اسامه هوساوي انتبه انت تلعب مع الزعيم - نادي الهلال السعودي - شبكة الزعيم

المصرقع الكبير · #1 07/07/2011, 05:57 AM

السلام عليكم ورحمة الله وبركاته

بصراحه اشيد بإدارة الامير عبدالرحمن بن مساعد لما فيها من فكر رائع

نبدأ

الكل رأيته مستاء لنضام الاحتراف وانما انا بالعكس

نظام الاحتراف يحفض حقوق النادي كامله

نإخذ مثال بسيط

حسن العتيبي افضل حارس مرمى تم تجديد عقده بمليون ريال

طبعا وقتها مين بيدفع لحارس مرمى مبلغ 4 مليون ريال

فإنجبر الحارس بالتوقيع

نرجع على اسامه هوساوي

الاداره الهلاليه محنكه عرضة عليه التجديد لـ 4 سنوات وبعدها يلعب بالخارج

طبعا لو رفض هذا المقترح نجي نحسبها

لو الاداره الهلاليه تقدم عرض لـ اسامه هوساوي 15 مليون ريال

لازم اي اعرض يجيه يكون قيمته اكثر من 45 مليون للنادي و 15 مليون للاعب

التكلفه النهائيه باليورو 8 مليون يورو

بصراحه مين بيدفع بمدافع 8 مليون يورو

والله لو انه بويل يا شيخ

بالنهاية تطمنوا النادي تحت اداره واعيه وفاهمه

بإنتضار الموسم القادم بإذن الله

كل الشكر

عشقي الزعيم.. · #2 07/07/2011, 06:09 AM

اتـــمـــنى لهوســآآوي
انه يــرآآجع حــســآآبــآآته
وربي يوفقه مع الهـــلآل
مشــكـــور ع الطــرح

$الشفق الأزرق$ · #3 07/07/2011, 06:13 AM

هوساوي والله ان الهلال يحتاجك اكثر من الانديه الاوربيه احنا نجلب منهم نجوم على مستوى

لتقوية صفوفنا وصراحه اتمنى انه تحترف باوروبا بس ليته من قبل 3 سنوات

مو الآن

moneer_YIC · #4 07/07/2011, 06:57 AM

مع احترامي لاسامة اللي يبغى يحترف
على عمرك هذا ما راح تحترف في اكثر من الدوري البلجيكي او الهولندي
بختصار لا تفكر في اندية كبيرة زي ليفربول وغيره

المصرقع الكبير · #5 07/07/2011, 07:00 AM

بالعكس صدقوني بينعش الخزينة الهلاليه بمبلغ

تذكرون اسامه يوم جا من الوحده كان لاعب عادي

الهلال هو اللذي صنعه نجم

وبمبلغه بنجيب 4 مدافعين مو واحد

غالي علينا · #6 07/07/2011, 07:06 AM

الله يوفقه مع الزعيم يارب

الملكي الهلال · #7 07/07/2011, 07:38 AM

اذا هو صدق يبي يحترف الله يوفققققه ......
اما كوبري وهذا الي ماتوووقعه .. ابي اقوله اجلس بالهلال افضل لكـ ,,,
ووووووووووووووووووووووووو 8 مليون على مدافع .... هذا فكر رائع من الادارة الواعيه ...

والي جاب اسامه يجيب مليون اسامه
تحيتي

هلالي القصيم 320 · #8 07/07/2011, 08:02 AM

اتمنى من هوساوي يراجع حساباته
ان شاء الله اسامه هوساوي القائد الاول للهلال في الموسم القادم
الله يوفق اسامه مع الهلال وان شاء الله باقي مع الهلال حتى الاعتزال
..,

فيصل زعيم · #9 07/07/2011, 08:21 AM

مشكور يا الادارة الموقره على الموافقه بعد معانة اكثر من سنتين بس طبعا اشكر اخوي سامر او اخوي donooy yaseer الي وقفو معي اول مرة الرد على موضع اتمنى من اسامة ان لايرحل

tazoOoz · #10 07/07/2011, 08:27 AM

بصراحة لازم الادارة تتمسك بهوساوي وتغريه بمبلغ التجديد بصراحه حنا بننشغل بملف المدرب والمهاجم الاجنبيين والدفاااااع عندنا رايح فيها والله مو ناقصين نخسر اسامه

عـ1شق الذيب · #11 07/07/2011, 09:08 AM

إقتباس


	بالنهاية تطمنوا النادي تحت اداره واعيه وفاهمه

تصدق تونا ندري :|
فينك من زمان يا رااجل

هلالي آسيا20 · #12 07/07/2011, 11:53 AM

اعتقد من الظلم انك تصدر احكام قاسيه على اسامه او غيره من الاعبين مالم تصرح

بذلك ادارة النادي وتثبت حقيقته..

شاكر اجتهادك يالغالي ويعطيك العافيه

baido · #13 07/07/2011, 11:55 AM

بتوفيق للهلال
والي مايبينا مانبيه

ali khaled- · #14 07/07/2011, 12:19 PM

ياناس خلو كل وادي ومجراه قلتو كثير وقولكم ما لقيته

انا اقول خلوووو اسامة يحترف خارجيا

وانا من المؤيدين لحتراف هوساوي . والله يوفقك

خلونا نشوف لاعب سعودي في الاندية الكبيرة في اوروبا خلونا نشوف منتخب يفتح النفس في المنافسات خلوونا من هذا الكلام الي يجيب المرض .. وتعرفون من سبب تعثر المفاوضات الهلالية مع الاعبين اول شي انتشار الخبر . ثاني شي كثرة ترديد الخبر في المنتدى كل شوي واحد جايب مقاطع كل شوي واحد جايب تفاصيل ومعلومات عن الاعب طيب هذي خلوها بعد ما تنتهي المفاوضات .. فتحتو عيون الحساد علينا . الله يهديكم بس .. يعني ما فيه ثقة في الادارة الهلالية .. خلوها مثل عادل هرماش .. الخبر يوم التعاقد معه ..

الجني الازرق... · #15 07/07/2011, 06:27 PM

يالتوفيق لهوساوي اذا بيحتر ف خارجا