مبروووووووووووووووووووووك الصدارة والله ببكي لو جاء الدوري اتحدا اي فريق في العالم يرجع زي ما رجع يوفنتوس بعد الهبوط

يارب ياكريم ان السبع جولات الباقيه كلها انتصارات


وانا اتوقع فيه سقطه للميلان في الجوله قبل الاخيره امام الانتر ولنلعب المباراة الاخيره تحصيل حاصل


بس الصدق الدوري السنه هذي مرعب جدا

اتوقع الكالتشيو يهدي اغنية جيتني مرحبابك بعد طولة غيابك





في الختام تعجبني مقولة الكعبي اذا ضاع الدوري من اليوفي فلا يلومن الا نفسه

اللي عنده استعداد يبكي يشوف المقطع لاسطورة العالم في نظري

Alessandro Delpiero- Is This The End..?? - YouTube

إقتباس الرسالة الأصلية كتبت بواسطة skroo السلام عليكم مبروك الفوز امس ان شاء الله اليوم نسولف معكم عن المباراة واحداث الكالشيو انا داخل علشان اقولكم فيه ردود استفزازية روتينية بالاستديو من نفس الشخص تتكرر في كل استديو فاتمنى من الجميع تجاهل ردوده تماما ايا كان رده الردود هدفها استفزاز وخروج عن النص وحنا اكبر من هالامور فرجاء تجاهلو ردوده وشكرا

ألف مبروك الفوز بأقل مردود خلال الشوط الثاني.


أيضا مؤيد للي قاله ناصر، تتجاهلون الردود الاستفزازية لأن التجاهل يقتلهم وخلونا نستمتع بالفريق و فالنا النقاط الكاملة أمام لاتسيو الأربعاء بإذن الله.

السلام عليكم

اررررررررررررررررررسل برقيه ياعيسكري

يازين عودة الصداره ياناس والله لها طعم وعساها تستمر

فريق ابو نقطه تصدر بفرق نقطه يافريق بيلنتي او ميلنتي

كونتي نفسي اعرف وش في مخه بس وبعدها اكون متطمن
بالرغم من انه يقنعك في كثير من الاحيان وبالرغم من مداورته بين اللاعبين
الا ان فيه شي في راسه مافهمته حتى الان وخصوصا في ركن ناس بالاحتياط واللعب باخرين من زمان مالعبوا اساسيين وفي مباريات مهمه
لكن الاكيد انه عطانا فوق طموحنا واكثر

شباب انا سمعت ان نسبة الاستحواذ 76% كاعلى نسبه استحواذ في اوروبا

أنا اعتقد ان كونتي من المحنكين لانه حتى الخصم لا يقدر ان يتنبأ بما سيفعله كونتي



سيلان يرجع الى مركزه الثاني ويخسر من الفيولا رغم احتساب ضربة جزاء غير شرعية

الانديه اللي تعادلنا معهن رايح جاي هي كييفو وجنوى وبولونيا وبس تقريبا

اقول شباب وين ميلان فوريفر عنا هالايام ليكون جاه شي بس

السلام عليكم ,, مساء الخير ي زعماء ي متصدرين ومن قدنااا

كنت مسوي رد طول بعرض وذهب للاسف ادراج الرياااح
اااااهـ ي حظي مع هالشبكه
ـــــــ


الف الف مبروك الصداره ي عياال والعوده للقمه مجدداً , واتمنى ان نعض
على هالصداره باقصى ما نستطيع ,,, وفوووز وعوده للصداره كانت بطعم
اخرر , وتابعت اللقاء بصحبة الاخ " ناصر " ,,,




خويناا ي النصري رااعي الذقن , من هو ي شباب .. ؟

سؤال
بالاضافه الي تحـت باراتيتشي من هو ي شباب ؟ مشبه عليه وكأني عرفته
بس ابي اشوف من هو منكم .. !؟







فررررحه استحقها عن جداره واستحقااق , افضل لاعب في المباراه حسب تقييم اغلب الصحف ..

حال بونو بونو في هالصوره وكأنه يقول :

THIS IS JUVENTUS

إقتباس سؤال عام / وشي الأندية اللي حتى الآن ما فاز كونتي عليها ؟ ( تعادلنا معها رايح جاي )

3 انديه نجت حتى الان من الخساره من اليوفي

تعادلنا معهم رايح جاي ( كييفو جنوى بولونيا )

وباقي ( روما وكالياري ) وان شاء الله نجهز عليهم لينضموا للانديه ال 14 الاخرى

فــورزا يوفي

فــورزا يوفنتوس
فــورزا يوفنتوس
فــورزا يوفنتوس

Forza Juventus
Forza Juventus
Forza Juventus

السلام عليكم ورحمة الله وبركاته

الف مبروك الصدارة وان شاء الله يستمر اليوفي بالصدارة لين اخر جولة
مباراة كان فيها شي مقزز جدا وهو تكتل باليرمو المبالغ فيه بالخلف

والتكتيك صاير قفل وشوت قدام وخل ميكولي يسنع الفريق
كذا هجمة مرتدة لهم تنقطع بسهولة من اليوفي بسبب عدم التركيز في الهجوم

هدفهم الدفاع ولا شيء غيره مع العلم ان المباراة ماتعني لهم شي
مستحيل يلعبون بالدوري الاوربي ومستحيل يهبطون

فيه كذا هجمة انقطعت بمناولة غلط من باليرمو لان همهم يرجعون يدافعون

صراحة اقرفونا بهالتكتيك المقزز
والمشكلة يجيك التوبيلي يقول اليوفي رتمه ابطأ من المعتاد
فريق مقفل قدامك 10 لاعبين كيف تبي اللعب سريع

كنت اقول لابوحميد ماراح يجي هدف الا بهجمة عشوائية وفعلا هدف الانتراوي بونوتشي جاء بوسط زحمه وبعدها انفك دفاعهم وصارو 9 بس


نجم المباراة بلا منازع



فان ديزل حق باليرمو
ما فيه مركز الا اشوفه يركض فيه حتى شكله جاب الشاهي لزامبريني اثناء المباراة من حماسه
محترق الرجال وحالته حالة ولا ادري وش يبي بالضبط طول المباراة مغير يراكض لين جت كورة في نص الشوط الثاني , يلحق الكورة وين ماتروح مع اي لاعب من اليوفي لين وقف وركع من التعب !!! وش هالحماس ما شفت مثل هالقتالية ضد اليوفي الا في مباراة بارما في الدور الاول موسم 2007-2008 يوم ينهبل وسطهم اليمين البرازيلي ولا خلى احد الا وسحب فيه حتى سواق باص اليوفي

امس اقل اللاعبين اداء كان كاسيرس واللي اتوقع ان كونتي كلفه بتامين الهجمات وليس المشاركة فيها لاني ما شفته يخش كثير مع الهجمات

واعجبني كونتي يوم يستخدم المداورة بين اللاعبين بحيث انه ريح ماتري وبيبي وجياكريني وليخنشتاير ودي شيلي , استفاد من اخطاء اليجري يوم يكد اللاعبين وهذا شيء يحسب لكونتي وهو التعلم


جولة رائعه بتعثر الميلان مع جزيل الشكر للبرج اماوري اللي اهدى اليوفي الصدارة على طبق من ذهب وان شاء الله رجال كونتي يبصقون دم لين اخر الموسم
ولا يهون يوفتش اللي من شرق اوربا والا يا ماجد

^^^


بارك الله فيك وماتدري قيد ايش ردك اسعدني. ان تأتي الاشادات من الخارج ومن غريم منافس شي جميل.

مشكور ومنور الرابطه


/


ناصر اي والله عيال شرق اوروبا دايم خارقيين للعاده ولهم بصمات كبيره مع اليوفي ومع كبار اوروبا.

انا تابعت مباراة ميلان وفيورنتينا كامله. يوفيتيش وبهذا السن الصغير حمل الكبتنيه وحمل مسؤوليه الإبتعاد من الهبوط.

من افضل المباريات الي شفتها لــ يوفيتيش بصراحه سوا شي ما يعرفه إلا الي تابع المباراه كامله ويكفي انه عدل النتيجه وحسم اللقاء بمناوله انت وضميرك.

كم انت كبير يا ناصر على نظرتك الثاقبه في اللاعبيين

بالنسبه للكراكتيرات في الاستديو هههههههههههههههه يعجبونك الطليان انواع الشماته ووسخريه بطريقه جميله جداً

تصدق للحين اتابع كالتشيو تون بعد ما طيحتني فيه ههههههههههه منسمين ذا الطليان

/


يا شباب ابي مساعدتكم وما نستغني


ابي اقتراحات بخصوص اللافتات في مباراة روما الي بحظرها في الستيديوم

ابي الجزيره الرياضيه يطلعوني بـ النقل. وش افضل شي ممكن اكتبه او رساله توصل ولها صدى كبير.

يعني من السعوديه إلى تورينو من اجل دل بييرو قراتسي كونتي فورزا يوفي

واي افكار او اقتراحات او صياغات جميله اكون لكم شاكر وممتن وما نستغني من ارائكم يا أخوان