السلام عليكم :

البطولة وراحت الحين نتكلم وشلون نصحح ..

الاتحاد السعودي قال نبي نشوت العجزة ونبني منتخب جديد والنهاية كانت بطولة عربية ..

طيب ليه مايمشي الكلام هنا ؟؟؟؟

الظاهر فهمتوا قصدي ..

الى الان وانا ماسك لساني والظاهر اني ابفلته

ما اقول الا الله لايبارك باللي كان السبب والله يفضحة قدام الله وخلقه ..

بالله عليكم ذا فريق ..

بالله عليكم هذولا لاعبين ..

اقسم بالله لو البطوله هذي يلعب فيها فريق من الدرجة الاولى حسمها من اول مبارتين ..

اقسم بالله لاعبين ( وحرام عليهم هالكلمه ) انهم رخوم ، داجين ، والله مايدرون وين الله حاطهم ..

نعنبوا بليسكم اذا ماودكم تفرحونا فرحوا رئيسكم اللي ماخلا شي ما وفره لكم بس الظاهر ما ينفع معكم اسلوب التدليع هذا ..

بلاتشي الله لايوفق من سماك مدرب ، نعنبو بليسك حطمت فريقنا الله يحطم كيانك ويحطم مستقبلك ..

لاخطط ولاتكتيك ولاتغييرات صح ، اللي جيد فيه تمزمز بهالزقاير عساها تصير تحميله بـ ..........

لا ومن زين الطبايع مرجعلي المسعري ولطف الله لايلطف حالك ..

واللي يرفع الضغط اكثر واكثر يقول ضياع البطوله انا اتحمل مسؤوليتها / غصبن عن امك انت اللي تتحملها اجل اللي يتحملها جدتي

( لطف والمسعري ) ماتصدقون على الله احد يناديكم تجون على طول ..

اذهبوا ( بالفصحى ) انتقلعوا ( بالعامي ) ضفوا وجيهكم ( عامي بحت ) geat out ( بالانقليزي ) الله لايردكم ، انتم اللي تجيبون الكلام لانفسكم ..

درجة الشباب مليانه لاعبين ورا المدرب مايروح عسى تروح روحه ويجيب لاعبين صح ..


ولا الاعبين

الدعيع / انت اعتزلت دوليا طيب ليه ماكملت حسناك واعتزلت محليا وتحافظ على سمعتك وتاريخك وانقلعت من الوسط الرياضي الله لايردك ، اقوال تدخل فيك لو انت ناشيء كان عذرناك ..

بالله عليكم هدف العروبه وهدف العربي تدخل في حارس القرن قل آمين عسى وحيد القرن اللي ياطا راسك

ولا ساس البلا سامي هذا يبغاله موضوع كامل ما اقول الا هب عليك،، مصاب وفيك شده تلعب ، ماتخاف ربك باللي سويته في فيصل الصالح ، مع ان هالاعب مانب اواطنه الا انه اصرف منك ومن اشكالك ، تمنعه من السفر مع البعثه عشانه رد عليك في التمارين ورفع صوته عليك ، قسم بالله انه مهوب رجال لو رجال كان فصخ الجزمه الله لايكرمك ودسها في ثمك


يا داجين هذي بطولة خليج يعني المفروض يروح الفريق الرديف مهوب الاساسي ، قسم بالله عيب ..

الحين نحاول ننسى البطولة الاسيويه اللي خسرتوها من فريق ماجا الا نصفه وغثيتونا بهالبطوله الله يغثكم ..

اجل وش بتسوون قدام العين والاستقلال والسد الله يسد انفسكم ..

ياناس ترانا نشجع الهلال مانشجع سامي ولا الدعيع ولا نواف ..

اللي يلعب زين نقوله الله يعطيك العافيه ، واللي يحرث الارض ويدربي راسه نلعن سنسفيله ..

اللي مهوب كفو يلعب ويحمل شعار النادي ، ترى باب النادي ياسع قطيع بعارين ..

واحسن شي انهم ما اخذو ولاشي غير البرونزيات حتى البرونزيات مايستاهلونها ، اللي يتاهلها العروبه العماني اللي قهر ينهزم قدامنا ..

لا احسن حارس ولا لاعب ولاهداف

ياسمو الامير :

التدليع مع هالاشكال ماتنفع ،،،، تبغى فريقك يمشي صح عليك بالاتي :

1- تشويت العجزه ( الدعيع وسامي ولطف والمسعري ) الله لايردهم ..

2- محاسبة المقصرين ولطعهم في الاحتياط الين يتأدبون ..

3- تمسك بلاتشي على جنب وتشوف وش قصة امه بيشتغل صح ولا كل ماضيع بطوله قال انا اتحمل المسؤولية ..




الله لايواخذي باللي قلته