|
يعطيك العافية .... بغض النظر عن انتقال ياسر او انتقال عيسى واحتى انتقال هوساوي لن اتكلم بالاسماء حتى لا ادخل في جدل مع المحبين والكارهين ومفردة كارهين هي مفردة عملية لكثير من الاعضاء واصبحت صفة ذات مباديء تميزت بانتقالها من مرحلة الاقوال الى مرحلة الافعال .... المهم تعالوا نحسب حسبة بسيطة لكنها قد تكون مؤثرة .. كم لاعب خرج من الفريق وكم لاعب سوف ياتي ... خرج ويلي +رادوي + احمد علي + لي يونغ + ياسر القحطاني او عيسى المحياني + امكانية خروج هوساوي + عزيز + البرقان + الخالدي + الجيزاني ... يعني لو حسبنا الاساسيين راح يشكلون نسبة 50 % من اعضاء الفريق .... اما القادمون : هرماش + العربي+ الكوري+ ايمانا + الشهراني بالاضافة للقادمون من الفئات ... فريق يتغير بنسبة 50 % في فترة اعداد تعتبر الاقصر في تاريخ فترات الاعداد الهلالية .... اضف الى ان المدرب ايضا جديد ... بصراحة الامر فيه تحدي كبير ... انا لا اقلل من حجم التعاقدات نهائيا بل اني من اكثر الفرحين والمترقبين لقدوم الموسم .... لكن لا استطيع رغم الفرح العارم ان اخفي مخاوفي من التغيير الكبير حتى وان كان فئة خمس نجوم .... التغيير بـ 50% من الفريق بحد ذاته يخوف فما بالك ان يقترن بمدة اعداد قصيرة وفريق لازال مشتت بين منتخبات الشباب والالومبي والاول ... الامر يحتاج الى عمل جبار من الادارة الفنية والادارية وحتى الجماهير الهلالية مطلوب منها دعم اللاعبين وخصوصا المحترفين القادمين مهما كان الامر في البداية ... كثير من الفرق الاوروبية الكبيرة لم تستطع تجاوز مشكلة تجديد الفريق وان كان بافضل النجوم العالميين .. ريال مدريد ... مان سيتي .. حتى بيشكتاش التركي ما قدر يتغلب على المشكلة رغم انه جاب خمسة لاعبين كبار منهم اربعة لاعبين برتغال يلعبون بفريق واحد هو المنتخب البرتغالي ..صدقوني موسم يخوف رغم اسلحتنا الفتاكة ..... الله يكتب لنا الي فيه خير يارب ويوفق هلالنا ... ويبعد عنا الاختلاف والشرذمة ويجعلنا رجال على قلب واحد من جماهير وادارة ولاعبين .... منقول من رد تواق البطولات في شبكة الهلال |
إقتباس:
وفرت علي الرد :s2: |
ياسر جـآء الهـلآل 2005 و خدمنا الـى 2007 من 2007 الـى 2011 و آحنى صـآبرين على ياسر و مأملين آنفسنا بأماني كلهآ سراب بعد كل ما تعرضت لهـ من ضغط و قهر و طفش و زعل بسـبب الهجمات الـضائعه من ياسر آتمنى أن ينتقل من الهـلآل لأنه و بكل بسـآطه مهب اللاعب اللي نتمناه مهاجم لـ فريقنا ولا اللاعب الكفو لـحمل شارة القياده |
ما بيسير انهيار من اللاعبين إلا بسبب المجاملات اللي تكال لـ هذا اللاعب .. شوفوا مشاكل النادي مع اللاعبين كيف تطورت وكلها في فترة ياسر .. ما نقول إنه هو مسؤول عنها كلها بس صدقني له دور كبير بسبب مجاملات الإدارة له .. ثانياً .. الإدارة اقسم بالله ما قصرت معاهـ في أي شيء .. مستوى منخفض من مواسم .. والإدارة ترفع فيه وتعطيه القيادة وتعامله معاملة خاصة وأكيد لها دور في لعبه أساسي .. وغير ذلك الجماهير ما قصرت معاهـ إطلاقاً دعم جماهيري مهوول جداً ونسمعه فالمدرجات دائماً .. ومع ذلك ما يحس .. أو يمكن يحس بس ما عاد عنده شيء يقدمه .. التاريخ فقط لن يحقق لك بطولات مستوى ممتاز قبل 4 مواسم ما راح يفيدك إذا تذكرته .. فـ والله إنها خطوة فالمسار السليم لو طبقتها الإدارة وإن شاء الله ما تتردد فيها . وأنا ما ادري وش فكرتك صراحة ً .. يعني كل اللي يقولون ياسر مستواه ما يؤهله يلعب فالهلال عقولهم فارغه وغير واعيه ..؟ واللي يرفعون لـ هاللاعب هم الفاهمين اللي عندهم بعد نظر ؟ قالها واحد زمان : النادي ماهو مقر خيري لـ ضحايا ......... الله يستر عليه ويوفقه لو راح وإن شاء الله يوقع نهائي ماهو إعارة بس |
جميل جدا........ من أجمل ما قرأت ... حقيقة أقرأ مواضيع كثيرة وأغلبها تحكم على عقلية كاتبها بالصغر ... ووالله قالها التمياط شخصيا :: والآن تأكدت من وجهة نظره قال: بعض جمهور الهلال:: ((عقلية أطفال)) !! فعلا أراها وبشكل منتشر جداً للأسف.. |
أنا معك في بقائه لكن مو لنفس الأسباب الي ذكرتها لأن مكان ياسر الهجوم و بالنسبه للوسط عندنا أكثر من أربعة نجوم وتحتار من فيهم كان أساسي في الموسم الي راح ولو رجع ياسر وسط إعرف أن نهايته تبدأ من تلك اللحظه لأنه سيتم المقارنه بينه و بين لعيبة الوسط |
كثر الحديث عن اعارة ياسر وانتقال عيسى ومجيء ايمانا الصبر ثم الصبر الايام القادمة معها المفاجئات |
يعطيك العافيه ع الطرح ،، لكن انا افضل اعارته احسن من بقائه ولعبه ف مركز مو مركزه ، وماتقارن ياسر ف سامي يعطيك العافيه |
ياسر يبي يروح إعارة سنه وراجع لا تخاف ياسر من النوعية الاحترافيه في تقبل الامور لا تخاف على ياسر ولا تخاف من تفسية الاعبين لانها لن تتغير بحول الله |
انا معاك في كل ماقلته كلامك صحيح وان شاء الله ياسر يرجع مثل ما كان بالتوفيق يا ياسر كلنا معاك ع الحلوة والمرة |
إقتباس:
كلااااااااااااام سليم |
يلعب صانع لعب على حساب مين ؟ نظلم لاعبين مواهب لعيون ياسر الاخله يروح وان شاءالله يجي اليوم الي اشوفه برا الهلال وبعدين الادارة ماراح تهمشه راح يروح في ملايين راح ياخذ 3ملايين من العين بسنه وحده والله يزيده بس اهم شي يطلع من الهلال ان شاءالله يروح ضمك اهم شي يروح ياخي لاعب خلا منتهي يلعب باسمه بسس لاكن داخل الملعب زيررررو شوف كيف يضيع فرص بالهبل مايضيعها واحد مبتدئ بالكورة |
الادراة ضد ياسر وهالشي واضح وهذي بعض الامثله : سكتوها لكل ما يحدث له في المدرجات سكوتها على اساءه خبيلان له وهو في معسكر المنتخب جلب لاعبين مهاجمين وكنها تقول يالله صرف نفسك ولكنها كانت خايفه من ردة الفعل الجماهيري فجابتها حبه حبه |
غريب ياأخي حذاري وانتبهوا وياسر ضحى لو تجمع رواتب الي في المنتدى من اول ماتوظفوا الين مالله ياخذ امانتهم بجميع فئاتهم كلهم ماوصلنا عقد ياسر حنا بعصر إحتراف وياسر يحتاج نقاهه خلاص يكفي تطييح وتسدح قهرنا ياخي والي مكتوب بيكون والله يكتب فيه الخير ....يلعب ببلاش هو ... كلام عاطفي شف وشلون لعب الغشيان والجابر والثنيان وسيرجيو بالاسويه بس شكلك من الجيل الجديد كان ماتقول ياسر ... |
لا هم نسو كل تاريخ ياسر وصارو يستمعون لكلام جمهور اليوم معاك وبكرا عليك.. الله يستر بس عوافي |
| الوقت المعتمد في المنتدى بتوقيت جرينتش +3.
الوقت الان » 11:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd