15/10/2011, 02:12 AM
|
 | محرر رابطة يوفنتوس | | تاريخ التسجيل: 07/12/2010 المكان: Riyadh
مشاركات: 743
| |
الله يسلمكم يا شباب ما سوينا الا الواجب
بالنسبة للتخريب اللي يجي الموضوع من نفس الشخص , والله ما كان في بالي ارد عليه ابد لأن جميع النقاط اللي مسوي يحجر فيها مردوده عليه , ولا ابي اخذ و اعطي معه لو يبي يناقش لـ النقاش نفسه مب زي حركاته ذي واللي بالموضوع السابق يجي بالرسايل الخاصة ويبشر ارد عليه باللي عندي , لكن نفخ العضلات و الهجوم بالطريقة المضحكة ذي مالك الا تتفرج عليه و تعدي رده , خصوصا ان فيه ميلانيه ردوا على الموضوع ولا سوو سواته
يعني لما يجي يسوي قافط يقول نادي تورينو اكثر شعبية من اليوفي هذا رد عليه ماهو له , صحيح اليوفي مايملك الشعبية الكبرى في مدينته ولكن في نفس الوقت ما كان هالشي عائق عن كل هالنجاح و انتشار الشعبية الرهيبة في ايطاليا
ولا يوم يقول كابتن الفريق ويتهكم انه مالعب هالموسم كثير , طيب فتح عيونك و شف وش مكتوب انه في آخر مسيرته واكيد مب صاير في افضل حالاته عشان نخلي اللاعبين اللي اصغر منه بـ 10 سنوات و جبناهم على 15 مليون بالدكة ويبدا اساسي كل مباراة
اللي من جد يوضح ان ماله حيله يوم يقول انتم تستخفون بعقولنا وتلعبون على المشجعين الجدد ثم ينطل على البيبان و يخطم ويسوي لي فيها جاب السؤال اللي انهى الموضوع خلاص  يوم يقول كم هدف دخل على بوفون أبو مركز سابع مرتين على التوالي خخخخ
يعني يا شباب لا يهمكم وسعوا صدوركم واستمتعوا زود على متعة الموضوع نفسه بهالعقليات الفذة القفيطة
وباذن الله ماراح اتوقف عن تنزيل هالمواضيع عشان ازيد مشجعين اليوفي الجدد 
وعلى قولة القائل
It Takes A Seven-Nation Army To Hold Me Back
__________
ما علينا نرجع لرابطتنا الدافئة و فريقنا اللذيذ 
نخش عـ النقاش عن مباراة كييفو الاحد
ماهي التشكيله والتكتيك المتوقع من انتونيو كونتي ؟
بصراحة كونتي هذا خلى الجميع في حيرة , اللي يتذكر مباراة الافتتاح مع بارما فاجأنا بجياكيريني و بيبي ونقدنا عليه قبل المباراة لكنه كان واضح من تصريحاته ( الجاهز اللي فاهم طريقتي راح يلعب ) , فـ توقع التشكيلة للمباراة الجاية صعب نوعاً ما لأن الاستعداد أغلبه كان بغياب الدوليين , اضف عليه الارهاق لبعض اللاعبين مثل فيدال و كيزيو و بيرلو , وصعوبة مشاركة ستيغ و ايليا وكرازيتش لمشاركتهم مع منتخباتهم وعدم اقناعهم لكونتي حتى الآن
عموما توقعي يلخمنا كونتي بعد انباء تجربته لديل بييرو في مركز بيرلو المرهق من كثرة المشاركات بالتأكيد
بوفون
دي تشيلي كيلليني بارزالي ليكشتاينر
ديل بييرو باتزينزا
جياكيريني ............... بيبي
ماتري ....... كوالياريلا
التكتيك سيكون كالعادة 4-2-4
فيه حلول هجومية رهيبة في الدكة ( توني - فوزي - كرازيتش - ايليا - كيزيو )
اتوقع سيحاول اليوفي تطبيق نفس المبادئ اللي عملوها في مباراة الميلان , استحواذ مع ضغط لكسب الكرة الثانية مباشرة
ماهي افضل الحلول لمواجهة فريق الكناري ؟
كييفو فريق بثر جداً على ارضه ولو تذكرون كان احد اسباب النكسة الشنيعة الموسم الماضي
افضل الحلول هي الاستحواذ و كسب الكرة الثانية و الهجوم المتواصل , لا تعطيهم فرصة يتنفسون احشر ابوهم في ملعبهم
متفائل ان شاء الله بتقديم مستوى كبير في هالمباراة واتوقع الملك يسجل
هل الفريق سيعاني من التوقف خلال الفتره الماضيه وهل سيعاني الفريق بعد مشاركة
اللاعبين الدوليين مع منتخباتهم ؟
ماهي معاناة بمعنى معاناة , قد ماهي لخبطة اوراق لأن الحلول موجودة باذن الله لكن تحتاج من يرتبها بالشكل الأفضل
نقدر نلعب بتشكيلة بارما و نرنهم , لكن الدعوة ترتيب و تنظيم انت عندك سكواد 25 لاعب لازم تستفيد منه وتريح و تسوي مداورة , فمن غير المعقول بيرلو صاحب الـ 32 سنة اساسي في كل المباريات ويلعبها كاملة مع النادي و المنتخب تجي تلعبه اساسي في هالمباراة , ان شاء الله وصل قصدي
عموما من الآخر اقول ان شاء الله انها ماراح تأثر لأن المدرب نظامه يلعب الجاهز المجتهد
ماهي ابرز الايجابيات والسلبيات في الخصم والتي يجب على كونتي ان يتعامل معها بحذر ؟
نقاط القوة في كييفو خطورته , يصنع لك فرص من ولا شي والفضل للروح اللي يلعب بها الفريق و كابتنه الخبيث بليسيير , عشان كذا اكتمه من البداية ولا تعطيه فرصة يمسك الكورة ويشكل عليك خطورة , صدقوني لو قمط كونتي ودخل بنفس تشكيلة ميلان 4-3-3 راح تسوء الامور , صحيح ممكن ما نخسر لكن بتطلع المباراة حامضة
عقلية يوفي كونتي هو ان يفرض اسلوبه و يتحكم بالرتم لذلك بنشوف مباراة حامية جداً على مستوى الاستحواذ والله يستر من الاصابات
ماهي النتيجه المتوقعه ؟ ومن سيكون نجم اللقـاء المتوقع ؟
اتوقعها 2 - 0 لنا ان شاء الله , والنجم سيكون ماتري مع الدل باذن الله
سلمت يا النصري على هالنقاش
____
اما مقطع المواتر انا ما شدني الا 4 لاعبين
بوفون هو والهايلكس حقه حسيت انه جاي من الثمامة للتدريب هو وهالشال اللي رابطه خخخخخخخ
جياكيريني بسيارة البريد السعودي الممتاز وفي رواية واصل خخخخخ
ايليا الزاحف بالبنتلي
و بيبي المرجوج داخل بجلنط الا شوي
الا وراهم كلهم نابصين المرتبة على قدام خخخخ
|
![★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ](iconimages/t1032154_rtl.gif)
26Likes
وأهني فيدال على الثقل الزايد 
نقاش مباراة كييفو ][*~~ 
الله يستر.
الوضع العادي
