|
وليهــآمسوون كبير في العمر ومكشوف وماذا قدم !! + تربص الأنديه السلام عليكم ورحمة الله وبركآتـه ~ الموضوع ومآفيه يآ الطيبين :smilie47: بصرآحه آشوف كثير من جمهورنا الكريم يطالب برأس وليهآمسون !! <-- قويه راسه مره وحده :d واذا قلت له ليش !! تقريباً عندهم 3 تبريرات ولا يغيرونها .. 1- والله لعبه مكشوف وكل الأنديه عرفوه !! 2- زوجته ماتبي تجلس في الرياض وبينزل مستواه <-- مسوي ساكن معهم الأخ هذا :d 3- عمره 30 وكبير ماراح يخدم الفريق !! ردي بيكون في نقاط اولاً الرد على رقم 1 .. عزيزي رقم ( 1 ) بخصوص ان لعب ولي مكشوف ومعروف ونقاط قوته معروفه وانا اتفق معك واحد النقاط الأنطلاق مع الأطراف والسرعه .. <-- بس تعتبر نقطة قوه حتى لو كانت مكشوفه .. بتتفلسف وبتقولي كيف :d اقولك كيف يعني ميسي مثلاً كلنا نعرف طريقة لعبه وحتى المدافع اللي يلعب ضده لكن هل يقدر يوقفه .. ؟؟ طبعاً صعبه ونادر ( ومثله ينطبق على كرستيانو وبقية النجوم ) فـ وليهآمسون اغلب الأنديه اللي لعبنا معهم ماقدرو يمنعون خطورة وليهامسون بعض الأنديه قدرو يحدون منها لكن ماقدرو يوقفونه 100 % الأن نرد على رقم 2 عزيزي رقم ( 2 ) بخصوص زوجته وين مصدرك انها ماتبي تجلس الرياض .. ؟؟ ولا انت تتغدى وتتعشآ معهم .. ؟؟ :s3s: على العموم حتى لو ماتبي الرجال هذآ مستقبله وراح يقنعها هذا اذا كلامك صحيح :) الأن ارد على رقم ( 3 ) عزيزي رقم ( 3 ) يكون في علمك ان اللاعب الأوروبي في عمر الـ 30 يكون في قوة مستواه والنضج الفني والتكتيكي يعني لاتحكم على العمر 30 الا على الاعب السعودي وقتها بكون معك لآن الاعب السعودي والأغلب فيهم الا من رحم ربي ( سهر وغذاء خطاء ونظام كامل مو مرتب ) فـ تلاقي في عمر الـ 30 ينزل مستواه عكس الاعب الأوروبي .. والأمثله كثيره ومنها ~ 1- xavi 2- Diego Forlan 3- Javier Adelmar Zanetti والقآئمة تطول . . . بخصوص ( تربص ) الأنديه اللي تطلب وتتمنآ وليهآمسون ~ تأكدو ياجمهور الزعيم ان جميع أندية المنطقه والعربيه تتمنى الأعب وليهآمسون بأي ثمن :yes: وتنتظر اللحظه اللي يطلع من الزعيم عشان تطلب ود الاعب اللي بيكون اضافة لآي فريق يلعب له ولي :smilie47: وبهذا المستوى قادر يلعب حتى في ابرز الأنديه الأوربية :yes: فـ أتمنآ آن شاء الله بقاء الاعب وليهآمسون :ba: الموسم القادم s13s وانا أتوقع بأذن الله رآح يكون موسم مميز للهلال خصوصاً بعد التعاقد مع يوسف العربي وعادل هرماش :ga: وبأنتظآآر الاعب الأسيوي وان شاء الله يكون قد الطموح تحيآتي للجميع . . . يآسر ~ :rose: |
شكررا لك وربي دررر ورد قوي على الي مايبون ويلي |
اذا لم يأتي أفضل منه اتمنى بقائه شبيه الريح قال أمره راجع للمدرب الجديد نصبر ونشوف شكرااااا لكـ تقبل مروري |
موضوع روعة .. تصدق داخل الموضوع عشان العنوان ! كنت أبقول : كبير في العمر صح .. مكشوف رأيك .. لكن ماذا قدم وقققققققف هنا !! :) فعلاً لاعب كبير ونجم .. أنا لست ضد رحيله تماماً ولست مع بقاءه تماماً .. إذا كان سيأتينا من هو أفضل فأنا مع رحيله .. وإذا كان سيبقى فهو كفوو .. يعطيك العافية |
عوافي يابطل :ga: كلامك صحيح ....:smilie47: اوما يبي راسه قووووووووويه:to: هع هع:laugh: اوما اللي ساكن معهم :to:هههههههههههههههههههههههههههههههههههههههههههههههههه لاتعليق:s4s: الاداره ابخص ببقاءه او رحيلهs13s الهلال في ايدي امينه ولله الحمد:smilie47::smilie47: لانطلب ولانرجو ولا نتمنى الا توفيق رب العلى:smilie47::smilie47: وسندع لهم القيااااااااااده ونستمتع بالرحله:wub: تقبل تحياتي ومروي:wub::ga: |
صادق انا مايقهرني الا من يقول ماذا قدم ويلهامسون يعني لو يقول ماذا سيقدم ممكن تمشي شوي اما يجحد عيني عينك ماذا قدم فهذي قويه |
ويلي قدم للهلال الكثيييييير وياما شال الفريق لحاله ، اتمنى بقائه على الأقل بداية الدوري وقبل فترة الإنتقلات الشتويه .. ردك على اللي يرددون هالأعذار المستهلكه مقنع وواقعي شكراً ^ |
أنا أتفق معك شكلا" ومضمونا" فااللاعب ويلهامسون لاعب كبير بمسنواه وبإسمه وكما قلت الأنديه الثانيه تنتظر خروجه من الهلال عشان تتعاقد معاه . اللاعب ويلهامسون يضل قوه فارقه بالوسط الأيمن لنادي الهلال والعام الماضي دليل على قوة هذه الجهه هو و لي يونق ويكفي أنه يتميز بالسرعه والمهاره والعرضيات الجميله والهلال محتاج ويلي لأنه يريد لاعب سريع ويرسل الكرات بالصندوق للاعب يوسف العربي اللذي يتميز بطول القامه وإجادة الكرات الرأسيه ونريد ويلهامسون على الأقل سنتين معنا لأنه يصعب التعويض بلاعب مثله . وسلامتكم |
شكررا لك وربي دررر ورد قوي على الي مايبون ويلي |
اهنيك يا(عنوان الفن هلالي)s13s اقسم بالله ناس تقهررررررررر لاعب يقدم مستوياااات مميزة ويحترق على الفانيلة اللي لابسها وتجيك ناس مطفية النور:s5s: وتقول ما قدم شئ تدروون ليش بعض المباريات تشووفنه طافي وشكله حزين :cry:كل هذا منكم يالجمهور ايه الجمهور اقسم بالله ما عطيتوه حقه لا ترديد اسمه بالمدرجات لا كتابة مواضيع عنه ولا تبيه يقدم. مثااااااااااااااال؟ رادوي قدم عطائات مميزة كل هذا من تشجيعكم له بالمدراجات ترديد اسمه وصور له واعلام له و مواضيع وطلع افضل لاعب. بالمختصر لا تجحدون حق ولهامسون انتو ما عطيتوه حقه اذا تبونه يقدم نفسه الموسم الجايs121s اعطوه مثل ما عطيتوه لرادوي. ااااااااسف للاطالة وشكرا.:alzaeem: |
يعطيك العافيه ما قصرت وصدقت والله ويلى لاعب كبير اتمنى ما يرحل |
ويلي ويلي وكقى !! ويلي هو اللي مشعلل لك الهلال .. فيه عيوبه صح .. (من اهمها عدم دقه العرضيات !!) بس لاعب مميز ويحرك لك الفريق اتمنى يروح حتى نجدد الدم .. خصوصا لو جا الهلال مبلغ حلو في باقي عقده !! |
اذا لم يأتي أفضل منه اتمنى بقائه شبيه الريح قال أمره راجع للمدرب الجديد نصبر ونشوف شكرااااا لكـ تقبل مروري |
مرحبا تري ياجمهوراغلا واحلا نادي في العالم اقلقتونا وصارعندنا عدم استقرار خلالالالالالالاص ارجوكم عدم التدخل في امورالادارة الله يعطيهم العافية هم ادري بمصلحة الهلال وادري بحبنا لهذا الكيان الشامخ فرجاء كفاية وارجوان تراعوا اناس خدمواولعبوا بمنتهي الاخلاص للهلال ومازالوا قادرين للعطاءبلاحدودوعندماتهاجمونهم وتطلبون التخلي عنهم بكل سهولة وكانهم لم يعملوا شئا في كل هاالسنوات ليه الجحود ويليهامسون من اكثرالناس اللي حبواالهلال ولعب وبصماته يلاحظها الاعمي صحافتهم تري وتسمع توصله الاخبار اللي تجرحه الايصيبه ذلك بالاحباط عمرنا ماكنا جاحدين اتركوا الادارة تعمل بهدوء واتركوا الاشقريبدع باجمل ماعنده وعنده الكثيررررررررررر لسه بدري:fe::fe::fe: |
كلامك صحيح الا ويلي الهلال بحاجه لاعب مميز ،، حسم لنا مبارايات كثيرة بالدوري وكأس ولي العهد والآسيوية ،، مشكلة بعض الجماهير يبون الاعب كل مباراة يبدع مع انه مصاب في نهاية الموسم |
يعطيك العافيه على الموضوع الرائع والمتميز صراحه كفيت ووفيت وانا اتفق معك بكل كلمه قلتها ما قصرت والله يوفق ولي مع الهلال .. تحيــاتي |
اذا لم يأتي أفضل منه اتمنى بقائه شبيه الريح قال أمره راجع للمدرب الجديد نصبر ونشوف شكرااااا لكـ |
اشكر جمييع اللي ردو وعلقو على الموضوع نفر نفر شخص شخص كاتب كاتب زنقه زنقه :d .. وبخصوص اللي يقول لاتدخل في الأدارة انا ما اتدخل وبـ العكس الله يعطيها العافيه الأدارة تشتغل صح واحنا واثقين منها بس كان ردي على بعض الجماهير اللي نست عمل ولي وجحدت مستواه وكل اللي يقدمه عشان نزول مستواه في مباراتين !! شي غير منطقي |
والله كلامك عين العقل ... |
ويلي مستهلك ... خلاص ... بس شكل الهلال يبغي أحد يشتريه .. بس ما أظن .. كانت فيه فرصة العام الماضي بس يعد هالمستوى الأخير ما أظن .. |
ويلي أمام فرق المؤخرة فقط مع الاتحاد والشباب والاهلي والنصر يختفي خاصة مع زيد المولد وبرناوي والصقري وآخر السنة يتفتف |
اتمنى رحيلة بقوة الفريق بحاجة للتغيير اتمنى ان اللى يجي بداله صانع لعب برازيلي مثل اليكسس دي سوزا او يجي جناح هجومي مثل نيانغ والاعب الاسيوي اتمناهـ مهاجم نبي قوة ضاربة الموسم القادم مانبي نجلس على المحلي |
ويلي لاعب كبير وما احد ينسى كل اللي قدمه وهو قوة لوحدة كببير يا ويلي 9 |
الله يكتب الي فيه خير للزعيم الف شكر لك على الطرح |
في مباراة الاتحاد دخل في الشوط الثاني وكان يبي ياخر ككرت احمر باي طريقهةة واخذ الككرت ومسوي نفسه مايدري ليش الحكم طردهةة ووين كان ويلي في مباراة الوحده الاخيره تمريرات خطأ + يتفلسف قدام المرمى + اناني جددا ولككن ماننسى ماقدمه في بدايهةة الموسم ونصفه ولكككن اخر الموسم ..................، |
شكراً لك :rose: ويلي بقائه مطلب لآنه من نوعية اللآعبين اللي يشيل الفريق حتى لو كانت المجموعة موب في يومها بالإضافة إلى انه لآعب هلالي يعني ما راح نجلس معه على طاولة المفاوضات حتى يستمر معنا الموسم المقبل و هذا كله يؤدي إلى ان الافضل استمراره مع الزعيم ،، لكن يبدو ان هناك آمور اخرى سوف تتضح خلال الايام القادمة ، |
كلامك في الصميم يالغالي ويعطيك العافية |
والله موسم هذا محد شال الفريق الا ولياهمسون سبب هبوط مستواه انه اغلب المباريات الي لعهبا كانت بالحر قدم فيها مستوى مع انه اوربين مو متعودين على الحر اتمنى بقاءه لاكثر من موسم لاهنت |
إقتباس:
مباراه النصر الي بكاس ولي العهد الموسم هذا الي قبله من الي كان مشغل لك الفريق مو ولياهمسون ؟ مباراه الشباب بالدوري دفاع الشباب صار شوارع السبب ولي صنع هدف وسجل هدف النهائي الموسم الماضي كاس ولي العهد مع الاهلي ماسجل لك هدف ؟؟ كان يومها مربك دفاع الاهلي كان شايل رقابه عن ياسر ؟؟ مباراه الدوري مع الاهلي 1:1 مين سجل لك الهدف مو ولي ؟؟ مباراه الخمسه صفر مع الاتحاد سجل هدفين صنع هدف كل هذا تقول مع فرق المؤخره ؟؟؟ غيرها الكثير من المباريات ياحبيبي لاعب هذا يوم يكون نص مستواه تضمن المباراه |
ولي انشاءلله باقي مع الفريق 8 سنوات وبعدين من الي قال مرته ماتبي الرياض يقول انها مرتااحه بالرياض ولا تبي تطلع من الرياض شكرا |
ويلهامسون اكبر منهم وباذن الله باقي في الزعيم |
مشكلة ويلي وقت الحسم نادر تلقاه :s2: + اغلب المباريات مايلعب بحماس وكانه مغصوب يلعب !!!! وارجع للمباريات الاسيوية المهمة وتاكد :yes: |
الي مثل ولي قليل بملاعب السعوديه لانه يلعب على الاطراف ولاعب مميز ويجيد الكور العرضيه وباذن الله ولي باقي مع الهلال |
ويلي رآح يفيد الفريق لكن خلآآص يجب تغير الاعبين وخذهآآ مني ويلهآآمسون بيطلع من الهلال وعنده عرضين |
مشكلة ويلي وقت الحسم نادر تلقاه + اغلب المباريات مايلعب بحماس وكانه مغصوب يلعب !!!! وارجع للمباريات الاسيوية المهمة وتاكد +1 |
أشكر جميع اللي علـقو على الموضوع . . . اكيد فيه اللي يتفق معي على نجومية ويليهامسون . . . وفيه اللي يعترض !! لكن مشكلة اللي يعترضون تسأله ليش يقولك شف اخر مباراتين في الدوري ؟؟ ينآس والله من الظلم ان لاعب يعطيك موسم ومباراتين مايكون في الفورما نحكم عليه انه سيء ونسآ كل اللي قدمممه !! وحيآكم الله ياجماعة الربع :s2::rose: |
انا اشهد انك فاهم للكووره صــح .. اجل يبون فهد العنزي .. |
انا اختلف معاك بنقطة بقآء ويلي .. مانقول ماقدم شي او نجحد حقه .. قدم والله يعطيه الف عافيه على كل اللي سواه .. بس انا بسالك سؤال ... واتمنى تجاوبني بصراحه .. هل ويلي نفسه ضد الاتحاد بعد مباراة الخماسيه الشهيره ..؟ لو تلاحظ انه صاير يخاف بشكل كبير .. ولو تقول الاتحاد بنقابله مباراتين بالموسم انا معاك بس لو بنقابله بـ مباراة خروج مغلوب مثلا الاسيويه كاس ولي العهد كاس خادم الحرمين الشريفين هل سيعطيك ويلي مثل ( اغلب مباريات الموسم ) ..؟ والحاجه الثانيه انا بودي الهلال يبيعه من الان دامه مقدم مستويات متميزه .. ويستفيد من المبلغ اللي راح يجينه ويعوضه بلاعب اخر لاعب اطراف يجيد اللعب بالقدمين اليمين واليسآر .. وان بقآء اللاعب فـ اتمنى استمرار تميزه وان رحل اتمنى لاعب بمستوآه او اوفضل منه ويجيد الاوفرآت بشكل افضل من ويلي .. :) بالتوفيق للازرررق ... |
شوف يآلغآلي إنآ من ضمنِ إلمؤيدين لـ رحيل ويلي , ! خلآص لازم تجديد آلدمآء لـ إلفريق .. ! إلآختلآف في إلرآي لآيفسد للودِ قضيه . . ! |
اضف عند اللاعب باولو مالديني اعتزل وعمره 40 ولإزال نشيط |
كلامك درر الف شكر لك اخوي واتفق معك في جميع النقاط وويلي لاعب كبير اتمنى استمراره |
إقتباس:
الأختلاف مايفسد في الود قضيـه :yes: لكن انا بنسبه لي . . . في كثير من المباريات حتى الحاسسسمه يكون الفريق سيء . . . ولي لوحده شغآآآآآآآل ويتعب الدفآآع . . . وحتى الأندية اللي تلعب ضدنا . . . خوفهم الأول وبصرآآآحه من ولي قبل اي لاعب ثاني . . . والله يكتب لزعيمنا التوفيق . . . واشكرك ياصاحبي واشكر كل المشاركين بـ الأراء :rose: |
| الوقت المعتمد في المنتدى بتوقيت جرينتش +3.
الوقت الان » 05:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd