|
بقاء ويلي خاطىء و مهازل اللاعبين في عهد شبيه الريح متى تتوقف ............... منذ فترة طويلة لم أكتب أي موضوع بخصوص نادي القرن الآسيوي و زعيم نصف الكرة الأرضية الهلال لأسباب من أهمها أن (كشف الحساب) يأتي بنهاية الموسم الرياضي فهاهو أنتهى الموسم و خرج الزعيم ببطولتين و الحمدلله ولكن مع تكرار الأخطاء وهي : 1- الخروج الآسيوي المتكرر و يا ليت الخروج بعد أن يبذل الفريق كل ما لديه بل يخرج و الجمهور يعيش أعلى حالات القهر فمهزلة أم صلال لازالت وصمة عار بالتاريخ الهلالي ففريق خسر قبل أسبوع واحد بنتجية كوارثية يأتي بدرة الملاعب ويتأهل على حساب الهلال و من ثم تتكرر مهزلة الغرافة القطري في قطر و تلاحق الزعيم نفسه وتأهل وبعدها أمام أكثر من 80 ألف متفرج بدرة الملاعب يخرج الزعيم محبطآ بمستوى هزيل لا يليق بالكيان الهلالي . هذا الموسم أكملوا مسلسل الخروج الآسيوي بمستوى هزيل !!!!! لن أتحدث عن المستويات الهزيلة التي يقدمها لاعبي الهلال في بطولة كأس الملك في فترة شبيه الريح لأن اللاعبين لم يحاسبوا على الخروج الآسيوي الذي يسبق هذه البطولة في كل موسم . أحسنت أدارة الهلال صنعآ بإبعاد اللاعب ياسر القحطاني من قائمة الـ 18 في بطولة كأس الملك و أعطت النجم عيسى المحياني الفرصة لأن ياسر الكاسر لم يعد كما كان ياسر 2007م فلا يجب أن نجامل على حساب الزعيم . بقاء ويليهامسون قرار خاطىء فاللاعب لم يعد لديه جديد يقدمه و لا نرتجي منه جديد فهو كان مشارك في المهازل الآسيوية الثلاث فهل نجعله يشارك بالمهزلة الآسيوية الرابعة !!!!! تغيير الأجانب قرار إيجابي فرادوي لا يريد البقاء و لي يونج لم يعد لديه جديد و أحمد علي قدمه وفق أمكانياته و لكن الأبقاء على ويليهامسون قرار خاطىء فالبلجيكي أيريك جيريتس عندما كان مدربآ للزعيم كان لا يريده و لكن الأدارة أقنعته بالأبقاء عليه فالداهية جيريتس يعرف اللاعبين و تذكروا عندما كان مدربآ كان يهزم الفريق بالخمسة و أنت ماشي ..... شبيه الريح يدعم و يقدم كل ما لديه ولكن اللاعبين يخذلونه !!!!!!!!! |
شبيه الريح ما يقصر دفع الغالي والنفيس للهلال بس الاعبين دلع x دلع |
الاعبين مالقوا الا انسان طيب وجالسين يستغلون طيبته وذوقه اما بخصوص ويلي فالاكيد ماجته عروض ولا كان باعوه بدين ويلي مهما كان يظل محترف وبيحاول قد مايقدر يبذل مجهود ولو نزل مستواه لازم نصبر عليه لانه شال افريق طوال 3 مواسم يوم بغينا الاماراتيين والقطريين يجون يشترون لعيبه من عندنا ماجوا |
كلامك صحيح . انا والله كنت ضد بقاء ويلي ويلي يريد الذهآآآآآآآآآآب .. واضح من اداء الاعب في اخر المباريات مبارة الاسيوية في جده ضد الاتحاد .. كان يسدد الكرات بلا اي تركيز بعيد عن المرمى وتكرر المشهد اكثر من 4 مرات !! ويلي لم يفعلها طوال المواسم الماضيه .. يعني بالعربي كانت ( مقصوده منه ) وفي مباراة الاياب في كأس الملك . يدخل الشوط الثاني وبالعربي يبحث عن الطرد ( قاصد ) لان اللقطه ماكان لها اي داعي منه اتوقع ويلي كان يريد الذهاب .. لكن .. يريد الهلال هو من يبيعه او يعييره .. عشان يعفى من الشرط الجزائي شخصياً .. أتوقع ( الانتقالات الشتويه في منتصف الموسم المقبل ) سيكون ويلي أول المغادرين بالتوفيق لللللللللللزعيم |
مـــــــــــــــــــــــــــــافيه داعي للفلسفه والاكثريه مسويه نفسه خبراء ياجماعه هذي حال الكررره اكبر الفرق العالميه تخسر بطولالت وتنزل مستويات الاعبين فيها شوووفوا الريال شوفوا كاكا ياسر نزل مستواه صار ماينف ولينزل مستواه صرنا نغيره لالا ثم لا ماهكذا تكون الفرق كبيره والزعيم كبير بـــــــــــــــــــــــــــــس مافي داعي للتحليل الفلسفي ,,,,,,,,,,,,,,,,,,,,,, وشكررررا |
على قولة إخواني شبيه الريح ماقصر :smilie47: إلي فعلا نفقدهـ بالهلال وتلقاهـ بأي فريق ثاني غيرهـ ( الهلال أفظل من كل الفرق عناصريا )تقريبا s13s أيضا (الهلال أسوء من كل الفرق من ناحية الروح ) :cry: أتذكر مقوله عبدالله الحربي يوم يقول بعض الجماهير الهلاليه تملكمن الحماس أكثر من لعيبه الهلال باردين بشكل غيرطبيعي أتوقع من أكبر أسبابهـ إفتقادهم للقائد الحقيقي في الملعب الي يحمسهم الأفظل هوساوي وسحبت منه الشارهـ . الله يعين ويوفق الهلال .." مشكورأخوي على طرحك :rose: |
كل شيء عندك صار هزيل !! .................زز |
يعطيك العافية واتفق معك بويلي ورحيله والدليل مباريات كثيرة مهمه يختفي بها وخاصة بمباريات خروج المغلوب ولو عدنا لمباريات الاتحاد منافس الهلال لوجدناه غير موجود ابدا غير مباراة الخمسة واعتماد ويلي على السرعة مع المجهود السخي مع لياقته العالية مافادت الهلال في اهم مبارياته اولها مباراة ذوب اهان ونهائي الابطال العام الماضي امام الاتحاد والموسم الحالي في مباريات الاتحاد والاهلي ايضا اختفى لان الفريقين يملكان باكات شمال قوية وحتى في مباراة الشباب في هذا الموسم لو لم يفتح اللعب نادي الشباب لما ظهر واما من ناحية ماقدمه للفريق الحقيقة انه قدم الكثير وتسبب بانتصارات كثيرة لكن تألقه كان في مباريات اغلبها مع فرق ضعيفه مثل النصر ونجران والفتح واللي يقهر ان سعره 50 مليون وهذا المبلغ تستطيع ان تأتي بلاعب مثل هوندا نجم المنتخب الياباني |
صحيح ويلي صار عبء على الهلال في المباريات الكبيرة اتمنى ذهابه واعارة او الغاء عقد المفلس عبدالعزيز الدوسري والشايب الشلهوب وجلب صناع لعب على مستوى |
نبي الاعب الارجنتيني مانسو وكاهيل ومامادو نايانغ و عادل هرماش نبي الاعيبه هذولى والله فن للهلال ونبي مدرب عاااااااالمي مثل اريكسون او هدينك مدرب عالمين ومشكور على الموضوع |
اتمناء رحيل ويلي طريقة لعبه صارت مكششوفه... يعدي وعرضيه... نبي صانع لعب مثل طارق التايب الله يذكره بالخير (( انت وضميرك )) __________________________________________________ |
إقتباس:
والله بعض الجماهير تحسسك إنهم مندسين .. الشلهوب من أعمدة الفريق وخدم الهلال وحقق معاه أرقام قياسيه منو أنت يوم إنك تقول عنه هالكلام ؟ الدوسري نجم الهلال القادم .. والمفلس اللي يتكلم بلا أدله وبراهين !! .. بخصوص الموضوع ياسر ابعدوه لإصابته .. كنت اتمنى يروح ويلي خلاص اعطى كل مايملك للهلال .. لكن بعدما قرروا بقاءه مالنا إلا دعمه لتقديم المزيد .. فهو يبقى لاعب خدمنا كثيراً ، وآخر شي كل بطوله لها ظروفها ، ويازينها من مهازل اللي تحقق لنا البطولات :) شكرراً |
صراحه ما فيه مهازل الا بخط الهجووم والا هل يعقل ان خط هجوم بطل الدوري سجل 18 هدف !!! صراحه الهلال خط الوسط قوي دفاع اقوى يعني خط الوسط سجلك بالدوري 32 هدف بالمقابل الهجوم 18 هدف .؟! وبالمقارنة بالاندية المنافسة من ناحية خط الهجوم : 1- خط هجوم الاهلي ( فكتور + عماد + واندرسون ) = 28 هدف 2- خط هجوم الاتحاد ( زيايه + نايف + محمد الراشد ) = 27 هدف 3- خط هجوم الشباب ( ناصر الشمراني + الحسن كيتا + فيصل السلطان )= 26 هدف 4 خط هجوم النصر ( ريان بلال + بدر المطوع + السهلاوي + الحارثي ) = 19 هدف 5- خط هجوم الهلال ( ياسر + عيسى + احمد علي ) = 18 هدف اتمنى اللي يتكلم عن المهاجمين او يدافع عنهم يراجع حساباته ....... واللي يقوول ما نحتاج مهاجم اجنبي عندنا عيسى وياسر هاذي احصائية تبين لك ان قوة هجوم الهلال وترتيبه بين الاندية المنافسة . صراحه انصدمت يوم سويت هالاحصائية !!!!!!!!! كيف لو عندنا لاعب مهاجم مثل فكتور او عماد او ناصر .؟ |
إقتباس:
والله لو تجيبوا هوندا ومستبوشي وتيوتا ما راح نفلح تدري ليش لان عقلية بعض جماهير الزعيم غريبة عجيبة يعني تبقي لاعب واحد يفرق في مباراة بينما البقية ضايعين للاسف مستوى الهلال في الاسيوية ضايع بسبب العامل النفسي وليس بسبب ويلي او غيره يجب ان تعلم ان فريق كرة القدم يتكون من 11 لاعب واذا كان مستوى 11 لاعب سيء من الصعب ان تخلي لاعب واحد يبدع ويكون مؤثر في الفريق الا اذا كان ماردونا ... من خلال متابعتي للاعب الافريقي الجديد من الواضح انه مميز في ضربات الراس لذلك تحتاج واحد يعرف من اليمين واليسار وويلي احد هذه الحلول الممكنة |
الحين ولي صار ما ينفع ...؟ بصراحه أمركم غريب يازعماء ولي أفضل لاعب أجنبي لاعب مهاري وسريع وهذا اللي نبيه ويكفي إن الأنديه تحسب له حساب كم سجل هدف وكم صنع هدف وكم كان سبب في ضربة جزاء وفاول يسبب الفوز والكره في الصندوق هدف من قدمه على طول ما يتفلسف وانتم تعرفون الخساير اللي تقولها والإخفاقات ليست من ولي وحده من اللاعبين جميعا وأتمنى منكم العقلانيه شوي الله يحفظكم ولي أتمنى بقاءه مع الزعيم وإخفاقاته في آخر المباريات كان مجهد للغايه _ من منتخب بلاده إلى الرياض إلى جده _ إلى ظروفه اللي صارت وظروف عائلته ياناس قدرو شوي أختلاف الرأي لا يفسد للود قضيه |
| الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd