صباح الخير عليكم يازعماء

صباح الاخبار والعلوم الزينه واللي صراحه تثلج الصدر ...

من يوم سمعت خبر تعاقد الزعيم مع كالديرون وانا متضايق صحيح انه حقق مع الزعيم بطولتين

لاكن المتعه والفنيات اللي نعرفها عن الزعيم مفقوده ... مدرب جرب انواع واشكال الخطط على الفريق

ضاعت هوية الزعيم في تخبطات كالديرون

والحمدلله اللي جاء اليوم اللي نسمع فيه ان الادارة تقيل كالديرون


خلونا الحين في غوارديولا الزعيم


على كثر مافرحت في خبر اقالة المدرب إلا أن الفرحه تضاعفت لما عرفت ان سامي الجابر هو اللي راح يدرب الزعيم الى نهاية الموسم

بكل امانه كنت غير مبالي لمبارتنا القادمه مع الاتحاد لأني حاسب حساب تخبطات كالديرون

لاكن مع سامي اتوقع الوضع راح يتغير 180 درجه

هنا راح يكون لزعيم كلمه حتى لو كان الفوز شرفي يكفينا عن مؤامرات كالديرون

هي فرصه ومقدمه على طبق من ذهب ولو استثمرها سامي الجابر بعد توفيق الله وفاز على الاتحاد وتأهل

راح تكون تاريخيه لك يابو عبدالله بس نبي منك تزرع الثقه في نفوس الاعبين وبإذن الله الزعيم قدها وقدود


كلمه اخيره : لاتنسون يازعماء الدعاء ثم الدعاء

والله يوفق زعيمنا ياااااااااارب