|
هاردلك يوفنتوس بائس بكل صراحة ما فيه كلام ينقال هاردلك فقط |
يعع..من جد يع اذا بيستمر الوضع كذا معد ابي اشوفهم..ضغطي ارتفع عشرين الف مره باخر سنتين.. ومثل ماقال موجي اليوفي غير مرشح أبدا. 4 تعادلات وثلاث انتصارات سجل غير جيد في نظري.. على المدرب والادارة أن يستعيدوا الفريق قبل أن يفقد شخصيته . ماعندي تعليق..2\2 على ارضنا مع جنوى..نتيجة سيئة لأبعد حد.ويتحملها الكل. |
|
السلام عليكم ورحمة الله وبركاته المعذرة على الانقطاع القسري بسبب الاختبارات و ضغطها الله يعين ويسهل للجميع هاردلك مباراة كانت مخيبة للآمال والكل يتشارك في الهزيمة وان كان كيلليني له نصيب الأسد http://cache1.asset-cache.net/xc/129...CB075AF3ECB88E دخل بالتشكيل الصحيح 4-2-4 بنية الهجوم بعد تركيزه في التدريبات على التكتيكات الهجومية شفنا الفريق نجح و كانت له الاسبقيه في التسجيل لكن وش بيدك تسوي اذا الجهة اليسرى الدفاعية عندك معاقة و مشلولة ؟ لا من اساسي ولا من احتياطي كيلليني هالكلب ضيع علينا حتى الآن 4 نقاط كانت في الجيب كله بسبب فهاوته كونتي اخطأ في تبديلاته جميعها ستيغ و بيبي كانوا مشكلين جبهة دفاعية مساندة لـ لكشتاينر و الدرج كيلليني عشان كذا ما شفنا خطورة من ضغط جنوى كان الاولى من كونتي يطلع فوزي اللي يسحب رجليه كنه يدفع رواتب اللاعبين ويدخل باتزينزا ويرجع لـ 4-3-3 ولكن باتزينزا بالشق الدفاعي و ماركيزيو بالشق الهجومي مكان فيدال وخلاص مايحتاج تخلص كل تبديلاتك وتحربش !! ماش المدرب عنده قناعات تنرفز جداً كواليا وايليا وتوني متى بنشوفهم بالله ؟ كواليا و توني كل تقسيمه وكل وديه يبدعون ويسجلون هدفين او يهتركون ليه ما نشوفهم ليه تدخل كرازيتش في مباراة صعبة زي ذي مسوي انك بترجع ثقته ؟ يالله كلها على راسك تعادل و معنويات زفت اول ما دخل ميلوس عطاك من هالعك الفاخر لا يهاجم صح ولا يدافع صح ولا يكنتر صح ولا يناول صح بيبي بيبي يا جماعة الي حاقرينه موسم كامل وكديناه بكل محل في الملعب صار احسن منه وهو بنص قيمته المباراة هذي لازم يجي بعدها رد فعل قوي من الكل ولا راح يرضينا كلنا الا النقاط الثلاثة من المباريات الثلاث الجاية كلها قبل التوقف ندري ان الفريق يبي مركز مؤهل لكن برضو نبي نبني شخصية واساس واضح لـ لاعبين الفريق قبل الخصوم http://cache2.asset-cache.net/xc/129...B74FCB7EF109CB بطل والله من اول ظهور له يستاهل يطقها اساسي بالريوس بعد اكثر شي استانست عليه اول ما يستلم تلقى لاعبين من جنوى يحاولون يحشرونه ويتصاقعون في بعض وهو ماااهمه :d دخوله اليوم اساسي معناه ايليا بيدخل اساسي المباراة الجاية ( صورة كيلليني و فوزي و كرازيتش ) الله يقلعكم الاول تسبب بهدفين وضيع هدفين برعونة خشمه والثاني ضيع انفرادتين ويسحب رجوله والثالث عجوز في العشرينات مايعرف اساسيات الكورة بالتوفيق يوم الثلاثاء |
كلاوديو ماركيزيو : يجب على الفريق الحفاظ على وتيره اللعب طيلة المباراة ! http://www.tuttosport.com/images/53/..._ts673_400.jpg متوسط ميدان اليوفنتوس كلاوديو ماركيزيو يصر على انه من المهم الحفاظ على المستوى طيلة الـ 90 دقيقة وأيضاً : " لايمكننا تسجيل الأهداف ثم الجلوس على أمل ان تنتهي المباراة كما فعلنا في هذا المساء , بدل من ذلك نحن بحاجه إلى اكثر فعاليه امام المرمى وجعل اللعبه بين أيدينا كان لدينا فرص للتسجيل مثل كرتي كيلليني الرأسيه وقبلها كرة فوزينتش , عندما نتحصل على مثل تلك الفرص يجب ان نستغلها بالطريقه الصحيحه وقبل ذلك نحن بحاجه إلى الحفاظ على المستوى ووتيره اللعب في 90 دقيقة كامله , مازال امامنا الكثير من الوقت لتحسين ذلك وأيضاً لقد أحرزنا تقدم واضح عن الموسم الماضي " ... وأضاف : " عندما نرى سجل اليوفنتوس خالي من الهزائم يعطينا امل وتفاؤل بشأن المستقبل , يجب علينا ان لانفكر في اخر الموسم بل في كل مباراة وكيف نتحصل على النقاط الثلاث , خلاف ذلك سنضطر للتوقف وسيبدأ أثر ذلك على الفريق , سنعود للعمل الآن إستعداداً ليوم الثلاثاء " ... :rose: |
|
السلام عليكم ورحمة الله وبركاته عطني فريق زي ميلان مغلوب خارج ارضه 3-0 وينهي المباراة 4-3 هذا الفريق اللي يلعبون فيه رجال ووراهم مدرب رجال موب لاعبين يتمغنجون ويرفعون ضغط الجمهور والا مدرب متحجر باع زيغلر على حساب حبايبه الطليان دي شيلي وقروسو والبعير الهائج كليني والا كوالياريلا اللي بدع العام مع ديل نيري في اسوا موسم لليوفي لاعب بدع مع مدرب داج وفريق دايخ وش بيسوي اذا الفريق تحسن ؟ ومع ذلك راكنه بالاحتياط على حساب خطة المهاجم الواحد واذا تشجع ولعب مهاجمين يلعب حبيبه المزاجي فوزنتش قلناها انا وحظيظ اول الموسم وان شاء الله ما يتحقق كلامنا ان الموسمين اللي راحو بيتكررون مع كونتي لكن ان شاء الله ما يكون كلامنا صحيح |
^ ^ هلا ناصر بتكلم عن ميلان اليوم لأني شفت المباراة كاملة فوزهم وقلبتهم النتيجة ماهي طبيعية , ليتشي تخاذل وتغير 180 درجة بالشوط الثاني وين ذيك الحشرة وتطبيق تكتيك الضغط على الميلان في مناطقهم اللي كان الشوط الاول ليه اختفى الشوط الثاني ؟ لا اخفيك اني تذكرت مكالمة قالياني بالشوط الاول , بكيفكم يالربع لو بتقولون موسوس بس والله اللي صار بالشوط الثاني ماهو فراسة من اليغري ولا انفجار من البرنس ليتشي سلم المباراة بطريقة غريبة وتثير الشك ايطاليا ليست طاهره وآخر الفضائح كان الموسم الماضي ( فضائح المراهنات ) ولما تشوف نفوذ ميلان القوي وكيف تم تبرئته سابقاً تبدا تفكر بشكل اعمق في هالاحتمالات اتحداك تلقى اي ميلاني كان يتوقع تنتهي المباراة بهالسيناريو الغريب عموما هالرجاجيل على قولك لهم موسم كامل مع بعض وابطال الموسم الماضي ومتجانسين على اسلوب اليغري اللي ماعمره تغير يرص لك 4 مدافعين و 3 محاور في الدفاع وامسك الكورة قد ما تقدر ولازم يكون هجومك فيه عناصر تملك كرييتفيتي عشان يزبنونك ويعطونك حلول اليوم قلبة النتيجة ماهي جود في المدرب لأنه كان بادي غلط اصلا وطلع لاعب ودخل لاعب ما غير بالسستم ولا شعره ولكن تخاذل ليتشي العجيب و الغريب هو السبب بالنسبة لزيقلر حسب ما سمعت و قريت انه جاي بينه وبين كونتي تتش بالتمارين الاستعدادية للموسم الظاهر كونتي معطيه سبه بالايطالي لأنه مب يتمرن زي ماهو مطلوب منه :d وعشان كذا ما كمل مع الفريق بالنسبة لكلامكم عن فريقنا وان مصيره مثل اخر موسمين اختلف معكم تماما وان شاء الله الوعد نهاية الموسم ان ما تأهلنا للابطال فمحنا صايرين اقل من الرابع ( واللي في نظري يبقى نجاح في ظل ظروف الفريق وقوة الكالتشيو هالموسم ) وتونا يارجال الجولة السابعة , فريقنا ما انهزم ولا مرة ولا حتى تهدد بالهزيمة وسجله الهجومي و الدفاعي حلو جدا يبيلنا وزنيات بسيطة وتعلم من الاخطاء من الكل كونتي و اللاعبين وصدقني وارد جدا ناخذ الاسكوديتو هالموسم , يناير جاي والكالتشيو مستواه الحالي يحفزك تدفع ممكن نختلف لكن كل شخص له نظرته واسبابها تعديل : رقم طااازه توه طالع من خويي راعي الاحصائيات اليوفي هو اكثر فريق يستحوذ على الكورة بالكالتشيو حتى الآن بمعدل ٦٢.٢٪ في كل مباراة يااا رجل :d الصبر الصبر هالفريق ما كمل ٣ شهور مع بعض واختلف كلياً عن المواسم الماضية |
^^ ان شاء الله ما يتحقق !! لكن الي يصير لليوفي شي يغبن صراحه وتعتبر سذاجة لاعبين وقلة خبره مع سوء حظ يعني بمباراة كييفو اليوفي انظلم ببلنتي وطلع اليوفي متعادل .. مع انه كان ماسك اللعب بخطة ال4-3-3 وكان عيبها الأجنحه ماهو عيبها انه مهاجم وحيد المباراة هذي طلعنا بتعادل بكماخة كلليني الي يتحمل الهدفين بنسبة 99% ولا جنوى ماكانو خطرين ومباريات الي تعادلنا فيها قبل اغلبها اغلاط فرديه ومن نفسه كلليني الي من العام وانا اقول فاااشل وماينفع الا مان تو مان غيره مافيه مخ ابد ولا ينفع لا بدفاع منطقه ولا ظهير لكن يجيك واحد يقولك لا كلليني فنان ومدري ايش ،، والله ما حايسنا الا هو مباراة ورا مباراة تروح بغباء كم لاعب وباغلاط تافهه تفقد الفريق شخصيته وروحه وحماسه على المنافسه .. وانا لو كنت لاعب واركض واكرف واسوي كل شي بالاخير يجي خويي بكل مباراة يضيع مجهودي ابقول وشوله اركض ولا استفيد شي لازم الفريق يتلافا هالأغلاط قبل ما تكبر المشكله وتصير شي نفسي المباراة الجايه بعد بكرا ومع الفيولا ولازم المدرب يخلي فيه توازن 4-3-3 بكل المباريات الي انلعبت بهالتكتيك يكون الفريق مستحوذ واختلفت الخطوره من مباراة لأخرى لكن المهم ان الفريق هو المستحوذ وما تجي عليه خطوره لي ملاحظات على بعض الاشياء بهالخطه يعني زي ما قالو الشباب هالخطه فيها ضعف هجومي .. وباعتقادي السبب واضح بيبي ماهو قوي هجوميا كراسيتش فاشل هجوميا كيليتي كارثه هجوميا شتاينر حليو ،، من تبي يهاجم ؟ احيان اذا لعب جياكريني يشكل خطوره بالاطراف لأنه يجي منه باختصار .. انت تلعب ب3 محاور اذا تبي تستفيد منهم بشكل كبير يا خل الأجنحه ادوارها هجوميه وتستفيد منها ولا بتاكل خابور مباراة جنوى مثلا ... لاعب 4-2-4 .. الأطراف ما ستفاد منهم ابد ابد ابد حتى الطقطقه تكون بين المهاجمين والمحورين .. اللهم احيان اذا توهقو عطو اللاعب الجناح ويرجعون يرجعونها لبيرلو .. ليش تلعب جناح اذا مانت مستفيد منه ؟ بالاخير يتوهق بيرلو والماركيز لأنهم لحالهم بالوسط .. وشفنا كم مرره بغا ينكبنا بيرلو لولا ان مهاجمينهم ضيعوها ولا كان ممكن يجيه نتف زي الي جا لميلو الي بنظري فنان(لولا الأغلاط الفادحه الي سواها مع باقي الفريق ) .. لكن الاعلام والناس ما تشوف الا الاخطاء الفادحه لو ان هذي تعتبر من الاغلاط الكبيره عشان كذا انا ضد كل واحد يقول نبي خطة 4-2-4 الا بحاله وحده وهي انه يكون الوسط الماركيز وفيدال وتكون الأطرف هجوميه بحته ويلعب ابو اسم صعب وايليا او جياكريني انا انتظر بس الكورلا يوقف جنب الفوزي لأنه ماتري غبي غبي غبي بالثنائيات .. والمشكله زي مباراة جنوى عندكم اطراف وفيه ماتري وفوزي ليه بالغصب تبون تدخلون من العمق ومهمشين الأطراف ؟ |
وكيل كرازيتش يهايط <<--- حلالات من تلك انت وموكلك وذبكم على الخال المسجون خوي بيبي :d كرازيتش ليس لـ الدكة http://www.football-italia.net/pics300/krasicnews.jpg حذر وكيل اعمال كرازيتش بعد تزايد جلوس الاخير على مقاعد الاحتياط " هوسعيد بتواجده في اليوفي , ولكنه ليس من نوع لاعبي دكة الاحتياط , لو استمر هذا الحال سوف نبحث عن فريق آخر " منيب متحسف الا على شي واحد , انه شارينا ويبينا بس معليش ياخي مستواك زي وجهك :( |
^ ^ الله يستر عليه مصدق نفسه للحين والله مقلب وأكلناه ~ إستمتعوا <iframe width="560" height="315" src="http://www.youtube.com/embed/b5-L8OJTNb4" frameborder="0" allowfullscreen></iframe> |
^ ^ اختلف مع اللي فوقي صحيح ان المتش صاحبه رعونة لعيبة وقلة خبرة بعضهم لكن الق نظرة على الدكه < حلوة الق :razz: فيه اسماء ممتازه وغير الاسماء الممتازه يله ياكونتي هذي خياراتك كل لاعب طلبته باسمه لو راحت المباراة وانت سويت اللي عليك ماراح تشوف احد يلومك لكن انك تقمط بملعبك ويجلس بيبي 90 دقيقه وتحوق امها بالتبديلات هنا انا ضدك الاخطاء الفنية من السيد كونتي كثيره وهو يعتبر اكثر عنصر باع المباراة تقدم بهدف وتقمط قبل 30 دقيقه من نهاية المباراة ليش ؟ تدخل كرازيتش المنتهي ولعيبة مثل اليكس وكوالي بالدكه ! وش اللي يمنع انك تلعب بـ 3 مهاجمين ماعندك اجنحه زي الناس ولا اظهره تساند مثل بقية الاظهره العب بـ 433 فيه مهاجمين مهاريين وهدافين وفيه لعيبة وسط تحط بالملي متر وفيه دفاع كويس واظهره قليل ماتتقدم هذا اسميه غباء وتناكه ولو استمر لنهاية الموسم اعلى الايمان يوربا ليغ http://www.fantacerimele.net/Pepe.jpg الهم ارزقه برباط صليبي او رباطين او اربطة الركبه كلهن هذا وش قاعد يسوي بالظبط ؟ لامسانده هجوميه وكارثه دفاعيه ملعوب عليه انه مهاري حتى سرعته الايجابيه الوحيده فيه يستخدمها دايم بشكل سلبي ما ادري وش سبب الاصرار عليه ياشيخ دكه وربي حرام عليه خارج التشكيله وافكر احطه بعد يمكن يجي منه يكمل اللعيبه بالتمرين حق اللي يقطع الكوره يصير بالنص وتخليه بالنص دايم يدور ورا الكوره خخخخخخخ |
http://forzaitalianfootball.com/wp-c...o-Juventus.jpg بعد مباراة جنوى والتعادل المخيب للامال السؤال المطروح. هل تحسن اداء اليوفنتوس هذا الموسم عمل كونتي ام الاوركاسترا بيرلو ؟ / مباراة فيورنتينا اتمنى التشكيله التاليه ستوراري دي تشيلي - كلليني - برزالي- ليشنشتاينر استيغاريبيا (ايليا ).- ماركيزيو - بيرلو - بيبي كواليا( دل بييرو ) - ماتري / ناصر & حظيظ اتفق معاكم في قناعات المدرب السيئه لاكن اختلف معاكم من ناحية تقييم المدرب والحكم عليه. لسه بدري جداً على تقييم عمله. صحيح ان تغييراته تدل على انه دجاجه بس ممكن يتعلم قبل الكرسميس او في اسوء تقدير بداية الموسم الجاي مع انتدابات الشتاء والصيف شفت المباراة اعاده بعد ما هدأت الاعصاب بصراحه هناك تحامل كبير واعتقد ان العاطفه لعبت دور بعد هدف التعادل اخر الدقايق الفريق يقدم كرة قدم جماعيه بس في عناصر ماهي كفو وكانت وراء التعادل مثل بونوتشي كلليني وفوزينتش |
http://www.juventusmania.net/fm/imag...ine=1300446372 [كم انت كبير يآ :smilie47:يوفي:smilie47:]</B> :cry: |
ماروتا : لن تعود كوابيس العام الماضي .. الاسكوديتو هدفنا !! شباب شدني الحوار بصراحه مثير ،:ba1:، ماروتا : لن تعود كوابيس العام الماضي .. الاسكوديتو هدفنا !! http://www.ecodellosport.it/img/bepp...-contratto.jpg بيبي ماروتا تحدث عندما حل ضيفا على برنامج 231 Show الذي يـُبث على قناة اليوفينتوس اليوفنتوس هي كلمة مرادفة للانتصار ، ان تكون مديرا في اليوفي هو شرف ومسؤولية كبيرة حتى لا تقارن بالعمل في الميلان او الانتر ، لآن اليوفنتوس يملك قصة وتاريخ عظيم ، هذا هو طريق العودة للانتصارات والتغلب على صعوبات المواسم الاخيرة " " الخوف من عودة كوابيس العام الماضي ؟ لا ، هناك شيء قليل جدا من آثار العام الماضي التي استطعنا التغلب على معظمها بفضل انتونيو كونتي كـ مدرب جديد وكـ يوفينتينو ، لديه قيادة قوية في غرفة خلع الملابس وحتى في الفينوفو ، لن يكون عاما مماثلا للموسم الماضي بل سيكون موسما مختلفا كليا ، وما حصل بمباراة الامس سيكون نادر الحدوث " " نحن قمنا بـ التعاقد مع لاعبين كثر في الموسمين الاخيرين وحدث تغيير جذري في اللاعبين لانه كان لا بد من بداية دورة جديدة في العام الماضي تعاقدنا من 14 لاعب وهذا الصيف مع 9 لاعبين ، نحن لسنا في وضع يسمح لنا بوضع حبة الكرز على الكعكة ولسنا في وضع يسمح لنا بالقول : خذ لاعبين جودة لصناعة الفارق ، لا احد يستطيع القيام بذلك في ايطاليا حاليا ، الامر يحتاج الى ثقافة عمل كبير لتصبح تنافسيا في السوق " كيلليني ؟ " لاعبا للمنتخب الوطني ، و احد النقاط الاساسية في اليوفنتوس في السنوات الاخيرة ، لا يجب ان يتم وضعه في قفص الاتهام ، نحن نمر بمرحلة مؤقتة وانتقالية ورغم ذلك في مرمانا 5 اهداف كـ ثالث اقوى الارقام في الدوري ، مقابل 11 هدف في مرمى ميلان مثلا ، الفرق الكبيرة يجب ان تكون محاربة من اجل الاسكوديتو ومن ثم هناك نابولي وروما ولازيو والمتصدر اودينيزي " الاسكوديتو ؟ " كلمة انتصار هي جزء من مفردات هذا المجتمع وان اتفق مع كونتي فيما قاله حول ذلك ، ولكن هدفنا الرئيسي هو مركز ضمن الثلاثة الاوائل ولو اني لا اخفيـك بالامر بأن يجب ان يبقى الاسكوديتو بالاذهان ايضا ، لا ينبغي ان نكون قريبون جدا منه ولا بعيدون ولكن على الاقل يجب ان يكون هذا الامر بتفكير اللاعبين للنضال من اجل اهدافنا " الاجواء يوم آمس ؟ " كان هناك شعور لدى الانصار بآن المباراة سهلة ، واعلان الرئيس حول ما قاله عن اليساندرو ديل بييرو ساهم بنشر لافتات كبيرة لشكر اليكس ، انيللي حث المساهمين على شكر اليساندرو ديل بييرو حول ما قدمه لليوفنتوس ، وهناك علاقة قوية بين اندريا واليساندرو منذ ان كانا اطفالا ويوجد تقدير كبير بينهما لدرجة عندما يلتقيان معا فـ غالبا يسود الاجواء الضحك والابتسامات بعيدا عن ما يجري ويُكتب في الاطار الاعلامي ، الجميع يعترف بأن آلي رمز كبير ، رمز يؤثر في الانصار ولا يستحق منهم الا كلمات الثناء العظيمة " هل سيؤثر ذلك على الموسم ؟ " كونتي يجب ان يقوم بتقييمه ويزج باللاعب الاجهز خلال الاسبوع ، رحيل ديل بييرو ليس آمرا سهلا ، نحن لسنا خائفين من ذلك على الرغم من اننا نعلم بأن اليساندرو هو اهم لاعب بتاريخ اليوفنتوس ولكن لن تكون هناك مشاكل خصوصا مع شخصية اليكس الذكية " " اودينيزي نموذج فريد من نوعه ، بامكانك ان تبدأ بـ لاعبين شباب دون المطالبة بنتائج فورية ولكن هذا الامر صعبا بسبب الثقافة الايطالية التي تتطلب منك الانتصار كل يوم احد " " هذا العام قمنا باستثمارات كبيرة في قطاع الشباب ، النادي يهمه ان يعطي الحياة المستقبلية للشباب مثلما حدث مع ماركيزيو نحن نعطي الاهمية لهذا الامر لذلك قمنا بهذه التعزيزات " " كراسيتش ؟ هو حاليا بمرحلة انحدار بالمستوى ، قدم مستويات رائعة في السنوات الاخيرة ، هذا العام لا يؤدي مثل اداءه في الموسم الماضي ، يجب ان نستعيد مستوياته وكونتي سيعمل على ذلك للاستفادة من قدراته الكبيرة ، فـ حاليا ميلوس يعاني ويمر بلحظات ليست ايجابية " " فيدال وفوزينتش لاعبان جيدان ، اتحدث من وجهة نظر تكتيكية فإن كونتي ذكي جدا بحيث يستطيع ان يضع تشكيلة لتزيد من جودة فريقه على ارضية الميدان ، فيدال لاعب حركي جدا وملائم ليكون لاعب محوري او على الاجنحة ، ويجمع بين القوة البدنية والعدوانية وهو ما يطلبه كونتي ، بينما فوزينتش مختلف عن فيدال ، قد لا تراه كثيرا في التسعين دقيقة ولكن باستطاعته ان يخلق لك هدفا على طريقته " " كونتي هو الرجل المناسب لليوفنتوس ولديه كل الاسباب لذلك : شعور الانتماء لهذا المجتمع ، رغبته بالانتصارات ، ولديه شغف وايمان بعمله الذي سيؤتي ثماره " " البطولة هذا العام متوازنة جدا ، الترتيب حاليا سطحي وليس له اهمية كبيرة ، كل المباريات صعبة كما رآيتم في حالات تعادلنا مع بولونيا وجنوى . :rose::smilie47: |
| الوقت المعتمد في المنتدى بتوقيت جرينتش +3.
الوقت الان » 02:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd