مساء | صباح الخير عليكم


اول شي مبروك الفوز والحمدلله نهاية موسم مشرفه لزعيمنا

بطولتين وغيرنا يردد يالليل


ندخل بالمهمـ لنا يومين وحنا نعيش اجواء مو طبيعيه

رايحيين جايين على المواضيع

تناقضات عجيبه غريبه كل من طق في راسه نزلنا موضوع

الزعيم يقترب والزعيم تعاقد

يا أخوان خلونا نكون واقعيين شووي ولا نكتب اخبار ماهي موثوقه

الملايين تتابع المنتدى يوميآ مابين اعضاء وزوار واعلاميين وقنوات اخباريه

يعني اهم شي يكون الموضوع يحمل المصداقيه والخبر اليقين

التعاقد مع الاعب المغربي عادل كان بتكتم كبير

تفاجأنا كجمهور بالتعاقد معه الى درجه انه ما اعلن عن التعاقد إلا قبل وصول الاعب بساعات



كفايه اخبار مكذوبه ومصادر غير رسميه

يعني خلونا ناخذ صحيفة قول اون لاين تقريبآ اغلب الاخبار اللي انتشرت بالمنتدى عن طريقهم

الان الامير عبدالرحمن بن مساعد وسامي الجابر ماجابو اي طاري لتعاقد مع اي من المهاجمين اللي ذكرتهم صحيفة قول اون لاين

وبالاخير نشوف انهم يتسيدون المنتدى بالاخبار المغلوطه واللي مالها من الصحه مثقال ذره

كل اللي نتمناه من المشرفين انهم مايرفعون اي موضوع منقول من صحيفه تكذب علينا كجمهور

اقل شي يحترمون عقولنا شوووي ولا يجلسون يكذبون علينا



كلمه اخيره ... الامير عبدالرحمن بن مساعد وعدنا ووعد الحر دين

واعتقد كلنا واثقين بأي شي يقوله

لذا خلوكم من الاشاعات وخلونا نتتبع الموثوق فقط لاغير


الله يوفق الزعيم وبإذن الله الموسم الجاي راح يكون موسم استثنائي وراح نشوووف زعيمنا اقوى وأقوى