بسم الله الرحمن الرحيم

كلنا سمعنا إن قائد الدفاع و أفضل مدافع سعودي ( أسامة هوساوي ) قريب من الاحتراف الخارجي

ما أخفيكم إني انصدمت و ما صدقت .. لكن يظهر إن الأمر أصبح واقع ..

حنا كنا نعاني في الدفاع و هوساوي موجود .. طيب إذا راح وش بيصير ..

حسن خيرات الموسم الجاي بيكون توه راجع من إصابة .. و بيني و بينكم نادي زي الهلال ما راح يصبر على خيرات و المرشدي و أخطائهم اللي تكلف الكثير في بعض الأحيان ..

إذا تبون لاعب محلي .. انسوا .. لأن أصلا ما في لاعب كفء في خط الدفاع في أي نادي سعودي يستحق إنه يلعب للهلال ..

لذلك ما فيه إلا الأجنبي ..


ما بقى عندنا إلا خانة اللاعب الأسيوي .. لأن ولي زي ما صرح شبيه الريح إنه بنسبة كبيرة باقي بالإضافة إلى التعاقد مع هرماش و ندوي اللي صار قريب جدا من ارتداء الفانيلة الزرقاء


يعني لازم ننسى التعاقد مع مهاجم آسيوي ثاني و نفكر في الدفاع ..


أنا شخصيا أرشح اللاعب ذا لأنه هو اللي راح يسد الفراغ اللي راح يتركه ابو كلبشة ..


http://images.alarabiya.net/1b/ba/43...221_127272.jpg



ساشا أوغنينوفيسكي .. لاعب استرالي .. صلب دفاعيا .. يجيد الضربات الرأسية في الكرات الثابتة ..

من الآخر لاعب كبير .. نسيت أقولكم إنه أفضل لاعب آسيوي عام 2010


معلومة مهمة : خيارات اللاعب الآسيوي محدودة .. لذلك إذا لقيت اللي تبيه لا تتردد و خلص معه بسرعة ..

و اللاعب هذا مطلب كبير يا شبيه الريح ..


أتمنى التعاقد معه و حل مشكلة رحيل هوساوي بأسرع وقت ...

آسف على الإطالة .. شكرا ..