المشكله مو في الرابطه فقط
فيه مشكله ايضا من اغلب الجمهور في الرياض وفي كذا منطقه ايضا
لابد تغييرون اخطاءكم قبل مطالبتكم بتغيير الرابطه
فيه عينه وللاسف غالبية من الجمهورمايخليك تشجع لو شجعت كلهم يناظروك يعني اسكت بالعربي
ان جبت رابطه وصوت حلو صاروا يسمعون
وان جبت رابطه سيئه يسمعون ويسبون
حضرت مباريات كثيره جمهور الرياض مثلا
مايتحرك ولا يشجع الا اذا سجل الفريق هدف
عند الهزيمه وجوده سيء للفريق ويكون عنصر مساعد لاي فريق يلعب ضد الهلال
وهذي هي مشكلة الهلال في المباريات الجماهيريه في الرياض
عندما يتأخر او يتعادل الهلال
وش هالجمهور اللي مايشجع الا اذا سجلت هدف !!
المطلوب من الجمهور مو الاهازيج
المطلوب شي سهل جدا جدا جدا ومايحتاج اي رابطه
تصفيق وتحيه لاي لاعب هلالي مهما اخطأ
المهم لاتصارخ على اي لاعب هلالي مهما فعل
وهذي مهمه لرفع الروح المعنويه والثقه في النفس للاعبين الهلال
ومطلوب الاستهجان على لاعبين الخصم هذي هي اكبر مؤثر على الخصم
والله هالثنتين انها ابرك من اي اهازيج
اللاعبين فاضين لك يسسمعون وش تقول
جالسين يركزون في اللعب
اذا ضيع لاعب هلالي فرصه وصفقت له هنا انت ما افقدته ثقته في نفسه
اما يضيع فرصه تروح تصارخ عليه وتلعنه في الملعب
بالله هذا تشجيع انت حطمته ووجودك يؤثر عليه اكثر من جمهور الخصم
اذا كنت انت مثل هالنوعيه اتمنى ماتحضر ولا مباراة
العدد في الحضور مو مهم المهم الفعالية والتشجيع ورفع معنويات الفريق
في الختام : اتمنى تغيير الرابطه وتغيير نوعية الجمهور الحاضر لانريد الا المشجعين
المتفرجين مانحتاجهم