وعليكم السلام ورحمة الله وبركاته ..


أشكرك اخوي ،، لكن معليش أي ظلم تحكيمي وأي كلام تقوله ؟؟ وش الظلم ومتى ؟ إذا سمحت تكلَّم بـ منطق وحدِّث العاقل بما يُعقل ، وش كان الظلم فيه ؟ الهدف صحيح وما فيه لا فاول ولا شي ، والتحكيم ما كان عليه ملاحظات ، يا جماعة امدحوا وسوُّوا اللي تبغونه نعرف كلّنا انَّا نفخر بـ فريقنا ولولا تشرُّفنا فيه ما كنَّا شجعناه ، لكن لا تطبّلون واختاروا الوقت الصحيح ، الحين أنت طالع من بطولة بـ نتيجة سيئة وتجي بعدها تطبِّل لـ الفريق !! معليش بس هذا مب الوقت المناسب لـ الكلام اللي تقوله !!

سامي يستحقُّ الشكر والثناء والتقدير على تحمُّل المسؤولية والعمل الجيد اللي قام فيه والتغلُّب على الضغوطات ، هذا شيء ما عليه غبار ، بـ غضِّ النظر عن أشياء سابقة ، لكن المستوى ما كان هو المقنع والمنتظر ، إذا كانت السالفة على شوط أو ثلاث أرباع شوط فـ الباقي وش نقول عنه ؟؟ الهلال ما قدَّم 90 دقيقة ممتازة ، والا السالفة تطبيل وبس !!

عموماً ما أبغى أطوّل في الكلام ويبقى هذا رأي شخصي ،، لكن إذا كان لاعب البلوتوث ( الفريدي ) هو نجم فريقك واللاعب اللي رفَّعتوا فيه ووصَّلتوه لـ السماء وهو ما يستاهل ، والأهبل العميري هو حلّ الدفاع والثاني الجيزاني هو حلّ الهجوم ، فـ سلِّم لي عـ الخيارات !! إذا ما صار صيف قوي ومختلف عن الصيف الماضي الفاشل بكلِّ ما تعنيه الكلمة ، فـ لا بطولات ولا هم يحزنون ، ورفعة ضغط وحرقة دم عـ الفاضي !! لكن أكيد الأمل كبير بعد الله في رجال الزعيم ،، لكن أوكي جيب لي صفقات قوية ، بس روح الفريق والقتالية اللي في الملعب مين يرجِّعها ؟!!!!!



بالتوفيق لـ الزعيم ،، لكن المعذرة الفريق ما كان يستحقّ الثناء ولا شي ..






يعطيك العافية
00000000000

ويسامحك إن شاء الله ،، بس معليش الله يحفظك ، إلا عارف انّ صاحب الموضوع يقصد نفس اللقطات اللي تكلَّمتي عنها ، لكن في القانون لعبة الرهيب ما فيها أيّ شيء ، كرة رضا تكر اللي صقعت بـ يده هذي اللي ممكن يكون فيها شكّ وماراح أعلِّق عليها بأنَّها قرار صحيح أو خاطئ ، أما كرة الفريدي فـ المعذرة ما فيها أيّ احتكاك ولا فيها مجرَّد شكّ ، ويا ليت تعيدين مشاهدة اللقطة ، وأصلاً والله المفروض ماحد يتكلَّم عن هـ اللقطة بـ صراحة لأنّ هذي كرة هدف حتَّى لو المدافع شات الفريدي في وجهه ، بعد إذا هذي مب قول وش يبغى الأبله أكثر من كذا ؟!!!

إذا كان التعليق بس على الجانب التحكيمي فـ أنا أشوف الحكم ما عليه أخطاء مؤثِّرة في نتيجة المباراة ، واللقطات نفسها كانت واضحة وصراحة ما يبي لها ، يعني لا ندوّر أعذار واهية !!

وإذا كان على المستوى فـ المعذرة اللاعبين لا كانوا رجال ولا كان فيه روح ولا شي !! مع احترامي وتقديري لكن هذا الصدق !! اللي يقول لي المستوى كان توب وكان فيه روح ومادري وشو طبعاً أحترم رأيه والاحترام لـ الجميع ،، بس عطني اللاعبين اللي كان مستواهم ممتاز ويستاهل اللي يقول له يعطيك ألف عافية وما فيه أحسن من كذا ؟؟ فيه أحد ؟!!!

في النهاية تبقى آراء ، والحمدلله الذي لا يُحمَد على مكروهٍ سواه ، وعلَّها خيرة والقادم أفضل بإذن الله ..
لكن نفس التساؤل بـ اعيده لـ نفسي ألفين مرَّة !! لو شفنا صيف حامي وعمل كبير من الإدارة ، طيب نحمد ربّنا ونشكره على كلِّ حال ،، بس الروح مين يرجِّعها ؟!!!!!!






يعطيكم العافية
00000000000