وش الحل مع الظهير الايمن الموسم الجاي ..؟ - نادي الهلال السعودي - شبكة الزعيم

السبشل وان · #1 15/07/2011, 08:55 AM

مرحبا بالزعمـآء

مبروك علينا صفقه العربي وبالتوفيق له مع الهلال ..

الادارة وعدتنا بموسم مختلف وانا واثق من ابو مساعد لكن فيه معضله في الهلال مالها اي حل

الظهير الايمن ...!

من راح يلعب في هالمركز الموسم الجاي ..؟

نامي ..؟

احتياطي موسم كامل ومستواه عادي ولا لاحظت عليه تطور ..

البيشي ..؟

ماعتقد بيلعب لانه توه راجع من رباط صليبي ..

انا عندي استعداد اجلس على ياسر القحطاني وهو في اسوء حالاته

ولا اجيب مهاجمين واترك خانة الظهير لمحمد نامي ..!

الكوري لي يونج ماقصر طول الموسمين اقسم بالله نسيت مشكله الظهير الايمن بتاتاً ..

لكن لي يونج راح

هل معقول ارجع لنامي ..!

نامي عطيناه فرصه موسم كامل واثبت فشله الذريع ..

جماهير الهلال

مو معقول انو كل سنه نطلع من ام صلال وذوب اهن

بسبب اخطاء بدائيه ماتحدث في نادي اقل من الهلال ..

انا ماعندي اي استعداد اشوف الهلال الموسم الجاي يترنح في اسيا بسبب اخطاء نعرفها قبل بدايه الموسم

يناس ذوب اهن فاز علينا وخسر النهائي الاسيوي بثلاثيه..!

الاتحاد فاشل طول الموسم وبالاخير يطلعنا من اسيا ..!

الى متى ..؟

بعد الخروج المر تجيني الاداره تقول راح نعوضكم الموسم الجاي وبيكون افضل

طيب انا عارف ان ليال العيد تبان من عصاريها

مو معقول هالي قاعد يصير

محترفين اثنين من المغرب بتوصيه من قريتس وكأنو مافي لاعبين على مستوى الا من المغرب ..!

والظهير الايمن يقولون راح نعطي فرصه لنامي

طيب سبق واخذ فرصته اعطو لاعب من شباب النادي فرصه اذا المسأله تجارب على حساب الهلال ..!

اتمنى اتمنى اتمنى

من شبيه الريح يشوف حل للظهير الايمن قبل انتهاء فتره الانتقالات ..

في النهايه احب اقول ان كلامي مو تشائم بقد ماهو تخوف ..

وجمعه مباركه للجميع.

حمد النفيعي

خيال هلاليه · #2 15/07/2011, 12:02 PM

كـــلام سليـــم
لابد من حل لمسألة هالظهير الأيمن مادام لي يوونغ وراااح ..

ومو معقوله نجلسس تحت رحمة فريق الشباب لما يرضى ويعطينا لاعب ظهير منهممم ؟؟؟
لابد من إدارتنا تتحرك وتدووور لو تدفع فيه ملايين الدولارات بسس يستاهل لانه راح يحل لنا معضله وموال ملينا منه !!
ولا نجلس نترجى ونفاوض وبالأخير تنتهي فترة التسجيل واحنا جالسين نتفرررج

cresty alzaeem · #3 15/07/2011, 12:08 PM

يعطيك العافيه على الموضوع الرائع
اتفق معاك في كلامك في خانة الظهير الايمن
الموسم القادم ستكون اضعف خطوط الهلال
الله يكتب للهلال اللي فيه الخير وجمعه مباركه
تحيــــــــــــاتي

iTrrok · #4 15/07/2011, 12:12 PM

تبي ظهير أيمن سريع ؟و مناولات بالسنتي ؟ وينطلق للهجوم ؟ لا ويسجل بعد ؟

موجود بس متجاهلينه ولا فكرتوا فيه ..

هو : عبدالمطلب الطريدي

اللي على يسار

نصاب بس اخلاق · #5 15/07/2011, 12:12 PM

اقول لبعض المطبلين لنامي تذكروون يوم نامي تسبب بهدفين
ضد الغرافه بالمباراه الشهيره. 4-2
يكفي مجاملات نبي ظهير يليق بهلالنا ياناس

*زعيمه جنوبيه* · #6 15/07/2011, 12:21 PM

اتوقع الهلال مو ناسي هالشي
وعارف قبلي وقبلك
لكن كلنا امل في حل هالمشكله

عوااااافي

فآإرس الحربي · #7 15/07/2011, 12:26 PM

لالا اذا ناامي ظهير الموسم الجااي مستحيل اتاابع الهلال .

لو تجيبون اللي هو بس نامي مايصير ظهير

ابو طلال 9 · #8 15/07/2011, 12:41 PM

ههههههههههههه واللع ترا جد مالكم امل ومالكم داعي يلعب اساسي بو صالح

بس مدري وش عندها الاداراه ساكتين لاحس ولا خبر وهذا اللي مخوفني
زياده عليها فكره اعارة المحياني!!!!!!!!!!!!!!!!!!!!!!!!

A l - K i n g · #9 15/07/2011, 12:45 PM

.

لآ تستعجل على رزقك ..

إن شاء الله لظهير الايمين و بـ يجي

و آتوقع إن الاسيوي بيكون ظهير .. حسب ما صرح فيه عبدالرحمن بن مساعد قبل نهايه الموسم

إن مركز رآدوي و لي يونغ ما يبي لهآ آستشاره مدرب .. الهلال يعاني بهالمركزين و يلزمنا لآعب اجنبي يغطي هالخانتين

النادر 9 · #10 15/07/2011, 01:08 PM

يعطيك العافيه على الموضوع الرائع
اتفق معاك في كلامك في خانة الظهير الايمن
الموسم القادم ستكون اضعف خطوط الهلال
الله يكتب للهلال اللي فيه الخير وجمعه مباركه
تحيــــــــــــاتي

3Žớẑღǻ.β3 · #11 15/07/2011, 01:17 PM

صح كلآمك

وآنـآآقول نجيب..؟

حسن معآذ او عبدالله شهيل....)

وبالتوفيق...

tariq · #12 15/07/2011, 01:21 PM

يقولكم ذكرت صحيفة شورت نيوز الالمانيه ان نادي كولن الالماني
يفاوض محمد نامي وابدى نامي اهتمامه بالعرض وطالب الاداره بالسماح له
بالمغامره اوروبياً , ويقولون ان كولن حصل على المركز 12 بالموسم الماضي !!

المصدر : صحيفة شورت نيوز الالمانيه

iTrrok · #13 15/07/2011, 01:29 PM

إقتباس

الرسالة الأصلية كتبت بواسطة tariq


	يقولكم ذكرت صحيفة شورت نيوز الالمانيه ان نادي كولن الالماني يفاوض محمد نامي وابدى نامي اهتمامه بالعرض وطالب الاداره بالسماح له بالمغامره اوروبياً , ويقولون ان كولن حصل على المركز 12 بالموسم الماضي !! المصدر : صحيفة شورت نيوز الالمانيه

خخخخخخخخخخ

هذي ي طويل العمر إشاعة عشان يصير للاعب مكانه عالية بالفريق ..
اللاعب اوكي جيد بس نبي أفضل منه

البرق20 · #14 15/07/2011, 01:33 PM

إن شاء الله يجيبون ظهير آسيوي ويكون أفضل من لي يونج باذن الله ..

helale moot · #15 15/07/2011, 01:38 PM

مع احترامي لك يالغالي انا اشوف انك غلطان

ياليت يازعماء انه مايتم النقد ولسى الموسم مابدا

راح تشوف الموسم الجاي كيف المغاربه اللي مو عاجبينك وش راح يسوون

ونامي افضل من غيره

ياليت مانستعجل بالحكم