|
قليل من الواقعية في بطولة فوكس الدولية بسم الله الرحمن الرحيم والحمد لله رب العالمين والصلاة والسلام على سيد المرسلين بعد المباراة الافتتاحية لمنتخبنا الوطني الأول ظهرت الاراء والانتقادات وظهرت فئة قليلة تتحدث بواقعية يجب أن يعلم الجميع في اننا في مرحلة اعادة تأهيل لمنتخب فقد هويته منذ تصفيات كأس العالم هي مرحلة قد تطول وقد تقصر حسب المتاح يجب أن نتحدث بواقعية ولا نرمي بآراء ونتحدث بكلام لا يكون موازي للعمل الذي يعمل الان من قبل المسؤولين مرحلة البناء ياسادة ياكرام تحتاج لتظافر جهود الجميع ولا ينبغي ان نصدر الأحكام منذ اول مباراة فوزنا في مباراة الأمس يعتبر جيد معنوياً في مسيرة البناء ولو خسرنا لا سمح الله فالمكسب الحقيقي هو المشاركة والاستعداد للقادم فنحن لا ننتظر انجاز حاليا ولا نبحث عن الفوز فقط بدون هوية يجب ان يستعيد منتخبنا هويته المفقودة وهذا لن يتحقق الا بالعمل والمتابعة والبناء من جديد والصبر والصبر ثم الصبر من الجمهور والاعلام فلا يجب أن نكون منتقدين طول الوقت ونبحث عن اّلأخطاء والهفوات لنكبرها ونصب الزيت على النار بل يجب ان نحفزهم ونشجعهم ونشد من أزرهم فالمرحلة مهمة جداً متى ما ادركنا نحن كجمهور واعلام بأهمية الوقفة الصادقة والوفية والدعم للمنتخب . اخواني واخواتي ... منتخبنا يحتاجكم يحتاجكم يحتاجكم كونوا معه حتى يسعدنا .... يجب ان تعلموا بأننا خارجون من موسم طويل وشاق ومرهق ... ومدرب مؤقت حالياً ومدرب عالمي قادم .. فالقادم بمشيئة الله اجمل ودمتم بخير |
اذا حكّمنا العقل والمنطق.. من بعد فوزنا على اليابان في كأس اسيا 2007 ما شفت المنتخب بها الصورة .. جماعيه في الأداء .. أنسايبيه في الحركه .. ! يكفي اني ماشاهدت حارسنا الآ في لقطة الهدف بس ..! منتخبنا في مرحلة تجديد دماء .. يعني لآزال في البداية .. والعقده دوما تكون في البدايات .. ! وتنفك تدريجيا مع كثرة الممارسه .. المشكلة أننا ما ننظر للمستقبل المنتخب بعد 4 أو 5 سنوات .. ننظر للوضع المنتخب في المباراة ونحكم عليه بالفشششل وأنه مو قادر على التأهل لكأس العالم ..؟! :rose: |
والله هذا الكلام اللي ودك تسمعه ياخي المشكله عندنا غريبه قبل سنتين ... العالم طاحت بالبي بي قبل سنه ... انتشر الكدش والعياذ بالله :d والسنه هذي ... 99% من سكان المملكه نقّاد !! كل من شاف شي قام ينتقد مدري هم ناسين انه : 1- المنتخب جديد كليا من اداره ورئيس ؟ 2- انها مباراه وديه 3- ان اللاعبين مرهقين 4- انه عندنا اكثر من 5 لاعبين مهمين مصابين 5- انه تحت اشراف مدرب مؤقت حاليا كل هالعوامل ويبونا نفوز 16- 0 !!؟ ياخي حتى لو انهزمنا امس ... يكفيني مستواهم في الشوط الثاني بالتوفيق للأخضر |
اتفق مع ما قلتة لكن للاسف البعض يحب يشوف اداء المنتخب مثل اسبانيا و البرازيل ما يعرفون ان المنتخب في مرحلة تأهيل بعد الانتكاسات الخطيره في كاس العالم الماضي و كاس اسيا يجب ان نصبر على المنتخب فـ المنتخب يحتاج سنه او اكثرر راح نحكم على اداء المنتخب بعد 3 سنوات |
مشكله مالهم الا الا 13 متجمعين ظهرو مستوى رائع بالشوط الثاني بس الكل يبي المنتخب يصير بيوم ليله يصير اسبانيا لاعبين طالعين من اطول موسم كل يوم تطلع لنا اصابه |
إقتباس:
وهذآ الي انا ابيه وانتقد علشآنهـ الهيبهـ لن تأتي وعندك لآعب نادي كمحمد نور الهيبه لن تأتي وعندك مهاجم كالشمراني وفيه لاعبين افضل منه كالراشد والسالم والمحياني ومختار والسهلاوي وريان بلال الهيبه لن تأتي وعندك لاعب بالمنتخب كالنمري وبرا المنتخب لاعبين كالفريدي والشلهوب والدوسري المنتخب فيه اخطآء ولابد اننا نقولهآ لانو مابقى الا مباراة وحده مع الكويت فقط من اجل لقاء التصفيآت مع هونج كونج وانتم تقولون منتخبنا تحت الاعدآد اي اعداد والمنتخب فقط تجمع بسيط و12 يوم وداخل دوره وديه من لقاءين وبعدها دغري التصفيات المنتخبات العربيه خلصت دورياتهم ولاعبينهم انضموا بالمعسكرات الي بتركيا والي بأوروبا واحنا 12 يوم وبالدمام لابد ان يعرف الجميع انه المنتخب ينقصه وينقصه والهيبهـ والسمعه لن تآتي بوجود اخطاء فادحه .,.هذي وجهة نظري,.., ولكل شخص وجهة نظر والاختلآف لايفسد للود قضيه :razz: خالص تحيآتي |
يبن الحلال كلنا مع المنتخب بس لو اللعيبه يقدرون ان فيه ناس وراهم بس ويعلبون زي الناس |
محمد نور اعاد لوسط الاخضر هيبته.... وناصر الشمراني مع نفسك |
إقتباس:
بهذي ظحكتني وظحكت خوالي كلهههم اجل محمد نور ماعنده هيبه المشكله فينا يابعض الجماهير لاعب الخصم ولو كان مبدع ننتقص من حقه .. ولو لاعبنا ضعيف جدا نشجعه مع احترآمي محمد نور كبـير السعوديه حآليآ والمفروض افضل لاعب سعودي .. هذا اولا بالنسبة لكلامك .. ثآنيآ حبيت ارجع للمنتخب واٌقول عمررره مافيه نادي او منتخب ينتكس مستواه ويرجع الا ان كان مشجعيه ومحبيه معآه .. لكن يكون كل محبيك ضدك ! وتقدم مستويات شوي مرضيه هذي شـبه إعجآآآز .. بالنهايه حبيت اقول مافيه أي نادي او منتخب يرجع لمستواه الا اذا تكاتفوا الجماهير والآدآره واللآعبين لكن أداره ولاعبين وش تبي يسووون إذا كان جمهورهم كللله ضدهم .. أبرز دليل على الموقف ذا نادي الآهلي يآشيخ ليت جماهير السعوديه كلها جماهير اهلاويه شرط نجيب كآس العالم:s2: .. تشجيع مااشاء الله مش معقول,, لو تشوف جمهورهم وحماسه تقسم بالله هذا النادي جايب الدوري.. مب منتهي بالمركز الثامن مدري التاسع ! .. تكفون تكفون تكفون كلنا لازم نكون مع السعوديه واللي مب صاير معهم اقرب جدآر يصك راسه فيه :d .. ولاعمره يتابع السعوديه وخللله على نادي الصقر ووج أحسن له لأن المنتخب مب بحآجته أصلا .. |
إقتباس:
اقول لآينقطع بك عرق بسسس انا بكيفي اشوف محمد نور فآششل وشش الي منرفزكــ اذا انت تشوف انه اسطورهـ العآلمـ بكيوف كيوفكــ انا وش علي من رآآييكــ بعدين محمد نور هيبتهـ مع اتي لحآلوهـ ما أذكرهـ سوى شي مع المنتخب زي مايسوي مع الاتحآد الآ مباراة ايرآن والكل يعرف انه لاعب نادي المشكله ان البعض يقول عطوهـ الكآبتنيهـ عشان يلعب زين حشآ والله يعني نور ماعنده ولاء ووطنيهـ الآ بالكابتنيهـ هههههآإآإآإآإيـ |
الله كريم وبإذن الله الله بيرجع المنتخب منتخب يوسف الثنيآن وسآمي الجآير والعويرآن والعدعيع والتمياط وعيد وماجد عبدالله بس أدعوآ وربي كريم |
ياحبيبي نواف بن فيصل رجل يفكر لبعيد وجاب مدرب عل مستوى عالمي واللي يتكلمون عن نور نور لاعب اسطوره سواء بنادي الاتحاد الشقيق او بالمنتخب السعودي وشوف مباراة السعوديه واسبانيا بكاس العالم ياللي تقول مالعب زين الا مع ايران ارجع للمباراة االلي قلتها |
هذا الكلآم الي نبيييييييييييييييه ........ حنا نبني منتخب للبعيييييييييييييييييييييييييييد .. يعني اسمحلي يا شبيه الريح .. انت تبي كل لعيبة الهلال بالمنتخب ....؟؟ يىخي الافضل يروح للمنتخب .. انا ماقول الفريدي والدوسري والمحيآني .. بس نتكلم بشوية منطقييييييه ... اذا نور لاعب نآدي ..آجل ياسر وشو بكآس اسيا ؟؟؟؟؟ مسجل بالدوري 11 هدف وع المنتخب مالمس الا خمس كووور ؟؟ حنا نبي نكون يد بيد لترجع هيبة الاخضر تحيتي |
1- السعودية من قابلت البحرين في تصفيات كاس العالم 2010 وخسرت قل مستوى المنتخب 2- السعودية قابلت العراق على نهائي كاس اسيا 2007 وخسرت 3- السعودية قابلت على نهائي خليجي 19 كاس الخليج وخسرت من عمان 4- السعودية قابلت على نهائي خليجي 20 كاس الخليج وخسرت من الكويت 5- تصفيات كاس العالم 2010 كان لو اننا فزنة على كوريا الشامالية نتاهل لكاس العالم 2010 6- تصفيات كاس العالم 2010 كان لو اننا فزنة على البحرين نتاهل لكاس العالم 2010 كل هذا يعني ما ادري كل ما نوصل لنهائي خسرنا الى متى |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 10:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd