|
الشلهووووووب و نقطة ضعف الهلال مبرووك للزعماء الدوري بدون خسارة والكأس للسنة الرابعة على التوالي :s4s: .... هارد لكم الخروج من كأس الملك للأبطال .... راح أدخل في الموضوع بدون مقدمات وأتمنى ان يتم نشر كلامي في المنتدى الشلهوب ...لاعب يلعب في الهلال من 11 سنة تقريباً واغلب المباريات أساسي ...لكن اللاعب انا أشوفه مجامل كثير على حساب لاعبين أخرين. الشلهوب اغلب تمريراته مقطوعة وتكون مرتدة وخطرة على الهلال + لاعب لايجيد الألتحام وتخليص الكرة من الخصم+ لاعب لايجيد ضربات الرأس + تسديداته ضعيفة+ النقطة الأهم وهي لاعب لايريد أخذ كرة أصفر ويعتقد انه مثالي اذا لم يأخذ كرت أصفر طول الموسم !! <<<<جميع هذي عيوب وأتفاجأ انكم تسمونه لاعب موهوب ولاعب فذ والخ من كلمات التطبيل الي ذبحتنا من 11 سنة . نرجع لموضوع ان الشلهوب لايريد اخذ كرت أصفر <<كرة القدم فيها دهاء وذكاء يتطلب منك اخذ كرت أصفر في بعض الأحيان لمنع هجمة مرتدة او ايقاف الخصم لعدم بناء هجمة خطرة ...والشلهوب بنيته ضعيفة وتقطع منه الكرة وهو يراكض خلف اللاعب الي قطعها منه بدون مايستردها ولا يعمل فاولات تكتيكية لأنه مايبي كرت أصفر يفتكره عيب:rg: . ... انا سبق وكتبة قبل سنة عن الشلهوب بس الموضوع ماعرض >>يعني حتى النقد هو فوقه الي خلاني اكتب هالكلام الحين مباراة الاتحاد الماضية ومباراة أمس المباراة الأولى الهدف الأول الكرة مقطوعة منه واللاعب باولو جورج يمر جنبه وهو يركض ياخي مايبي لها فلسفة ضربة على رجله بدون أيذاء وبياخذ فاول وتنتهي الهجمة ..لكن الشلهوب لا دايم مسوي فيها ماخذ كروت. وركلت الجزاء او الهدف الثالث أتوقع مب متأكد ان تمريرة مقطوعة من الشلهوب!! وأمس محمد نور يقطع الكورة منه ويجر في نور لين قال بس وهو يطالع ... ياخي نور معه الكرة كلها ضربة في المفصل تنسيه أسمه تاخذ أصفر وهو يوقف مكانه . انا ما أشجعه على العنف والضرب لكن كرة القدم فيها اوقات لازم تأخذ كرت تكتيكي ..مثل الغنام مع زياية امس لم منع هجمة خطرة كانت يمكن تكون هدف على الهلال ..لو الشلهوب كان تركه يمر بدون فاول هههه. ... ا ... نواف العابد جسمه مثل الشلهوب لكن عنده قوة التحام وضربات رأس وتسديد قوي ولا يقول مابي كرت عيب هذا أصول اللعب. ... أستغرب من سامي أمس اخراج الفريدي المبدع والأبقاء على الشلهوب المتهالك صاحب التمريرات المقطوعة . اذا نبي ناخذ أسيا ونبي ننافس بقوة على البطولات لازم نترك عنا المجاملة. شارة القيادة تعطى للأعب صاحب الشخصية القوية والحماسي مب اللاعب الي كل مااحتسب الحكم فاول راح يقوله ليش مايصير ...مسوي فيها انا الكابتن وشوفوني اناقش الحكم. انا يهمني الهلال وبس الهلال الكيان مايهمني أسماء اللاعبين. انا مشج هلالي أشجع الهلال الكيان ما أشجع اللاعب الفلاني . بالتوفيق للزعيم |
ياسر مجامل على حساب عيسى الفريدي مجامل من قبل الإدارة الشلهوب مجامل من قبل الإدارة سامي مجامل من رئيس الهلال رئيس الهلال مجامل من اعضاء الشرف نادي الهلال مجامل من نادي الهلال ,, هل هو بحث عن أي خطأ .. هل كل وجهة نظر يجب ان تكون صحيحة !!! هل الشلهوب أصبح الآن مجامل لانه لم يقدم مستوى في مباراة او اثنتين !! هل نسينا اهداف وصناعة الشلهوب للأهداف .. هل ننتظر من الشلهوب ان يسجل ويمرر ويصنع ويقطع الكور ,, يكفي ان اللاعب لايشارك بمركزه الرئيسي ولم يلمح او يتكلم ان هذا المركز لايناسبه وهي احترافية منه وتضحية وتحمل لغضب الجماهير من أجل الهلال |
من هداف الدوري الموسم الي راح اذا جاوبت فاتمنى تراجع نفسك خلاص من هداف الموسم الي راح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
غريبة يا غالي هل هذا النجم الخلوق مجامل وهو كان اسير دكة البدلاء لسنه و بصراحه ابدع في الموسم الماضي و هذا الموسم لكن الهجوم لم يخدمه |
ياعمري يالشلهوب والله ان روحه بالملعب تساوي روح 10 لاعبين آخرين .~! :) يكفي انه هداف وبالمباريات الكبيرة ماتخاف على مستواهـ .~! ويسجل قدام الفرق الكبيرة الحمدلله .~! :) ماشاء الله عليك ياشلهوب .~! :) تحية طيبة |
وكل هذا على شان عجز يقطع الكوره من محمد كور البارح مشكلتكم يابعض الجماهير تركزون على شي صغير وتكبرونه وتقلبون بصفحات الماضي ياخي اكبروا عن هالمواضيع التافهه راي شخصي موضوعك تافه وكل واحد يخطي لك شكري ععلى حبك للهلال بس تفكيرك ماااااااش |
مشكووووووووووووور ... هذا كلام العقل والمنطق.. كفيت ووفيت.. صدق انك غيور.. بيض الله وجهك.. |
بيض الله وجهك. هذا الكلام اللي يجمد على الشارب. |
والله شكل بعض المشرفين هنا يحسبون أنهم مشرفين الكره بالنادي على غفله , يعني مايبغون أحد ينتقد ولا يتكلم وممنوع مواضيع ونقد ومدري ايش ويدافعون ويتحسسون من المواضيع هههههههه والأعضاء مع الخيل ياشقرا ماهنا زود صاحب الموضوع يتكلم عن الشلهوب أمس وواضح أصلا أنه كان نقطة ضعف !! واللي ينكر مددري وش نسميه صراحه كل الكوور تقطططع منه بعدييين يقعععد يلاحقهم يبغى يقطعها وش الفايده؟!! |
ســلامــأأأأت مباراة الاتحاد ماشفت كورة من الشلهوب مقطوعه ..! تصيد للاخطاء ولا تبي تسوي مـوضوع باللغه لعربية مالقيت الا الشـلهوب رح نم |
اترك عنك كل يوم جالسين تصفون واحد وصلت الشلهوب قل ان اخطأ او انه بعض تمريراته غلط وتسبب احراج لكن الحكم عليه بأنه خلاص آوت مايصير هذا الموهوب ولازال حتى هذا اللحظه |
اللي ينتقد لاعب بحجم الشلهوب مع احترامي له ما يفهم كوره ابدا وصدق سامي الجابر 10 |
إقتباس:
|
والله العظيم اذا شفت الشلهوب احط يدي على قلبي اخاف يعطونه الكورة ثم كالعادة تنقطع منه ومرتده علينا.!!!!!!!!! صراحة الشلهوب مع الاتحاد اككككككككككككس والف علامة استفهام.. الشلهوب كرات مقطوعة ويتفرررررج على لاعبين الاتحاد قسم مااشوفه الا يتفرج ولايفكر حتى ياخذ الكورة..! ليش كذا يامحمد وربي نحبك ونقدرك لكن مايصير الي قاعد تسويه..مستواك مدحدر بقووه.. لازم ينتبه لعمره ..صانع اللعب يكون مهاري وماتنقطع منه الكورة بسهولة بينما الشلهوب باسهل من السهولة تنقطع منه وتنقلب مرتده علينا.. لازم يراجع نفسة وانت ياكاتب الموضوع برافو عليك وماعليك من المطبلين جماهير اللاعبين ذولا ماهمهم الفريق همهم لاعبينهم المقدسين..وياويل الي ينقدهم ..لازم تطبل والا انت مندس ههههههههه.. ياليل الليل ماادري ليش مايتلفتون حولهم ويشوفون كيف الفرق تلعب وكيف صانعين اللعب يطقون لشلهوبهم اصبع. |
احترم وجهة نظرك لكن اتمنى ان تذكر ايجابياته هذا الموسم كامل ولاتنسى انه لعب محور يعني في غير مكانه شف جيرتيس يوم حطه بمكانه خلف المهاجمين وش سوى صار هداف وافضل العب انا باحط ياسر مدافع وبانتقده صحيح هذا الموسم موب زي ذاك بس لاتنسى وين حطوه بعدين بالنسبه لي ما يصلح في المباريات اللي فيها احتكاكات زي الاتحاد والانديه اليرانيه والاوزبكيه اوافقك اما غيره نبيه اساسيه بعدين لاتنسى هذا الموسم كل اللاعبين مراهقين |
| الوقت المعتمد في المنتدى بتوقيت جرينتش +3.
الوقت الان » 12:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd