|
، - ي ـآسـر انا ـآرشح انه يبقآء بالدكـه لاإنـه رآح يكـون بديـل نآجح افضل من يكون بديلنا الجيزاني واحمد علي يآليت مانعيـره و يبقى هلآلي آفضل ~ |
صبرنا على ياسر سنتين ..كم تبون نصبر بعد ياسر مو شهر والا اثنين منخفض مستواه والا حتى موسم علشان نقول نعطيه فرصه كمان موسم لما انخفض مستوى ياسر عذرناه ووقفنا معه (بحجة الظروف الي كان يمر فيها )حتى الاداره طول هالفتره كانت معه ولا فكرت تنسقه بل كان يلعب اساسي واعطوه فرصه اكثر من اللازم على امل انه يعود وسبب الصبر عليه الفتره السابقه هو الظروف الي كان يمر فيها ..ولكن مثل ما احنا كجماهير كنا كرماء معه والاداره بذلت كل وسعها للمحافظه على نجوميته وعلى نفسيته وخلته يلعب اساسي وجابت لاعب مهاجم اخر مساند له المفروض كان على ياسر يقدر كل هالدعم ويحاول يبذل كل وسعه لاستعادة مستواه ياخي لايسجل بس خلينا نحس بالملعب انه يحاول ويقاتل ويتحرك علشان على الاقل نتعاطف معه ونقول وده يرجع لمستواه او يحاول بالعكس هو من شافنا كجمهور نطبله وندافع عنه رغم مستواه فأهمل واعتمد على حب الجماهير وتمسك الاداره فيه احنا لازم نطبق الاحتراف علشان نتطور وعقلية لاعبينا تتطور اما كل ماطلع نجم يومين هم انخفض مستواه سنتين قمتوا تقولون لا وهذا ابو عزوز وهذا ابو محمد عمر عقلية لعيبنا ماراح تتطور ، والي يقول اللاعب السعودي مو مثل الاوربي ..حلووو ، طيب خلونا نجعل اللاعب السعودي مثل الاوربي بعقليته علشان بكره لاجاء لاعب جديد او مبتدئ يأخذ عظه وعبره من الي قبله ليش اللاعبين الاوربين يلعبون بحماس ويحافظون على التمارين ويطورون بمستواهم لان عندهم اداره تطبق الاحتراف يعرفون وش مصيره لا نخفض مستواه اما لاعبينا ينخفض ولا ما ينخفض عارف ان الجماهير تبيه حتى لو ماله فايده ..وش هالعقليه ؟ يفترض الاداره الي تحافظ على اللاعب لانها خسرانه فيه ملايين ، مو الجماهير الي مفروض همها الاول ناديها طول ماعقلية الجماهير بهالشكل عمر ماراح يصير في احتراف حقيقي ، واذا اللاعب لانخفض مستواه قعدنا عطوه فرصه والا حطوه احتياط والا اصبروا عليه ماراح يتطور اللاعب ...ليش يتطور اصلا وكل شي متوفر له لازم اللاعب يخاف على مركزه ويقاتل علشان لا ينسق او يعار ، لكن طول ماهو ضامن خانته وضامن حب الجماهير وش يبي اكثر فلوس ويأخذ ولعب يلعب ليه يتعب نفسه ويرد لمستواه ؟ |
اتمنى لــ ياسر التوفيق والعوده لمستواه المعرووف |
ياسر صبرنا عليه وازرناه وقنا معه لاكن ما شفنا اي رده فعل منه يااسر اتمنى اعارتك لفريق خليجي |
اول شي واهم شي بقوله مستواى الكره السعوديه كله هابط وبقوه بعد ولا ننلعب على انفسنا حتى الهلال كا كل نازل مستواه والدوري واولي العهد مو مقياس للنجاح الهلال والدليل مواجهتنا مع الانديه الكبار والي تسويه الحين الادراة خير دليل انا الموسم الهلال ماظهر ولا مباراة بمستواى مقنع الا مباراة النهائي مع الوحده ثاني شي بخصوص ياسر ........................ اعارة !!!!!!!!!!!!!!!!!!!!!!!!!!!! ياسر رمز من رموز الهلال والكرة السعوديه وما حد يتخيل الهلال بدونه نازل مستواه وبقوووووووة والحل كلنا نطالب به جيبو مهاجمين ينافسون ياسر بالخانه والحين نهاية الموسم وقفه لياسر مع نفسه ويرتاح ويعيد حساباته وبأذن الله الموسم القادم مع حظور مهاجم ثاني بجانب ياسر وبعد مايكون ياسر على اصرار للعودة وخصوصا بعد هذه الاشاعات والي يصير اكيد ياسر سيكون على اصرار وعزم كبير جمهور الزعيم .............................. على كثر الي ضايقني من هجومكم على ياسر بقدر ماسعدني اعلم جيدا بحبكم لياسر وحبكم لزعيم اكيد يوفق كل شي دعمتو ياسر كثير والحين قلتو كلمتكم وان شالله وانا متاكده انا ياسر استفاد من هجومكم وبكل ثقه ان شالله الموسم الجاي يرجع ياسر مع وجود مهاجم احنبي الحين بس خلاص ياجمهور الزعيم نقول كلمتنا لا لاعاااااااااااااااارة ياسر لاهو بيستفيد ولا حنا لا نخلي جمهور الحاقد لنا ينسينا ياسر هذا ياسسسسسسسر والي الحاقدين الحين على اكمل فرحتهم باعارته وبهذا الهجوم عليه احنا قد وقفنا مع ياسر وسانظل خلفه والحين الوقفه الحقيقه اناشد المحبين لياسر الحين نجمنا باصعب لحظات حياته قلنا الي عندنا ولمنا ياسر وهاجمنه بس خلاص اتوقع اوصلت الرساله لياسر وهذا المطلوب الحين وقفه صادقه مع كابتنا والله والله بيرجع بس اعاررررة لا حنا نبيهههههههههههههه لاتخلون الحاقدين يتشمتون فينا وياليت مانسوي حزازيات بين ياسر وسامي كلهم نجوم وعينين في راس ونجوم الكره السعوديه كثر والقادم افضل |
والله ودي أعقب على بعض الردود العجيبه !! لكني عجزآنه ، بعض الأعضاء يقولون سامي جلس بالدكه بعد ماغاب مستواه .. سامي كان عنده مهاجم قوي يسانده إذا لعب معه أو ينافسه ويحفزه على مضاعفة المجهود إذا لعب مكانه .. غيآب سامي كان طوييل ويصوم عن الأهداف لفترااااااااات .. بل أنه بأحد المواسم لم يسجل إلا 4 أهداف في 15 مباراة .. هدفين كانت على التعاون وهدفين على الأهلي ، بينما ياسر اللي غاب للإصابه ثلثي الموسم .. سجل 16 هدف .. ليس إستنقاص من سامي ، بل لتوضيح الحقيقه للقرآء ، لأن البعض حآول يدعّم وجهة نظره بهالمعلومه ~ |
انا مع وضد اعارة ياسر مع انه يرجع مستواه لكن على حساب اندية الامارات الضعيفة مع احترامي للعين صراحة هو النادي الوحيد اللي احس ان مكانه مو الامارات ضد انه اذا راح اعارته يمكن ما عاد يعود؟! والعكس صحيح؟! لانه شاف الحو جازله فقط في النهاية اقرب مثال توريس يوم انخفض مستواه كرش على طول |
إقتباس:
المجاملات هي الي مرجعه الكوره السعوديه ورى نبي لاعبينا يتطورون ونبي احتراف ونبي منافسه على المراكز اما مسألة رمز .. اعذرني ياثامر احسها كبيره شوي ياسر لاعب خدم الهلال واخذ حقه واكثر من حقه ماديا ومعنويا دعمناه موسمين وهو نازل مستواه وصبرنا عليه وصفقته كانت من اعلى الصفقات وقتها وسنتين يأخذ راتب وهو مايقدم شي يذكر إقتباس:
وبالنسبه لإعادة الحسابات سنتين ولسه ماعاد حساباته الي يبي يعيد حساباته كان عادهم من اول ياما تكلموا عنه بالاعلام انه منخفض مستواه وهو اخر همه ، بسبب مطالبتكم باستمراره وحبكم له وحرص ادارتنا على رضى الجماهير م بس خلاص جاء الوقت الي لازم نضحي بياسر علشان الهلال لان اللاعبين الباقين بيخافون ويعرفون ان مافي كبير وان اي لاعب ينخفض مستواه قد يعار او ينسق اتمنى من جمهور ياسر ترك العواطف على جنب وابي اسالهم سؤال : اي اهم عندكم الهلال او ياسر ؟ ياسر لو بقى هذا بيعطي انطباع لباقي اللاعبين ان عادي نزل المستوى والا مانزل كله واحد ، الي يعطي والي مايعطي واحد وهذا بيجعل كل لاعبين الهلال يتراجع مستواهم ، دام هذا مبدأنا (لاعبنا المحبوب لاتجونه خلوه على راحته يكفي بس طلته واسمه) والسبب علشان قبل كم سنه قدم مستوى كويس ، ويمكن يرجع في يوم من الايام مثل ماكان شوفوا الشلهوب نزل مستواه واول ما أُنتقد من الجماهير والمحللين على طول استعاد مستواه هذا اللاعب الي يهتم لجمهوره ويخاف على ناديه ومخلص له ، لاتقولون هتافات وماهتافات بالعكس هذا ممكن يكون دافع للرد على هذه الجماهير لما جماهير تهتف ضدك هدفهم معروف يبون يأثرون عليك معنويا وبالتالي الرد يكون بالاهداف هذا الشي الوحيد الي بيسكتهم اما تراجعك معناته ان هتافاتهم جابت نتيجه وبالتالي راح يستمرون بهذه الهتافات كل مالعبت ،واكيد الاداره اتهمت بالموضوع ووقفت معه ودعمته معنويا وبعدين هالكلام قبل سنه او اكثر خلاص المفروض انها تصير شي اعتيادي ، واذا مو قادر على تخطي الازمه بعد كل هالمده معناته حتى الموسم الجاي بيبقى على حاله |
ياخي لاتلعبون على انفسكم ارحمونا شوي الهلال فوق الجميع نحب ياسر وهو نجم وحقق انجازات ولكن الهلال فوق الجميع.. انا مع اعارة ياسر موسم واحد لانه راح يبتعد عن الضغط ويرجع افضل مما كان.. اتركو عنكم العاطفه والهلال اولا .. |
أشكر الجميع على المرور والمشاركة ,’, |
ياسر كبير وسترون ولا تنسون الاهلي يوم حسين والفتح يوم الثلاثة صدقوني ياسر غير |
يااااسر راجع بس اوقفوا ياجماااااهير لاتقولون يااااسر انتهى قولو ياسر جااااي وبقوة |
| الوقت المعتمد في المنتدى بتوقيت جرينتش +3.
الوقت الان » 02:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd