الحمله الاعلاميه الجديده .." ياسر vs عيسى " ..... - نادي الهلال السعودي - شبكة الزعيم

هند الشمري · #11 28/06/2011, 07:39 AM

إقتباس


	هلا فيك اختي .. أول شي أشكرك اللي خليتيني أسجل دخول بالمنتدى .. لأن ردودك بشكل عام تثير استفزازي .. << تحملي صراحتي .. يعني انتي مطبله لياسر بشكل خرافي .. أعوذ بالله شي غير طبيعي .. انتي من جمهور اللاعب ياسر القحطاني .. وأنا والكثير جماهير لنادي الهلال ..

انا مشجعه هلاليه ماني من جماهير اللاعبين مثل ماذكرت

ووجهة نظري أعتمدت فيها على حقائق وأرقام

إقتباس


	يا أختي الغاليه برد عليك أول شي .. ياسر القحطاني نجم لا نختلف عليه قبل 4 مواسم .. لكن بعدها !! خلاص ياسر القحطاني تشبع اعلاميا ونقديا وجماهيريا .. عشان كذا صار يلعب بشوفة نفس تجيب الهم .. لاعب بارد لا يتحرك .. لاعب دعمناه الين قلنا بس .. لكن ما فيه فايده .. لدرجه اني انطردت من منتدى كانت مشاركاتي فيه فوق 8000 .. والسبب اني دافعت عن اللي يتكلمون عن اشاعات ياسر .. (( عشان اعلمك اني مو ضد أحد ))

بالضبط هذا اللي اقصده .. جحد كل ماقدمه اللاعب ..

بعد الأربع مواسم .. واللي هي أعوام 2008 - 2009 - 2010 - 2011

حسم بطولات للهلال كاس الدوري 2008 + كاس ولي العهد 2009

وقدم مستويات مميزه توجها بأهداف مميزه منها على سبيل المثال هدف البلياردو ،

2010 سجل 19 هدف كأكثر لاعب سعودي يسجّل ،

2011 سجل 11 هدف بالدوري و4 بآسيا و2 بكاس ولي العهد برغم الإصابات المتكرره والضغوطات أبتداءً من ملاحقة إنسانيته في المدرجات الصفراء وقذفه مروراً برئيس نادي يتهمه بالمنشطات دون إيقاع عقوبات لردعهم وإنصاف ياسر وإنتهاءً ببعض الجماهير الهلاليه اللي تجحد ماقدم اللاعب وتجرحه وتسيء لتاريخه ..

الأهداف اللي في الأربع أعوام السابقه تجدها هنا - موقع كوره

إقتباس


	لكن حرام نجامل ياسر على حساب لاعب فنان .. أسمه عيسى المحياني .. أعذرك اختي الكريمه يمكن ما تعرفينه لصغر سنك .. لكن خذي هالمعلومات البسيطه عنه .. هداف كأس آسيا للشباب بقطر 2002م. أفضل لاعب آسيوي لشهر يوليو من عام 2002م. هداف الدوري السعودي 2005-2006م. خامس أفضل لاعب عربي حسب استفتاء الجزيرة نت. هداف دوري ابطال العرب 2008 ترى للمعلوميه كلها مع الوحده والمنتخب .. لاعب يجيد مهام المهاجم جميعها .. الكرات الرأسيه .. المهارات .. التسديد من خارج المنطقه .. الفاولات .. و و و و و و ..

و و و > حسيت انك تتكلم عن كريس

ماعليش اخوي عيسى لايجيد الرأسيات مثل مايجيدها ياسر وأهدافه بالرأس تعد على أصبح اليد الوحده ..

كل لاعب له إنجازاته .. وله تاريخه الحافل ،

لكن هل تقارن افضل لاعب اسوي لشهر بأفضل لاعب آسيوي لعام كامل ؟

ياسر قاد منتخب شآب وهو لم يتجاوز الـ 25 لنهائي كأس آسيا وحصل على لقب هدافها ..

وتوج في نفس العام بأفضل لاعب بآسيا ..

وبنفس العام وفي شهر أكتوبر حصل على خامس افضل هدافي العالم في التصنيف الجديد اللي أعلنه الاتحاد الدولي لتأريخ وإحصاء كرة القدم «IFFHS» ..

في ديسمبر 2008 حل ثالثاً بين المرشحين الثمانيه للفوز بجائزة الكره الذهبيه اللي تقدمها مجلة الحدث اللبنانيه ..

غير الهدف في كأس العالم :smilie47:

إقتباس


	نقططططططه ثانيه .. كل مره تقولين اعطينا عيسى المحياني فرصه .. اعطيتيه فرصه يا طويلة العمر انا ما اختلفت .. بس تدرين متى اعطيتيه فرصه ؟؟ بعد ما انتهت مصيبة ذوب آهن وابتعد ياسر القحطاني عن الهلال بالاصابه اللي ما تطلع الا بعد أي خروج أسيوي .. لعب بعدها الهلال مع النصر .. وسجل المحياني هدف التعادل بعد ضربة الجزاء النصراويه .. وكانت معنويات الفريق هابطه بعد الخروج الاسيوي من نصف النهائي .. لعبوه وسط الموسم .. لعبوه بمركزه .. لعبوه ونفسيات اللاعبين كويسه .. واذا ما ابدع صدقيني انا اول من يطالب بإبعاده .. لكن انا مقتنع من هو المحياني .. من قبل يجي الهلال ..

فعلاً كانت المعنويات هابطه ولكن تحققت فرص بالجمله بذيك المباراة ،

وأتذكر للحين تصريح سامي بعد المباراة قال : لو استثمرنا الفرص بتكون النتيجه خمسه ..

وعموماً نسبة تسجيل ياسر اعلى من نسبة تسجيل عيسى بحسب الدقائق الملعوبه ..

ياسر يسجل هدف في كل 104 دقيقه تقريباً

بينما عيسى يسجل هدف في كل 157 دقيقه تقريباً !!!!

إقتباس


	واذا كنتي تتكلمين عن ألقاب شخصيه للاعبين .. فمحمد ناجي (( جدو )) قاد منتخب مصر (( لتحقيق )) كأس افريقيا .. ومن بعدها راح للأهلي المصري وصار عاله ع الفريق بشهادة اصدقاء مصريين .. واذا بتكررين كلام أفضل وأفضل .. بين قوسين يعني بتجلسين تغنين ع الماضي .. فأنا اذكرك أن اللاعب كانافارو الايطالي أفضل لاعبي العالم عام 2006 .. يلعب الحين بالدوري الاماراتي مع الأهلي !! وأفضل لاعب في كأس العالم السنه الماضيه الأورجواني فورلان كانت بينه وبين الوصل الإماراتي مفاوضات .. ولا زلنا نتغنى انه (( كااااااااااان )) أفضل لاعب باسيااا .. جملتك >> (( اما اساسي ياسر أفضل منه .. حتى لو كان بأفضل حالاته )) !! هذي الجمله السابقه توضح كلامي اللي قلته .. بأنك من جمهور اللاعب .. وهذا رابط من موقع كورة لأهدافه .. شوفي اهدافه ع الاتحاد والنصر والهلال كم عددها ؟ طبعا يوم كان مع الوحده .. سجل ع الهلال 3 والنصر اكثر والاتحاد اكثرر .. كووورة: الموقع العربي الرياضي الأول

أعتقد قلت مبرراتي الحقيقيه والمقنعه في وجهة نظري ، بس شكلك مُصمم ..

كلن يرى الناس بعين طبعه

إقتباس


	ختاما .. زعيمه حايليه .. لما انولدتي الله يطول بعمرك .. الفتره هذييك كنت أبكي .. ورافض أروح المدرسه .. فقط لأن الهلال انهزم عام 1415 من النصرر .. فهمتي كيف أعشق الهلال ؟

انا عشقي للهلال بدآ من أيآم الروضه ..

وعموماً مقياس العشق ليس بالسن

وجهة نظري صحيحه تحتمل الخطأ ، ووجهت نظرك خاطئه تحتمل الصواب