|
إقتباس:
ماتنلامين :( ياجماعه وش رايكم نحول مواضيعنا هنا , واللي بيناقشنا من برا حياه الله هنا ولا كل مانزلنا موضوع لازم يصير فيه شوشره ! اول مانزل واحد شطح ورديت عليه , وانحذف رده وتعدل ردي عشان الرد الاصلي انحذف من باب اولى يتعدل ردي لـ إخفاء الردود الشاطحه :D بس شكلها مب واقفه ع تسذا ! ذذذذذ تركنا منتدى الجمهور الهلالي من زماان والعالميه قلّ التواجد وشكلنا بنتركه :) مايهمني هو اليوفي هنا , غير ذلك .. لا داعي لوووجع الراااااااس |
إقتباس:
مشكووووور يالغالي خاصه هدف ماركي ابداع والتصوير من مدرجات اليوفي بعد يسسلم راسك يا شيخ :smilie47::smilie47: الملعب معلومه جديده مع اني كنت متاكد من نفسسي انوباربع سنوات تم البناء لاهنت ,,, :rose: ________________ اللي عنده مقاطع جديده لايبخل علي زي اللي فوق ^^^^ |
نقاش مباراة كييفو ][*~~ السلام عليكم ورحمة الله وبركااااااااتـه ,, روعة جدا ، آخيرا سوف يعود الكالتشيو " إشتقنا لليوفينتوس و حماس كونتي و إن شاء الله ينتقل الحماس اللي واضح من كونتي على أداء اللاعبين أكثر فأكثر ". على السريع نقــاش ما قبل اللقـأء @ ماهي التشكيله والتكتيك المتوقع من انتونيو كونتي ؟ - للأمانة أتمنى من كونتي يكون أجرأ أمام الفرق كلها و يتحفظ مثل ما يبي أمام أقوى المنافسين،أتمنى 4-4-2 بكرة و أنا ما زلت عند وجهة نظري غامر ضد المنافسين الأقل منك أسماء و مستوى و غالبا كيفو من أبثر الفرق اللي تسجل وتدافع وصعب تفوز عليها بأرضها. ------ بوفون ------ ------ كيليني ------ برازالي ------ بونوتشي ------ ليششتاينر------ ------ بيرلو ------ فيدال ------ ------ بيبي ------ كرازيتش ------ ------ فوزي ------ ماتري ------ - الأولوية لماركيزيو بس ممكن اللاعب يحتاج للراحة. - أتمنى الزج بكوالياريلا، بس لو حب يزج فيه حسب معطيات المباراة و توقيت مبكر من الشوط الثاني. - أتمنى كونتي يثبت كيليني ظهير أيسر و يعطي فرصة لبونوتشي و برازالي. - أتمنى يكون فيه سورنسن بالدكه لأنه في مباراة ميلان ما كان يوجد إحتياط لقلبي الدفاع. @ ماهي افضل الحلول لمواجهة فريق الكناري ؟ - فريق مثل كييفو في أرضه صعب جدا جدا، و ممكن يفاجئ كونتي خلال مجريات المباراة، لكن أنا ثقتي تامة بأن الفريق راح يطلع بنتيجة إيجابية. - أتمنى كونتي يفعل الأطراف أكثر و يعطيه حرية للجناح الأيمن و يطبق كل المطلوبات منه. - كراسيتش لازم يواجهه منافسه من إيليا عشان يخاف على مركزه الأساسي، و كونتي بين له في المباريات السابقة لمن كان يزج بجياكيريني. @ هل الفريق سيعاني من التوقف خلال الفتره الماضيه وهل سيعاني الفريق بعد مشاركة اللاعبين الدوليين مع منتخباتهم ؟ - من الناحية الفنية ممكن كييفو راح يعاني. - من النواحي الآخرى كييفو فريق دفاعي و عنده مهاجم رجله حساسه على مرمى اليوفينتوس الله يستر. - أتوقع إراحة ماركيزيو. @ ماهي ابرز الايجابيات والسلبيات في الخصم والتي يجب على كونتي ان يتعامل معها بحذر ؟ - كونتي من المدربين اللي ما يحب يعدل كثير على الخطة ، يحب يستمر في التكتيك نفسه حتى نهاية المباريات، و هذا الجيمع إستنبطه من مباراة ميلان. - الثبات على تكتيك معين طوال المباراة له سلبياته و له إيجابياته لأن اللاعبين ممكن ما يبتسم لهم الحظ طوال المباراة، و ممكن صعب يسجلون أهداف، بالتالي لازم تغير وجهة نظرك وتفعل الهجوم أحيانا، أتمنى كونتي في مثل مباريات كيفو يغامر و لا يتردد بتاتا، نريد النقاط من أرض كييفو كاااااااااااااااااااااااااااملة. @ ماهي النتيجه المتوقعه ؟ ومن سيكون نجم اللقـاء المتوقع ؟ - المطلوب الثلاث نقاط، فريقنا قادر إن شاء الله بس التركيز ثم التركيز ثم التركيز عشان نسجل مبكر في مرماهم أتوقع النتيجة 3 - 1 لليوفينتوس بإذن الله ، السيناريو بيكون كييفو بيتقدم :ranting: الله يستر. - النجومية ستكون لكونتي :smilie47: |
يا شباب إلى متى والعقليات الطفولية تخرب مواضيعنا؟ والله قهر يجيك مجموعة بعد تعب وجهد يطلعون الموضوع بابهى حله جزاهم الله خير مشكورين ويجي طفل يخرب ام الموضوع!! الحل في هذه الحاله عدم الرد عليهم والاكتفاء بتبليغ الإدارة عن طريق الزر http://vb.alhilal.com/images/2011/buttons/report.gif بس أأكد على نقطة عدم الرد على اي سفيه والتبليغ عليييه. التبليغ مهم كل ما زاد العدد كل ما كان الضغط على الإدارة أكبر وكان أفضل لأن خلاص كفايه كذا لن نسمح لأي أحد يخرب على القراء مواضيعهم |
أسلم الحلول وأعقلها الحسوفه على وش على الجهد المبذول من أخواننا وفـ الأخير يجيك أشخاص مدري كيف أصفهم ويشوهون جمالية عملك وبعده مغلق وهنا المصيبه وعند الله خبرها الكل عنده كيبورد والكل يقدر يرد والحروف اللي متاحه لهم متاحه لك بس الفرق في العقلية وأخلاقيات الشخص نفسه فيصل نصيحه لاتتعب نفسك على الفاضي أو على كلام دحدح نزل مواضيعك هنا وسو إعلان برا :s2: والله مهزله إن شاء الله نشوف تغير في الفتره الجايه وياشباب لاتخربون روعة الموضوع بـ ردود ماتغير الواقع والحقد الدفين كلها علامة تعجب بـ وسط مثلث أحمر اللون ونشوف وش يصير ؟! بحسب القوانين ~ ~ ~ هذي تشكيلة متوقعه من اللاجازيتا http://www.faresandbehar.com/Up/image4956.html ~ أخيراً القافلة تسير ... |
Juventus News Seconda Parte 14/10/2011 . - YouTube هههههههههه يا أخوان لا تفوتكم سيارة بوفون ترى مدري بوفون ولا كونتي ما بان بس شكله بوفون :D |
|
إقتباس:
+1 الله يسعدك ياغالي وتمنا التصرف معهم بحزم وطردهم من المنتدى ايضاً ،، وجودهم بكل صراحه يسببلي "الاشمئزاز" :ranting: |
إلكون العفو واجبنا ~ بوفون شطحه لايكون يحمل شعير ويبيع برا أغلى :s2: والشعار وش سالفته مهو بـ هين جياكريني أوودي مشكور بيانكونيري ~ ~ هذا فيديو ثاني ولـ ماركيزيو بعد تصوير مباشر لهدفه في بارما من الجمهور وفيه تحرك ماركي من البداية لايفوتكم <iframe src="http://www.youtube.com/embed/a7Tfq_gLeLk" allowfullscreen="" frameborder="0" height="315" width="560"></iframe> مدري وش السر في ماركي بس هو اللي يلقطون أهدافه ؟!:d تصبحون على خير :rose: |
الله يسلمكم يا شباب ما سوينا الا الواجب بالنسبة للتخريب اللي يجي الموضوع من نفس الشخص , والله ما كان في بالي ارد عليه ابد لأن جميع النقاط اللي مسوي يحجر فيها مردوده عليه , ولا ابي اخذ و اعطي معه لو يبي يناقش لـ النقاش نفسه مب زي حركاته ذي واللي بالموضوع السابق يجي بالرسايل الخاصة ويبشر ارد عليه باللي عندي , لكن نفخ العضلات و الهجوم بالطريقة المضحكة ذي مالك الا تتفرج عليه و تعدي رده , خصوصا ان فيه ميلانيه ردوا على الموضوع ولا سوو سواته يعني لما يجي يسوي قافط يقول نادي تورينو اكثر شعبية من اليوفي هذا رد عليه ماهو له , صحيح اليوفي مايملك الشعبية الكبرى في مدينته ولكن في نفس الوقت ما كان هالشي عائق عن كل هالنجاح و انتشار الشعبية الرهيبة في ايطاليا ولا يوم يقول كابتن الفريق ويتهكم انه مالعب هالموسم كثير , طيب فتح عيونك و شف وش مكتوب انه في آخر مسيرته واكيد مب صاير في افضل حالاته عشان نخلي اللاعبين اللي اصغر منه بـ 10 سنوات و جبناهم على 15 مليون بالدكة ويبدا اساسي كل مباراة اللي من جد يوضح ان ماله حيله يوم يقول انتم تستخفون بعقولنا وتلعبون على المشجعين الجدد ثم ينطل على البيبان و يخطم ويسوي لي فيها جاب السؤال اللي انهى الموضوع خلاص :d يوم يقول كم هدف دخل على بوفون أبو مركز سابع مرتين على التوالي خخخخ :d يعني يا شباب لا يهمكم وسعوا صدوركم واستمتعوا زود على متعة الموضوع نفسه بهالعقليات الفذة القفيطة وباذن الله ماراح اتوقف عن تنزيل هالمواضيع عشان ازيد مشجعين اليوفي الجدد :razz: وعلى قولة القائل It Takes A Seven-Nation Army To Hold Me Back __________ ما علينا نرجع لرابطتنا الدافئة و فريقنا اللذيذ :d:smilie47: نخش عـ النقاش عن مباراة كييفو الاحد ماهي التشكيله والتكتيك المتوقع من انتونيو كونتي ؟ بصراحة كونتي هذا خلى الجميع في حيرة , اللي يتذكر مباراة الافتتاح مع بارما فاجأنا بجياكيريني و بيبي ونقدنا عليه قبل المباراة لكنه كان واضح من تصريحاته ( الجاهز اللي فاهم طريقتي راح يلعب ) , فـ توقع التشكيلة للمباراة الجاية صعب نوعاً ما لأن الاستعداد أغلبه كان بغياب الدوليين , اضف عليه الارهاق لبعض اللاعبين مثل فيدال و كيزيو و بيرلو , وصعوبة مشاركة ستيغ و ايليا وكرازيتش لمشاركتهم مع منتخباتهم وعدم اقناعهم لكونتي حتى الآن عموما توقعي يلخمنا كونتي بعد انباء تجربته لديل بييرو في مركز بيرلو المرهق من كثرة المشاركات بالتأكيد بوفون دي تشيلي كيلليني بارزالي ليكشتاينر ديل بييرو باتزينزا جياكيريني ............... بيبي ماتري ....... كوالياريلا التكتيك سيكون كالعادة 4-2-4 فيه حلول هجومية رهيبة في الدكة ( توني - فوزي - كرازيتش - ايليا - كيزيو ) اتوقع سيحاول اليوفي تطبيق نفس المبادئ اللي عملوها في مباراة الميلان , استحواذ مع ضغط لكسب الكرة الثانية مباشرة ماهي افضل الحلول لمواجهة فريق الكناري ؟ كييفو فريق بثر جداً على ارضه ولو تذكرون كان احد اسباب النكسة الشنيعة الموسم الماضي افضل الحلول هي الاستحواذ و كسب الكرة الثانية و الهجوم المتواصل , لا تعطيهم فرصة يتنفسون احشر ابوهم في ملعبهم متفائل ان شاء الله بتقديم مستوى كبير في هالمباراة واتوقع الملك يسجل هل الفريق سيعاني من التوقف خلال الفتره الماضيه وهل سيعاني الفريق بعد مشاركة اللاعبين الدوليين مع منتخباتهم ؟ ماهي معاناة بمعنى معاناة , قد ماهي لخبطة اوراق لأن الحلول موجودة باذن الله لكن تحتاج من يرتبها بالشكل الأفضل نقدر نلعب بتشكيلة بارما و نرنهم , لكن الدعوة ترتيب و تنظيم انت عندك سكواد 25 لاعب لازم تستفيد منه وتريح و تسوي مداورة , فمن غير المعقول بيرلو صاحب الـ 32 سنة اساسي في كل المباريات ويلعبها كاملة مع النادي و المنتخب تجي تلعبه اساسي في هالمباراة , ان شاء الله وصل قصدي عموما من الآخر اقول ان شاء الله انها ماراح تأثر لأن المدرب نظامه يلعب الجاهز المجتهد ماهي ابرز الايجابيات والسلبيات في الخصم والتي يجب على كونتي ان يتعامل معها بحذر ؟ نقاط القوة في كييفو خطورته , يصنع لك فرص من ولا شي والفضل للروح اللي يلعب بها الفريق و كابتنه الخبيث بليسيير , عشان كذا اكتمه من البداية ولا تعطيه فرصة يمسك الكورة ويشكل عليك خطورة , صدقوني لو قمط كونتي ودخل بنفس تشكيلة ميلان 4-3-3 راح تسوء الامور , صحيح ممكن ما نخسر لكن بتطلع المباراة حامضة عقلية يوفي كونتي هو ان يفرض اسلوبه و يتحكم بالرتم لذلك بنشوف مباراة حامية جداً على مستوى الاستحواذ والله يستر من الاصابات ماهي النتيجه المتوقعه ؟ ومن سيكون نجم اللقـاء المتوقع ؟ اتوقعها 2 - 0 لنا ان شاء الله , والنجم سيكون ماتري مع الدل باذن الله سلمت يا النصري على هالنقاش :smilie47: ____ اما مقطع المواتر انا ما شدني الا 4 لاعبين بوفون هو والهايلكس حقه حسيت انه جاي من الثمامة للتدريب هو وهالشال اللي رابطه خخخخخخخ :d جياكيريني بسيارة البريد السعودي الممتاز وفي رواية واصل خخخخخ :d ايليا الزاحف بالبنتلي و بيبي المرجوج داخل بجلنط الا شوي :d الا وراهم كلهم نابصين المرتبة على قدام خخخخ :d |
السلام عليكم فيصل وسليمان يعطيكم العافية على الشغل المبذول بالموضوع والصراحة نأسف بردود غبية مثل اللي قرينا وتخرب مثل هالمواضيع اذا احد جا يبزوط ارقعوه بالتعجب الاحمر وافتكو منه ولا تردون عليه فيصل ما تشوف شر يالذيب والله يقلع بليسك خوفتن انا تراي مثلك دب واكلي كله مطاعم بمطاعم الله يستر بس :( |
تم تبليغ المشرف لبعض الردود المتطفله في موضع آخونا [La Vecchia Signora] :rose::ba1: |
بالنسبة للاخوان الي ما يبون يشاركون في العالمية لن ولم يأتي شخص يوصلنا لمرحلة تكميم الافواه نحن نكتب ونضع ردود لنرتقي بعقولنا وعقول القراء وكل شخص يعبر عن نفسه بالطريقة الي يشوفها مناسبة اما اطفال الانابيب الي مزعجينا هاليومين ما رح يقدمون ولا يأخرون بالنسبة لي وشخصيا اصبحت لدي خبرة كافية من اجل القضاء عليهم وعلى سمومهم التي ينثرونها |
ماهي التشكيله والتكتيك المتوقع من انتونيو كونتي ؟ آعتقد والعلم عند الله التشكيله بتكون على النحو التآلي : بـوفــون كليني ... بونوتشي ... بآرزآلي ... ليتشي بيـرلو ... فيـدآل جيآكريني ......... بيبي دل بيرو .... فوزينتش ماهي افضل الحلول لمواجهة فريق الكناري ؟ الضغط على حآمل الكره وتضييق المسآحات على كييفو وآيضآ الضغط الهجومي وعدم آعطآء الخصم فرصه هل الفريق سيعاني من التوقف خلال الفتره الماضيه وهل سيعاني الفريق بعد مشاركة اللاعبين الدوليين مع منتخباتهم ؟ آعتقد آن الجميع توقف والجميع سوف يعآني نفس المعاناة آما بآلنسبه للآعب الدولي آعتقد ممكن يكون اللآعب الآجهز لآنه موآصل اللعب ولم يفقد حساسية المباريات من 16 يوم ماهي ابرز الايجابيات والسلبيات في الخصم والتي يجب على كونتي ان يتعامل معها بحذر ؟ آعتقد آن كييفو فريق ذكي دآئمآ يستفيد من آخطآء الفريق المقآبل + السرعه بالهجمة المرتده ماهي النتيجه المتوقعه ؟ ومن سيكون نجم اللقـاء المتوقع ؟ متفآئل بالفوز فقط ونجم المبآرآه بكل تآكيد " بيرلو " وآتمنى آشـرآك الملك دآئمآ تكون له كلمه آمام كييفو La Vecchia Signora :smilie47: موضوعك يوجـع s121s وآتمنى تعديل تشكيلتك للمبآرآه لآنك وضعت دل بيرو في مركز المحـور |
بعد ان انكشفت المؤامرة وهي اننا نبي نجمع مشجعين لليوفي عن طريق طرح المواضيع في منتدى الرياضة العالمية :cry: لازم نعترف بافراد المنظمة اليوفي وبس رئيس المنظمة واعلى مرتبة فيها من المراتب الثلاثة وثلاثين وهو الي مخطط لعملية اغتيال عادل الجبير مقيم الان في مدينة ( قم ) وفي صدد انهاء كتابه المنتظر ( المؤامرة اليوفاوية في زمن الوهابية ) skroo قائد الجناح العسكري للمنظمة , ساهم في تأسيس جماعة الاخوان مع حسن البنا دخل في مناظرات كثيرة مع سيد قطب اهمها مناظرته ( لم يعد الامر سرا ) وقد اخذ عليها جائزة الفصمة الذهبية في مدينة كان الفرنسية قبل ان يصادرها منه وكيل رقيب في مطار الملك خالد slmlmm احد اخطر افراد المنظمة ويعد من امهر القتلة المأجورين في الوطن العربي , متهم مباشر في اغتيال انور السادات لكنه قمط في اخر لحظة, كان حلمة الهجرة الى الوطن تل ابيب لكنه لم ينجح بسبب مؤامرة وضعها بن يمين نتنياهو ضده La Vecchia Signora رئيس الجناح الاعلامي للمنظمة وهو الي كب عشانا قدام العالم باسرة وقد اكتشف المؤامرة احد الاعضاء من مشجعين نادي ميلان ونحب ان نشكر العضو الميلاني على هذه الخدمة الجلية التي قدمها للوطن ونقول له بصوت واحد سر ونحن خلفك فديتك :s2: |
| الوقت المعتمد في المنتدى بتوقيت جرينتش +3.
الوقت الان » 10:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd