السلام عليكم

الحمدلله اولا واخيراً على كل شي حصل من بداية الموسم الى نهايته ,


الحمدلله على نهاية الموسم بخيره وشره ,

الحمدلله على تحقيق بطولتين كافيتين في موسم شاق وكبير كـ هذا الموسم والسبب هي بكل بساطة هي

الظروف : - اصابات - رحيل المدرب - الارهاق وخصوصاً بعد كأس اسيا للعام الماضي .

طبعاً كلنا شفنا مباراة او (مهرجان تهديفي) و صراحة شكيت ان المباراة مباراة خيرية !!

مباراة نايمة بمعنى الكلمة !!

ومهرجان تهديفي !!

واذا شفتم مباراة ودية خيرية اكيد راح تشوفون مباراة نايمة وفيها لقطات او فاصل من المهارات ومهرجان اهداف .

لكن بمجمل المباراة هي ناايمة ! , واتوقع بسبب الحضور الجماهير !!

لكن بنظري ان المباراة نايمة لان الفريقين قدموا موسم شاق فأكيد راح تكون المباراة فيها ارهاق من الفريقين .

المهم


نجي لموضوعنا وهو يتكلم عن السلبية اللي تحصل في الادارة الهلالية , الا وهي :

الاستغناء عن اللاعبين الشباب ,

فالكلثم الهداف في دوري الشباب وكان ضمن جيل العابد والفريدي والدوسري ,

وعمره 22 سنة وهو هدآآآآآف لكن جاء القرار وهو اعارته الى الرائد , يمكن يعطونه فرصة , لكن مع احترامي للرائد فهو مايملك صناع لعب , ولعب عبدالعزيز اساسي اصلاً ؟! , والآن هو بالوحدة ماادري اذا كان انتقال نهائي او اعارة

فـ بدل من انك تدفع اكثر من 5 ملايين عشان مهاجم (اقصد المحلي) عندنا الكلثم وعندنا المؤشر والظاهر فيه لاعب نسيت اسمه لكن عائلته هي الفرج وراح لأبها

وطبعاً كل اللي ذكرتهم فوق , كلهم مهاجمين ومهاجمين هدافين لكن للاسف استغنت الادارة عنهم وهم شباب هدافين مااخذوا الفرصة , و المؤشر راح للوحدة والآن يلعب بالدفاع الهلالي وسجل هدف اقدر اقول عنه هدف جميل جداً !

وانا كتبت الموضوع حتى مانخسر الجهني والدوسري الدوسري (طبعاً واحد منهم هداف دوري فيصل بن فهد لهـ السنة) مثل ماخسرنا الكلثم والمؤشر .

ونطالب الآن بإرجاع الكلثم الى النادي , بالإضافة اعارة الجيزاني وليد . حتى ياخذوا الشباب فرصة .


الخلاصة:


نطالب نحن كـ جماهير هلالية اعطاء الفرصة الى اللاعبين الشباب المهاجمين وارجاع الكلثم (هو راح اعارة طبعاً) واعارة الجيزاني .

وعدم شراء اي مهاجم محلي .

وتصعيد فهد الجهني - و هداف دوري فيصل بن فهد مبارك الدوسري < على مااظن .

ولا تنسون احمد الحربي !!!



وآسف على الاطالة , تحياتي للجميع