|
أبغى أحتفل .. ! بسم الله الرحمن الرحيم http://files.alhilal.com/images/1026...3451006981.gif ... جبنا دوري وكاس أبغى أحتفل .. موسم طويل وشيل وحَط أبغى أحتفل .. مدرب راح .. مدرب جى .. أبغى أحتفل .. نص الفريق بالعيادة ونصّهم يبيله دكّه وركاده .. أبغى أحتفل .. انتقدنا ومدحنا ودافعنا .. أبغى أحتفل .. رفعة ضغط وفرحة قلب .. أبغى أحتفل .. حرب في الملعب وحرب برى الملعب .. أبغى أحتفل .. لاعبين في يومهم ولاعبين في نومهم .. أبغى أحتفل .. نتايج تاريخيه وأرقام إعجازية .. أبغى أحتفل .. ماتنام فرحان .. ماتنام زعلان .. أبغى أحتفل .. اركب طيارة .. أمسك خط .. من آخر الدنيا .. أبغى أحتفل .. أمسك سرى .. قص تذكرة .. دوّر كرسي .. فتّش يا عسكري .. قم اقعد .. أبغى أحتفل .. رد على فلان .. لاترد على علان .. بهتانxبهتان .. أبغى أحتفل .. ياحكم بلنتي .. يا لجنة إيقاف .. أبغى أحتفل .. ناس ماتشوفهم إلاّ وقت الرخا .. وناس ماتشوفهم إلاّ في المصايب .. أبغى أحتفل .. نبي طراطيع .. نبي شروخ .. نبي ألعاب نارية .. أبغى أحتفل .. نبي عريجا الرياض ماتنام .. أبغى أحتفل .. ابو فيصل ريس و وجه السعد نايبه ومديرنا سامي ورفيقه ابو ثنين .. أبغى أحتفل .. كاسن يلمع وعينن تدمع .. أبغى أحتفل .. ... أنا هلالي .. ويحق لي أحتفل ! ... كما وعدنا الرئيس وموبايلي أرجو أن لاننسى أن نفرح ويتم التجهيز والتنسيق من الآن، وتحديد موعد تجتمع فيه العائلة الهلالية .. فلهم مع الفرحتين موعد ! . |
الله عليك لازم كلنا نكوووون صووووت واحد نبغى نحتفل يا إدارتنا خلال اسبوع من الان |
خوفتني .. قلت وش فيه يتريق ولا ايش :ap: بس فعلا يستاهلون سامي وفيصل و اللاعبين ياليت نحتفل معاهم .. تعبوا وارهقوا ونجحوا ويستاهلون الإحتفالs13s :smilie47: |
موضوعك رهيب فعلا نبي نحتفل وعندك اسلوب رايق اي نبغى نحتفل |
نبي نحتفل يا ادارتنا ابطال غصب عن الراضي و الزعلان s13ss13ss13ss13ss13ss13ss13ss13s اي صح ذكرت :d نبي اعضاء شرفنا كلهم يحضرون الاحتفالية :ba::ba1: يا فيه ناس لا شافوهم مجتمعين برتفع ضغطهم و يطرطعون :s2::s2: |
اسلوبك رهييب :D بإذن الله نشوف حفل على قد المقام من الراعي الرسمي موبايلي :ba: |
ياسسسلااااااااااااام عليــك ايه والله نبي نحتتفـل تتكفــى ياشبيه الريـح خلنا نقهرر بعض البراميــل ونوريـها وشو الوضع الطبيعي والا من حقنا نحتفل بطولتين اللـهم لك الحــممد والمنـه .... عـواااافــي يابعـــدي ,,, |
ايه والله كلنا نبي نحتفل وياليت يكون بدري عشان محترفينا قبل مايروحون |
عندي احساس اننا الاداره بتسوي احتفال رائع يقهر العذال اللي فرحانين بالفوز لكن اتمنى مايكون فيه غناء نبي شعر مسابقات اشياء حلوه بعيده عن مايغضب الله |
اسلوبك رائع اخوي... بالفعل كلنا نبغى نحتفل واحلى احتفال كمان... واتمنى تواجد اغلب اعضاء الشرف والاعبين القدماء... وبصراحة اليوم فرحتي لاتوصف لمن شفت ابناء النادي واقفين في صفه وماخذلوه لمن احتاجهم في اصعب الظروف... اللهم لك الحمد... |
ان شاء الله نسوووي احتفال كبير يليق بنادي الهلال مشكووور على الموضوع |
والله أنك صادق حصلنا على بطولتين وثالثة دولية ودية ليش ما نحتفل خلنا نقهر العذال غيرنا ما حصل شي أو بس شي بعد ما الكل خلص بنزيمه والصراحة علينا جو يهد جبال |
اي والله نبي نحتفــل ، نريح من هالمووسم اللي باقيله شهر ويكمل سنه :( عوافي على الطرح |
اسلوب راااااااااااااااااااائع وربي رايق وأتمنى فعلاً من شبيه الريح وموبايلي تقديم إحتفاليه رائعـــــــــــــــــه للزعيم و جمهوره يستاهلون على كل ماحققوه هالموسم |
إقتباس:
أتمنى من الإدارة التنسيق مع موبايلي لإقامة إحتفال يليق بمستوى الزعيم حتى يغرق الحاسد ويعرف أن الهلال ليس غريق ومن حقه الإحتفال بعد موسم ناجح بتحقيق بطولة الدوري وكأس سمو ولي العهد وأيضا تحقيق بطولة دورة دبي الدولية |
| الوقت المعتمد في المنتدى بتوقيت جرينتش +3.
الوقت الان » 12:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd