى الايميل ما فتحته راحت علي نقاشات ممتعه بالتاكيد فابحاول الحق اللي اقدر عليه إقتباس:
سعد وجهة نظرك واحترمها لكن مستحيل اعتقد بصحتها بأي شكل شف حال كل الفرق ووضعها الان كل اوربا تمر بازمة ديون على كل اصعدة الدولة ومن ضمنها الاندية الكروية الانتر بيبدأ سياسة التقشف لان قدامه مشروع ملعب جديد وظروف بناء ملعبه تختلف عن ظروف بناء ملعب اليوفي اليوفي يمتلك الديلي البي والانتر ما يمتلك الارض واليوفي ينتمي لمجموعة اكسور وتنظيمه الاقتصادي والاداري واضح ومرتب على عكس الانتر نادي الرجل الواحد فانتر موراتي بيبدأ سياسة التقشف لين 2016 اللي هو الموعد المحتمل لانهاء ملعبهم اللي يشبه لحد كبير ملعب الامارات الميلان هذي سياسة برلسكوني جالياني يقترب من بيع لاعب , يتدخل برلسكوني ويمنع البيع, الجمهور يطبل وجالياني يشكشك ويقول انقذنا برلسكوني بس هالشيء كان ينفع زمان لوجود شخص كان يضخ للفريق المواهب وينفجرون في الميلان مثل كاكا وباتو وتياجو سيلفا .. الخ هالشخص هو ليوناردو البرازيلي كان كشاف ولا اروع للميلان خصوصا في امريكا الجنوبية وكان برلسكوني في وقت رخاء وعنده ليوناردو والحين لاقروش بعد قرار المحكمة وليوناردو راح لباريس سانجرمان مثل ما قال الشاعر / ذهب الحمار بام عمرو ... فلا رجعت ولا رجع الحمار بالمناسبة استغرب من رؤساء بعض الاندية الاستغناء عن ناس اعتبرها منجم ذهب ليوناردو ومواهب ميلان مارينو اللي جايب معظم لاعبي نابولي الحاليين كشاف باليرمو اللي اقاله زامبريني العام الماضي واحد مواهبه باستوري نرجع للاتفاقيه اللي بين الاندية والاتحاد اعتقد انها شي غير صحيح بالنسبة لي والامر واضح وهو ظروف الاندية --------- إقتباس:
اخوي الملك دل بييرو اشكرك على انعاش الذاكرة وفعلا الكالشيو في اخر 30 سنة فيه الميلان واليوفنتوس ثابتين لكن فيه منافسين عمالقة ظهرو بشكل رائع نابولي 86-91 سمبدويا 91-92 بارما 93-99 فيورنتينا 94-97 لازيو 97-01 روما 00-01 انتر 98 ومنافسة شرسة من الانتر في كذا موسم وحصوله على بطولات اوربية برفقة نابولي وبارما ولازيو واليوفنتوس والميلان صراحة كان الكالشيو ماشي بشكل جميل لكن قتله الاتحاد الايطالي في 2006 والقتلة كانت شنيعه وكل سنة يضخ الاتحاد الايطالي قرارت متخبطة تضره وتضر الاندية يعني ينطبق على الاتحاد الايطالي واللي حاصل بضعف الاندية الايطالية خارجيا مثل ( بيدي لا بيد عمرو ) ملاحظين اني مخاوي عمرو ذا ههههههههههههههههه :smilie47: |
لا بالفعل يا (( سكرو )) اذا اجتع الاتحاد الايطالي باليوفي و الميلان و الانتر اعرف ان وراه بلى . نظرية الاخ فروزا يوفي ليش ممكنة الحدوث؟؟ لأن زي ماقلت ايطاليا بشكل عام و الاندية بشكل خاص في أزمة مالية ، طيب اذا طلع كلام اليوفي صح ؟؟ هنا الاتحاد الايطالي مطلوب من قبل اليوفي ((444 مليون يورو )) انيلي يبيها ، طيب انا الاتحاد الايطالي مقدر اعطيك يا انيلي .. وش اسويلك ، طيب اسمع يا انيلي بنجيب الانتر وميلان و نجتمع و فيها خراج . وش بتسوي يا الاتحاد الايطالي ؟؟ جا بيرلسكوني و موراتي و انيلي موجود ، فتحوا الجلسة العلم وما فيه يا موراتي سلامتك انت رجال اخطيت على انيلي و ربعه و يطلبونك الحق و انت رجال كبير رجل في الدنيا ورجل في القبر ما ودنا ندخلك المحاكم و نتشره منك بعدين ، موراتي قم حب خشم انيلي و تسامح منه ، انيلي بيقول لحظة يا اباتي ابي تعوضوني قبل لا يحب خشمي ، اباتي بيقول اصبر يا انيلي اول شي نصفي النفوس و العوض موجود قام موراتي حب خشم انيلي ، اباتي بيقول العلم كالتالي اسمع انت يا بيرلسكوني ما جبناك تصور معنا انت مركز معي ؟؟ بيرلسكوني بيقول ايه معكم اسلم ، اسمع يا برلسكوني انت قبل موسمين حققت دوري و انت يا موراتي يا اللي جبت فينا العيد جبت ثلاثية ما كنت تحلم فيها ، اما انيلي تبهذل ست سننين ، وش تشفون الحل؟؟ بتدفعون 444 مليون ؟؟ طبعاً انيلي بينبسط بذا الكلام بيقول و فوقها نجمة ، طبعاً موراتي و بيرلسكوني بيقولون لا صعبة ، من وين نعطيه انت شايف الوضع ازمة مالية وما نقدر عطه انت يا اباتي و بنقسط لك بعدين ، بيقول اباتي انتو قلتوا ازمة مالية ، طيب اسمع انت وياه عندي حل و تفكونا من مشاكلكم ، الثلاثة بيقولون اسلم يا اباتي ، انت يا موراتي و يا برلسكوني مشو خششكم من الدوري الموسمين الجاية و فرصة لكم تجددون فرقكم عشان تلحقون اليوفي ، وانت يا انيلي تبي نجمة صح و فلوسك ؟؟ صح ؟؟ انيلي بيقول ايه ابيهم ، خلاص يا انيلي لك من عندي ما حد ينافسك الموسمين الجاية انت بطل الدوري و بتجيك العائدات من تلفزيون وملعب و انتصارات و عندك دوري ابطال اوروبا قش في الدراهم بيديك ورجليك و باقي لك بطولتين على النجمة هذي هي البطولتين ، و انت يا موراتي و يا برلسكوني نافسوا على المراكز الاوروبية و يا دار ما دخلك شر ، هاه وش رايكم؟؟؟؟ هذا العلم وسلامتكم .......... بيرلسكوني بيقول انا من ناحيتي ما عندي مشكلة ، ما دام عندي دوري الابطال ، فوق العلم . موراتي بيقول و انا بعد دام بتفكوني شر المحاكم و الدراهم و حققت بطولات مالها سنتين من حققناها ، فوق العلم. اباتي بيقول هاه يا انيلي وش رايك ؟؟؟؟ انيلي بيقول ما دام بتطول السالفة اذا ما حليناها و بندخل في متاهه جديدة و فضيحة اتحاد و فيفا و زحمة و انا بيني و بينك تعبت من الطردي ورى ذا السالفة ولا بطول لا سما ولا ارض ، فوق العلم . اباتي بيقول خلاص اتفقنا لاحد يجي بعدين يقول رجعت في كلامي رفعت الجلسة ....... ممكن تصير ذا السالفة يا (( سكرو )) ولا لا ؟؟؟؟؟؟ هههههههههههههههههههههههههههههههههههههههههههههههههه لكم تحياتي.....:rose::rose: |
التشكليه المتوقعه للموسم القآدم http://i47.servimg.com/u/f47/17/47/15/79/3110.jpg إيسلآ المفترض يكون اساسي اساموآه رح يفيدنا في الأبطآل :smilie47: Juventini يعطيك العآفيه :rose: |
الملك ديل بييرو ههههههههههههههه تخيل تصير تسذا :d زي ما قال اخوي ناصر الاتحاد الايطالي خرب الدوري 2006 للأسف بس ●¦» ŞàŁεĥ «¦● الله يعافيك يا السمي :smilie47: اخوكم : صالح |
http://www.juventus.com/resources/im...dcc909eb5d.jpg فيدال : سننتقم من نابولي في كأس السوبر , سنفعل كل شيء من اجل الفوز و اخذ الكأس Vidal: “Revenge in our sights” - Juventus.com |
http://center.jeddahbikers.com/uploa...3425083391.png يا معذبهم يَ الكوتش /// مدري ليش هالاحساس من قبل بدايه اليورو بأن المهاجم فان بيرسي وزادت بعد رفض التجديد مسستحيل يلعب بالدوري الانجليزي مع فريق غير الارسنال والدوري الفرنسي مَ ضينت لأن عندهم أبرا الان الان لدينا خط وسط دفاعي وهجومي من أعلى طراز بأوروبا ومن الممكن ننافس على الثلاثيه لأن لدينا إداره قويه ومدرب كفو ولاعبين أغلبية الانديه الاوروبيه تتمنى أحدهم السنه ذي إن شالله سنة خير بحول الله وقوته |
سلام عليكم !! أبطلب التيشيرت من موقع اليوفي !! لكن فيه كم حاجه احترت فيها !! 1- النجمه الثالثه ,, هو فيه خيار اذا تبيها أو لا ,, انا عن نفسي اهم شي شعار اليوفي الرمسي يبي يصير فيها نجمه ولا لا وماني متأكد من الموضوع وهل بيحطون النجمه بالابطال ولا لا ؟ اذا احد يقدر يفيدني بهالشي بقدر اختار احطها ولا لا 2- المقاسات , انا الي اعرفه السمول عندهم كأنه ميديم عندنا هههههههه,, فما أدري اخاف أطلب الميديم ويطلع كبير او اطلب سمول ويطلع صغير ,, احد يقدر يفيدني هل هو نفس المقاسات الي جت باليوفي ستور بالرياض ؟ وبرضه اذا احد عنده علم متى ينزل الطقم بالرياض ! والي طلب من الموقع قبل . كم خذا وقت على ما وصله الطلب ؟ |
^ ^ 1- التيشيرت يجي وكالة بنجمتين , ولك الخيار تضيف نجمة ثالثة او لا , حط في بالك النجمة الثالثة بتجي مصمغه ماهي مخيطة مثل النجمتين ( بعض الناس اشتكوا من جودتها وسوء تثبيتها وبعض الناس لا ) , أكيد تيشيرت الدوري بيختلف عن الابطال كون الدوري مافيه نجوم وموجود عبارة تحت الشعار , تيشيرت الابطال ممنوعة فيه العبارات فما تدري يمكن يحطون فيه ثلاث نجوم ؟ الزبدة ما راح يصيرون مثل بعض 2 - المقاسات خذ نفس مقاسك اللي تلبسه هنا وان شاء الله ما عليك خوف من تجربتي :d واذا تبي تتأكد شف فيه عندهم Size chart جايب لك كل مقاس واللي يقابله بالكتوف بالانش بالنسبة للوقت هم كاتبين بالموقع الى 8 ايام عمل , لكن من تجربة سابقة في يناير خذ معي الطلب 5 ايام تقريبا , ومن تجربة حديثة طلبت قبل امس وانشحن طلبي امس وما شاء الله توها واصلة دبي :d يعني يمكن توصل على بكرة وبيصير اجمالي وقت الشحن اقل من 3 ايام ان شاء الله نصيحة تشترون هالفترة يا شباب لأن سعر اليورو خافس (4.65 ريال) |
إقتباس:
فان بيرسي يصل الى اتفاق نهائي مع ادارة ارسنال بعدم التجديد وتم ازالة اسمه من الموقع الرسمي للنادي , سيتم حسم انتقاله قبل الذهاب الى الرحلة الاسيوية يوم السبت المقبل , اليوفنتوس ومانشستر يونايتد ومانشستر سيتي وريال مدريد يرغبون بخدمات المهاجم الهولندي , اليوفنتوس غير مستعد لدفع 7.5 مليون كمرتب كما طلب اللاعب ولكن سيركز على عرض جدية مشروع اللفريق والرغبة في جعل فان بيرسي واجهة للنادي , المفاوضات لن تكون سهلة لتواجد مانشستر سيتي بعرضه الضخم , واصرار فيرغسون على جلب اللاعب لمشاركة روني في خط الهجوم , الاكيد اننا لن نرى فان بيرسي بقميص الارسنال الموسم القادم Van Persie, addio Arsenal. La Juventus è pronta |
إقتباس:
خصوصاً وأنه عندك دكة قوية جداً والإصابات بإذن الله ما تأثر على الفريق بوجود لاعبين بدلاء على مستوى مميز :smilie47: أعتقد اليوفي حتى الآن أفضل فريق شغال على الميركاتو ولابد من العمل في الميركاتو بشكل رائع ! الدوري - الأبطال - كأس إيطاليا بطولات تحتاج لجهد كبير كأس إيطاليا : بنظري أعطيها آخر الإهتمامات بما أنها خروج مغلوب ولا يكون فيها جهد كبير , الإحتياط اللي عندنا ياليت كونتي يعطيهم فرصة في كأس إيطاليا مع الإستعانة بخدمات بيرلو إذا حاب يكون فيه محرك للملعب بيرلو ! الدوري : تحتاج لجهد كبير وياليت كونتي يوزع اللياقة بين اللاعبين ويشرك بعض لاعبين إحتياطيين وكذا ممكن يوفر لياقة اللاعبين الأساسيين لمباريات الأبطال والدوري ! الأبطال : لها حكاية ثانية وقصة ثانيه , الأبطال راح نقابل فرق قوية جداً , اليوفي حاط عينه على الأبطال أو على الأقل مركز كويس وبعدين يبدأ يفكر باللقب اليوفي بشكل عام فريق قوي حتى الآن , الموسم الماضي كان رائع ولكن نقص الفريق مهاجم سوبر , كل ما أتمناه الآن مهاجم ممتاز وأهم شي يكون الإنهاء حقه ممتاز , الإنهاء بنظري قبل المهاره والطول وغيرها.. :rose: |
http://www.independent.co.uk/incomin...enal-getty.jpg ازداد تعقيد وضع فان بيرسي مع الارسنال بعد ان اوضح لادارة النادي ان خياره الأول بين الاندية الثلاثة التي ترغب في خدماته هو اليوفنتوس , فان بيرسي لم ينفي امكانية الانتقال الى احد اندية مانشستر ولكنه سيفضل اليونايتد على السيتي , لو كان بإمكانه الاخيار فسيختار بطل ايطاليا , من بين الاندية الثلاثة اليوفنتوس هو الأقل ماديا ولكنه الأنسب كونه سيخرج الى نادي خارج الدوري الانجليزي بدلا من الانتقال الى منافس لناديه الحالي من المتوقع ان تبدا مفاوضات بيع فان بيرسي هذا الاسبوع بعد ان اوضح رغبته للأدارة بالاستماع الى عرض اليوفنتوس اولاً , فينغر يريد بيع اللاعب لنادي خارج الدوري الانجليزي , هناك شكوك حول امكانية النادي الايطالي تلبية طلب النادي الذي يطلب مبلغ 20 - 25 مليون باوند , وكذلك تلبية طلب فان بيرسي الذي طلب عقداً لمدة 5 سنوات ومرتباً يتجاوز 6.25 مليون باوند في السنة , ولكن كلا الطرفين - النادي و فان بيرسي - متفقون على ان المال لن يكون سبباً في تعثر المفاوضات في حال قدوم اي عرض اليونايتد والسيتي عليهم الانتظار حتى يقوم اليوفنتوس بتقديم عرضه النهائي لأقناع الارسنال وفان بيرسي , الارسنال سيسافر الى ماليزيا يوم السبت المقبل ليبدأ معسكره التدريبي , سيكون من الأفضل للنادي واللاعب انهاء كافة التفاصيل قبل ذلك Juve are top of my list, RVP tells Arsenal - Transfers - Football - The Independent |
إقتباس:
اخوي حظيظ انا شريت التيشيرت من ايطاليا من ميلانو من متجر اليوفي انا مقاسي ميديم يوم لبستها نفس المقاس الي عندنا في الرياض مافي فروقات يوم جيت اشتري قلت للبياع بتنزل بدون نجوم قال لا هذي بس يلبسونها اللاعبين بس يوم اسمع تو اخوي ال la vecciha signora يقول النجمة الثالثة مب مخيطة رحت اشوف التيشيرت و طلع صدق توني انتبه و انا شاريها من بعد يوم من الاعلان عنها (الطقم الاسود) :d عموما لك الخيار تاخذ نجمتين او ثلاث نجوم بس يوم ادخل محل نايك مب حاطين الا نجمتين :ranting: موفق ان شاء الله :smilie47: |
| الوقت المعتمد في المنتدى بتوقيت جرينتش +3.
الوقت الان » 10:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd