سلام عليكم ... وصبحكم الله بالخير جميع..
وان شا الله يكون الجميع بخير و باتم صحة وعافية...

معذرة على القطعة جت مفاجأة و مع ضغط العمل بعد فترة عيد الفطر...

اسبوع من الافراح للباينكونيرية و الله لا يغير علينا....

بداية على صرح يوفينتوس الجديد ولا أحلى ... اربعة اهداف ملعوبة (قرينتا اليوفي) ظهرت بالمباراة الاولى

عقلية كونتي و الكاريزما اللي راح ينتهجها هالموسم بدت جلية للعيان .. لاعبين بحماس منقطع النظير ..

نتمنى يستمر هالشي طول الموسم...

ابداع بيرلو و أداء الملك اليكس ودافعية بوفون و حماس باقي اللاعبين كان الدور الابرز
في الفوز ....

نبي تكون هالاشياء متواجدة في جميع المباريات حتى قدام (نوفارا) الصاعد حديثاً للسيريا اي...

وبصراحة في لاعبين ودي اتكلم عنهم وهم( بيبي-كرازيتش) ..
من ناحية بيبي ما ودي انكم تظلمون هاللاعب فما زال لديه الكثير ليقدمه فهو على الاقل يعشق سيدته العجوز
وكان جندي مجهول في المباراة انا اشوف انه ابدع في الجهة اليمنى من الملعب رغم صراخ كونتي عليه
وما صرخ عليه كونتي الا انه يعول على هاللاعب الشي الكثير و صدقوني راح يفاجأكم مستواه الاسابيع القادمة..

اما كرازيتش فأنا صرت ألاحظ ان مشكلته نفسية اكثر مما هي بدنية لازم واحد يجلس ويتكلم معه لا تنسون ان اللاعب صربي و طباع الصربيين حادة اذا ما لقوا الاهتمام و هنا دور الادارة الفنية و اشوف ان ديل بييرو بما انه القائد
لازم يجلس مع زميله ويعرف وش يعاني ووش هي مشاكله و يسدي له النصائح..

اما عن خروجه من النادي راح تكون غلطه لو سمح ماروتا بهالشي .. لان هاللاعب ترك ريال مدريد و ميلان
و اندية كبيرة واتجه للبيانكونيري .. لازم يحافظون عليه حتى ولو كان عنده بعض المشاكل الفنية بالملعب
لازم الكل يوقف يمه حتى يحس ان النادي ما خذله.. وصدقوني راح يسترجع اداءه الرائع و المأمول منه..

اما الكوتش كونتي ان شا الله يكون داهية اليوفي بعد ليبي و يكون منقذ كما كان لاعب كثير ما انقذ اليوفي و سجل اهداف فوز باخر الدقايق.. و اتوقع له مستقبل جميل معا معشوقته السيدة العجوز..

واتمنى من الجميع ما تأخذه فرحة الاسبوع الاول و اعتقد ان الجولات الثلاث القادمة راح تكون المؤشر لليوفي
من ناحية تحقيق الاهداف المأمولة هذا الموسم .. و اهم شي الاستمرارية و الثبات في الاداء داخل الملعب..

تقبلوا تحياتي .... وفروزاااااااااااااااااااا يوفي

إقتباس متواجد في فياتشنزا بعد مع جددوا معه وشروا نص البطاقه الثانيه ايه تذكرته يا بدر وتابعت له لقطات العام مع فريقه فياتشنزا وقاعد يسجل ويصنع نفسه نفس ياغو الي راااح لتوتنهااام عالعموووم يا بدر لديناا المواهب الي تكفي ..

اي مواهب تكفي يرحم والديك عن النار يااحمد ابي موهبه استمر في الفريق الاول ومن هو اخر موهبه استمرت مافيه احد حنا نعتمد على الشراء فقط
مواهبنا نقتلهم كلهم بالاعاره او البيع او الملكيه المشتركه اللي ياكثرها في الكالتشيو والظاهر مصدرها الكالتشيو

الفرق الايطاليه تخاف من الاعلام مهما كانت قوتها ايا كانت اهم شي لاعب نجم بالاسم ومشهور اما الموهبه كل تراب وعض ارضك لين تتدمر
جيوفينكو له سنتين مايلعب قدام اليوفي الا يسجل هدف ضدنا وغير صناعته للعب ومع ذلك ماقالوا بنرجعه دامه ابدع ليش نرجعه اساسا حنا نحب نشتري وبس وجيوفينكو مستحيل يلعب على حساب ديل بييرو
باسكواتو ابدع في التحضير والاستعداد ومع ذلك ماشفناه في مباراه بارما يارجل هذي تعطيه تفجير لموهبته في الملعب
ايوب هداف البريمفيرا كم سنه ومع ذلك مانصعده للاول نعيره ونعتمد على اماوري وياكوينتا واخر شي نشتري الكديش توني عشان اسم نجم
ايكدال وياقو والكثير وين مواهبنا اللي تصعدت من صعودنا هل معقوله مدرسة يوفنتوس مافيها موهبه ياخي الهلال كل سنه يصعد اثنين وهم اقل احترافيه

اما سالفه الملكيه المشتركه هذي قصتها قصه وهي تعتمد على بيع نص بطاقة الموهبه الصغير الى فريق ثاني لان ماله مكان في فريقه الاساسي وبعدها يبدع فالمفروض انه يرجع لفريقه الاساسي لكن الفريق الاساسي يجحده ويبيع نص البطاقه الثانيه ويشتري بداله لاعب ويترك موهبته للفرق الاخرى
واقرب مثال ماتري كان في ميلان بعدين ملكيه مشتركه لكالياري 3 مليون وبدع ومع ذلك باع ميلان النص الثاني من البطاقه واصبح ملك لكالياري وبعدين رجع ميلان يبيه وقال كالياري ادفعوا 12 مليون ورفضوا وشراه اليوفي بـ15 مليون واتحدى اي ميلاني مايتمناه في فريقه الان
يعني الملكيه المشتركه تلعب بها الفرق الصغيره على الكبيره لان الكبيره وابرزها اليوفي تشتري وتشتري وتشتري وماتعرف ترجع لاعبها لين بدع خلال فترة الاعاره
وهذا اللي سبب فرق بين ريال مدريد ملك السوق وبين برشلونه ملك المواهب عالميا

شكلي كتبت واجد لاني منغبن من الملكيه المشتركه