★★★.. رابطة عشاق اليوفي .. ][ Campione d'Italia ][ :: 2012-2011 :: ..★★★ ‏ - صفحة رقم 105 - نادي الهلال السعودي - شبكة الزعيم

الملك ديل بييرو · #1 04/09/2011, 02:34 AM

^^
منورين الشباب ... و حمد الله على السلامة اخوي ديل بييرو الملك و كل المسافرين اللي عادوا الى قواعدهم سالمين باذن الله غانمين..
اعقب على كلام اخوي سامي... تأكد ان تكرر المواسم الهزيلة سببها الاول الدفااااااااااااااااااع و يليها الاحتفاظ بالمواهب
لان ممكن الفريق يتعقد مع لاعبين من خارج اسوار اليوفي وتكون اعمارهم معقوله ..

لكن اذا تكرر هالموسم وصار مثل اللي قبله و اللي قبله ... فالمشكلة دفاعيــــة..
ولك تحياتي و للموجودين..

forza_JUVE10 · #2 04/09/2011, 02:37 AM

السلام عليكم ورحمة الله وبركاااااااتـه,,

الله يعطيكم العافية شباب على جهودكم إن شاء الله الأمور تكون مستتبة للجميع و عيــد الله يعوده علينا بالصحة و العافية ويتقبل منا ومنكم

|| موضوع الميركاتو ||

يعطيكم العافية شباب الموضوع الآن بيدي و بيد عازف و تم توزبع فقرات الموضوع على الشباب إن شاء الله:
La Vecchia Signora

حول المدرب الجديد كونتي.
Mdhaal

تقرير عن الموسم الماضي برؤيته.

بالإضافة لمفرقات سليمان و محسن عن الإنتقالات.
و تصاميم سليمان.

شباب حاولو تسلمون الموضوع خلال أسبوع من اليوم تقريبا راح يتم رفعه خلال يومين من بعد تقديم الجولة الثانية بإذن الله.

تابعو معاي على الخاص بالتوفيق يارب إن شاء الله

أماوري نادم على رفض عرض مارسيليا
حنا نادمين على إن اللاعب ما زال في 2011 من ضمن قائمة الفريق.

طموح جياكيريني العالي
الفريق بشكل عام لازم يكون طموح و إن شاء الله جياكيريني يكون خير بديل في التشكيل و يتفوق على بيبي.

ديل بييرو الملك
هلا و الله بالغالي حمد لله على السلامة إن شاء الله تكون إنبسطت

و على قولة ناصر عين لحاف و عين فراش

S ạ M i
صراحة الجميع يستغرب من المؤسف ما نراه من الإدارة خصوصا من الأسناذ ماروتا و أعتقد أتفق مع مبارك في نقطة قالها مرارا خلال الميركاتو و هي " العشــوائية " + كونتي تم جلب العديد من اللاعبين ليس بناء على رأيه بل على ثقافة ماروتا السامبدورية

، قتل المواهب عادة سنوية يسير بها اليوفينتوس على مدار السنين و الأمثلة موجودة خصوصا في جيل الفريق الحالي بدأت من جيوفينتكو و القافلة تسير .. ياقو - باسكواتو وووو.

الله يعطيكم العافية شباب

عاًافك ألخاًاطرٍ · #3 04/09/2011, 05:10 AM

سلام عليكم ورحمةة الله ..
حبيت اسأل مَاا نزززلت ارقاام لااعبين اليوفي كااملةة لااني ابيها
يعطيكم العافيه ، واسسفين ع الازعااجَ

M A R C E L L O · #4 04/09/2011, 05:50 AM

-

اسسف على القروشة اللي قبل شوي بس بعد
ما تهكر المنتدى و الستايل الجديد انحاس مقاس
الخلفية و قعدت أحاول فيهآ إلين صارت تمشي
الحال ، حسبي الله و نعم الوكيل !

أعتذر من الجميع

!

Mdhaal · #5 04/09/2011, 05:55 AM

..

الله يستر ع الزعمآء ويعينك اخوي عازف

..

عافك الخاطر

تفضل نقلاً عن اخوي سامي

وباقي لاعبين للان مابينت ارقامهم

"

الخبراء · #6 04/09/2011, 07:40 AM

حظيظ هههههههه يامندفع

عليك امثلة يابو

ناخذها حبه حبه

فييرا جاء لليوفي برغبه شخصية واذكر تصريح له بهذا الشيء .. لايكون ابو الموج بعد له دخل برغبته

ماردونا جاء لنابولي بصفقة اعتبرت قياسية بهاك الوقت فلاتقولي سحر موجي .. هذي سحر الفلوس الله يجيرك

نجي لحولنا الموقر

.. مشكلتك يابعد قلبي المفطور

انك ماتركز بالردود .. انا قلت اني ماامجد ماروتا يعني ( مامدحه على اللي سواه ) لكن وش بيده هالضعيف .. اذا كل اللاعبين السوبر مشوتينه ومعطينك انت وناديك اشكل كبر قريح !!!

يروح للاعب سوبر .. وش يعرض عليه ؟؟! لا دراهم .. لا راتب .. لا فريق يفتح النفس .. لامنافسات .. وموسمك الاخير ملحط بالسابع وكل اللي تفاوضهم من لاعبين سوبر انديتهم في حال افضل من حال اليوفي .. على اي اساس تبيه يجيك !!

بخصوص انه يمر الجريدة قبل .. خيالك واسع ياصديقي

التوتو ملعونه جد تعرف بكل صفقات اليوفي قبل ماتصير .. سواء سوء من ماروتا ولا جود منه ..بكل الاحوال تعتبر نقطة سيئة بحقه وهذي انا متفق معك

بالاخير جبت مثال على برانكا .. صاحي انت يوم تضرب هالمثال ؟!

فريق قبل موسمين لخم العالم كلهم ورفع الثلاثية .. ليش مااروح لمهم !!

بالعربي من يبي يلعب باليوفي في هالوقت الحالي ؟! من لاعبين السوبر لا احد !

La Vecchia Signora · #7 04/09/2011, 04:10 PM

ساوباولو على +2 لمن يريد متابعة رودولفو أو يبي يطير نومه عشان يعدله للدوامات <<--- مب كذا ابد

اللاعب عليه انطلاقات هجومية قوية ووحشية ينفع ظهير اكثر من قلب دفاع

يلعب الحين قلب دفاع أيسر والمعلق مسخسخ معه

كشكل فيه من كاكا بس على ابشع شوي استغفر الله

حظيظ · #8 04/09/2011, 08:51 PM

الخبراء

معليش يعني انت تحسسنا اننا مانتابع الفريق وماندري عن شي

ولا كانه اليوفي ثالث اكثر فريق دفع بهالصيف ههههههههههه

اقلها يمديك تخلي هجومك روسي وفوزينيتش

وعلي فكره ترا اقويرو وروسي كلهم يبون اليوفي وكانو مستعدين بس الداج ماروتا الي صرف هالملايين علي موتا وبيبي ومارتينيز ماعنده فلوس هههههههههه

حتى دزيكو العام كان ينتظر اليوفي يوف شاف مافيه امل. وقع مع السيتي
وبرضه اقويرو كان حاط السيتي خيار ثاني بعد اليوفي
روسي كان بينه وبين اليوفي اقل من خمسه مليون بس ومتنح ما يبي يدفع وتراني ماني متحسف عليه لانه عندنا باسكواتو وجيوفنكو بس هو صرفهم ولا ندري وش يبي صراحه

لو العام جاب دزيكو وهالسنه جاب اقويرو وش بيكون هجومك

والي اقصده كل سنه نجمين او ثلاثه

ماهو كل سنه يجيب فريق كامل بدون جووده وكلهم مستواهم متقارب الاحتياط نفس الاساسي

بالله مارتينيز يستاهل 13 هههههههههه

لا تقولي مافيه فلووس ،، فيه بس كمخه ما يعرف يصرف فلوسه صح

دزيكو دزيكو اخرتها يوقع مع توني بالشتا

انا اشوف حسب الميركاتو هالسنه والعام ان ماروتا ما يفكر يقوي الفريق زي ما يفكر انه ينزل رواتب اللاعبين وبالذات الي كانو موجودين قبله

ليت بس كونتي يغطي عيوب ماروتا

لو اني تمنيت يمسك الفريق مدرب له هيبته وكلمته ويقدر يتحمل الضغووط الاعلاميه

اجل يصرف باسكواتو ويجيب جياكريني هههههعهه كمخه

Mdhaal · #9 04/09/2011, 11:49 PM

..

لوكا توني سيكون هدية عيد ميلاد فاتح تيريم
واحد من اربعة اسماء مرشحة لهجوم غلطة سراي

"

المصدر

تعليق : مهزلة ياماروتا وكونتي معك بدل ماتصرفون ياكونتا واماوري تضحون بتوني وهو ثاني لاعب بصناعة الاهداف الموسم اللي راح وافضل منهم بكثير .. الله يستر من الجاي

La Vecchia Signora · #10 05/09/2011, 03:01 AM

السلام عليكم ورحمة الله وبركاته

يا صباح الفل

MHM
مدري ليه أحسه كومه فساد
الشخص أعلاه وزير الداخلية الإيطالي يقول :
أنه بيحضر حفل إفتتاح الملعب الجديد

لا تحس تأكد وانا اخوك

تركي

باذن الله فقرة كونتي راح تتسلم قبل ينتهي الاسبوع

الحمدلله على سلامة الشباب اللي وصلوا وبانتظار عودة بقية الشباب المسافرين

قبل لا ابدا الجولة الاخبارية ودي اتكلم عن الميركاتو و ماروتا

اغلب الشباب رافع ضغطهم ماروتا ويشوفونه يدير اليوفي بعقليته السامبدوريه , طيب عزيزي هل تعلم ان السامب اللي جاي منه ماروتا كان بالمركز الرابع ومتأهل للتشامبيونز وفي نفس الموسم اللي كان فريقك سابع ومتأهل يورو ليق ؟ وش معناته هالكلام ؟ معناته يا السكواد اللي كان عندك دجه ولا يأهل للمنافسه أو مدربك فاشل ولا يمتلك الحد الأدنى لمقومات النجاح أو إدارة فريقك سيئة في تنظيم الأمور واتخاذ القرارات , اليوفي كان يعاني من كل هالأمور قبل موسمين , أول خطوات التصحيح بدأت باستقدام خلطة النجاح اللي كانت في السامب ( ماروتا + ديل نيري ) في محاولة لعمل ثورة فنية بالفريق ولكن للأسف لم تنجح هذه الخطوة 100% , كذلك استغلال الميركاتو الأول بمحاولة استبدال جلد الفريق بأكبر عدد ممكن من اللاعبين مع الحفاظ على قيمة اليوفي الوطنية اللي دائما ما عرفت عنه ( انبسط وانا اشوف النصيب الاكبر من لاعبي الازوري من اليوفي حتى الآن وهو في أسوء مستوياته ) , والخطوة الأخيرة تغيير الإدارة السابقة الفاشلة إلى الإدارة الجديدة بقيادة اينيللي صاحب الصوت القوي , ترى حالياً عمر فريقنا الفعلي لا يتجاوز سنة وشهرين و لا زلنا نشوفه مستمر بعمل ثورة تصحيح للعيوب كاملة , ادري ان الاختلاف بين الاعضاء الحين يكمن في آلية التصحيح , بعضكم يقول ادددددددفع وخلص امورك ويضرب امثله بالسان جرمان والسيتي واحترم رايه لكن لا اوافقه , واشوف ان آلية التصحيح الحالية هي الأفضل

اللي عاجبني في ماروتا انه ساحب على الانتقادات اللي تجيه , وان سياسته بالبناء بدأت من الدكه وليس الأساسي وهذا اللي يفسر صفقات الكم حقت موسمه الأول وصفقات الكيف هالموسم , ماروتا وعدنا برفع جودة الفريق وبالنسبة لي وعد و أوفى ما عدى خط الدفاع بتدخل كبير من كونتي اللي كرش زيغلر و لوغانو بعد مساومته , ماتري كواليا بيرلو فوزي فيدال ايليا ليكشتاينر كرازيتش كلها رفعت جودة الفريق الاساسي , جياكيريني سورنسن بيبي بارزالي توني ستوراري كلها رفعت جودة الفريق الاحتياطي غير اللعيبه الشباب المبدعين اللي ينتظرون فرصهم , لذلك اشوف ماروتا حتى الآن ناجح بإمتياز بتغيير جلد الفريق كامل ورفع جودته أساسي واحتياطي خلال سنة وحدة فقط , أخيراً بالله طلب واحد بس ياليت تطلون على التشكيلة الأساسية الحالية وتشوفون كيف لو تم ضم لاعب سوبر على شاكلة روسي و ريبري و فيدتش في كل خط ( هجوم - وسط - دفاع ) الصيف الجاي مع الحفاظ على السكواد الحالي كيف راح يكون وضع الفريق ؟ البناء على مراحل وبتأني افضل بالنسبة لي من البناء بهمجية الدراهم

و هذا رايي

Mdhaal · #11 05/09/2011, 03:16 AM

..

صور لـ لاعبين اليوفي بـ تدريبات المنتخب 4-9-2011

حجم الصور صغير لأني محملها من الايفون

حظيظ · #12 05/09/2011, 09:39 AM

La Vecchia Signora

سجلني عندك منبرش جديد !!!

ما ابي اتكلم كثير بس ابعلق على كم نقطه واختصر كلامي

إقتباس


	السيتي صرف الى يومكم ما يقارب 6 مليار حسب ما قريت و قش لك من هالنجوم الى بكرة بس متى تأهل للأبطال ؟ في موسمه الثالث !! مع إن الاستقرار الفني موجود والإدارة اللي تصرف موجودة !! فكيف بفريقنا المنتف من بعد الصعود من كل الجهات ؟

اول شي اكبر غلط انك تقارن نفسك مع هذولا .. لأنه هذولا ما اقيس معهم لأنهم نظامهم بايخ وقايم على فلوس بدون مخ
وماهم بعيدين عنا .. اقويرو تيفيز بالوتللي اديبايور آدم ودزيكو .. ومادري من الي راح عن بالي لأني اذكرهم 6 او 7
وهذا يعني ان شغلهم فاشل .... وفوق كذا حاطين مدرب ما يستاهل هالمنصب وهذا اهم اسباب الفشل الي يعيشونه
وعلى كل هالنجوم صعب انهم يجيبون الدوري وراح تكثر المشاكل بالفريق فا هذا ما اقيسه بفريقنا لأننا كذا نخلي قدوتنا نادي فاشل اداريا

إقتباس


	بالنهاية لما نقيم العمل لازم نشوف وش الهدف اللي كان مطلوب ومدى تحقيقنا له , وفي رأيي ان نسبة نجاح 8 لاعبين من اصل 12 لاعب جبناهم الموسم الماضي لتدعيم دكة فريقنا اذا اكتمل هي نسبة كويسة جداً , وراح يكتمل شكل الفريق مع اللاعبين اللي جو هالميركاتو ولا راح ينقصنا سوى توفيق الله ثم شطارة كونتي و حبة مدافع خبير

اذا 8 كانو ناجحين معنا وقدمو المطلوب منهم .. وبالاخير كانت النتيجه المركز السابع !!! فا أقول لابو النجاح الي كذا .. واذا هو يعتبر انه المركز السابع نجاح فا على اليوفي السلام

إقتباس


	( ماتري - توني - بارزالي ) جو بيناير و كلهم ابطال ويصلحون احتياطي بقيمة الأساسي وآخر اثنين جو مجاناً بعد

ماتري هو الي ممكن يكون نجح وماهو هالنجاح لأنه الفريق دحدر بالدور الثاني يعني نجاحه شخصي وانه سجل كم هدف
اما بارزالي ما قدر يمسك اساسي .. شلون صار ناجح
وبالنسبه للصفقه الفذه توني .. اذا هو ببلاش ترا النادي يعطيه راتب سنوي 3 مليون او 3.5
مع العلم انهم صرفو تريزي الي افضل واعز من توني وبرضه اصغر من توني والمشكله انهم صرفوه بفلوس
قلعوه لا ويدفعون نص راتبه ... وين النجاح ؟؟

معليش الاداره ماتدري وش تبي بالضبط

Mdhaal · #13 05/09/2011, 11:10 AM

..

غرفة تبديل الملابس في الملعب الجديد

إذا ماجابو بطولة ذبحتهم

دلع

"

La Vecchia Signora · #14 05/09/2011, 01:04 PM

مدهال

انا من البداية موافقك في مسألة الابقاء على تريزي وكامو حتى لاحظ اني قلت لو كان موجي موجود غالباً راح يتخذ هالخطوة ويتفوق على ماروتا فيها , مابينا اختلاف على ضرورة بقاء تريزي وكامو

بخصوص مثالك عن الهدم والبناء او الترميم كل واحد له وجهة نظره وانا وجهة نظري ان الهدم لبناء اساس قوي افضل من الترميم على مراحل ويبدو اننا راح نوقف عند هالنقطة منتب قادر تقنعني ولاني قادر اقنعك

بالنسبة للفريق واننا نكرر انه سيء , عزيزي اول خطوات حل المشكلة هو الاعتراف بوجودها , فعلاً يا صديقي فريقك تراه سيء ولاهو قد الطموح ولا يقيّش ابد

, بعد الهبوط ( سحبت منك الاضواء الاعلامية والرعايات بالمبالغ العالية - خرج منك أكثر نجوم الفريق وقبلهم كابيللو - بدأت الاخطاء الادارية الى نعاني منها الى يومك بالظهور ) كل هالأمور كسرت ظهر فريقك كسر ولا نحتاج نكابر , تقولي ان الفريق كان ماشي صح قبل فيرارا اتفق معك لكنه ماشي على نظام " المسكنات " بوجود مدرب محنك مثل رانييري وشفت بعد اقالة رانييري كيف انكشف حال الفريق !!

عموما كل اختلافنا ونقاشنا يصب لمصلحة الفريق وان شاء الله نشوف اداء يسرنا جميعاً هالموسم

----

حظيظ ياخي من زمان ودي بك تنبرش

انا ما قارنت اليوفي بالسيتي وخليتهم قدوة يخسون مع احترامي الشخصي لكل مشجعي هالفريق , انا جبت مثال ان هالفريق مع القوة المالية الضخمة والاسقرار التدريبي لثلاث مواسم استلزمه النجاح بالتاهل للتشامبيونز 3 مواسم !! وخسر ما يقارب الـ 6 مليارات ومع ذلك كل رصيدهم صار بطولة كأس وتأهل تشامبيونز و يورو ليق !! أغلب حلقات النجاح مكتمله عندهم ( مال + قاعدة لاعبين قوية ) ولا ينقصهم الا المدرب الصاحي , فكيف بفريقنا اللي لا يملك مال كمالهم ولا استقرار تدريبي مثلهم , في هالثلاث مواسم غيرنا المدربين 4 مرات والادارة مرتين واللاعبين حدث ولا حرج , لذلك المفروض ما تنتظرون مقعد مؤهل للتشامبيونز أصلاً لين يكتمل فريقك صح وتستقر اقل شي سنتين بمدرب وسكواد ثابت تضيف له لاعبين ثلاثة بكل ميركاتو نفس نظام برشلونه والميلان ومانشستر يونايتد الآن

اذا 8 كانو ناجحين معنا وقدمو المطلوب منهم .. وبالاخير كانت النتيجه المركز السابع !!! فا أقول لابو النجاح الي كذا .. واذا هو يعتبر انه المركز السابع نجاح فا على اليوفي السلام

يا بعد قلبي يا حظيظ لاحظ اني قايل ان الهدف من الميركاتو بالموسم الماضي بناء الدكة لفريق اليوفي الأساسي هالموسم , هل تتوقع ماروتا بيطلع باول ظهور له مع الفريق يقول عضّوا على شحم موسمين قدام بابني الدكة هالموسم وارفع الجودة الموسم الجاي وبعدين بنافس ؟

طبيعي راح يقول للجمهور والاعلام طموحنا المشاركة بالابطال وبنفس الوقت يكون مجهز الاستراتيجية بينه و بين اينيللي والادارة بشكل عام , اينيللي بالذات وجوده كرئيس يكفيك و يريحك الرجال دراسته وشغلته الادارة وعاشق للفريق ولا تتوقع ان هالامور تترك للصدفة والعشوائية

ماتري هو الي ممكن يكون نجح وماهو هالنجاح لأنه الفريق دحدر بالدور الثاني يعني نجاحه شخصي وانه سجل كم هدف
اما بارزالي ما قدر يمسك اساسي .. شلون صار ناجح
وبالنسبه للصفقه الفذه توني .. اذا هو ببلاش ترا النادي يعطيه راتب سنوي 3 مليون او 3.5
مع العلم انهم صرفو تريزي الي افضل واعز من توني وبرضه اصغر من توني والمشكله انهم صرفوه بفلوس
قلعوه لا ويدفعون نص راتبه ... وين النجاح ؟؟

ماتري نجح تماماً و فاد الفريق اكثر من كواليا من ناحية الارقام , لعب 16 مباراة وسجل 9 اهداف وكواليا لعب 17 مباراة كان الفريق وقتها في عزه وسجل 9 اهداف = صفقة ناجحة مافيها شك
بارزالي كيف ماهي ناجحه صفقته وهو جايك ببلاش + لعب 15 مباراة من اصل 19 متاحه له بمعنى غاب عن 4 مباريات بس !!
لا تنسى بعد ان قلوب دفاعك حالياً كلها على مستوى واحد ( بارزالي - بونوتشي - كيلليني ) ما اشوف واحد يتفوق على الثاني بفارق كبير يخليه يستاهل الاساسي عشان تحكم بنجاحه
توني صحيح راتبه عالي بس الفريق ذاك الوقت يشحذ مهاجمين ( كواليا - اماوري - ياكونتا - مارتينيز ) كلهم مصابين ولا كان عندك الا دل بييرو يتسحب هو وفنيلته اللي يدخلها بشورته !! لذلك كنت في حاجته ولو تذكر كان بديل شبه ناجح ويعتبر تمشية حال الى نهاية الموسم , واكيد توافقني ان هالناقه افضل من اماوري وياكونتا في حال رحلوا وبقى هو

عموما زي ما قلت فيه استراتيجية بعيدة المدى يمشي عليها الفريق الحين انقضى منها سنة واتوقع باقي فيها سنتين مع هالسنة , التقييم اللي بآخر هالموسم راح يبين لنا 70% من مدى نجاح هالاستراتيجية تبقى الـ 30% بالموسم الجاي ان الله احيانا , وقتها نحكم على الفريق ونقطع بماروتا وانيللي لييين ما نشبع في حال فشلوا

Mdhaal · #15 05/09/2011, 01:09 PM

..

تصريح مطول أخذت منه مايلي

دل بييرو : آمل أن يمتص العشب الجديد طاقة الفوز من ديلي ألبي , يجب أن يكون الجمهور رجلنا الـ 12 ..
للفوز يجب علينا التواضع والفخر والشعور بالمسؤولية .. موسمي الأخير ؟؟ أنا لم أقرر بعد

"
المصدر