|
صباحكم خير وحب ويوفي جميل يوفي مُبهر ، مميز بكل شيء لو فيه مهاجم شرس " مُخلص للهجمه " كان الحين محتفلين بالاسكديتو وأعتقد أن بيرلو هو كلمة السر في يوفي كونتي تحيتي للجميع |
هلا بالحبايب ،، ميلان طلع اليوم وكان بلنتياتنا اللي ما حسبت انردت لهم بالابطال ..!! اكيد خروج الميلان بيكون محبط لهم ،، اتذكر يوفي كابيلو لما طلعنا من التشامبيونز دحدر الفريق وتعادلنا كثير ،، ميلان بيركز علی الدوري لانهم لو خسروه بيكون اليوفي فاز عليهم بالملعب وكاس ايطاليا والدوري وكل شي .. ويعني اليوفي رجع ١٠٠ ٪ !! كونتي امامه مهمه صعبه في اختيار التشكيله .. ٣-٥-٢ ولا ٤-٣-٣ ... انا اعتقد ان اليوفي امام نابولي حالفه الحظ كثير بهدف بونوتشي اللي انهی امال نابولي بالفوز .. كوره ثابته و قبلها كان نابولي ضاغطك .. نابولي ارادوا ان ينهو الشوط الاول بالتعادل وحققوا اللي يبونه .. انا اشوف ان الفريق لازم ما يعتمد علیتشكيله لكل المباريات وتستخدم حسب المعطيات عن الخصم قبل المباراه .. الفرق اللي تلعب ٣-٥-٢ من سنوات صعب تفوز عليهم بالـ ٣-٥-٢ خصوصا نابولي ،، نابولي عندهم افضل اللاعبين لهذه التشكيلة بالذات .. واكرر اليوفي كان محظوظ جدا !! كونتي لازم يحدد خياراته الهجوميه للجولات القادمه .. مش ممكن تنسف ماتري بالدكه وترجعه بعد اربع مباريات وتقوله سجل وبعدين تنزل بورييلو اللي له مدري كم مباراه ما لعب اساسي ،، واذا جيت تطلعه تحط كواليا اللي ما طقها من زمان ..!! كونتي برضوا لازم يحدد اللاعبين اللي في الفورمه ،، موب شرط الاساسيين هم اللي يلعبون دايم .. يعني كاسيريس بالفورمه ، ليكشتاينر مستواه نازل .. ونفس الشي ينطبق علی بيبي .. اتمنی كونتي يجرب كواليا وفوزي وماتري في ٤-٣-٣ امام باليرمو ،، وديل بييرو وجاكيريني و بيبي حلول من الدكه .. !! الكره في ملعب كونتي ،، اللاعبين ما راح يتهاونون بالتاكيد !! بالتوفيق لليوفي ، كونتي ، و ديل بييرو ! |
http://cache.daylife.com/imageserve/...scck0/x610.jpg " إذا أراد الميلان الفوز بالدوري , فعليه أن يبصق الدم حتى المباراة الأخيرة " s121s |
إقتباس:
كما قلت سابقاً إذا كانوا يريدون الفوز بالسكوديتو فعليهم أن يبصقوا الدم حتى المباراة الأخيرة !! ولتحقيق ذلك لا أريد رؤية سلوكيات سطحية !! " كونتي :smilie47::smilie47::smilie47: |
المحكمة العليا للجنة الاولمبية الايطالية تؤكد عقوبة الايقاف مدى الحياة لمودجي و جيراودو (حسين ياسين) |
http://www.youtube.com/watch?v=xbtEG2pJb4E؛ موقع قول ، افضل هدف في الدوري الايطالي لهذا الاسبوع فيدال :) |
^ ^ يستاهل فيدال !! هدفه هذا وهدفه على بارما من اجمل اهداف اليوفي هالموسم الولد عنده قدرات تهديفية لكنها ما ظهرت بالكالتشيو , كان مسجل 10 اهداف وصانع 11 هدف بالدوري الألماني الموسم الماضي http://img100.imageshack.us/img100/4...3421513722.jpg وش كان يسوي بونوتشي بالضبط ههههههههههههههههههههه |
إحصائية وصلتني من التويتر : فيدال هو أكثر لاعب قطع كرات بين لاعبي الوسط في أوربا , 101 كره , أي أكثر من جميع لاعبي وسط روما بـ 5 كرات .. والصحف الإيطالية تقول أن كوالياريلا مرشح أن يكون أساسياً أمام باليرمو .. * ان شاءا لله نشوفه هو والدل بالتشكيلة الأساسية : ) , |
ناصر وبقية الشباب .. اعذروني على القصور بس والله متابع لكم دايم والشكر لكل الشباب ما قصروا بعدين طويطر صاير يفك ازمه بالأخبار �� |
<iframe width="640" height="360" src="http://www.youtube.com/embed/3qYLktPiiu4" frameborder="0" allowfullscreen></iframe> |
ههههههههههههههه مادري بس ودي أضحك ،، مبطي عن الرابطه ،، لهينا بالتويتر واحيان بموضوع كل جوله ،، انا أكثر خبر يقلب تسبدي لا شفت مدير أعمال هيغوين يقول انه قريب من اليوفي ومره يقولون قيمته 30 مليوون ،، المشكله مابه زود عن ماتري وكوالياريلا ،، لاعب يسجل بس ما يفقه باللعب السريع ومن لمسه وحتى كوالياريلا أفضل منه يعدي ويلعب من لمسه ،، بالمقابل الخبر الحلو اللي قريته ،، ان أسامواه لاعب أودينيزي بيجي لليوفي ب 12 مليون + بياتزينزا تخيلو بس لو وسط اليوفي بيرلو اسامواه ،،،، فيدال ماركيزيو ماهو شرط بنفس الترتيب ،، لو يكون فيدال بدل الماركيز أو الماركيز وفيدال يتبادلون مراكز ويلعبون على كيفهم ،، الوكاد انه بيصير أقوى خط وسط أسامواه لاعب خيالي وهو مع ايسلا ودي ناتالي هم اللي شايلين أودينيزي ،، لكن هالخال هو الي شايل وسطهم وأتمنى سواريز ولا دزيكو ولا راميريز بهجوم اليوفي |
^^^ هلا حظيظ طيب عطني رايك بـ النفاذه ارميرو المجنون الي يلعب على الرواق الايسر مانشستر يونايتد يبونه. اتمنى ينقض عليه ماروتا قبل فوات الاوان بنظري انه يساعد اسامواه كثيراً ولاعب عن 11 لاعب يذكرني بتورام قدام برشلونه 2003 يقطع كرات ينطلق يسحب يشوت يصلح يرجع يضغط لياقه كل شي يا رجال هههههههههههه فيرقسون يبيه وحاط عينه عليه ماهو عبث لانه ديناميكي ولاعب متكامل على قولة البريطانيين all rounded |
السلام عليكم ,, مساء الخيـر ,, // البــارســأ يريد سيباستيان جوفينكو ][ http://cdn.tuttosport.com//images/38..._ts673_400.jpg وفقا للكوريرا ديللو سبورت فان خبر اهتمام البارسا باللاعب الايطالي الشاب جوفينكو اصبح مؤكداً : فملكية اللاعب المشتركه بين ( اليوفي وبارما ) وتقديمه لمستوياته وارقام جيده مع ناديه الحالي بارما , جعلته مطمعاً لبعض الانديه الاووربيه واهمها العريق الفريق الكاتلوني برشلونه الذي على ما يبدو ان رغبته في ضم اللاعب تظهر على السطح لمره اخرى , في لقاء الامس ضمن مباريات نصف نهائي دوري الابطال بين البارسا والميلان في الكامب نو تواجد شقيق وكيل اعمال اللاعب المستر ( اليساندرو داميكو ) , ووكيل اعماله هو ( اندريا داميكو ) . اليوفي يفكر في اعادة اللاعب مره اخرى , حيث نشأ في اكاديمية اليوفي , ولكن في حال وصول وتقديم عرض جدي وقوي من برشلونه فهذا الامر قد يتغير مساره ليتجه اللاعب الى ارضية ومعقل الكامب نو الخاص بالفريق الكاتلوني . tuttosport ـــ تعليقي على الخبر , فنظرا لكثرة اخبار انتقال اللاعب , فمن وجهة نظري : فان سيباستيان جوفينكو يعتبر مفتاح مهم جدا لليوفي , اذا ما اراد كونتي فعليا اعادته الى معلقله اليوفي , لان في الكثير من الاوقات كونتي يمتدح اللاعب ويذكر بانه من الممكن الاستعانه فيه الموسم المقبل لذا ارى .. ان اللاعب يعتبر من اكثــر الصفقات التي يجب ان نقف امامها قبل الخوض في معترك الميركاتو الصيفي هو سيباستيـان جوفينـكو لان الاخبـار تشير الى ان كونتي من الممكن ان يقوم بطلب اعادة اللاعب من بارما , لان الملكيه المشتركه بين الفريقين مستمره وموعد فتح المظاريف 25-6 لذا على اليوفي ان يجتمع مع بارما قبل موعد فتح المظاريف .. متى ما توصل الطرفين الى اتفاق يقضي بان يحتفظ كل نادي بنصف بطاقة اللاعب حينها يحق لبارما ان يتصرف في نصف عقد اللاعب ببيعه لاي نادي سواء ايطالياو اسباني او اي فريق في العالم بعد تاريخ 25/06 .. |
فعلا اسامواه قريب جدا جدا من اليوفي باقي امر بسيط وهو ان اودينيزي يبون ادخال حارس البريمافيرا الروماني برانيسكو في الصفقة ( شكل هاندانوفيتش طالع طالع ) والانباء تقول راح نعطيهم 50% من بطاقته انا رايي لو نعطيهم كامل بطاقته مافيه مشكلة :d لأننا اكملنا صفقة حارس بريشيا الشاب المتألق ليالي اللي بكل تأكيد أفضل من برانيسكو اسامواه 23 سنة اضافة ممتازة في خط الوسط خصوصا مع مشاركة التشامبيونز الموسم الجاي واللعب على اكثر من جبهة شي رهيب لما تشوف ان اول صفقات الفريق احتمال كبير جدا تكون اسامواه ( اللي راح يكون احتياطي وبمبلغ 12 مليون ) فكيف ببقية الخانات اللي تحتاج لاعبين اساسيين ؟ مثل المهاجم الصريح والجناح الايمن والظهير الأيسر التسريبات جدا مشجعة وتدعو للتفاؤل بميركاتو صيفي عظيم خصوصا وان اينيللي اكثر المتحمسين حسب ما قرأت ان الاستراتيجية ستكون جلب لاعبين قليلين بجودة عالية مع ميزانية متميزة إقتباس:
مصدره في هالمعلومة شخص يدعى Curva من منتدى اللافيكيا سينيورا الايطالي وهو كما قرأت يعتبر من أقوى المصادر وأصدقها ______ اليوفي يكسب اكثر من 4.5 مليون يورو من خلال مباريات الانتر وميلان ونابولي في ملعبه L'angolo di Pucci - Juve: chi si costruisce uno Stadium, trova un tesoro - Tutto Juve |
أكثر لاعب كارهه هالوقت هو جيوفنكو ،، يحسسك انه مردونا زمانه. والألعن منه مدير أعماله ،، من يوم طلع وهو شايف نفسه على الفريق وهالنوعيه ما أتشرف اني اصفقله ،، أماوري بس بشكل صغير ،، الثقه الزايده شينه ،، من انت عشان تتكلم عن رقم دلبييرو ؟ وش انت عشان تتشرط على اليوفي وانت توك بزر من بريميفيرا النادي ،، هو ماركيزيو طلعو مع بعض وهو سوا هاله اعلاميه هو ومدير أعماله عشان ياخذ خلافة دلبييرو وبالأخير هذا ينافس على الهبوط مع بارما ،، بينما الأمير دخل قلب كل مشجع يوفنتيني لأنه شبيه الملك بالضبط ،، ما يصرح الا بالمستطيل الأخضر ،، ولنا بالملك أكبر مثال منلطع احتياط ولا تذمر ولا قال شي ،، لاعب يبي يكون له بصمه باليوفي لازم يحترم الشعار ماهو العكس ،، واذا بياخذها بالقذاره يمديه ياخذ رقم 10 بروما انا حقدت عليه من كثرة تصاريحه ومن شوفة النفس ،، ------ ماجد ارميرو لاعب بطل وممتاز ومفصل على خطة 3-5-2 ،، لكن انا أشوف انه ما ينفع جناح لأنه الفريق غالبا بتكون خطته 4-3-3. ووجوده كجناح مستحيل بوجود فوزي وبالظهير أشوف ان دي تشيللي تطور كثير ومغطي خانته ،، ارميرو ممتاز لياقيا وافتكاك لكن ماندري هل هو قادر على التسليم والاستلام الصحيح واللي هو أهم شي يعتمد عليه كونتي وهالشي هو اللي خلاه يستبعد كراش لأنه عنده ميس باص كثير انا لو بتسألوني عن رايي وكم لاعب يحتاجه اليوفي بقولك 2 بس بوفون ديتشيللي ،،، كيليني ،، بارزالي،، شتاينر بيرلو فيدال،، الماركيز فوزي ،،،،،، راميريز دزيكو بس ناقصنا جناح يسار ومهاجم ،، أو جناح يسار بس ويكون كوريلا هو راس الحربه اليوفي لو عنده هجوم قوي ومهاري كان يمديه يفوز على أي فريق بأوربا والعالم ،، لأننا باختصار عندنا أقوى حارس وأقوى دفاع ،، بس مشكله اذا انت بهجمه مرتده يقودها بوريللو ومجنح ماتري ههههههههه طبعا لاعب واحد أساسي يكون الفريق قوي ،، لكن كم صفقه للاحتياط ولو جا اسامواه يكفي للوسم والدفاع برضه أوكيه لو قلنا ان احتياطك كاسيريس وبونوتشي يكفون ويوفون لأنك تقدر تلعب كيليني ظهير يسار وعندك كاسيريس احتياط للظهير الأيمن وبرضه يلعب بكل مكان بالدفاع يعني صفقة أسامواه مع جناح يمين وأتمنى راميريز وبعده لاميلا أو دي ماريا هذي تكفي للموسم الجاي ،، أهم شي لا يجي هيغوين ويكون اختيارهم موفق ،، انتهى الموسم وماشفنا ايليا |
| الوقت المعتمد في المنتدى بتوقيت جرينتش +3.
الوقت الان » 08:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd