يااااااااااااويلي على اسئلة البزاريين اللي ماتخلص
ميير الله يسلمك عندي اخوي فيصل رايح الورضه ان شاء الله <<< باركوله بيدخل الروضه كثييير اسئلته دايم ليه وشلون وكيف ومتى ايوووه بس على وجع الراس
اعطيكم 3 سوالف متنوعه

مره كنت معصبه على اختي شهوده << اسمها الحقيقي نوره رايحه الابتدائيه ان شاء الله <<< باركو لها التخرج من الروضه ثم اصرخ عليها اه يالملعونه تعالي اوريتس ابذبحك اخوي فيصل ردد كلامي وتعالي يالملعونه يالملعونه وامسكه من بلوزته حرااام لا تقول لها يالملعونه حراااام قالي انتي قلتيها طبعا انا تلعثمت قلت انا انا قال لاتقوليين لي انتي كبييره عادي تقوليين قلت لالا حررام انا خلاص ماعاد اقولها << من صدق بطلت تقولها من يومها

السالفه الثانيه اختي البندري سنه اولى جامعه رايحه سنه ثانيه <<<^^^^ وش دخلهم ويين رايحيين
المهم كانت حاطه في الابتوب انشودة فرش التراب وجا فيصل ويطالع في الفديو ويقول ليه دخلوه تحت التراب
قالت له مات والاخت دخلت بالعميق في عذاب القبر وايش يصيير واناظر الولد واشوف وجه مرعوووووب ليه يعذبهم ربي ليه خايف واصرخ عليها مجنونه انتي عذاب القبر وهو عمره 4 سنوات

الولد انصرع << بس اي شي تقوله ياويلك ربي بعديين مايحبك ويدخلك النار طواااالي يصيير مؤدب



الثالثه فيصل يحب الخرفان والزرع والنخييل المهم بين فتره وفتره يزعج امي قومي وديني لجدي المزرعه غصب طيب ودته ويجلس يسولف على امي الحيين الرطب من ويين يطلع امي النخله تجيب رطب مثل ماجبتك انا قالها يعني النخله تحمل من وين تحمل شلووون تقول امي ماعرفت ارد عليه الولد لحس مخي

وسويلفه رابعه يوم كان عمره 2 و3 كان دايم يقول الشمس هذي وش تبي عورت عيوني ليه تطلع ويسب ويدعي على الشمس يااارب وياااارب


اخييرا لزوم الاطفال تعلمونهم بالحقيقه بشكل الحقيقي لكن اعتمادا على العمر تحاول تلطف الاجابه بدون الانحراف او تغيير الحقيقه ولزوم ماتتجاهلون اسئلة الاطفال

ياناس انا اموت على البزران وبراتهم
ماعمري احد من البرزان احرجني

هههههههههههههه شكلك معاني انا الحمد لله ماجاني سؤال محرج

اسئلة الطفل شي طبيعي .. وهي أساس اكتشاف للعالم حوله .. يعني هي ظاهره صحيه وبالعكس المفروض نفرح لما يسألنا الطفل عن اي شي .. لان سؤاله يدل انه يفكر ..وانه يحاول يعرف ويكتشف ..هو بأسئلته يبي يوسع مداركه .. ويعرف اكثر .. ويكون خبرته .. عشان يقدر يواصل فحياته بشكل سليم ..
بعكس لو كان مايسأل ومايعرف كيف العالم حوله .. اما ان نضجه غير مكتمل ..او انه يعاني من شي ..تلاحظه ماهو قادر يأقلم نفسه مع كل شي حوله .. ماهو قادر يحل المشكلات اللي ممكن تحصل له .. يعتمد على غيره فكل شي خصوصا ماما وبابا ..

وللأسف .. لو كانوا اللي حوله ماهم متقبلين أسئلته !!
يصبح الطفل في أزمه .. كم كبير من الاسئله في عقله .. ماهو قادر يلقى جواب لها .. واشياء تحدث حوله ..ماهو قادر يفسرها ..

اعتقد ان الان اصبح من الضروري ان الاب والام يكونون مستعدين لكل سؤال يطرحه الطفل ..مهما كان سؤاله ..
محرج / صعب / غريب / تافه ....الخ ..
جاوبه بكل شي ولا تسمح له ياخذ الجواب من غيرك ممكن يكون خطأ ..

لازم تكون اجوبتنا : صحيحه , صادقه , نقرب الجواب قد مانقدر ويكون مناسب لتفكيره ,في حدود الادب والاحترام , اختار كلمات لائقه , مختصره جدا , غير مبهمه واضحه ..

واذا كانت خلفيتك عن المعلومه ضعيفه .. ممكن نستعين بأشرطة الفيديو ,او الافلام التعليميه خصوصا لو كانت المعلومه علميه تحتاج صور توضيحيه .. او تبحث عن الجواب الصح فالنت او من كتاب او تستعين بشخص مختص وتحاول انت تقربها لطفلك ..

اطفالنا ثروة .. فيهم طاقه كبيره .. واقبال شديد ع المعلومه .. وحب للبحث واكتشاف كل شي جديد حوله ..
لازم نبنيهم صح .. ونكون شخصيتهم صح .. عشان مستقبلهم يكون مشرق ..