|
تراكم ذبحتونا الهلال جبل ومايهزه ريح..~>مصدقين مثلااً بسم الله الرحمن الحيم الحمد لله رب العالمين والصلاة والسلام على افضل الانبياء والمرسلين,, جمهور الهلال الكريم / مساكم الله بالخير والمسرات كلن بأسمه.. بصراحه انا بخاطري كلمتين ملاحظهم على اغلبية الجماهير الهلاليه ولي فيها عتب شديد الحين لما يجي احد اعضاء المنتدى يحترق المسكين وثايرن دمه وينزل موضوع يتكلم فيه عن الاساءات التي تصدر من بعض المحتقنين او الابواق المستاجره او الموجهه ضد كل ماهو ازرق وابيض ويحترق غيره على ناديه و يستنكر هذه التجاوزات ويطلب من المسؤلين عن هذا النادي العريق الوقوف ضد هذه التيارات ومحاربتها لكي لا تستفحل وتكبر ويتحقق ماهو المرجو منها ينصدم بردود محبطه للغايه من بعض الجماهير او بعض الاعلاميين المحسوبين على هذا النادي وترى اكثر الردود لاتخرج عن السخريه من الموضوع وعدم التفاعل معه او التاكيد بأن الهلال جبل ولا يهزه ريح وانه بطل ولايهمه مايحاك ضده بالظلام. نقول له ندري ان الهلال بطل ومحارب بس الملاحظ بالاونه الاخيره ان الهلال ضعف اعلامه وهو احوج مايكون لهم بالفتره المقبله لان التيارات تبدا تحارب الهلال كل ماحسوا بان الهلال قريب من حصد البطوله الاسيويه وبداء بالعمل الصحيح اللي بيعيدهم للتربع على هرم القاره وهذا الشي اللي يستميتون ويبذلون فيه الغالي والنفيس كي لايتحقق وبالفعل استطاعوا التاثير على مستوا الهلال خصوصا بالبطوله ذي والشواهد كثيره والامر اللي ماستوعبوه جماهير واعلام الازرق انه سيستمر هذا الحرب مالم يجدوا تكاتف من رجال وجماهير واعلام الهلال كي يردعهم ويعريهم امام الملا. ولنكن واضحين وصريحين مع انفسنا مجتمعنا الرياضي الاغلبيه من الجماهير او المتابعه له غير مطلعين على خفايا الامور اللتي تحدث فيه فالاغلبيه لها الضاهر وتجده مسير من قبل الاعلام ويخفاه الصالح والطالح من الاعلاميين لذالك يتاثر بما يطرح بالقنوات الفضائيه او باقي وسائل الاعلام وتترسب بأذهانهم فكرة فريق الدلال والفريق المدعوم من اللجان وكل مايتحدث فيه اعلامهم القذر والخائن للامانه والضمير. وانا اتحدث عن تجربه لي بسيطه اواجهها كثيرا واجزم بأن الكثير من الجماهير الهلاليه يواجهون نفس الموقف كل مره اجلس فيها بمجلس او استراحه او مقهى ونتطرق للأنديه الا وتجد هجوم قاسي على الهلال بأنه النادي المفضل للجان وانه وانه الخ.. وبعد نقاش طويل وحاد معهم اكتشف انهم لايفقهون بالكوره شيء وانما ضحايا لهذه الحرب العشواء ضد الهلال ومن المسؤل عن ترسب هذا المفهوم. اخيرا و آسف على الاطاله يجب على كل فرد ينتمي الى هذا الكيان العملاق الا يقف موقف المتفرج عندما يرى تجاوزات او اساءات تمس الكيان لكي يمنع ترسب هذه الفكره ولننتفض لكي نوضح الحقيقه التي طالما اخفاها المضللين ولكي يظهر الحق ويزهق الباطل. نقلت لكم مافي جعبتي وارجو ان تتقبلوها مني ولكم مني كل الشكر الجزيل.. |
اعضاء منتدانا الكراام ارجو منكم لرفع الموضوع.. |
لافض فوك ، لانريد مهاجمه أو حروب وإستقصاد مثلهم .. لانريد إلا دفاع دفاع دفاع يا جماهير وإعلاميين الهلال .. شكراً |
يعطيك العافيه والله يوفق الهلال لكل خيررر |
صصح كلآآآمكـ آخووي نحتآآآآج آعلآم آقووى......~ |
ليش نشغل انفسنا بالامور الجانبيه .. خليهم افضل واقوى منا اعلامياً واحنا اقوى بالملعب .. صـدقوني السنـه القـآدمه بنكتسح الانديه بأذن الله وبيكون موسم خيـآلي ... |
شووووووووف الاعلام مايجيب اهداف ولايفوووز فرييق افضضل شي يكوون التركيز في الملعب والفقراويين والاتشااد كيفهم خل يتكلون لين يشبعون لانه وانا اخوووك متخللفين ومرضى حتى سالفته الي طول اليوم يهرج فيها مايقدر يختمه ولو تتكلم من هينا لي بكرى ماراح يفقهون وماعلى المريض حرج ومعروف تاريخهم ومعروف تاريخنا ب\عندهم هوووس هياط ماشفت واحد منهم الا مهايطي ومايعرف يقول جمله مفيده:laugh: ماشووووف مهااتراتهم واتهاماتهم جاابت لهم بطولااات ماكلين تبن وماعندهم الا االهرج الفااضي وترى كثر الكلام يخليك مخفه للي يسوى والي مايسوى والصمت هيبه شووف كل فضايحهم بسبب كثرت الهرج مسااااكين خلهم يوسعوون صدووورهم ماعندهم بطولات يحطون حرتهم بالكلام ونشوف الكلام وش نهااايته ....؟؟ مصيرهم بيملوون وينطمووون ويدورن سالفه غير الهلال بس احسن حل نكووون وسط:alzaeem: مشكوور اخوي ع الموضوع |
حـولت افهم مقصدك ماقدرت افهم |
آإخوي اول شي الله يعطيك العآإفيه ولآهنت ثآني شي والله وآإنآ آخوك المفروض مآنلتفت للآشيآء هذي ونخلي تركيزنآ بـ ((الملعب)) فقط لأن الحقيقه وآضحه للعيآإآن لآ يحتآج لهآ ((توؤضيح)) ولكن لا تظن ان ((الهلال)) سيسكت عن هذه المهازل بل سيرد في ((الميدآإن)) وبـ (البطولاإآت) وبـ (الآرقآم) وبالتوفيق لـ ((زعيم آسيآإ)) :rose: |
يعطيك العافيه والله يوفق الهلال لكل خيررر |
الهلال اعلامه الصراحة صار ضعيف... |
اي والله انك صادق بس هذا حالنا والله يصبرنا |
والله ياخوي صدقني اندية العالم كلها تبي بطولات مايبون كلام لان الكلام سهل لاكن الفعل صعب وادارة الهلال تعمل من اجل البطولات وليس من اجل الكلام ابسالك الكلام في الاعلام وش فاد نادي الفقر ؟ خلا جميع الناس تكرهم وصدقني اعلام الهلال مو مجبور يرد على تفاهات المساكين والاختلاف بالراي لايفسد للود قضية والف شكرر لك اخوي لاهنت |
شكراً لك :rose: الصوت الإعلامي الهلالي حالياً لا يتواجد به إلا الخطير عبدالكريم الجاسر ، آما البقية فـ تجد كتاباتهم قوية جداً لكنهم لا يخرجون للآعلام و يتحدثون بنفس القوة هذا إذا خرجوا من الاساس ، و هنا تظهر المشكلة بحيث ان التواجد الإعلامي عبر الصحف تجاوزه بمراحل التواجد عبر الإعلام خصوصاً ان الإذاعات و القنوات تعمل بقوة لجلب من يتحدث بسوء عن النادي المقابل ، فـ تحول الصوت الإعلامي للآندية اخرى اقوى في ظل إحجام هلالي من بعض المنتسبين للوسط الإعلامي عن الظهور في القنوات ، ايضاً بالنسبة للجماهير اصبح اغلب حديثه عن اللآعب الفلاني و الإداري الفلاني يعني ينتقد ذاته بقوة و يبحث عن الاخطاء داخل المعسكر الازرق حتى ينتقدها ، و إذا كتبت موضوع تمدح فريق يستاهل المدح قالوا مطبل ..! و هنا اتحدث عن " البعض " فقط ، |
يسلم رأس أمك يآ شييييخ .. و قسم نقطه على آلجرح .. و بكل صرآحه مآ خلى هآ آلكديش يتمآدون ! إلآ مقولة هآ آلحكي مآ يضرنآ .. أيه و الله ندري مآ يضرنآ و لآ يهزنآ بس ترى هآ آلأشكآل لو مآ آلجمهآ رد ؟ تطآولت , و زآدت .. و بـ بسآطه لأن منهجهآ ( آلهجميه ) .. و آلهجمي مآ يمشي عدل إلآ بـ آلعصآ .. أمآ آلعبآرآت ( إللي أكبر منه ) تمر على مخه آلفآرغ مرور آلسلآم .. و يآليييييييت أعلآمنآ ينتهج هآ آلأسلووووب .. وربي تعبنآ و أحنآ نشوف حق آلهلآل ينهضم ! و مآ بيدنآ غير كيبورد نعبر فييييه .. آآآآآآخ بس ! .. عوآفي يآ بطل على آلطرح .. لآهنت .. |
| الوقت المعتمد في المنتدى بتوقيت جرينتش +3.
الوقت الان » 12:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd