|
السلام عليكم ورحمة الله وبركاته واخيرا الواحد يتنفس الصعداء مع هالفريق ابداع وامتاع حتى النهاية من افضل الاشياء بكرة القدم انك اذا سجلت تحاول تزيد النتيجة علشان تضمن الفوز مو تسجل هدف وترجع تدافع بشكل مقزز الحمدلله الفريق ثقته بنفسه عاليه وجزيل الشكر لكونتي اللي اعاد اكتشاف الفريق واللاعبين مرة اخرى الافضل من وجهة نظري بوفون + ليخشنتاير + ماتري + ماركيزيو والاسوأ بونوتشي وبدرجة اقل بيبي البقية كانو ممتعين عيب الفريق الهجمات المرتدة واحيانا ينكشف بوفون بسرعه بسبب التمرير الخاطيء خصوصا من بونوتشي اليوم حتى بيرلو كان قريب من انه يورط الفريق بس ربك ستر والحمدلله فيه عملاق بالخلف اعجبني ببوفون بالشوط الاول يوم يخش على ايلتش بالانفرادية اللي على الجناح بالاضاافة الى الانفرادية من العمق اللي انقذها بوفون وبرضة تصديه للتسديدة اللي من داخل خط الـ18 الحمدلله على وجود هالعملاق واللي اسعدني اكثر التبديلات, كوالاريلا تبديله اكثر من ممتاز والجمهور تفاعل مع هالتبديل والرجال داخل بحماس وفعلا يحاول يثبت نفسه وتبديل الملك اكثر من رائع لابد من تكريمه بعد ضمان النتيجة وما قصر الملك وتبديل اللي جاي من نابولي للحفاظ على ساتر دفاعي في خط الوسط برافو كونتي اعطيه 10من 10 الاجمل في هاللقاء حاجتين 1 اخيرا الفريق سجل من كرة عرضية 2 http://30.media.tumblr.com/tumblr_lu...odg5o1_500.jpg هالصورة اللي نهديها للي استغربو فرحة اللاعبين بالفوز على الانتر والميلان |
السلام عليكم المعذره على الانقطاع لظروف سدة النفس من بعض اليوزرات الخضراء ومبروك صدارة عجوزنا وفوزها على العنيد باليرمو فوز محتاجينه لفرض هيبة اليوفي المسلوبه امام هذه الفرق ومنع التطاول والجرأه المبالغ فيها امام اليوفي مره اخرى نتائج الجوله خدمت الفريق ولو انه له مؤجله بالاضافه لفوزنا العريض الفريق له ثقل كبير في الملعب كم زمان ماشفت هاليوفي فيه نقطه وهي اعتقد انها حديثه على اليوفي او الكالتشيو عموما وهي ان الحارس وخط الدفاع لايشتت الكوره للامام الا في حالات نادره تحت تأثير الضغط يعني تسلسل تمريرات من الحارس للدفاع واعادتها للحارس وتوزيع للاظهره وبعدها للاجنحه وللوسط واعادتها للاجنحه وعدم فقد الكره الا بصعوبه كأسلوب برشلونه لكنها تجيب العيد في حالة اي خطأ بسيط وخصوصا ان كيلليني احس انه مهبول سيقانه طوال ومايمرر كوره الا لازم يطيح بعدها او يزلق وايضا بيرلو بعض الاحيان يجيب العيد اشكركم ياشباب وشابه على المجهود المبذول واعتذر عن القصور |
إقتباس:
جيكاريني نفس الخصائص على قولتك .. واذكر اني سفلت فيه قبل فترة .. لكن يوم برقت باللاعب اثره عنده اشياء مهب عند بيبي ومثل ماقلت سرعة ومهارة ليش مايلعب ؟! تمنيت ان ابو الكونت يعطي فرصة اكبر لدلبييرو خاصة انه الهدف الثالث جاء بوقت حلو وكان وقتها دخول الدل راح يكون رائع امس باخر الدقايق لعب الفريق بخطة 4-4-2 بيرلو وبيبي اطراف وفيدال وبياتسنزا بالمحور الدل وكاوليا هجوم .. هذا يثبت لك ان كونتي براسه افكار لكن مثل ماقال ابو ثامر يستنى مباريات مثل كأس ايطاليا |
سلام عليكم ,, صباح الانتصار ,, صباح المتعه والابداع ,, صباح الاقناع ,, صباح الصداره مع مباراة مؤجله http://30.media.tumblr.com/tumblr_lu...odg5o1_500.jpg اخيرا الباكات صنعوااا اهداف " كليني الاول وليشتاينر الثاني " جبنا الثلاث نقاط وحققنا الانتصار الثالث على التوالي واتمنى ان تتواصل الانتصارات ,, الحمد لله الف مبروك انتصار الضرب بيد من حديد , لو تعملوا ما تعملوه يا اتحاد العار اليوفي كونتي رد بتصريحه عليكم , لا اعتذارات سواء توقفنا 20 يوم او شهر اللاعبين لن يتراخوا وامر " تكسير رتم الفريق لن يؤثر دامنا نعمل بجد " ,,, ضربنا باليرمو في معقلنا بثلاثيه وكسرنا رتم الفوز المتتالي على اراضي تورينو ,, يا يوفي لا رأفة مع صغار الكالتشيو وامرر التحجيم سيتكرر مع من يتعالى على اسيادهـ ,, يوفي كل شيء جميل بصراحه , هنالك بعض اللاعبين الي اعتقد انهم لعبوا بحذر وخصوصا قبل تسجيل الهدف الثاني لماتري , " بيبي بيرلو ماركيزيو كليني " ,, الاسبوع القادم لدينا 6 نقاط ستكون جميعها خارج يوفينتوس ارينا , اتمنى ان نتحصل على نقاط لاتسيو كاملة والتفكير في اللقاء المؤجل الصعب وحتى ان نتحصل على نقطه او حتى لا سمح الله خسرنا ساكون راضي تمام الرضى , اما لو نجيب السته من سته عااااال العااال ,, بس استهجان الجماهير بعد الهدف الثاني شيء خرررافي ــــــــــــــــ ايجابيات اللقـأء مشاهدة كواليــا اكثر من شيء اخررر , كونتي اصبح يعمل لكل لقاء تكتيك خاص بالمنافس اتمنى المواصله على عزف الانتصارات ,, فورررزا يوفي |
|
السلام عليكم الله يعين , الفريق مقبل على سلسلة مباريات صعبة بالفعل باقي على نهاية الدور الأول 9 مباريات اعتقد لو انهيناه بالمركز الاول بأي شكل من الأشكال سيكون من الصعب ازاحتنا مستقبلاً باذن الله وسنرفع من مستوى طموحنا من مركز مؤهل للأبطال الى تحقيق اللقب ليش أقول هالكلام ؟ عندنا قبل توقف رأس السنة 6 مباريات 2 منها فقط على ارضنا وهي تشيزينا و نوفارا وكلهم من كائنات الكالتشيو البثرة وكلهم اعتبرهم مباريات صعبة و 4 منها خارج ارضنا وهي لاتسيو و نابولي و روما و الاوديني !! اما بعد التوقف عندنا 3 مباريات واحدة فقط على ارضنا وهي ضد كالياري و 2 خارج ارضنا وهي ليتشي و اتلانتا بعدها راح ينتهي الدور الأول و واضحة الصعوبة المقبلة !! باذن الله في حال تمسكنا بالمركز الأول بالاداء الحالي مع قدوم تعزيزات الشتاء ماراح ينقصنا شي لتحقيق اللقب !! |
الصدارة الحالية بفارق الاهداف او نقطة و نقطتين لا تعني شيئا في الحقيقة .. على المدرب و هو ما يقوم به حاليا التركيز على تجميع النقاط دون النظر لسلم الترتيب .. بخصوص الاسكوديتو و مقاعد الابطال الاوربي / اذا أنهى الفريق الدور الأول بمعدل نقطي يتخطى الـ 40 نقطة يمكن حينها النظر للاسكوديتو كهدف رئيسي أقل من ذلك لو بنقطة واحدة يوضح لنا أننا لا نزال نلعب على المقعد الاوربي للأبطال . أهم مكاسب الفريق هو الشخصية التي اكتسبها و الاستقرار الفني .. المحافظة على المكتسبات و تطويرها هي ابرز مهام المدرب كونتي __________________ ولد الزعيم البار.. نورت المنتدى |
السلام عليكم يعطيكم العافيه جميعاً عل ردودكم بالنسبه لتذاكر المباراه بالفعل جميعها انباعت من موقع 365 ورجعو الفلوس ع الحساب بس الحمدلله لقيت موقع ثاني اشتريت منه التذاكر وجاني تاكيد للحين ماني متطمن يقولون ايطاليا مثل ربيعنا انواع الحوسه ولاعندهم نظام الله يسهلها بس وتمشي الامور بدون قلق / اعجبني تصريح ابو الكونت لما قال لا تسآلوني اذا بنافس ع الاسكوديتو قبل ما العب مع جميع الفرق ونخلص الدور الاول كونتي تصريحاته في مكانها الظهير الايسر من الحين اقول لكم لا تآملون نفسكم بلاعب بمواصفات ليشنشتاينر لان ببساطه ليشنشتاينر ظهير خارق للعاده واصنفه من افضل 5 اظهره بالعالم بدون مبالغه ممكن علي سيسوكو يكون بنفس الكفاآه لاكن اقل فنياً من ليشناشتاينر الي يملك جميع المقومات اما كولاروف من خلال متابعتي ممتاز هجوميا ومتوسط دفاعيا لاكن السوال لو استمر كلليني في الظهير الايسر لعشر مباريات متتاليه هل ممكن يتطور وينسجم في مركزه الجديد القديم؟. |
^^^^ انت الحين وين موجود ؟ بايطاليا ؟ كلام كونتي بطل .. والي احسن منه كلام ابو حسين والي هو لازم نجيب 40 نقطه بالدور الأول لكن بالنسبه لي لو جبنا أقل شوي برضه يمدينا على المنافسه لسبب واحد والي هو بنلعب مع انتر وروما ونابولي واوديني ولاتسيو بملعبنا بالدور الثاني .. ما فيه الا ميلان والفيولا وباليرمو الي بنلعب معهم اواي بالدور الثاني .. واتكلم عن الي ممكن يتعبوننا بالنسبه لسالفة الظهير الايسر انا استبعد انه يجينا ظهير صاحي بالشتويه .. ونعمه انه يكون عندك ظهير واحد بطل من 2006 وحنا نلعب بظهير واحد .. لا بالزرتي وقتها ولا كلليني الي كنت اشوفه اكره من اماوري اول ما بدا كظهير لكن تحسن يوم صار قلب وما جنبه قلب صاحي .. وكنا دايم نقول ونعيب بالقلوب الي لعبو معنا .. وبالاخير جا كونتي واثبتلنا ان العيب بكلليني براسه وانه ما يفقه بالقلب وعلى ردات بونوتشي الا انه افضل منه بمراحل .. صح كلليني افضلهم مان تو مان لكن ما يفقه بالدفاع الجماعي عموما ننتظر المباريات القويه والي بيجينا منها ايقافات وغيره لو عديناها فريقنا بالسليم ووقتها نبي نشوف البزر الي يقولون خليفة بيرلو وبنشوف وش بيجينا من هالسووق ما شفت مباراة باليرمو للأسف لأني مساافر .. لكن من الملخص واضح ان الفريق خلى الجمهور كله يبتسم فرحا وطربا للمستوى البطل .. ويا لبييه يا فوزيه |
الف مبروك الفوزو المستوى والصداره ,, لعشاق يوفنتوس الايطالي من السعوديين وعلى ذمة بتال القوس .. اليوفي سيكون في الرياض بعد شهر وايام .. اهلاً بالسيدة العجوز في العاصمه |
اليوفي زعيم ايطاليا .. سيقابل الهلال الزعيم السعودي في اعتزال اسطورة الحراسه محمد الدعيع .. بقي اللمسات الاخيره على الاتفاق .. يارب تمم |
|
بتال القوس يقول بصفحته تم الاتفاق بين الهلال واليوفي لاعتزال الدعيع وباقي اللمسات الاخيره .. طبعا بدال الليفر .. والمباراة قريبه بعد .. ! |
فحطت بكل مواقع الاخبار مالقيت اي شي عن حضور اليوفي للرياض !! الغريب ان الكلام كان حول ليفربول , مدري ما ودي اتعشم بس لو جو ياااوووك يالهبااال :smilie47::smilie47: ما حضرت اعتزال حمزه لأن الفريق وقتها كان مفقع ولا يشجع تمسك خط 1000 كيلو لجده غير ان التنظيم و الجو العام واضح انه كان يبي يصير ابو كلب و فعلا هذا اللي صار اما الحين كل الامور تشجع للحضور , المباراة في الاستاد و ضد الهلال يعني تنظيميا الامور اكثر من اوكي :d بالاضافة الى اليوفي مخقق الكل اقوى شي نتائج و لاعبين :s5s: يعني بيجي زحمة موووو طبيعية بالحضور :smilie47::smilie47: يالله ان شاء الله تصدق الاخبار ___ غلطة سراي سيستخدم حق شراء عقد ميلو ( 13 مليون يورو ) http://www0.tccstatic.com/storage/tu...de5aef863.jpeg ____ القازيتا : اليوفي يفكر جدياً بـ اليسيتش لتدعيم خط الوسط http://www0.tccstatic.com/storage/tu...de5aef863.jpeg ____ القازيتا : اليوفي يفكر جدياً بـ مونتوليفو http://www0.tccstatic.com/storage/tu...de5aef863.jpeg مع تأهل اليوفي الى البطولات الاوروبية بالموسم المقبل , سيصبح الفريق بحاجة الى لاعب من طراز بيرلو ليعوض الأخير في حال غيابه بسبب ضغط المشاركات , مونتوليفو سيستطيع الخروج في نهاية الموسم الحالي بشكل مجاني وهذا ما سيجعل اليوفي يفكر به جدياً على طريقة انتقال بيرلو من الميلان ___ نقدر نقول رصيد ماروتا في الميركاتو الجاي +13 مليون يورو او بطريقة ثانية نقدر نقول جبنا فيدال و باتزينزا بقيمته ( باتزينزا مجاني بس اقصد رواتبه ) كوووويس :d |
ياليت نسمع الرسمي قريب , اليوفي فااضي وماعنده شي غير الدوري الايطالي بس , إقتباس:
صدق التنظيم كان سيئ لا من ناحية ترتيبات الجمهور ولا الحفل ولا بفندق تواجد اللاعبين, بس اللي أعجبني بذيك المباراة تشجيع الجمهور لـ دلبيرو وكأنه هو صاحب الحفل : ) , وعقبال ماحضر لهم بالرياض وإيطاليا , ونشوف الدل مره ثانيه قبل مايعتزل , |
| الوقت المعتمد في المنتدى بتوقيت جرينتش +3.
الوقت الان » 11:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd