زامل السليم موهبه هجوميه خارقه ! - نادي الهلال السعودي - شبكة الزعيم

القناصـ 20 · #1 07/01/2010, 05:34 AM

السلام عليكم

اخباركم

اول شي يارب وفق الزعيم اليوم مع الاهلي ونفرح بالصداره

اكيد بعضكم مايعرف منهو زامل السليم

زامل محمد السليم

21 سنه

لاعب نادي النجمه في عنيزهـ

هداف الدرجه الاولى حاليآ بـ 15

والله ثم والله انه يسجل من انصاف الفرص

بحكم اني من عنيزهـ ومتابعتي له عن قرب الولد لعيب ماشاء الله

رح تقولون وش دخل الموضوع هذا بـ الجمهور الهلالي اكيد

قالي واحد من العيال يعرف زامل انه قاله جاني عرض من النصر وابوي رفض العرض

رفض شديد

قال تروح للدرعيه بس ماتروح للنصر

فـ اكيد الوالد يبي مصلحة ولده واكيد انه هلالي

فـ الهلال الحين يعاني من قلة المهاجمين

ياسر الكاسر الاسر لقلوب المحبين

مستواه نازل نوعآ ما موب كثير زي مانشوف من البعض !

الصويلح كثيره اصاباته !

العنبر ! لاتعليق !

عيسى المحياني الى الحين مااخذ فرصته وندري ان طلق المحيا لديه الكثير

فـ دايمآ مانسمع ان ادراة الهلال تبحث عن مهاجم محلي !

ليش مايجي جريتس بنفسه ويتابع ( زامل السليم ) عن قرب عشان يتأكد انه مهاجم خطير

ومكانه بالهلال

اتمنى اتمنى يجي للهلال لأنه رح يفيد هجوم الهلال بجانب المحياني و ياسر

هذي الصوره امس في ديربي عنيزه

العربي و النجمه وسجل زامل الهدف الـ 15 لصالحه

ولكم التعليق

اتمنى من المشرفين اللي يقيمون الموضوع ينزلونه ابي نتناقش انا والاعضاء فيه

Abo 3mr · #2 07/01/2010, 08:44 PM

الله يكتب اللي فيه خير للزعيم

ومادامه هداف الدرجة الأولى وعمره صغير

فهو بصراحة مكسب لو اقتنع المدير الفني

بالتوفيق لزامل في حياته الكروية

وشكراً لك حرصك على مصلحة الزعيم

وتقبل مروري

7مجنون ياسر& · #3 07/01/2010, 08:44 PM

ان شاء الله يكون من نصيبنا

$الفتى النحاسي$ · #4 07/01/2010, 08:45 PM

والله ياليت يجي اي مهاجم
استغفر الله ترا الواحد طفش من حال المهاجمين اللي عندنا
يديك العافية اخوي

~ ƒ a я e ş} · #5 07/01/2010, 08:47 PM

ان شالله تكون له نظره من قرب
وانا صرااحه سمعت عنه من اقارب لي بالنادي

mito alharthi · #6 07/01/2010, 08:47 PM

يعطيك العافية

المفروض يطلع واحد لعنيزة يشوف اللاعب

وبيني وبينك عندنا في المدينه لاعبين ماشاء الله عليهم وغالبيتهم هلاليين

بس وين الي يشوفهم

نادي الانصار ماسكينه النخواله الرافضه ويبيلك واسطه ولعب عشان تدخل

الله يعين بس

باقوس · #7 07/01/2010, 08:48 PM

القناص ولا يهمك انا ارد عليك صحيح كلامك والولد موهوب انا اتابع دوري الدرجة الثانية لكن فية شغلة مهمة دوري المحترفين ماهو مثل الثانية وزامل يحتاج للتدرج حتى يمكنه اللعب في دوري للمحترفين ممكن لو راح للزعيم ثم اعاروه لاحد فرق الوسط خلنا نقول الحزم لموسم واحد اعتقد ان الولد راح يكون فلته وبعدين انا اعرفة والدة شخصيا مستحيل يروح للنصر لان عائلة السليم كلها ابشرك هلالية حتى النخاع وشكرا

KRoOoMI · #8 07/01/2010, 09:44 PM

اي والله تكفووووووووووووووووووووووووووووون نبيه والله ياهو فنان

وبعدين يكفي فخر انه من عنيزه

بصرااااحه اللاعب فنان اتمنى من الاداره الهلاليه انها تتعاقد معه

واحد 00 كشخه · #9 07/01/2010, 09:50 PM

ماشاء الله

اتمنى ان يحظى بالإهتمام
لأننا محتاجين مهاجم طويل

زعيم عنيزة20 · #10 07/01/2010, 09:51 PM

والله صراحة هداف رائع جداً
ياليت نشوفه يرتدي شعار الزعيم
ياليت يارب

زعيم عنيزة20 · #11 07/01/2010, 09:55 PM

ماشاء الله

اتمنى ان يحظى بالإهتمام
لأننا محتاجين مهاجم طويل

مواادع 337 · #12 07/01/2010, 10:00 PM

وش خليت

.......... زامل السليم .................

هدااااااااااااااااااااااااف درجة اولى وياليت يتابع قبل يوخذ منا

شكرا على اهتمامكـ والله اني امس اشوف صور له واقول ياليت يروح الهلال

عاشق زيـ 10 ــدان · #13 07/01/2010, 10:52 PM

أولاً : مبروك الفوز على الأهلي والثلاث نقاط المهمه .

ثانياً : اشكرك على المبادره الي كنت من زمان اريد ان اطرح الموضوع ..

زامل بكل صراحه لاعب يستحق ان يتابع وبجديه لاعب صغير ومتميز وعقليه نظيفه

وهذا الذي سوف يعطي الاعب اميزيه عن غيره من الاعبين .

غير ان الاعب صاحب انطلاقات وخصوصآ اذا ارتدت الكوره وسريع ومراوغ ويجيد المرمى من اربعاع الفرص

اتمنى ان اراه باإدارة الهلال والاعب كذا نادي حاط العين عليه لابد ان نضع الاعب تحت المجهرو بااسرع وقت

وشكراً لكم ..

koly · #14 07/01/2010, 10:54 PM

انا تابعت له مباريات بس مستوى افضل من الصويلح

//////////////

قناصـ الزلفيـ20 · #15 07/01/2010, 10:55 PM

والله اذا كان لعبه على كلامك
ياليت يجي