1 - ميسي في بداياته ماكان احد (غير برشلوني) ينظر له على انه شي كبير جدا عدى انه مراوغ بارع. والاصابات كانت لاعبه به.
2 - بدايات ميسي مع فريق بيب ، كان احتياط في لحظات وكان يلعب في لحظات. وكان البارسا مو في مستوى مهيمن تماما. وكان ممكن يتعادل ويخسر بحسب ماشفنا من النتائج.
3 - ميسي وصل ماوصل عليه حاليا بعد فترة من اللعب بطرق منوعه. ولكن على الاقل في بدايات فترة غوارديولا كان البارسا حتى بوجود تشافي وانييستا وميسي يتعثر .. واظن هالشي استمر للجوله العاشره او 15 من موسم 2009.
4 - ميسي من بعد فترة بيكرمان .. اشرف عليه ، مارادونا وباتيستا.
4.أ ) مارادونا مدرب تعبان جدا من الناحيه الاستراتيجيه.
4.ب ) باتيستا فاز مع ميسي ببطولة اولمبياد بيكين. وكان يلعب بارتكازين وماكان الفريق من الناحيه المنهجيه يختلف كثيرا عن الفريق الحالي سوى انه الفريق الحالي للارجنتين يلعب امام خصوم متمرسين اكثر.
5 - القصد بالربط بين النقاط الثلاث الاولى والنقطه الرابعه .. انه ميسي ماوصل بسهوله لمستواه مع البارسا وهالشي احتاج وقت من التدريب والتفاهم .. والفتره الا قضاها باتيستا ماتكفي لشي واضح.
6 - ادا كانت فكرة باتيستا هي استنساخ الطريقه الا فجر فيها غوارديولا طاقات ميسي التهديفيه (بوضعه في مركز التسعه الوهمي) .. فالشي مايجي بمجرد وضع 11 لاعب بمراكز معينه ونقول لميسي يلا سجل.
7 - في الارجنتين فيه حالة اعتماد على موهبة ميسي في تسيير الفريق .. في البارسا في حالة استفادة من موهبة ميسي
7.أ ) البارسا اكثر فريق يطول باله في استخدام الكره وهالشي مايقتصر على تشافي وانييستا .. ولكن معناتها استخدام كل الفريق بما فيهم حارس المرمى لين مايفضي لروحه المساحات.
7.ب ) الارجنتين فريق مستعجل وغير متزن.
8 - كل النقاط الا فوق مقارنات بين الارجنتين والبارسا ، كمنظومه وكاستراتيجيه .. لا مقارنات لاعبين فرديه ولا مقارنات فيها قدرات عامه.
9 - ما بقارن اي شي هنا بأي شي فيه البرتغال ومدريد وكريس .. ولابدخل في نواياك في بعض الجمل الا كتبتها .. بعتبر كلامك مجرد وجهة نظر من الشارع الكروي
10 - كلامك مع احترامي متناقض ومافيه شي مقنع وواقعي
10.أ ) اعتقد مافيه احلى واهم من انك تلعب في منتخب قادر على تحقيق اشياء قويه وانت في مستوى يؤهلك انك تكون من اللاعبين العظماء ، فمسألة لو لعب ميسي بفانيلة برشلونه بيكون افضل ، شي غريب جدا ومفهوم خاطئ لطريقة فهم وقياس الأمور ومستويات اللاعبين
10.ب ) في البارسا كانت لميسي مستويات عديده ضعيفه ، ولكن لأنه مفهوم جماهير ومجتمع النادي يختلف اختلاف كلي عن الارجنتين .. فماشفنا هالنوع من التهميش لمستويات اللاعب.
10.ج ) مشكلة الارجنتين غير مقتصره على ميسي .. او انه هالجيل ذهبي ويستاهل شي .. الارجنتين صار لها !@@#$@# سنة بعيده عن البطولات وهالشي مو مشكلة ميسي .. الارجنتين قدمت مستويات عديده قويه بس ماقدرت تحسم لنفسها شي.
10.د ) الارجنتين امتلكت مدربين امثال بييلسا وباساريلا وبيكرمان وبازيلي وماعجبو الجمهور مع انهم جميعا افضل من مارادونا وباتيستا .. فـ ما ادري وين الشرهه هنا ؟ على اللاعبين ؟ لو على المسيرين للاتحاد الارجنتين ؟ لو على الجمهور ؟
10.هـ ) كرة القدم مافيها شي يقول لاعب واحد يشيل منتخب او فريق ، هالشي خطأ من كل جدوره وافرعه ، قديما وحديثا ، بغض النظر عما يكتب في التاريخ!!
10.و ) من 94 لين الحين .. شفت الارجنتين في كل جيل يتم مقارنة اي لاعب قصير فيها بمارادونا .. والنهايه لا شئ مفيد!! مجرد اوهام واطلال يقف عليها مشجعي التانغو
10.ز ) اللاعب مولازم يصير ثور هايج زي اورتيغا او مارادونا وقت الغضب عشان نقول والله يلعب للفانيله ويلعب بروح .. في النهايه لكل واحد اخلاق وشخصيه خاصه فيه!
10.ح ) مارادونا في كاس العالم كان لو يعطس يجيب طاري ميس .. نظرية مارادونا كانت تحميل كل شي على ميسي وتحفيزه لانه شخص يقدر يتحمل الضغط .. وهالشي مانفع .. باتيستا الى الان ماقدر يوصل لكل شي في ميسي .. الفكره هنا ، غوارديولا مدرب تمكن من الوصول لشخص ميسي ومن توفير لميسي كل شي يحتاجه ، من منظومة لعب ومن علاقه شخصية .. العتب مو على ميسي ادا غوارديولا تمكن من هالشي العتب على المدربين الارجنتينيين ادا مافهموا طبيعة اللاعب وطريقة تسيير الفريق بحسب امكانيات الفريق الحقيقيه ..
11 - سلام عليكم
12 - اعذرونا على الاطاله
:P:P