بسم الله الرحمن الرحيم ..
السلام عليكم ورحمة الله وبركاته

لا ينكر الجميع فضل عبدالرحمن بن مساعد على الهلال .. فهو وبلا ادنى شك .. نقل الهلال ..

لا مو بس الهلال .. رياضتنا السعودية كلها إلى مراحل جديدة في عدة امور ..

واللي مايعرف هالشي مايعرف كورة .. " يعني على سبيل المثال .. محترفين اجانب ومدربين ولغة تصاريح واحترام وعمل اداري ناجح "

اتذكر قال كالديرون وجدت في الهلال مالم أجده في الاتحاد والمنتخب !

اللي ودي اقوله ..

دام الإدارة باقية ومستمره ووعدت بتصحيح الاخطاء .. والعمل على تطوير الفريق وتحسين مستواه ..

ولمسنا هالاشياء من خلال التعاقد مع محترفين اجانب حسب حاجة الفريق ..

ليه مانفتح صفحة جديدة مع الادارة دامنا لمسنا التصحيح منها .. ولمسنا الوعود اللي بدأت قبل ماتبدأ بطولة كاس الملك .. !

والادارة اعلنت من قبل عدم رضاها على مستوى الفريق .. واعلنت ان الموسم القادم سيكون مختلف ووعدت ..

وليه مانكون جماهير إيجابية تنفع النادي .. اما الاصطياد في الماء العكر والتشكيك والانقسام .. ماهو من طبع الهلال ابددد .. حتى لاحظوا اعلاميه اللي يحترقون من اجل الهلال والهلال حياتهم كلها ..

روحوا اقروا عن سالفة بندر بن محمد وعبدالرحمن بن مساعد لما تنافسوا على الرئاسة ..

روحوا اقروا عن سالفة عادل البطي وسامي الجابر لما نشب بينهم خلاف .. وانسحب البطي من الادارة من اجل الهلال ومن اجل الكيان .. ياناس ماحسينا ان فيه مشكلة من خوف الهلاليين على ناديهم ان تؤثر فيه فيروسات المشاكل .. كما حصل في الاتحاد ..

حسوا في الاعلاميين اللي يجلسون شهور يبحثون عن مشكلة في النادي مايحصلون إلا غياب عزيز .. !

الحمدلله والشكر نادينا معروف باخلاقه قبل ابداعه في كرة القدم .. والهلال في الناحية جامعه ولله الحمد .. تخرج من عندها الكثيرون وحافظوا عليها ..

وعبدالرحمن بن مساعد انسان فاهم وواعي وفكره متطور ويتقبل الآراء والنقد .. والدليل تحديد المدرب يتم عن طريق 6 اشخاص !!

كلهم على قدر المسؤولية وكلهم كفؤ لذلك .. لا بعد الـ 6 هذولا يستشيرون ناس متخصصين ..

الهلال في ايدي امينة ياجماعه ..

عبدالرحمن بن مساعد معروف طموحه .. ومعروف وش يهدف له ..

يهدف للآسيوية ومع الآسيوية بطولات محلية .. والدليل الكم الهائل من الملايين اللي صرفت ..

العمل اللي عمله .. الإدارة اللي عملت معه " سامي - الناقور - الجاسر - الخميس - اللحيدان - الغبيني "

صحيح ان ابو فيصل ذكر ان الحمادي يكتب مقالين ليلة المباراة ..

لكن هذا لا يبرر خروج الحمادي في كل مناسبة لـ " يغسل الادارة " ويصب جام غضبه على ادارة نادي الهلال

ويجعل السلبيات كلها في الادارة .. وذلك لانها لم تحترم مقالاته ..

اذا كانت الادارة لا تحترم مقالاتك فـ هناك وسط رياضي اكيد فيه ناس تحترم مقالاتك ..

كون ادارة الهلال لا تحترم مقالاتك ياابن الحمادي .. لا يعني ان جمهور الهلال باكمله لا يحترم مقالاتك .. لا

لم تخسر متابعيك ولم ينهد اسمك بلحظة .. ربما يتاثر .. لكن اذا كان اسمك معروف وقلمك غني عن التعريف ..

لن يتاثر احد برأي شخصي .. كل شخص له ذوقه وله مايحبه وله طقوس فيما يحب ..

لذلك لا يوجد اي مبرر للهجوم على الإدارة بهذا الشكل ياابن الحمادي ..

الاحترام فوق كل شي ياصالح ..

فعندما خرجت في برنامج في الثمانيات وهاجمت الجاسر وقاطعته ولم تجعله يكمل جملتين مفيدتين على بعض ..

هل هذا حوار ؟ هل هذا احترام ياصالح ؟؟

هل هذا حوار حضاري .. ؟؟

ماألومك ربما تاثرت بوسط رياضي تافه .. يغلب عليه هذا الحوار الساذج ..

ولكن ماكان العشم ان تقاطع الناس .. وتحاول ان تغلب بمستوى الصوت .. وليس بماذا تقول ..

اتمنى لو حاورت الجاسر حوار راقي هادف .. اتمنى لو سمعت لابو يزيد .. ومن ثم ناقشته بكل نقطة لم تعجبك أو لم تقتنع بها ..

اتمنى فقط لو انك احترمته واحترمت المشاهد ..

فهذا غير مقبول ابداً ياابن الحمادي .. ان تحاور شخصاً بهذه الطريقة ..

ياليتك سمعت ابو يزيد كما سمعك .. وياليتك حاورته بنفس اللغه اللي حاورك فيها ..

الاحترام والمبادئ والقيم والاخلاق فوق كل شي ..

انت شخص لك جمهورك ولك محبيك .. انت خسرت بعضاً منهم بعد الاسلوب الهمجي الذي تعاملت به مع ابو يزيد ..

وارفع صوتك ونافخ وهايط وانتم وانتم .. وما اعتمادك على هذا الأسلوب .. إلا هو نقطة ضعف فيك ..

ولا الواثق من نفسه .. يكون هادئ ورزين في الحوار .. ويسمع للاخر .. لانه مهما قال لن يزعزع موقفه ..

انا اشوفك تعيد وتكرر وتسوق الحوار لاشياء انت تريدها .. عشان تظهر للرأي العام انك انت الصح .. والادارة الهلالية هي الخطأ ..

مع ان ابو يزيد كان ناوي نقاش هادف .. وكان ناوي يحاورك في اكثر من نقطة .. لكن انت ماخليت ولا حتى مذيع الرياضية يتكلم .. !!

واخرتها يتهمه بانه بوق ..

وصدق اللي قال .. لا تناقش سقيم ترى مايفرق بينكم اللي يسمعكم !

هل تعلم عزيزي صالح الحمادي .. انك اتهمت عبدالرحمن بن مساعد وعبدالكريم الجاسر بهذا الشي .. ؟؟

انا ماأرضاها على ابو فيصل .. ابو فيصل ماهو من نوعية الناس اللي كذا ..

ابو يزيد قاعد يدافع عن النادي .. قاعد ياخذ حق النادي .. ابو يزيد قاعد يرد على كل من تطاول على نادي الهلال ..

وهل جزاء الإحسان إلا الإحسان ؟؟ ابو يزيد يتواجد في النادي شبه يومي .. ابو يزيد له ادوار وتحصله متواجد في المباريات في المعسكرات في السفريات ..

هل تعلم عزيزي صالح الحمادي بانك اسات لنادي الهلال ..

بعد هذا الهجوم على ابو يزيد ..

اقرا رسالة واضحه من صالح الحمادي تفيد بمحاولة زعزعة الادارة الهلالية وسحب الثقة من الجمهور ..

اقرا محاولات لابن الحمادي الذي يخرج في كل قناة بحرينية كانت او سعودية .. ليكرر اسقاطاته على ادارة الهلال ..

اين يريد ان يذهب بنا ابن الحمادي ..

ماذا يريد ان يفعل .. ؟؟

انشطار هلالي .. انقسام هلالي ؟؟

لالالالالالالالا

انا لا اتفق مع صالح الحمادي بكل مايقوله .. وانما اتفق معه ببعض الجزيئات ..

وانا لا اتفق مع ادارة نادي الهلال بكل ماتفعله .. انا معهم في اغلب الامور ..

انا والله يعلم اني لا احمل بقلبي كرهاً لصالح الحمادي ..

ولكنه استفزني باسلوبه ال............ مع الجاسر .. وآلمني بعد مواصلة هجومه على نادي الهلال وادارته تحديداً ..

ولا اعلم ماذا يهدف ..

والله يااسقاط عبدالرحمن بن مساعد بعيد عنك ياصالح .. مير اركد .. وخلك سنع

توقعت بعد نهاية هذا الموسم ان يضعف الامير عبدالرحمن خصوصاً بعد الخروج الاسيوي .. وان يستجيب لجلد ذاته ويستقيل ..

ولكن فاجاني الامير الشجاع الصبور ببقاءه وصبره على مايحاك حوله .. ليس فقط من صالح الحمادي وانما من بعض الجماهير التي تاثرت باراء صالح الحمادي وبدأت تروج لتغطية الايجابيات العملاقة .. وتكبير السلبيات القليلة في عمل الادارة

عبدالرحمن بن مساعد اقرا من بقاءه لموسم اخر .. انه مازال يعشق التحدي .. ومازال يريد ان يرضي جماهيره التي لم يرضيها خمس بطولات .. فيها مافيها ..

جمهوره الذي نسى كل ايام العز وقت جيرتس .. فقط عندما خرج على يد ذوب آهن اصفهان ..

جمهوره الذي نسى كل انتصار وفوز ورفعة راس وفرح .. فقط عندما اسقطنا الاتحاد في دوري ابطال آسيا ..

جمهوره الذي راح يدقق في هزائم ربما تعد باصابع اليد الواحدة .. امام موسم كان اكثر من ثلاثة ارباعه رقص وطرب واهازيج وشالات تتمروح في المدرج ..

جمهوره الذي لم يرى حال جماهير الاندية الاربع الكبار .. " الاهلي والنصر والاتحاد " وانتم اعرف بحالهم مايحتاج اعيد واكرر .. كلهم يفرحون بالشهر مره .. !

جماهير الهلال العريضة الوفية الصادقة ..

للأسف ان الكورة لا تبحث دائماً عن الافضل ..

ولا تخدم دائماً من يستعد جيداً .. ولا تعرف كم دفعت او كم فكرت او كم خططت لهذه البطولة ..

هي كما يردد المطيويع مجنووونة ..

لذلك .. راعوا ذلك .. انظروا جيداً إلى ملامح سامي والامير عبدالرحمن انظروا للجاسر ومن هم في الدكة ..

ولا تكهلون الادارة .. فقد عملوا الكثير ..

انظروا إلى الارقام الخيالية من ملايين الدولارات .. اتحدى نادي سعودي يتحمل رواتب ويلهامسون ورادوي و لي يونغ ونيفيز سوى .. !

اتحدى نادي يخلي جمهوره يفكر في كبار اللاعبين في أوروبا .. امثال المطروحين على قائمة التعاقدات حالياً ..

اتحدى نادي يقدم كما قدم الهلال لكم .. نطمح باسيا مافيه شك .. نطمح بمستوى أفضل مافيه شك ..

ومامطالبكم هذه إلا سبب رئيسي في بقاء الهلال على علاقة وطيده مع الرقم 1 على جميع الأصعده ..

جمهور الهلال ..

مازالت لنا مع عبدالرحمن بن مساعد ليالي انس ..

ومازالت لنا مع ادارته مواعيد يبي يحلى فيها اللقاء ..

ومازال سواد ليالي نجد ينتظر طلة جديدة من قصائد ابو فيصل الزرقاء على الاوراق الخضراء .. في الملز تارة وفي الدرة تارة اخرى ..

بقاء عبدالرحمن بن مساعد ماهو إلا شعور بالذنب كل همه يمحي الموسم السيء الذي خرجنا به بـ بطولتين فقط ! لاحظو بطولتين .. وشاهدوا افراح الاهلي بعد كاس الملك وحسوا بالفرق !

بقاء عبدالرحمن بن مساعد ماهو إلا طموح منه لتخطي الارقام البطولية لـ الرئيس الذي وصفه ابو فيصل نفسه بانه لن يتكرر محمد بن فيصل .. وايضاً يطمح لتخطي ارقام الرئيس الذهبي بندر بن محمد ..

ربما خبرة عبدالرحمن بن مساعد في هالسنين اللي مضت وهو على كرسي الرئاسة ..

ربما تنفعه في مشواره الآسيوي .. لتفادي الاخطاء اللي وقع فيها في هالموسمين ..

ربما عبدالرحمن بن مساعد سيضع كل جهده في الموسم القادم .. ليكون ختام ادارته ختام لن ينساه الهلاليون ابداً ..

لان ابو فيصل ماهو من النوع اللي يحتكر الكرسي .. ولا هو من النوع اللي ياخذ فرصته وفرصة غيره ..

ولكي تعرفون معدن ابو فيصل الذهبي .. قبل بداية الدوري الموسم القادم ..

شوفوا العناصر اللي عندنا .. اجانب ومحليين ودكة احتياط .. وشف الاندية الاربعة الكبار ..

لا تنكرون وتجحدون النعمه ياجماهير الهلال ..

شوفوا ادارات الاندية الأخرى واحمدوا ربكم .. " من جد حنا بنعمه كبيرة "

يعني ادارة الاتحاد مافيه ادارة للحين .. الاهلي ادارة متخبطه ومن زمان تتكرر الاخطاء في الاهلي .. النصر انقسام كبير مابين الرئيس واللاعبين القدامى والشرفيين و الاعلاميين ومشاكل حتى الثماله وحالتهم حالة ..

الحمدلله والشكر .. الله يوفقك يابو فيصل معاك بدعواتنا وحضورنا .. ومتفائلين خير في الموسم القادم ..

وعن نفسي مطمئن كثير لجميع التعاقدات .. وان شاء الله ربي يوفقك وربي ينصرك ..



الله يعين الرئيس اللي يبي يجي بعدك وشلون بس يحافظ على الاشياء اللي تسويها انت .. وماينزل بمستوى النادي .. يكفينا طلتك اللي تنور الرياض كلها .. كنت اتوقع ان يضيف الهلال لك .. ولكن لو تبي الحقيقة .. اضفت له واضافك .. وكلكم لايقين على بعض



اللي يشتغل يابو يزيد .. ماهوب زي اللي جالس على الطاولة وماسك القلم وجالس يحلل ..

من الطبيعي اي عمل فيه اخطاء وسلبيات .. ماحنا ناسين ومتجاهلين ايجابياتك الكثيرة مقابل شوية سلبيات ..

ابو يزيد .. اهنيك على كل ماقدمته للهلال .. فهذا فخر كبير لك ..

ابو يزيد .. صدقني غيرتك على النادي وحبك له واخلاصك واجتهادك محل تقدير كل الهلاليين ..

الله يكثر من امثالك ..

الله يوفق الهلال بمدرب ..

واعذروني على الإطالة .. ولكن شوقي للنادي وشوفته جعلتني استرسل في الحديث عنه ..

جزاكم الله خير على إتاحة الفرصة ..

هاذا الصحفي يبغى له قطع لسان
خلافته الشخصيه مع الأمير
أدخل النادي بها

الحمادي قلم واعلامي مميز وهامه كبيره
مهما اختلفنا معه
وبلاشك يوجد ايجابيات كثيره في طرحه
لاتنسون موقفه ضد الاصفرين والبلوي وغيرها الكثير
يعني عشانه نقد ابن مساعد وخير ياطير
من يشوف الجمهور الهلاالي ونقد بعضهم الجاهل يعطي الحمادي الحق

الحماااااااااااااااااااااااااااادي كبيييييييييير وياليت نستوعب ونقبل الراي الاخر بدون تطبيل زائد

يا رجال ما عليه شرهة .. هالصبي ما يلقا من يسكته ..
خلوه يبربر لييييييين يمل ويسكت .. ما علينا منه ..
كلنا نعرف إنه يدور الزلة على إدارة الهلال وما ينقد من حب !!

إقتباس الرسالة الأصلية كتبت بواسطة ابوهديل الحمادي قلم واعلامي مميز وهامه كبيره مهما اختلفنا معه وبلاشك يوجد ايجابيات كثيره في طرحه لاتنسون موقفه ضد الاصفرين والبلوي وغيرها الكثير يعني عشانه نقد ابن مساعد وخير ياطير من يشوف الجمهور الهلاالي ونقد بعضهم الجاهل يعطي الحمادي الحق الحماااااااااااااااااااااااااااادي كبيييييييييير وياليت نستوعب ونقبل الراي الاخر بدون تطبيل زائد

آآآآآآآآآآآآآخ يا القهر أجل عشانه سوى مشاكل مع البلوي وغيره صرت تحبه !!!
يا اخي كلنا نعرف الحمادي المتغطرس وتاريخه ..

أنا مو ضد نقد أبو فيصل .. لكن ضد تصيد الأخطاء عليه ..

سؤالين لو جاوبتني عليهم مستعد أكون أكبر المطبلين للحمادي !

ليش هالمتصيد المتغطرس المتعجرف الحاقد المشخصن للمواضيع ما يطلع إلا وقت الهزيمة !! .. ليش ما شفناه وقت الفرحة وما أكثرها ولله الحمد !!

السؤال الثاني .. ليش هاللي يقول أنا مو هلالي أنا صوت استقلالي حر .. 95 % من انتقاده >> عفواً تجريحه وتصيده للأخطاء .. لإدارة الهلال فقط .. ليش هالاستقلالي الحر ما ينتقد الإدارات الثانية للأندية الثانية مثل انتقاده لإدارة الأمير عبد الرحمن بن مساعد !!

مع العلم أن إدارة أبو فيصل الأنجح على الإطلاق .. وينه عن فشل إدارات الأهلي والإتحاد .. وينه عن وعود وإساءات وفشل إدارة النصر !!


بإختصار يا أخ أبو هديل .. هذا سلّ قلمه على أبو فيصل ليس من دافع غيره .. بل لأمور شخصية .. والمجنون يعي ذلك ..

إقتباس الرسالة الأصلية كتبت بواسطة ابوهديل الحمادي قلم واعلامي مميز وهامه كبيره مهما اختلفنا معه وبلاشك يوجد ايجابيات كثيره في طرحه لاتنسون موقفه ضد الاصفرين والبلوي وغيرها الكثير يعني عشانه نقد ابن مساعد وخير ياطير من يشوف الجمهور الهلاالي ونقد بعضهم الجاهل يعطي الحمادي الحق الحماااااااااااااااااااااااااااادي كبيييييييييير وياليت نستوعب ونقبل الراي الاخر بدون تطبيل زائد

ياسلام عليك ياخي انت فلته وين المفروض ننتخب متحدث رسمي باسم الحمادي اسف قصدي الهلال ياخي انت مافي مثلك اثنين اجل الحمادي كبيرهههههههههههههههههههه حتى سعود عبدالعزيز النصراوي كبير في عيون محبينه
جستنيه محبين في نظر محبينه



لا وتتحججون ان الحمادي انتقد الامير عبدالرحمن بن مساعد ههههههههههههههه طيب فياض الشمري شرشح ادارة عبدالرحمن بن مساعد في يوم خسارتنا من اذوبهان ليش ماكرهه عبدالرحمن بن مساعد وتهاوش معه !!
عبدالرحمن السماري شايبنا الهلاليي شرشح ادارة ابن مساعد اول مااستلم الاداره ليش ماشب فيه عبدالرحمن بن مساعد !!
سلطان صاحب صحيفة عاجل نسيت اسم عائلته اذكر مقالته في عاجل كانت هجوم وانتقاد لادارة عبدالرحمن بن مساعد وسامي الجابر العام الماضي ليش ماتطرق له ابو فيصل !! ابو فيصل مهو ضد الانتقاد وهالشي واضح من شخص الرجال

ولكن الي منتشر بين كبار الهلالييه ان سالفة صالح الحمادي مع ادارة عبدالرحمن بن مساعد هي قناة الزعيم الي كانت تديرها شركة ابن اخت صالح الحمادي والي فضلت الاداره عدم التجديد لعدم فائدتها وهذا الي خلا ابوشامه يقبس على ادارة ابو فيصل

والدليل شف من يطالب بدعم الحمادي هو الكاتب الاهلي القذر صالح الشيخي

الهلال اكبر من تشكيك الصحفيين

واحنا كجمهور عارفين نادينا صح

عوافي

مايهزك ريح يامركب هوانا



تحياتي لك,,,

مشكله الحمادي انه يرى انه اكبر من الجميع

اضافه الى الغرور الذي يشعر به كل من يسمع حديثه

يا رجل هذا شخص مريض تافه يحول الخلافات الشخصية الى نقد

عندك مشكلة مع الامير لا تصفي حساباتك الشخصية


والله يوفقك يا ابو فيصل وواصل ولا ترمى الا الشجرة المثمرة وما ضر السحاب نبح ...

وش ترجي من شخص ما يظهر الا عند الخسائر !!!!


يصلح حارس اسطبلات لاحد الامراء

وعلى فكرة كبار كتاب الهلال ضد اللي قاعد يسويه
شوفوا تلميحات صالح السليمان وصالح الهويريني وغيرهم ضده !

وإلا بعد السليمان والهويريني وغيرهم من عملاقة الإعلاميين الهلاليين أبواق يا الحمادي خخخخخخ

كل شي يقف ضد هالمستصحف اللي اسمه صالح الحمادي ..

مشكووور ما قصرت

والله بعد كلامگ جلست افكر بالرئيس اللي بيجي بعد ابو فيصل ... الله يوفقه ويسهل عليه يارب

ان شاء الله يكمل الاربع سنوات ويزيد اربع سنوات ثانيه ...

انا اعرف ان صالح الحمادي ينتقد بالقنوات السعوديه

لكن ان كان طالع ينتقد الهلال بالقنوات الخارجيه ويشوه سمعة الهلال

فهذا موب من حقه ولازم ياقف عند حده ..

لأنك بمجرد تطلع تنتقد الهلال بقنوات مثل ما تقول انت بحرينيه فالجمهور البحريني اللي يتابع البرنامج

وكان معجب بالهلال بيأخذ فكره سيئه عنه بسبب ان صالح الحمادي حاقد على ابو يزيد ..

( انا اقول اذا كان طالع .. انا بصراحه ماشفته وهو كاتب كبير لكن بعض الايام هذا الشيء ما يشفع له

يرتب مثل هذا الخطأ )

الحمادي بدأ في مرحلة التخريف او نقول الضياع
مو اليوم او امس
انا تغير رأيي فيه بعد كلمته المشهورة (الكسكسي) مع احداث رحيل جيريتس

رب كلمة قالت لصاحبها دعني

الهلال اكبر من تشكيك الصحفيين

واحنا كجمهور عارفين نادينا صح

عوافي

وش ترجون من سايس.........راعي كديش