أبغى أحتفل .. ! - نادي الهلال السعودي - شبكة الزعيم

ابو ريّان · #1 20/06/2011, 02:16 AM

بسم الله الرحمن الرحيم

...

جبنا دوري وكاس

أبغى أحتفل ..

موسم طويل وشيل وحَط

أبغى أحتفل ..

مدرب راح .. مدرب جى ..

أبغى أحتفل ..

نص الفريق بالعيادة ونصّهم يبيله دكّه وركاده ..

أبغى أحتفل ..

انتقدنا ومدحنا ودافعنا ..

أبغى أحتفل ..

رفعة ضغط وفرحة قلب ..

أبغى أحتفل ..

حرب في الملعب وحرب برى الملعب ..

أبغى أحتفل ..

لاعبين في يومهم ولاعبين في نومهم ..

أبغى أحتفل ..

نتايج تاريخيه وأرقام إعجازية ..

أبغى أحتفل ..

ماتنام فرحان .. ماتنام زعلان ..

أبغى أحتفل ..

اركب طيارة .. أمسك خط .. من آخر الدنيا ..

أبغى أحتفل ..

أمسك سرى .. قص تذكرة .. دوّر كرسي .. فتّش يا عسكري .. قم اقعد ..

أبغى أحتفل ..

رد على فلان .. لاترد على علان .. بهتانxبهتان ..

أبغى أحتفل ..

ياحكم بلنتي .. يا لجنة إيقاف ..

أبغى أحتفل ..

ناس ماتشوفهم إلاّ وقت الرخا .. وناس ماتشوفهم إلاّ في المصايب ..

أبغى أحتفل ..

نبي طراطيع .. نبي شروخ .. نبي ألعاب نارية ..

أبغى أحتفل ..

نبي عريجا الرياض ماتنام ..

أبغى أحتفل ..

ابو فيصل ريس و وجه السعد نايبه ومديرنا سامي ورفيقه ابو ثنين ..

أبغى أحتفل ..

كاسن يلمع وعينن تدمع ..

أبغى أحتفل ..

...

أنا هلالي ..
ويحق لي أحتفل !

...

كما وعدنا الرئيس وموبايلي أرجو أن لاننسى أن نفرح ويتم التجهيز والتنسيق من الآن، وتحديد موعد تجتمع فيه العائلة الهلالية .. فلهم مع الفرحتين موعد !

.

؛!!"البلياتشو"!!؛ · #2 20/06/2011, 02:22 AM

الله عليك

لازم كلنا نكوووون صووووت واحد
نبغى نحتفل يا إدارتنا خلال اسبوع من الان

candle-99 · #3 20/06/2011, 02:22 AM

خوفتني .. قلت وش فيه يتريق ولا ايش

بس فعلا يستاهلون سامي وفيصل و اللاعبين

ياليت نحتفل معاهم .. تعبوا وارهقوا ونجحوا

ويستاهلون الإحتفال

هلالية العشق · #4 20/06/2011, 02:24 AM

موضوعك رهيب
فعلا نبي نحتفل وعندك اسلوب رايق
اي نبغى نحتفل

ميشيل بن مناحي · #5 20/06/2011, 02:30 AM

نبي نحتفل يا ادارتنا
ابطال غصب عن الراضي و الزعلان

اي صح ذكرت

نبي اعضاء شرفنا كلهم يحضرون الاحتفالية

يا فيه ناس لا شافوهم مجتمعين برتفع ضغطهم و يطرطعون

arwano20 · #6 20/06/2011, 02:33 AM

اسلوبك رهييب

بإذن الله نشوف حفل على قد المقام من الراعي الرسمي موبايلي

عبداللهF16 · #7 20/06/2011, 02:42 AM

ياسسسلااااااااااااام عليــك ايه والله نبي نحتتفـل تتكفــى ياشبيه الريـح خلنا نقهرر بعض البراميــل ونوريـها وشو الوضع الطبيعي والا من حقنا نحتفل بطولتين اللـهم لك الحــممد والمنـه ....

عـواااافــي يابعـــدي ,,,

R.o.y · #8 20/06/2011, 02:43 AM

ايه والله كلنا نبي نحتفل وياليت يكون بدري عشان محترفينا قبل مايروحون

سعوديه والهلال ناديه · #9 20/06/2011, 02:45 AM

عندي احساس اننا الاداره بتسوي احتفال رائع يقهر العذال

اللي فرحانين بالفوز

لكن اتمنى مايكون فيه غناء نبي شعر مسابقات

اشياء حلوه بعيده عن مايغضب الله

ابو ريّان · #10 20/06/2011, 04:02 PM

إقتباس

الرسالة الأصلية كتبت بواسطة سعوديه والهلال ناديه


	عندي احساس اننا الاداره بتسوي احتفال رائع يقهر العذال اللي فرحانين بالفوز لكن اتمنى مايكون فيه غناء نبي شعر مسابقات اشياء حلوه بعيده عن مايغضب الله

أحسنتِ .. جزاك الله خير !

...

مانبي رقص وحند .. مانبي دنفسه وشكشكه ..

أبغى أحتفل !

قهوه وهيل .. علوم رجاجيل ..

أبغى أحتفل !

قد جبنا هالكاس .. قد جبنا هالدوري .. وش محرق رزّك !

أبغى أحتفل !

سهلن تاخذ شي بس صعبن تملكه !

أبغى أحتفل !

يفرحون بفوزين و أفرح بكاسين .. شفت الطموح !

أبغى أحتفل !

صغير غرير محسوبن علينا .. يقول : مانبي دوري مانبي كاس !

مايبي يحتفل ؟!

لا قلتلكم مشكلتنا في جمهور ضرير .. يسمع الكذبه ويصدّقها !

أبغى أحتفل !

نبي هجوم .. نبي وسط .. نبي دفاع .. إيه ! ابو فيصل وعد

أبغى أحتفل !

فيه خطأ .. فيه صح .. أنا ناقد .. أنا فاهم .. أنت أحسن واحد .. بس !

أبغى أحتفل !

ياناس .. دموعهم تملا قربتين .. هذا له سنين وذاك له قرنين !

أبغى أحتفل !

أبحتفل .. وإن كسرتوا بخاطري .. أبسجد سجدتين لربّي ولغيره مـَ أنكسر.

حزن الدنيا · #11 20/06/2011, 02:56 AM

اسلوبك رائع اخوي...

بالفعل كلنا نبغى نحتفل واحلى احتفال كمان...

واتمنى تواجد اغلب اعضاء الشرف والاعبين القدماء...

وبصراحة اليوم فرحتي لاتوصف لمن شفت ابناء النادي واقفين في صفه وماخذلوه لمن احتاجهم في اصعب الظروف... اللهم لك الحمد...

Mjood _ Hilali · #12 21/06/2011, 06:29 AM

.

.
.

يعطيك العافيهـ اخوووي ..

نبغى نحتفل .. نبغى نحتفل .. نبغى نحتفل ..

.

.

brhomi · #13 20/06/2011, 03:04 AM

ان شاء الله نسوووي احتفال كبير يليق بنادي الهلال
مشكووور على الموضوع

هلول2005 · #14 20/06/2011, 03:04 AM

والله أنك صادق حصلنا على بطولتين وثالثة دولية ودية ليش ما نحتفل خلنا نقهر العذال
غيرنا ما حصل شي أو بس شي بعد ما الكل خلص بنزيمه والصراحة علينا جو يهد جبال

كدبــووري · #15 20/06/2011, 03:07 AM

اي والله نبي نحتفــل ،
نريح من هالمووسم اللي باقيله شهر ويكمل سنه

عوافي على الطرح