3 مبـآريات خاضها اليوفي كلها تعادل اكيد فيه خلل في الهجوم !!
مشكله اذا الفريق يتعادل مع كل فريق يواجه سواء فريق كبير او صغير في ارضه او ارض المنافس .؟؟
اليوفي ماعنده القدره الحفاض على النتيجه بسبب غياب المدافيعن الاساسين وهاذي رح تسبب عائق للفريق للضفر بنتيجه ايجابيه في المباريات المقبله بـ الدوري !!
مبارتنا الجايه اعتقد اذا مافزنا فيها رح يكون الدوري بعيد المنال بسبب قناعات كونتي !!
بنسبه لبطوله الكأس / اشك انها رح تكون من نصيبنا (:

إقتباس الرسالة الأصلية كتبت بواسطة del peeroo بآآك مباراه بطلها كونتي وتشكيلته الغريبه اللي ما أدري ليش داخل فيها مريح نص الاعبين على اي اساس ؟! عندك نهائي الابطال السبت مثلا ؟! قسسم بالله صرت اتمنى ننهزم مباراه علشان نفتك من هالقناعات الغريبه من كونتي ثوريلو أبي أحد يقنعني بأنه أفضل من ماتري أو إليكس ديل بيرو !! يَ خي إذا مَ تبي ديل بيرو قلها وريحنى اسيست مجنوون بخصوص البنلتي لكم الحكم تحيآآتي

يعطيك العافيه
الحين تأكد انها ركله جزاء صحيحه بعد ماشفتها اكثر من مره !!
الحين اليوفي له 8 ضربات جزاء غير محتسبه في الدوري !!
التحكيم الايطالي مزفت ،،

حسنته الوحيدة انه جاب قول ولا طول المباره مثل السطل مايبي يقتنع ان هاذي امكانياته
كونتي مانبغا نشوفه خشته مباره الجايه !

هل كنا متوقعين الفوز ؟!
اتوقع الفوز من فريق عقيم هجومي ..!!
الناس تضرب بالاربعه والخمسة واحنا ننطق في بداية المباراة وبعدها نتأمل في التعادل .!!
شي يرفع الضغط .. خصوصاً لو وسطك و دفاعك رايح فيها ..
اليوفي محتاج ميزانية قوية جداً .. يدخل فيها الميركاتو بعنف .. دفاع وسط وهجوم ..!!
4 وسط - 3 مهاجمين - دفاعين اثنين .. مثل الجوكر ..!!

يا كونتي .. معقولة خايف من الاهداف انها تجي فيك ؟! وانت محتاج الفوز ؟!
اذا انت محتاج الفوز .. تلعب بهالخوف ليه ؟!
اكثر مدرب رفع ضغطي .. اضيفه الى مدرب الهلال السابق .. توماس دول ..
خوف .. غياب تكتيك .. لا روح ولا اصرار .. التعادل او الفوز يجي باجتهادات شخصية فقط ..

الله المستعان .. ما كنت ابي اعلق نتائج اليوفي ع نتائج الميلان ..!!
لانه الميلان مثل البحر لا هاج ياكل يحطم الي قدامهـ .. كلمة حق ويجب ان تقال ..

بالتوفيق بالمستقبل

السلام عليكم و رحمة الله و بركاته
للاسف هذا ما تحدثت عنه كثيرا و هو يتكرر دوما و محظوظ ميلان بمنافسة اليوفي له

إقتباس الرسالة الأصلية كتبت بواسطة 1ابو ابراهيم السلام عليكم و رحمة الله و بركاته اتمنى من المدرب يعرف الاخطاء اللي صارت لانه لا يعرف يجيد قرائة المباريات و لا يوجد لاعب حسم و اتوقع الايام القادمة بتكون فيها مفاجئات غير سارة و لا يجي واحد بيقول كلام عاطفي هذا اللي قلته من البداية و اتمنى ما تكون الايام الجاية تنسف كل النتائج لليوفي ابغى تعليقكم على هذا السؤال افضل ان تتعادل في 12 مياراة او تهزم في 3 مباريات او 5 و تفوز في 8 مباريات ؟؟؟

ردي هنآك

السلام عليكم ورحمة الله وبركاته



تعادل تعادل لين الله يفرجها
اكسر رقم الانتر القياسي ايام مانشيني واجلس شكشك مع بوريللو وبونوتشي وخل ايليا ودل بييرو يشكشكون معك

كونتي بدا يخبط بلهجوم فريق عنده الدوري والكاس فقط؟ ايش المشكله؟

ماراح ينقذه الا الملك والايام بيننا
حالين الفريق محتاج قائد في الميدان في مثل هلمرحله محتاج اليكس ياكونتي محتاج اليكس
وفكنى من بوريللو هو وقدلته لابارك الله في اليوم الي جا فيها اماوري ارحم منه يارجل وبمراحل

التوتو يوفي تفجرها :
الحكم الرابع بيرجونزي قال لـ كونتي بين الشوطين انه سيطرده !!

..

ي عيــأل والله الواحد ما عاد يدري ايش يقول , من الكـلام الي يصير حول كونتي وحول قناعاته السلبيه

صحيح ان كونتي الى الان توجد حوله العديد والعديد من علامات الاستفهام وحتى التعجب

في طريقة ادارته للمباريات واختياراته الغريبه العجيبه .. لكن هذا لا يعني اننا ننعته او نسفّل فيه

للاخــر .. الى الان الفرق النقطي بيننا وبين المتصدر نقطتين , من كان منا ليحلم ان يكون وضعنا

بيكون بهذه الطريقه .. لكن شهــر مايو هو الموعد الفعلي لإمكانية الحكم على ما قدم كونتي في موسمه الاول

إقتباس باقي لنا 12 مباراة في الدوري , 6 على ارضنا و 6 خارج ارضنا ومباراة في اياب الكاس امام ميلان على ارضنا , وفي حال تجاوزناها باذن الله راح يبقى لنا الفاينل يا نابولي يا سيينا في الدوري باقي لنا انتر ونابولي ولاتسيو وروما على ارضنا = 4 مباريات صعبة , في الذهاب فزنا على لاتسيو وانتر فقط باليرمو وجنوى وفيورنتينا خارج ارضنا = 3 مباريات متوسطة , في الذهاب فزنا على باليرمو والفيولا فقط كالياري واتلانتا ونوفارا وليتشي وتشزينا = 5 مباريات اقل من المتوسطة , في الذهاب فزنا على اتلانتا ونوفارا وتشزينا وليتشي فقط متاح لنا حتى الآن 36 نقطة , يرضيني الحصول على 25 نقطة كحد ادنى من خلال احد السيناريوهات التالية ( الفوز في 8 والتعادل في 1 والخسارة في 3 ) ( الفوز في 7 والتعادل في 4 والخسارة في 1 ) ( الفوز في 6 والتعادل في 6 ) وقتها راح يكون مجموعنا النقطي 77 نقطة يضمن لنا التأهل للتشامبيونز بالراحة باذن الله [ افضل مجموع وصله اليوفي بعد الصعود هو 74 نقطة مع رانييري موسم 2008/2009 يوم كانوا ديل بييرو وتريزي الهدافين ] لو كررنا نفس سيناريو الذهاب مع الاندية المتبقية , راح نجمع 28 نقطة ( الفوز في 8 والتعادل في 4 ) وقتها راح يكون المجموع النقطي 80 نقطة !! مجموع يخليك تسعبل وتحسب امكانية فوزك بالدوري من خلال تعادلك مع الميلان في النقاط ( اقل الايمان ) عشان نتعادل مع ميلان نقطياً ( 80 نقطة ) في احسن الاحوال لازم تحدث احد السيناريوهات التالية للميلان ( الفوز في 8 والتعادل في 2 والخسارة في 2 ) ( الفوز في 7 والتعادل في 5 ) طبعا السيناريو الثاني اعتقد من الصعب حدوثه خصوصا ان ميلان جدوله سهل للغاية ماباقي له غير روما والانتر وعندهم خشيمان في الفورمة واكويلاني والبرنس بيرجعون من اصاباتهم عموما الحسابات كثيرة ومعقدة لكن نقول خير ان شاء الله

هلا ب اخصـأئي الارقـام ( فيصل ) يعطيك العافيه ... ترااا التفكير بالمباريات المتبقيه يزيد الكثير من الضغوطات في كيفية
سيرهاا .. لذا لنعطي كل مباراه حقهااا وفق ظروفهااا .. الف شكرر لك

~~

إقتباس قريت موضوع في منتدى اللافيكيا سينيورا الايطالي يثير الاهتمام بصراحة الموضوع يقول ان كونتي وماروتا غير منسجمين ابداً , هالكلام يدعمه ندرة صورهم مع بعض , والتصادمات العجيبة اللي صارت بالميركاتو بدليل ان ماروتا يشتري زيغلر ويبيعه في نفس الميركاتو ويشتري باتزينزا وموتا في الصيف , ولكن لا يُستفاد منهم وتتم اعارتهم من جديد في الشتاء ويشتري ايليا الشاب بعد محاولات في السنة الماضية , ولكن لا يُستفاد منه ويطالب بـ" المزيد من الجدية " من قبل كونتي وأخيراً يبيع نصف بطاقة جيوفينكو المطلوب بشدة من كونتي عندما كان يدرب باري وسيينا كذلك بدليل ان كونتي طلب من ماروتا التوقيع مع كاسيراس ونانغولان بالاسم قبل لا يبدأ الميركاتو الشتوي , ولكن ماروتا لم يجتهد في الأخير. وسعى في غوارين الى ان اتى بموافقته وموافقة ناديه على اساس انه ورقة ضغط على رئيس كالياري , ووضع نفسه في مأزق في آخر أيام السوق !! يا غوارين مع مدافع آخر وبكذا تزيد الفجوة بينه وبين كونتي !! او كاسيراس ولاعب وسط يمشي الحال (بادوين) , بالرغم من ان كونتي اختاره لكن مايقارن بطريقة اختياره لجياكيريني اللي كان مراهن عليه من البداية , ولكن على طريقة وجهن تعرفه ولا وجهن تجهله وأخيراً يجمد كرازيتش تماماً مع ان ماروتا شاريه بـ 15 مليون قبل بموسم فقط

هذا الموضوع اعتقد ان الي كاتبه ( واحد نصـراوي في السعوديه اي واحد انتراوي او ميلاني او من تورينو في ايطاليا )

[IMG] [/IMG]

الكلااام هذا مررره غير منطقي وان كان ما فيه صور بين ماروتا وكونتي , مثلا كيف يبون الصور في اي وضعيه

بالضبط , يعني ان اظهر للجميع مدى خطـأ احدهما على الاخـر وأكد ان نظرة ماروتا في اختيار اللاعبين غير صحيحه , او ان كونتي

يلعب ببوريللو بناء على اساس انه ما وفر لي بديل ناجح افضل .. كل هالامور اعتقد ما يفكر فيها واحد

عــاقل .. مع احترامي بالطبع لكـ , امــا كاتب هالمووضوع حــاسس انه مقرقــع للاخررر وكتب هالموضوع

إقتباس ما تتوقعون ان كونتي يبي يوضح للادارة فشل عمل ماروتا الاداري في اختياراته لـ اللاعبين ؟ بورييللو لا يختلف على عكه اثنين ومع ذلك لعب 7 مباريات من اصل 11 مباراة لعبها اليوفي من يوم جا للفريق !! تحس كونتي مع هالقناعات يبي يوصل لشي معين لأنه مافيه احد عاقل يترك دل بييرو هداف اليوفي التاريخي وماتري هداف اليوفي الحالي ويبدأ ببورييللو اساسي 77 دقيقة وهو يحتاج يسجل هدف على الاقل يكسبه النقاط الثلاث في المباراة الأخيرة !!

مهمــا كانت التفسيرات كل الموضوع على بعضــه نهــائيـا ما بيدخل في الراااس ولا يحتاج للنقاش
مع احترامي وتقديري لمجهوداتك الدائمه اخوي فيصل , خلااص لنعتبر ان كونتي مجنون وقاعد بلعب
بالفريق فوق تحت عشان يثبت للجميع ان ماروتا شغله غلط في غلط ... حدّث العاقل بما يعقل "صاحب الموضوع" , خلاص
اطلب مولينارو من جديد ورجع غريغيرا واعيد بومسونغ واندرادي عشان اقول ان ماروتا شغله غلط في غلط ..

إقتباس هذا التفسير المنطقي الوحيد اللي لقيته لقناعات كونتي الغريبة

لا هو منطقي ولا شيء , قنــاعات كونـــتي صح انها تغــث في كثير من الاحيــان , لكن المستر

مع الوقت اتمنى ان قناعاته في اللاعبين تتغير بعض الشيء ويعطي كل ذي حق حقه ..

في الاخير شكرا لك على ترجمة هالتفسيرات الغريبه !!

وقبل لا انهـــي

اقوووول | ايش سويت فيهـــم ي كـــونـــتي |

اليـــوفي لاول مره يخسر على ملعبـــه

بريمافيرا اليوفي يخسر بهدفين لهدف امام روما في ذهاب نهائي كاس ايطاليـا ..

على اليوفي ستاديوم كان اللقـاء