لازم اقول الي بخاطري لاحد يقول ماهو وقته ومدري ايش
 

السلام عليكم ورحمة الله وبركاته

اسعد الله جميع اوقاتكم

في خاطري اشياء ودي افضفض لكم عنها اتمنى ان تتسع صدوركم لها وتفكرون فيها بتمعن وسوف احاول اختصارها بقدر المستطاع.

الامر الاول دور الاعلام الهلالي: رغم مايقال من الاعلام المضاد عن قوة الاعلام الهلالي وسطوته ، الا انني اشوف العكس تماماً خصوصاً في موضوع السطوة وقوة التأثير واقرب مثال على ضعف الاعلام الهلالي هو عدم مقدرته على الدفاع عن الامير عبدالرحمن بن مساعد في موضوع اتهامه من الاعلام الاصفر باستخدام نفوذه في ابعاد البلوي، رغم ان الرد عليهم بسيط جداً وهو ( نفوذ الامير عبدالرحمن بن مساعد وجميع الهلاليين والاعلام الهلالي لم يمنع انتقال خميس العويران و احمد الدوخي ولم يمنع ابعاد كوزمين ولم يحمي ياسر من الهتافات ولم يحمي رادوي من الاستفزازات والاستهداف).

الامر الثاني الشفافيه الزايده: زمان كان الكل يحسدنا على تلاحمنا و اتفاقنا وقضاء حوايجنا بالكتمان حتى لو حصل بيننا اختلاف في وجهات النظر لايظهر للاعلام ولايعلم به احد من خارج النادي حتى جماهير الهلال كل تركيزهم على الحضور والتشجيع ولا يتدخلون في عمل الاداره ولا في عمل المدرب ، ولو مثلاً حصل اختلاف في وجهات النظر بين رئيس النادي والمشرف على الفئات السنيه يتم حله بهدؤ بعيداً عن الاعلام ، ولو حصل مثلاً اختلاف في وجهات النظر بين الاميرين عبدالله وعبدالرحمن ابناء مساعد وسامي الجابر في موضوع المدرب يتم حله بالتفاهم والاتفاق بسرعه وسريه ولايحاول طرف فرض رايه على الاطراف الثانيه ، زمان كانت مفاوضات الهلال بالذات الخارجيه تتم بسريه وكان يديرها شخص واحد وماحد يعرف فيها الا بعد التوقيع النهائي وماكان فيه سباق على لعب دور البطوله، زمان كان بعض اللاعبين يشوف زميله يحصله على هدايا وشرهات وماكانت تسبب له حساسيه ولا كان يحسد زميله ، ولو حصل يتم تطييب خاطره داخل النادي وبعيداً عن الاعلام.

الامر الثالث شطحه: درب الهلال العديد من كبار المدربين ولعب للهلال العديد من كبار اللاعبين محليين و اجانب جميعهم كانوا يجدون التشجيع من جماهير الهلال عندما كانوا يخدمون الهلال ولاكان جمهور الهلال يهتم في امورهم وحياتهم الشخصيه
ولايعلم كم عندهم من ابناء ومن منهم زوجته حامل ولا متى تدخل مستشفى الولاده ، وعندما تنتهي عقودهم مع الهلال لم يتعود الجمهور الهلالي ملاحقتهم وتتبع اخبارهم (لانها ببساطه لاتهم الهلال.)


تحياتي للجميع..

جد الشفافيه الزايده هي اللي ضرتنا,,,يعــطــيــك العـأفيـه,,

ثآنكس .
يعطيك آلعآفيه
~~

شطحه ..........

ألوو ديااارا راح علينا

السنغالي نداي رااح علينا

بارك تشوو بيلحقهم

>> أبشركم بيبدأ الموسم القادم واجانبنا هم ( ولهامسون + عادل هرماش + 2 محترفين مشي حالك )

مافهمت شطحتك
بس انا معك ان الاعلامنا مو قوي
اما من ناحيه الكتمان ومدري ايش فاانا اثق في ابن مساعد وادارته كل الثقه

الشفاقية والمثالية جت للهلال مع ابو مساعد , الله يرحم ايام الامير بندر بن محمد أكلنا الاخضر واليابس وجبنا آسيا على خشمها !!!



.

أنا أقول إن المشكلة كلها في إن سامي الجابر يبغى يسوي اللي في راسه ووالرئيس الأمير عبد الرحمن بن مساعد يجامله زيادة عن الازم هذي الحقيقة المفروض الرئيس يختار بحرية وبتمعن لأن مصلحة النادي أهم من أي انجاز لأي طرف واتمنى سامي الجابر يبعد شوي عن الإختيارات والكل شاف كالديرون وهذا اللي واضح وعرفناه إن سامي الجابر هو اللي جاب كالديرون وماخفي كان أعظم وسلامتكم

أي شفافيه إلي تقول ان مفاوضات الهلال كل الناس تعرفها
عادل هرماش ما أحد سمع إسمه قبل ما يتم التوقيع معه
ويلهامسون نفس الشي
نيفيز كان الجميع يقول انه اتحادي وبعدها بفتره صار هلالي
مو عشان الصفقه الأخيره انداي صار ان الهلال كل صفقاته معروفه
بعدين نتكلم عن من زمان
بالله جب لي لاعب من زمان جابه الهلال معروف عشان تطلع أخبار عنه
مثلا رادوي لاعب دولي والكابتن الثاني في منتخب رومانيا يعني طبيعي تطلع اخبار المفاوضات من رومانيا قبل السعوديه
قبل هؤلاء اللاعبين مين كان يعرف كماتشو ولا تفاريس عشان تطلع أخبار عنهم محد كان يعرفهم هذا الفرق
وبعدين اتحداك تلقى خبر طلع فيه الأمير عبدالرحمن بن مساعد وقال ترانا قاعدين نفاوض لاعب فلاني قبل ما يطلع اسمه في الأخبار
حتى لو طلع اسمه من الصحف وسألوا الأمير عبدالرحمن بن مساعد ما تلقى الرد بالنفي أو الإيجاب
بعدين ايش المشاكل إلي طلعت في الصحافه بس سالفة الأمير عبدالرحمن بن مساعد والأمير بندر بن محمد فقط
اما بالنسبه للأمر الثالث يا أخي تطور وسائل الاتصال ومعرفة الأخبار بسهوله وخصوصا من خلال الإنترنت اصبح الجمهور يتابع هالأمور وايضا بالنسبه للاعبين الأجانب إلي ذكرتهم قليل منهم من عاش في الهلال اكثر من سنتين ونادرا ما يكونون اسماء كبيره مثل رادوي ولي يونغ وويلهامسون وأغلب اللاعبين الأجانب إلي كانوا يأتون الهلال لا يعيشون في الهلال اكثر من سنه فإرتباط الجماهير بهم أقل وقبل كم سنه التلفزيون السعودي ما كان عنده قناه رياضيه والحين ثلاث قنوات على ما اعتقد غير القنوات الرياضيه الكثيره الآن ومواقع الإنترنت واكيد المتابعه راح تصير اكبر وفي حياتهم الشخصيه ايضا

الشفاقية والمثالية جت للهلال مع ابو مساعد , الله يرحم ايام الامير بندر بن محمد أكلنا الاخضر واليابس وجبنا آسيا على خشمها !!!

اتفق معك في النقطه الاولى (شفت الهريفي وهو ضيف والمطيويع فاتح فمه وهو انا احبك ياعيد واشوف انك احسن صحفي بس الجمهور لازم يعرف ويردف انت طردت علي حمدان ؟ انت قلت وقلت ؟ كنت اتمنى على عيد الثقيل ان يقول دام الموضوع اسأله هل صحيح يافهد الامير عبدالرحمن الله يرحمه قال انا طلعته من الحفر ؟ هل صحيح انك تلفظت بالفاظ (محرمه) اثناء تغييرك من قبل المدرب) سرعة البديهه والهجوم لايجيده اي اعلامي هلالي مع احترامي للجميع ماقول هاجم خلق الله بس انا عارف الي بيطلع معي في البرنامج لازم احضر نفسي لما سيحدث ان دعت الحاجه
الشفافيه لااتفق معك واتمنى ان يقول رئيس النادي وجميع الانديه انا راح افاوض فلان وبالاسم وفي اي نادي ويظم الاعب او المدرب فعلا ومهما كلف الامر تقبل وجهة نظري

مشكوووووووووووووووررررررررررررر

من يوم جا هالتويتر راحة علينا صفقات كبيرة

يا اخوااان هدو هدوو الله يرضالي عليكم

وشفيكم كذااا شابين على الادااره ؟؟؟

خلوا الاداره على راحتهاااا

وشاكر لك على الموضوع

وابو فيصل وسامي هم الاخبرر

احييكم جميعاً
واشكركم كل الشكر على تشريفي بالتواجد والمشاركه
واحترم وجهة نظر كل شخص سواء اتفق او اختلف معي.

مشكوووووور اخوووي ........................

.................................................